生爺，生日快樂~

在我眾多的朋友當中，最沒機心、最福星高照、最爆笑、最可愛、亦是最靚仔之一的，是他了。我的師兄~ 冬生，生爺。

他雖個子較為矮小，但五官極為標緻，且英氣十足。曾有一次，與他在台北的夜店浮游，其中有間餐廳的老闆說他很有皇帝的相貌。我在旁邊。。。。那我不是等於太。。。。？！頂~

他賭盡台北大小水果盤場 (台灣的一種類似老虎機玩意兒)，亦係 Show Hand 高手，他一見到我，就會跟我說：「Victor，Show Hand 喔~~~~~」典型人馬座代表。

試過去 walk 的時候，有一間 Bar 的美麗職員寫了一封情信給他，在旁的我，「恨」得牙癢癢。到現在，有時他仍得戚的跟我說這件威水史。雖然，那位漂亮小姐好像比他高了一點點。。。。

他試過騎烈火戰車的時候，在一次意外中，撞至整個人飛彈出幾丈遠再倒掛在樹上 (真的，沒誇張。)，竟還清醒！！！！被救的時候，第一件事是問：「我塊面有沒有花？！」。。。。所以，他現在身上有多處疤痕，有時候，他會自豪的展示出來，彷彿在說：「像不像劈友劈回來？」

。。。。

他有很多古董錶，當中以勞力士最多。他非常喜歡將它們拆拆裝裝，裝裝拆拆，樂此不疲。很古怪！

回港後，我有幸是他唯一還不時有聯絡的朋友，生爺，你知嗎，每一次接到你的電話，每一次見到你，我都感到好開心。因為，你的語調、樣子真係好可愛！

生爺，11月26號，生日快樂！

並祝心想事成

勞力士越整越多

Happy Birthday

真 (淚) 的訪問

台灣女人一直所向披靡。自從在那裡生活過後，更親身感受到她們的精彩。

她們有著西方女人的豪放率性，同時揉合著東方女性的含蓄嬌媚。她們愛得徹底，完全奉獻。然另方面，卻八面玲瓏，心清腦明。

但再厲害，也逃不過情的一關。

看了張美瑤的訪問，更感到她們對愛的傻勁執著，情的傷人之深。

在台灣時曾在電影資料室看過她與他的一些故事。那時，柯俊雄還是來自台灣南部的小混混，咬著檳榔，帶著一絲邪氣的煞食俊臉，把當時得令的張美瑤徹底俘虜。在一起拍過幾部電影後，她們結婚了。婚後，她退出水銀燈下，為他相夫教子，可是，生性風流的他怎會就安於此？

聽聞，三十多年來，他在外胡天胡帝，生活亂七八糟，亦未曾盡力為她們的家付過責任，到不久前，她終忍不住，離婚了。最動人的是，在他選立委的時候 (那時好像已離了婚)，她還站出來為他拉票。到他選上了，她便悄悄歸返環境不太理想的台北住處。而他，卻依舊一如往昔，在外風流快活 (據聞，前幾年她因經濟問題而與他鬧上法庭。)。

但於整個訪問中，看不出她對她的一點怨恨。有的，是絲絲迥腸思念。主持問她：「若小柯回來找妳，妳還會接受嗎？」她眼珠彷似凝望無盡浩瀚，語帶無奈的只回了句：「。。。。是他根本不會。。。。」

他這樣子對她，超過一萬多天了，到如今，她還可這樣情重，嘆一句傻之餘，還嘆愛的毒人之深。解不了，也將永鬱著餘生的心，直至長眠。

節目結尾，主持亦作幾句勉勵之言，一路卻哭了。我看得出，老江湖的她，那咽哽，是發乎心底為她好友~ 張美瑤的不值，以及對她呵護之心。

照妖翻版

一向對肥谷冇好感。

尋日睇免費報，條友講嘅嘢真係冇水準到哩~

佢話：「想瞭解體驗吓時下啲人買翻版碟嘅心態，所以就去試吓買。」

嘩哈哈哈哈哈~ 唔係 fa？！

真係想問，佢做 o緊學術研究？！又，佢如果佢下次開部戲係講同性戀，咁佢咪要去試吓做基佬，瞭解體驗一下？！錯就錯，錯要認。錯成咁，錯晒，就唔好再掙扎再 ad 啦！咁都嗡得出？！教 Q 壞晒啲細路。肉酸~ 難得佢一路仲以食腦見稱。

認錯，或者唔出聲，有時比「嬾」醒「嬾」幽默嚟遮醜，喺度吱吱呱呱狡辯嚟得「漂亮」。

亦可睇到，唔少平時大義凜然嘅藝人假 X 到~

國基，生日快樂！

「你叫咩名呀？」
「Victor 呀。」
「嗨，Victor 哥。」
「Ai~ 唔好咁講！」

「你呢？」
「阿基呀。」
「嗨，基哥。」
「Ai~ 唔好咁講！」

不知何解，以上這段十一多年前我與阿基初相識時的對話，會是如斯深刻。大概，是因為大家那時的表情都很戲劇化吧。

我與他有著蠻多相似的地方，如彼此都屬快速之人，包括思想、講說話、行動。而且，大家的思想亦很合拍，也許，這是人馬座都擁有的特質。但，我倆連聲線及語調也相近，這就比較恰巧有趣。

他是無敵霹靂嘴，說話更絕核有 point。無論是小學雞式謾罵、古惑仔式開火仰或正經地辯 (討) 論，他的口才都屬上乘之選。我常說，喜歡講說話，並不等於口才好。口才好包括思想跟說話相配合、思維敏捷、有急才、懂得說話的分寸與及懂得甚麼場合說甚麼話等。基，就是一個口才很好的人。

他比我少四歲，但卻比我成熟。例如，他不是沒有脾氣，而且發起來，比誰都兇。但他能控制，很能忍，而且，很懂得適當處理。一個人是否了不起，往往從能否控制自己情緒上可看出。又例如，他唸他沒有興趣的圖書館資訊管理，加上這科惡哽難唸，沒得發揮「吹水」本錢，但他仍能順利畢業，而且，還以不錯的成績攪掂。

他的堅忍毅力，克苦耐勞，亦叫我佩服。做生意的他，經歷了多次風浪，如今仍能圪立不倒。一個男人，一人支撑著頭家，順境時，當然沒問題。要知他是否真漢子，就係在逆境的時候，能否熬過去。他做得到。

從相識到現在，我與他都維繫於君子之交，卻至少比水濃一點的感情上，這一點適當的距離，不遠不近，恰到好處，所以，這十一多年來，我和基連一次少少摩擦都沒有。

一段很舒服的友誼。

基，11月24號，生日快樂！

並祝心想事成

一對子女快高長大

Happy Birthday

死。住。唱，一點點~

死~ 紙棺材

政府為咗縮短輪候遺體火化嘅時間及減少燃燒時產生嘅廢氣，會嘗試引入外國相當普遍嘅紙造及竹造環保棺材。

殯儀業者反對喎，更係啦，咁樣樣，直接打擊佢哋利益嘛！

其實，佢哋駛セ嘈？！政府又唔係立法硬性規定一定要用紙棺材。而且，佢哋一樣可以將紙棺材嘅價錢定得有番咁上下。再講，始終都係獨市生意，駛セ驚？！

佢哋又話 oD紙棺材其實同一個大鞋盒無セ分別，叫人點接受到？！唉，以前啲人又夠接受唔到火化啦，睇睇而家，幾流行！

對先人，最重要係墓地，更重要嘅，係生前對佢哋好，其他，咩都係假~

住~ 公屋

住公屋，有人係真係有需要住公屋嘅。

至於，有 oD公屋單位出面係公屋，入面係私人樓宇豪裝格局，唔 X。佢哋將啲錢用嚟裝修得間屋靚靚，冇問題。

要 X 嘅係住公屋，但揸靚車、住公屋，但銀行有大把 cash、住公屋，出面卻有一層甚至幾層私人樓喺手嘅 X 頭！

更要 X 而又抵 X 嘅係政府！咁多年，點解都攪唔好？！有需要住公屋嗰啲又冇得住，已經唔需要住嗰啲，又可以繼續住。最 X 嘅係發咗達，但仲霸住個公屋單位嗰 oD仆街。DKLM！

唱~ Fly 笠 high

曾寫到，不少所謂明星歌星，不論學歷高低者，一開口，不理男的是否英氣俊俏，女的也不理多嬌豔美麗，均都言之無物，但甚麼都「囉」、「呢」等字眼又卻甚為豐富。如此，一眾俊男美女盡皆立刻變得庸俗不堪、俗不可耐。反感之情比對反感平常人更反感！

商台名嘴蘇絲黃炳容祖兒將英文歌詞 I'm proud to fly up high 唱成 I'm proud to fly 笠 high。容祖兒9乘9梗係之前唱 Fly 嗰陣，個 L 音收唔到又或以為要帶理落去個 UP 嗰度先啱至攪成咁。其實，個人認為講英文，溝通到就得，唔須要執得咁正。當然，衰得太表面太離譜好似容記咁，又真係抵打。

記得草蜢以前有一首歌~ Lonely，嗰三條友唱成：「Haaa~~~ ha~~~~ ha~~~ loNY~~~ 沒竭止 loNY~~~ 寂聊寂止寂寞時 loNY~~~~~」

。。。。

啲藝人，尤其係搵到嗰 oD，補吓啦！唔係剩係英文，仲有其他都要！唔駛一定要上堂，或搵人教。得閒蒲少 oD，睇多幾本書，甚至睇吓啲益智頻道~ Discovery Channel 嗰類，亦 okay。幫自己入吓貨，唔好剩係得個樣，名副其實繡花枕頭一個。

In Love With You

Regine Velasquez 張學友 - In Love With You


嗰時去卡拉OK 好鍾意唱呢首歌。

呢首歌難唱嘅地方係男女嘅主音同和音交換唱嘅情況頻仍，所以，我嗰時 (而家都係) 都只係唱主調。曾經有個女性朋友，佢唱女嗰 part 勁到呢，主音和音都唱到，而且仲拍得住原唱之一嘅 Regine。

講開呢個 Regine，佢喺自己嘅國家菲律賓好紅嘅，級數等於譚伯嗰隻。最近喺 YouTube 都有見到佢近期嘅表現，唱功依然厲害。但就走晒樣，變咗肥師奶。。。。

聽番呢首歌，諗番起十幾年前蒲 Kara 嗰時，嗰陣嘅歲月，真係醉生夢死，日日 walk，晚晚劈 (酒)，溝呀溝，炒呀炒，玩到做到天昏地暗，真係「極有意義」。而家，請我都唔制，好厭倦，而且，亦頂唔順。

頂唔順，唔係因為老 (我先得嗰廿零歲)，而係 quota 已經用晒。

嗰時亦曾經有諗過，如果第日結婚，會用呢首歌做婚宴主題曲。

。。。。

地鐵驚魂 (一)

近日坐地鐵，又見到幾樣令我好有感慨的畫面。其中兩樣，一年多前曾寫過，今再整理一下，以抒牢騷不滿，再與之後將會寫的其他幾樣湊成地鐵驚魂系列。

(香港) 地鐵內的眾生世界，要比其他交通工具如電車、巴士和火車等來得精彩百出，細膩「動人」。原因無他，地鐵內，無風景看，又無聲色俱全的電視沿途伴你，加上座位彷如為互相觀摩，以解君悶而設計，兩邊對峙，中間更加插不設限的企位~ 一副困獸鬥格局。。。。這，使得你我他一眾凡夫俗子每天都在內既上演又觀賞一幕幕的塊肉餘生。

習慣了在外時聽 mp3，很喜歡。尤其是在地鐵內。聽著與現實亳不相關的歌，冷眼 (盡量地) 看人生百態，會發現很多令你心情滲出各種味道的情景。

坐在我前面的他大概二十出頭吧。首先讓我注意到他的原因，是他不斷揉搓著深深凹陷，已黑得像營養不良的雙眼。

樣子看來，應該是輕度智障的一位年青人。他一頭本身已黑漆漆的頭髮，因久未沖洗而顯得更烏黑發亮。穿著稱身得不可再稱身的運動衣和牛仔褲，污漬斑斑，可知它們已有多天沒進入洗衣機內。

突然，我感到好可怕。他本來呆呆鈍鈍的眼神，竟透出無盡疲累。。。。我還可感覺到內裏也蘊藏著在他這年紀所不應有的滄桑。

前面一袋一袋包裹，是每天他工作的唯一夥伴吧。

一個站又一個站。

坐在這孩子身旁的那位中年婦女，不時不屑地經常望向他。

嘿。真是好笑~ 那個八婆。

孩子，你不用理會這些人的眼光。你，有一份正當工作、屬於自己的職業、擁有自己的尊嚴。那些歧視你的人，只代表他們的人格劣質。另外，要告訴你，比起很多含著銀匙出生的紈絝子弟或時下很多跟你同年的年青人終日只懂吃喝玩樂、渾渾噩噩，你已經爭了氣，已經很了不起。

天蠍座~

一切對我的詮釋

迷人、過人風情、痴醉味道、磁般魅力、陰沉、復仇心強。。。。

好與壞，

我根本毫不在乎~ 無人能擋

選擇了孤芳自賞的我

天生就是最纏綿

最迷人

最性感的探戈

「日與夜，寫一點」

廿二歲，唔少廿二歲或廿零歲嘅人做 o緊セ呢？好 oD嘅，只係混混沌沌唔知做咩。衰啲嘅，碌爆咭走去飲飲食食去威去買嘢兼周圍 weewee wetwet，因為咁，每月冇錢還，齋還最低還款額仲以為好威。但亦係混混沌沌，唔知自己做咩？！

當然，其中亦有唔少例外者，除咗勤奮好學，上進，仲有目標、理想。而更難得者，係除咗咁，仲會趁著自己青春，向著自己其中一個理想，即使途中飽受多少白眼，經歷一次又一次的挫折，仍鍥而不捨，披荊斬棘，為著它擇善固執。

Stackey，就係如此的一位有為青年人。

一路有同史德基聯絡，大概知道他今次出版的大作的過中辛酸，我曾經也被他的毅力及擇善固執而深深感動。

今天，他的處女大作~「日與夜，寫一點」終於出版了，真替他高興。恭喜！在他手中接過他所贈的這書，完全感受到驕傲與喜悅。

寫小說，個人認為最重要的是個人經歷，Stackey 他才廿歲出頭，而能寫出其小說中的情感，可知除才情洋溢外，更得見其難得之處。其中之一難得的是，如他自己所言：「他喜歡反思。」

這裡，有他與它的一點介紹。

Hum。。。。廿二歲嘅時候，我又做 o緊セ呢。。。。

管絃樂慈善楝篤笑~ Danny Kaye

Danny Kaye: Aida's Triumphal March


去年曾寫到，有一次上堂看的音樂錄影帶使我笑得天翻地覆，後來我更請那位教授錄一盒給我。

回港後，我把它再錄在碟上，但可惜那時未有 YouTube，亦未知有 Blog，故未能公諸同好。昨天，又看到詹瑞文的管絃樂楝篤笑廣告，於是又試試去 YouTube 找，結果，終於找到那個1980年由一代 Stand - Up Comedian~ Danny Kaye 所做 (創作) 的管絃樂慈善楝篤笑其中一部份。

我常說到，張達明，一 oD都唔好笑，不知所謂。葛民輝，未入流。許冠文，out 到離譜，所說的硬笑話，聽見都真替他辛苦為他著急。林海峰，勉強 okay。黃子華，有深度但始終總係好像欠了些欠了些差 o緊啲差 o緊啲。只有一個詹瑞文，我認為先係 Ball。

但，現在已大打折扣。當然，我深信他今次這個管絃樂楝篤笑，仍是會很好笑的。

幸福滿足其實可以好簡單~

Air On The G String

昨夜的渡輪上

天星碼頭、皇后碼頭~ 別了。

本來有好多關於「她」的說話要說。。。。中環，我剛剛在哭。

飲番杯吧

很多時候，靜下來，一個人去喝杯咖啡或酒，本來還以為沒有彎轉的惱人問題、困擾，往住隨著喝進肚裡的那一杯一樣，消失。

一切，都迎刃而解。

走在如斯人生路，嬉皮笑臉又一生~ 珍惜生命

點解咁唔珍惜生命呢？！

自殺原因有好多，但好多都唔駛去到自殺！為工作而自殺就更傻，更可惜。

坊間教人看開點的方法，今日各大要 $ 報免費報已列出一大堆，不贅。想講吓我自己嘅心得。

老細，上司，唔駛旨意亦唔好冀望改變佢哋，嘥氣體。所以，唯有亦只能夠做嘅，就係改變自己嘅心態。

如下：

有賭未為輸，希望在明天：一日未死，仲要加咁後生，大把世界啦！而且，啲偉人好似姜子牙、勾踐、希特拉同毛澤東咁，都係衰咗好多次先理想達到 (仲要係每次都衰到好貼地嗰種)，我哋雖然係凡夫俗子，但都冇理由衰一次或幾次就自己攪掂自己咁蠢！再講，您又點知自己唔係偉人呢，如果您咁快自己 Game Over 嘅話！

唔要蝕本：老豆老母揼咗咁多金錢心血落自己度，就咁死咗佢？！喂，唔抵喎！

誓死頑抗，戰士 lau 揪：拎番自己喺屋企您駁老豆老母嘴和喺學校同阿 Sir，Missy 攪對抗嘅鬥心出嚟，同啲令您感到絕望嘅仆街老細，上司抗爭到底。老友，係佢哋攪 Q 您，對您唔住 ga 嘛，咁有セ理由死嘅係自己？！即使唔咁侵略性唔咁 lau 揪格，唔攪對抗，被炒算數或自己唔撈，咁，起碼要自己活得更好！對住自己憎嘅人，第一首先要自己活得好，跟住先可以活得比佢好，再跟住先能夠山水有相逢、睇佢點死、仇未報只係時辰未到。

貴族氣質：貴族，死後要有陪葬嘅。佢哋未死，您死嚟做セ？！

心要黑：想死嗰陣 (或平時) 只要諗，大把人折墮過我啦 (事實又係真嘅)，人哋都唔去死，仲積極咁去面對去 fight，咁自己點解唔得？！我以前有個朋友，佢條命，搵一次錢呢，就會仆三次街 (約數) ga 嘞，但佢仍然笑住話：「咁都好過有 oD人冇得搵都照扑吖！」See？！在乎觀點與態度！

阿 P 精神：P 喺 Q 之前。東家唔打打西家，天生您才必有用。oD老細，上司唔識欣賞您，係佢哋嘅損失。大家記住啦：「係~ 老細/上司，你有權選擇我；但老細/上司，我都有權選擇你~」

貪得無厭：只要諗吓，您嘆夠喇咩？！死咗之後，咩都嘆唔到 ga 喇。冇酒飲冇煙食冇機打冇拖拍冇愛造冇 K 唱冇 Blog 寫，好冇意思啫？！仲有，自己仲有好多嘢未玩過未試過，死咗佢，咁，您對唔對得住貪心？！

唔係一了百了，有手尾跟：梗係唔係您啦，您都自殺死咗咯假設。講 o緊嘅係您啲屋企人。知唔知處理呢 oD嘢係好 X 煩嘅一回事？！要到現場認屍去落口供再攪一大輪如喪禮出殯等等等等，故此，只要掉番轉頭想，就自然會明白。而且，您父母仲大受打擊而病倒，重則仲可能會神經失常。您自殺死，一世。但您父母呢，仲有大半世！！！！

最後，試吓咁諗啦，人，千祈唔好只得單向思考。根據心理學統計，大部份自殺的人都係屬於這一類人。例如，如果財閥四眼超人係呢種人，佢會點走上自殺之路呢？佢會諗，我而家七十幾歲先得嗰幾百億身家，又禿頭又唔靚仔；蓋茨而家先得嗰四十幾歲，就有千幾億美金家產，仲要冇禿頭兼靚仔過我。。。。我都係死咗佢咯。

總之，一切在乎觀點與態度。講住咁多。

記住，山水有相逢君子報仇十年未晚仇未報只係時辰未到留得青山在那怕沒柴燒臥薪嘗膽活得比佢好皇子復仇記莫欺少年窮柳暗花明又一村苦盡甘來行到水窮處坐看雲起時大器晚成，都要珍惜自己，珍惜生命先享受到！！！！！

鳴謝 PK _ 兄於留言中介紹的一首歌。很有意思。

邊緣回望 試聽

「造」足100分~

每年無記頒嗰啲所謂セ獎 o物獎，除咗少數 (極少數) 係真有信服程度之外，其餘嘅，真係假到無倫，造馬造到九彩。

最攪嘢兼侮辱係大肆宣傳觀眾有參與權，肉麻骨痺咁話觀眾嘅投票能影響結果。事實係，佢睬你到傻。但唔知點解又會有咁多人投入 ga 噃？！

唔講當你傻仔搵你老襯，唔講造馬不公平，無記嘅誠意同水準，亦令人失望到暈。

要講嘅係最近佢有個選舉其中有一項係選好似叫咩最有意義嘅節目，有幾部資訊、教育性嘅入圍，講到呢度，冇問題，但嚟 o緊嘅，有問題，就係 15/16 竟然有份？！！？？唔 X 係 fa？！

最好笑仲「嬾」認真「嬾」煞有介事咁搵咗鬍鬚咸濕劉、我好鍾意嘅 Hello Kitty 葉同其他幾個包括所謂嘅太平紳士等做評審。。。。COW！簡直侮辱咗佢哋~

嗰個太平紳士仲話，呢個節目係要符合幾點，大概如下：有教育意義、要影響深遠、有啟發云云，喂，15/16有幾呀？！一啲都冇啦！唔好話我聽一高一矮講嘅嘢包括以上幾點呀。如果係，我驚喎！

無記，為你「造」足100分~

謝八婆，安心西去~

近日，有一種不好受的感覺。

上一代疼我的長輩，一位一位相繼去世，差不多走清光了。接下來，很自然到雙親。。。。一想到這裡，很害怕。

兒時住的地方，每户平排，外面一條長走廊，每家都像親人般親切、熟落。其中，與謝八婆的一家更親如親人一樣。

在她的孫子倫仔還未出世時，她待我直如她的親孫兒。她常常揹著我去飲茶，又買玩具給我玩，被爸爸媽媽打，她又抱著我，把我包庇在她的家。

到倫仔出世後，她教他叫我巔仔哥。從小到大，我同倫仔就如親兄弟。及後，原本住的地方要拆卸，各家四散東西，再到他們移民，但我們兩家都維持著密切聯繫。

前陣子，已得知她入了醫院，情況危殆，今天，收到消息，她走了。

享年90歲，得此高齡而去，是笑喪了。謝八婆，請妳安心西去，妳的孫兒、孫女已長大，很懂事。倫仔，恩，不要傷心，她只是搬到另一處地方，也許叫天國的地方住吧了。

謝八婆，妳老頑童般的可愛，把我如妳的親孫兒般疼的愛，我永遠不會忘掉。願妳走後，化做幻彩般的極光，通往天國，在那裡，安享著幸福的永生。

More Time ~ More Pleasure？

More Time ~ More PRESSURE？

More Time ~ Less Freedom！

:D

Born Free ^~

講邏輯之最佳反面教材暨論人渣之最佳樣辦

成個幾鍾嘅 speech 唔係喺台灣人面前，對國機要費案當中嘅疑點逐一予以合理反駁嘅說明會，而係一個無賴厚顏無恥 (超級加強版) 嘅顛倒邏輯混淆是非概念滑轉訴諸情緒嘅狡辯 (鳩嗡)！(詳見昨日各大報及電視。不贅。) 越辯越明~ 佢有罪。

除咗已預知佢會厚顏無恥，繼續強姦現在的位置，不會下台之外，同樣得人驚 (可笑) 嘅係民進黨 oD人竟然因為無賴掌握了大量嘅黨內秘密及與黨中高層要員有著千絲萬縷嘅莫大關係，亦短視地為咗民進黨嘅執政、團結，成班人竟然繼續包庇。

呢班人，就係當初為咗反國民黨嘅專政、貪污、腐敗而組合嘅一群。不到廿年，腐爛之迅速連國民黨共產黨都給比下去。素質之「佳」，無出其右。

還有一個多月便舉行的台北市、高雄市市長選舉，台灣人呀，請你們拿出你們一直引以為傲的一人一票選舉投票權，以及証明台灣的高質素文化不是浪得虛名，十二月的兩市選舉，用選票去令無賴與及無恥腐敗的民進黨一敗塗地；也讓他們知道，你們不是傻瓜。

寫在後面：

香港人沒有選舉權，投出我們的心目中想要選的人。但我們的上街示威，卻可令高官甚至特首下台 (換人)；台灣人可以一人一票選出自己心中的理想人選，然而，卻竟不能透過上街示威令被他們選出來的人下台。。。。

世界真好笑！古靈精怪！

中國人，你的名字是否叫荒謬？！

「文華商場」~

冇咯~~~ 冇咯~~~~ 冇咯~

左邊因夜景加遠望所以唔覺庸俗核突嘅一張專登擺喺頭，唔想擺跟住嗰兩張喺先，因有毀 Blog 容。

文華自去年8月中暫時關門翻新，於前兩個月終再開番。之前已聽說文華的翻新，整座將會以全玻璃幕取代舊時嘅有露台外觀。終於，出嚟嘅結果，一個字~ X。

翻新，係唔係一定要將之前嘅設計消清滅絕？！唔可以只係修葺保養嗎？！最慘係新整出嚟嘅又完全不見得有何可取之處！咁不特只，仲要完全冇 taste 可言。大佬，呢啲咁嘅外形，全香港全世界通街都係啦~ X！

文華以前嘅外形，獨一無二，就係因為咁，先有佢性格，特別吸引力。但現在嘅文華酒店，同啲商場大 Mall 有セ分別？！用晒 oD例牌 design 好似又係玻璃幕牆之類呢啲咁嘅校服式外表，以為咁就叫進步，融入大世紀潮流，簡直冇文化冇性格兼膚淺之至！

等於而家嘅香港一樣，拆呢樣拆嗰樣，取而代之的是清一色校服制建築，冇晒自己性格魅力，就好像一投其所好沒有主見欠缺獨特個性嘅女人 (男人)，咁仲會有吸引力，受人青睬嗎？

最後，唯一安慰自己嘅係，好彩佢裡面冇點變，而且，我嘅御用洗手間仍在，亦冇改到鬼五馬六。這於都市怱怱穿梭間，在萬一極須一之快時的我，仍有一「安身立命」之「所」。中環，也許在舊天星小輪煙沒消失之後，依舊是可愛的。阿彌陀佛。

「小東東」，生日快樂~

「小東東」，一位相貌與年齡成反比的男人。

在讀書時認識這位朋友。他那時唸惡啃的德文系，我與他的相識，緣自我的「蕃梘 (肥皂)」外交。

那時大家住在宿舍，我經常在房間門口傾電話，在走廊上，經常見到一頭大身細，但胸骨異常強橫的「初中生」冷冰冰走過。他給我的感覺活像卡通或電影內，穿著校服，終日神色凝重的天才兒童。所以說他是「初中生」。不過，奇怪地，他的樣子又很兇 (這可能和他那一雙進化到極至的單眼皮有關)，與前所述的「初中生」外表完全相反。故此，在好奇與及怕被他打的情況下，而想同他做朋友的大前提之下，有一次，我脫光了衣服去他房間問他借蕃梘。一問之下，發現他原來是懂得對陌生人待人接物之道和非常友善的。

就這樣，在「蕃梘外交」之下，我和他成了朋友，經過十幾年的進化，成了一年大家找大家一至三次的深交。這十幾年中，彼此有著朋友應有，其他一般人與朋友應有卻沒有的經歷。讀書時，在社團內，他是我的最佳幫手~ 例如我們試過合力對抗外族。社團外，他是我的最好同學兼朋友~ 記得有一晚我在宿舍喝醉了，深夜弄醒他，一邊放煙花一邊說心事。

畢業後，大家見面少了很多。不過，有時的大時大節，或平常的日子，都會出來一聚。雖然，每年只見不超過三次，但卻是一件好事，因為，見得多，會受不了他的某些脾氣、性格，他有些性格，扑街得很 (如經常挑戰朋友的容忍底線)。可是，我只好把它們當成真的表現。同樣，他也受不了我的古怪、脾性 (但不扑街 XD~~~~)。換過角度說，其實，彼此都接受到彼此的缺點，欣賞到雙方的優點。而且，又很合得來。不然，在一起的時候，也不會那麼水乳交融。

東，11月4號，生日快樂！

祝快高長大

Happy Birthday

程霜，Hap Hap Hap~~~ py Birthday To You~~~~

。。。。喺 Blog 上嘅佢，撲朔迷離就如佢嘅名字~ 程霜一樣，唔知以為佢係女仔。至少唔知佢係男定女。原來，佢係男仔 (男人)，仲係大哥哥嚟！！！！再唱一次：「香蕉變出香蕉船~~~ 船上面有一排歡笑面~~~~ 多可愛~~~ 多康健~~~ 齊齊共唱歌謠聽得見~~~~」

大哥哥程霜嘅真身同佢喺 Blog 及留言 & 電話度嘅差異極大。佢原來並唔係陰陽怪氣。而且，佢仲好成熟滄桑，零星絲絲白髮外表做型，更令佢加添幾份 Cool！但，佢仍保持住青少年嘅銳氣同寸，未有淪為老油條，難得！說話、唱歌時更還中氣十足，勁！

想像不到，一向文筆細膩溫婉，做土木工程嘅程霜，並非一名書凱子。佢除了外表是那麼滄桑，言談卻是如此的豪情洋溢。而且，他說話的有趣程度和他在各方面的知識，會叫人意想不到。更意想不到的，是他那水平甚高的歌喉！小 Di Di 我自問歌唱造詣甚高，且聲線一絕，但大哥哥佢有一項本領，直令小弟我甘拜下風，就係佢唱和音嘅絕技！須知道，唱主音並唔係咩難事，唱高和音及低和音先難先考起人。我同佢唱難為正邪定分界嘅時候，佢第一次唱就竟然唱到高潮嗰 part 嘅全部和音，堅！

無論係講說話抑或唱歌，佢都字正腔圓。將其中嶺南廣東嘅味道自然地完全帶出。唔似嗰個邪音大師何文匯咁作狀突兀。建議政府換人。

屬打 Golf同飲紅酒發燒友兼專家嘅佢，更喪係同佢落 Bar 飲酒嘅時候，佢話：「Um。。。。唔係咁想飲酒。」跟住：「Long Island 唔該。」

。。。。而且，仲可一飲多杯！我發現，到現時為止，唔計我呢個過氣酒聖，Blog 友有三大飲得之人~ 酒膽一流同速度驚人嘅酒魔 Sunshine 同大酒罈程霜。得人驚！(還有一位，heee heee，係~~~ 好靚，謎一樣嘅~~~~ keee keee~)

程霜，理科菁英卻難得擁有文人浪漫感性情懷，並於字裡行間明白到其多愁多情但不乏樂天之本色，最重要係加上他是一位朋友的前輩，以上優點，問您點頂？！魅力是沒法擋~~~~~~

Uncle 程 ^~，11月4號生日快樂！

祝心想事成

Happy birthday

人生氹氹轉~

這幾日發生了一些事情，再想到，人，無論幾忍得，仰或有多大脾氣；多失望仰或多無奈，還是怎麼樣，最緊要係，看得開。

想起一首歌的其中幾句~

「氹氹轉，氹氹轉，氹氹轉~~~~ 人生好比轉住個圈 (飽過又肚餓病過又復原) ~ 無窮斷，無窮斷，無窮斷~~~~ 春去夏至朝起身夜睡眠~

氹氹轉，氹氹轉，氹氹轉~~~ 時間一分一秒仍在轉！明明見你在這裡，已經轉到嗰邊，每一刻都有改變。

氹氹轉，氹氹轉，氹氹轉~~~~ 人生好比轉住個圈~ 無窮斷，無窮斷，無窮斷~~~~ 飽過又肚餓病過又復原 (分散又見面月缺又月圓)~

氹氹轉，氹氹轉，氹氹轉~~~ 時間一分一秒仍在轉！明明見你在這裡，已經轉到嗰邊，每一刻都有改變。」

氹氹轉。。。。氹氹轉。。。。氹氹轉。。。。氹氹轉。。。。

看化，還未！但至少，看淡已是必然。

盡量做一個好人；盡力過好每一日；在應認真盡力時認真盡全力；其他，就由那他媽的祂吧。沒有甚麼大不了，反正，人一生，在無窮無盡的宇宙混沌來講，只不過是短暫怱怱的一秒一剎那。一百年一千年以後，又如何？！

試聽

獅心人命

昨日下午看到明珠台一個講野生動物的節目 (一向好鍾意看這類節目)，一頭雌獅和一頭小羚羊，在解不開的謎之下，竟然一起生活。更奇怪的是，那隻雌獅為了「收養」那隻小羚羊，自一起的那天開始，連續十多天不去捕殺獵物。而小羚羊除了因飢餓所以有時要離開一下，找同類的母羚羊去吃奶外，牠都接受著牠的收養，形影不離。可惜，每次當牠要這樣做的時候，雌獅都趕走羚羊群。

結果，雙方都因大家反常的情況而弄至身體虛弱。

到某一日，雌獅如常帶著小羚羊四處飄零，去到某個地方，雌獅見安全，於是便放心讓牠離開自己視線範圍，突然，「吼！」的一聲 (那鏡頭，如今仍歷歷在目，非常震憾！)，一隻雄獅殺了小羚羊，並把牠拖到不遠處進食。

雌獅很徬徨，又害怕，只有眼白白看著。最後，牠能做的，只有舔著、嗅著小羚羊被那頭雄獅所殺，拖著而留下的那條血路。

只此之後，那頭雌獅再前後分別「收養」了五隻羚羊，之後，便失蹤了。就連那位動物學家也找「她」不到。

很反常、很玄妙的一個真實故事。

也許，如我們一生之中，一些曾出現過，卻又消失了的朋友或戀人一樣，大家在大家的人生中，只為著註定的安排而在彼此的其中一頁劃上幾句。在完成這使命後，一切，便全歸於無，您與我都在雙方的週遭，自然消失。

灰飛煙滅。

醉人情景~ Eternal Flame

The Bangles - Eternal Flame


冇得講，好聽、好靚、好 Feel 加自己對呢首歌有屬於自己嘅故事同感情，係我最愛歌曲前五名之一。

中間純音樂嗰段。。。。長途機上，機艙關上燈，一個個窗口，大多數也都拉下了遮光層，兩邊的機窗，偶爾有一兩扇開著半邊或微微留下一絲空隙，九宵外的金箭透入，看到可愛的塵埃飄動跳盪；空中美麗的小姐好似天仙般一邊慢走，一邊細心的看著乘客；我喝著酒。。。。中間段純音樂，好像是結他又好像是鋼琴。。。。

呢個畫面，一聽到呢首歌就會再浮現。甚至，都會經常發夢夢到。

Sunshine，Welcome To Hong Kong~

今日同嚟自一年前喺 Blog 認識嘅星洲三寶之一~ Sunshine 去咗一些我喺香港最喜歡嘅地方。感覺好好！好 High！

Sunshine，實在估唔到您係一個咁Q過癮嘅人，同您切磋，真係他媽~~~~ 的高潮迭起！等12月14號您生日，我再詳細將您寫下。

好高興終於與您見面。

天秤座~

公正、 親和、沉著、最理性、最冷靜、面面俱圓、有條不紊。。。。

外表是十二星座最靚至 Cool、個性瀟灑幽默、有美感。。。。

也是愛情殺手。。。。

似乎，一切最美好的都萬千匯聚在一身。。。。

但您可知道，在優越的平衡點上，

有時

我還是會那麼徬徨、無助

甚至

會頹如長堤已崩。

所以，

可否 (寧可) 將我鑲嵌在平凡的一個角落。

細細哥，生日快樂~

上一世紀六、七十年代，香港還未富裕，大部份香港的每一户都為著謀生而張鑼奔波，因而沒時間照顧孩子。亦由於這樣，那時候，一些家庭很流行幫人湊細路仔，以應付日常開支。

我與他，就因為這樣而相識，一出世就做朋友。在我還未出世，那時，他打從還是 BB 階段就已住在我家。一直到他兩歲多，我出世了，至此，大家便互相在彼此身上取得樂趣，彼此當大家都是玩具 (細路對朋友還未有概念)。

由於他在自己家中排行最細，所以，大家都叫他細細，家人們叫我叫他~ 細細哥 (一出世做人細佬。。。。唉~)。不得不說，他，在未頭髮稀疏前，很靚仔的。他的一雙眼睛，他媽~~~~ 的，電過 Tony Leung。

小時大家的感情簡直就如親兄弟一樣，那時我甚至以為他同我有血緣關係，是親哥哥。記得有一次，我被媽媽打，哭的，卻是他。我問他：「細細哥，你做セ喊？」「因為你畀契媽打。」

一直到他七、八歲左右，他回到自己家居住，但我們仍保持著緊密聯絡，如打電話問他龍虎門劇情、黑社會問題和其他古靈精怪問題好似神打關公上身是怎樣等等。而且，每逢過時過節，他都會來我家小住幾天。

他跳舞 (小時爬上我家飯桌上跳扭腰舞，引到全層的鄰居圍著觀看。)、運動、唱歌等都極有天份，而且，他的「IN」，堪稱型仔一族。教我著衫；我第一次落 Disco，就是他帶我去 Canton；食「中藥」，都是他教曉的。那時，他也許就是我的偶像。

及後，隨著大家年紀長大，因某些事情，我倆漸漸由少聯絡，再到發生磨擦。97年甚至與他弄至割席絕交。

緣，真係好奇妙的傢伙。偏偏，在03年一次上班午飯時間碰見他當時的女朋友，在她的穿針引線下，就這樣，我與他又再聯繫上。

即使年多前亦曾有一點磨擦，但彼此的感情已昇華，而且，一切不快，隨著已過去的時光而隨風消逝。到現在，大家間中通電，做到無事常相見，彼此仍兄弟相稱，有多少人從一出世就有那麼重的緣份便可相識，並且結為兄弟呢？相識三十四年，緣之至此，君復何言，夫復何求？！

細細哥，縱使您已不是我的偶像，但您知嗎，您仍是我唯一的大哥。

十月二十三號，生日快樂！

並祝心想事成

Happy Birthday

最佳男女醜角~

雖然已過咗一排，但炳人呢 oD嘢冇話興唔興嘅~

想講嘅係冇耐之前東週同肥沈單嘢。

啲藝人，尤其是成龍同無記，單嘢點解冇行動嘅？！肥沈佢仲係無記嘅台寶嚟噃！

係壹仔好蝦啲多襯家 oD，仰或係之前扮晒超人嘅班 X 炳選擇性地做嘢？！定還是人哋老板係政協常委；或因為呢本嘢以前老板「壽」仔係淫蟲等人老死兼係部份藝人嘅現任 boss，所以 ad 都唔 ad？！摶出鏡搏見報？！又抑或係認為冇問題？！

可能佢哋做戲已出神入化，所以無論平時照鏡都唔會覺得自己肉酸。

嗰日，個個都係最佳男女主、配醜角。

成班小丑~

真正廣告味道

1985年 - 特醇軒尼詩


唔係成日話新不如舊，事實的確係咁。

廣告，最緊要主旨兼所 sell 嘅對象明確清晰，輔以畫龍點睛嘅表達手法及錦上添花嘅主題音樂，帶出 product 令人致命嘅誘死人吸引力，就掂！

而家 oD廣告，往往只一味流於扮嘢，卻欠了以前的那一份張力和感覺。試問而家嘅廣告，有幾多個係令人驚嘆而更令您一看永世難忘？！

好似呢個由黃霑創作嘅廣告作品，易吸收，大眾化之餘又不失高格調，劇力萬鈞，而且又能夠將主題，包括主題音樂變調再變調，卻又仍能貫徹始終，嗰句「Hey Big Spender」更深入民心，奇才果然係奇才。

另，可惜冇葉麗儀嘅原裝版本。

叮！大大~ 白白~

「唔，你 oD牙質好靚！」
「冇蛀牙。。。。」
「唷。。。。都好。。。。嗱喳吓。。。。」
「幾耐冇洗？」
「嘩。。。。你啲牙都好大隻吓 ha~」
「唔駛緊張唔駛急喎~ 嗱，抖一抖，慢慢嚟~」

個牙醫一路攞住枝超聲波洗牙器一路自己嗡以上說話。自己娛樂自己啩~ (喺香港地，好重要！)

但佢個 tone 同個 beat 又嗡得好搞笑。有幽默 ar ha！

呢個牙醫算係好。因為佢發現我左上愕隻智慧牙蒲咗出嚟，但佢冇好似平時其他嘅牙 Sales 咁 sell 我脫喎。呢位牙醫好中肯咁講咗佢嘅意見，同價錢而已。好！更好係唔駛「mok」！

日日飲牛奶，健康又活潑；時時去瞓覺，聰明又醒目。人話我聰明~~~ 生得標準 Beautiful~ 認真冇問題。

靚仔。洗完牙，靚靚仔！

定期洗洗牙，靚仔又靚女。大家記住咯噃！

風信子，生日快樂~

風信子，風信子哦。。。。

佢係鄭裕玲 + 袁詠儀嗰 type 咁惡哽，因為平時喺 Blog 嘅佢，牙尖嘴利，無論有理冇理都咄咄逼鵝，永不言輸 (但對其他人呢，又好好個噃！頂~)。佢話我嗰時，好冷靜，活像恐怖片裡嘅古怪小孩般。而且常有佳句。

原來，佢外表，係非常溫婉嫻淑，同佢內心完全相反。呃晒人。

學者型嘅佢，除咗斯文之外，還帶著絲絲風之柔情~ 一幽風飛散髮披~~~ 肩~~~~ 而且，說話時輕聲細語，餘音嫋嫋，好女人！

佢，不乏有趣一面，例如好似佢講廣東話嘅時候，我聽得明70%咖咋！仲有嗰三成我要靠佢講嘅上文下理去估佢。因為，唔知點解，佢 oD廣東話，成日會轉音變調。。。。但當佢講國語同英文嘅時候，又冇問題咖噃。而且，特別係佢講嘅英文，真係好好聽，仲，好 sexy ！真咖！For example：「Din Din，you know，you're so cheap~」

正點吧？！

唱歌同叮噹入面嘅「技安」有得相比嘅佢~ 五音不全，但正！正喺邊呢，就係有唱膽。話之你頂唔頂得住，總之要唱完，對得住自己。不過，佢好就好在唔係咪霸，否則。。。。又不過呢，佢唱「在雨中」嘅其中一句 (唯一一句！) ~ 「在夜裡~」，正過原唱！

神奇否？！

仲有，又例如鵝請佢攪下我哋風巔信霜入面範本 ( Templete) 嘅內容設定 (因為出唔到廣東話)，佢話：「哎唷！好忙吖最近！」但係呀，有一日，佢同我講咯喎：「喂，我搵到 Keroro (軍曹) 嘅相呀！不如加落去咯！」「妳又話好忙~」佢冇理，繼續興奮地自言自語：「你話邊幅好啲吖？」我心諗：「妳都整硬 ga la！」但，算佢啦！都叫做會問下！謹代表程霜同妳講：「唔該晒呀風信子！」

她，可愛吧？！

Okay，嚴肅點，自去年到今日，同佢都相識、交流了已有一段日子 (一年有多)，了解到，她係一個意見中肯 (最憎佢冷靜 ga 嘞)、為人持平、蠻有義氣與及間歇性「武則天症候群」上身點我做嘢的好女子。雖然，她的自我保護意識是強了一點，但卻仍能夠接受到我，可見佢都是一接受到異族的開明奇葩。

大家唔好見佢同我喺 Blog 界留言間連環駁火就以為佢係辣椒一名。事實上，佢係~ 之外，誠然，涵養、學識、見地 (不流於人云亦云而有自己一套) 係我這個朋友擁有的優點。

我同佢，有吵過交。但佢嘅大量 (加上我的不拘小節)，每一次卻更能令彼此感情更上層樓。Yil，其實係我大量 oD！^~

風信子，硬中有軟，軟中有刺；文字既有男兒的硬朗，然也有滑不留手的流麗文筆。一位靜如處子，動 (郁鵝嗰陣) 如脫兔的女子，能夠在 Blog 做到老友，再繼而成為拍擋，一個溫文爾雅之女卻能與一市井俗民之人水乳交融，小弟實在與有榮焉！

風信子，今天，十月十九日，生日快樂！

藍色風信子美麗開遍大地

幸福芬芳香遍四方

並祝事業愛情皆如意

Happy Birthday

Jazz Class。教會。牛奶~

去 Jazz Class

上星期二 Tracy 仔有事上唔到 Jazz Class，於是益我，用咗佢張「飛」去上。

Jazz Class，去到，好多人呀！好多女仔呀！但我全心接觸藝術，對我冇影響喎~

跳~ 跳到成隻油炸蟹。

oD筋硬晒。。。。人哋彎低身雙手可以壓到好低，我就好高。。。。個鬼妹喺隔離好有禮貌望住笑一笑，我只好又笑一笑，講：「That's it~」嚟遮醜。

又有一嘢仰臥喺地上面，對腳同對手要向上伸直，個阿 Sir 逐個逐個睇嘅時候，睇到我，我又睇到佢睇住我，我同佢講：「哎哎，阿 Sir，唔掂呀！伸唔到呀！伸唔到直！」大家知唔知蜘蛛死嘅樣係點？冇錯，成隻反肚兼 oD腳屈一「喳」~ 就係咁嘞。

之不過，個阿 Sir 讚我認真又投入！有幾嘢仲話我做得啱！譬如好似扭腰扭 pat 花咁。

三個一組跳嘅時候，Ruth 姐姐又唔話我聽應該跳喺佢哋後面，等我下下同佢哋平排！攪到好似搏出鏡咁。唉，我個人好 Low Profile 咖嘛！

跳完之後第二 day 條腰有少少隱隱作痛。。。。好彩只係少少。

24號我又會出現喇，到時睇吓我同 Tracy 仔邊個「虧」啲~

番教會

前日，星期六跟鳥飛同 Kineyi 番教會，hum。。。。冇セ感覺，係前一日又例牌「作」病同肚疴。咁多年都係咁。

講開教會，諗起教徒，諗起教徒，又諗起教會入面一啲偽君子偽基督。 呢 oD人樣，成日打正旗號基督徒 (天主教徒及佛教徒)，但自己卻又其身不正甚至衰嘢做盡，咁，比魔鬼為害更大。

呢 oD，就係教會入面嘅，敗類。

飲牛奶

自從叫做戒咗酒 (少飲兼飲少好多) 之後，轉飲牛奶，但點解 oD短暫記憶有問題出現？！例如話我諗住跟住落街買古惑仔睇，轉一轉頭就唔記得咗，要好辛苦係咁諗，一步步追番之前 oD記憶先記得番！

セ飲牛奶唔係對健康有益嘅咩？！

鴨鴨萬歲~

圖中係今晚整嘅主菜~ 鹽水鴨，咸水雞同佢比，冇得 fight。

小弟我自細好鍾意食雞，細個嘅時候仲有個朵叫雞皇。

但自幾年前開始轉咗鍾情食鴨，原因，無他嘅，好簡單，鴨，好味啲。

鴨，正！肉實兼幼細，應滑嘅地方固之然滑，唔滑嘅部份，亦唔「鞋」，由於佢肉質纖維細膩動人，所以，即使唔滑但仍見可愛。唔似雞肉咁「鞋烚烚」。舉個地方吧~ 雞胸，大家知咩料啦，「鞋」到呢，又冇味。鴨胸，唔同嘞！精彩程度同乳鴿互相輝映！強烈見議「企圖令自己更窈窕人士」以鴨胸代替雞胸。由此，減肥好 Happy，過足口癮又能纖體~ 鴨鴨好嘢！

除咗鹽水鴨，仲有北京填鴨、當歸鴨、麻油米酒鴨、滷水鴨、荔芋鴨肉煲。。。。yo！點頂？！Yum yum~

單點埋？

「咦，你不是終於已埋了單離開了嗎？為甚麼又見到你一個人坐在這裡？」

「埋了。但又要坐回這裡。」

。。。。看看甚麼時候可以真正埋單離開。張單會否想埋但埋唔到。。。。

單究竟點埋？

點解？！

「嗨，Southern Comfort 唔要冰，成杯斟滿佢嚟，唔該。」

我的至愛~ Monica Bellucci

Monica Bellucci Entrevista en Italiano


細個到而家，鍾意嘅中外明星唔多。卡芙蓮丹露 (Catherine Deneuve)、嘉寶 (Greta Garbo 1905 ~ 1990)、梅麗史翠普 (Meryl Streep)、鐘楚紅同胡茵夢呢幾位都係令我而家仲迷緊嘅演員藝人。

最近幾年，有幾位新嘅攪到我咪吓咪吓，整到我好似回到青春期啲仔鍾意偶像，又或者好似啲阿伯見到美少女咁，總之就沉啦。

林志玲、陳嘉容、林嘉欣都係令我每次過度聚精望住部電視、海報、雜誌、報紙嘅美女。仲有一個，迷得我最厲害最攞我命嘅，係呢篇，呢個 Viedo 嘅主角~ 蒙妮卡貝路奇 (Monica Bellucci)。

呢個 Monica Bellucci 嘅特輯，從頭到尾都唔可以錯過。但大家可以只睇開頭嗰段同尾個 part。中間意大利佬同佢做嘅訪問，唔迷佢嘅，大可不理。

將 Monica 全部最靚最精彩嘅一刻剪輯作為呢個訪問嘅開首及結尾，配合 A Whiter Shade Of Pale 呢首經典，殺！

「英雄難過美人關」、「烽火戲諸侯」、「紅顏禍水」、「色字頭上一把刀」、「雲鬢花顏金步搖，芙蓉帳暖度春宵。春宵苦短日高起，從此君王不早朝。」、「女人係水造」、「不愛江山愛美人」以及「女人，係要嚟縱，要嚟寵~」等等呢 oD詩詞俗語金句，明晒！！！！！

如果同到佢一齊，做昏君，「制」！短五年命，都「制」！

女人，真係令人又愛又「恨」。

A Whiter Shade Of Pale

Ruth，生日快樂~

希臘有如詩似歌的~ 神皇宙斯、太陽神阿波羅、愛神維納斯及酒神戴奧尼索斯等等迷人傳說。。。。

去年九月在程霜那裡認識她，及後，在今年四月二十一號與她見面。那次聚會之後，曾記道：「她寫的絕大部份裡，給我的感覺，是一不苟言笑，嚴肅非常的人。繼續，漸漸，發覺她於文筆中，原來也不乏輕鬆一刻，而且，偶爾更有著出乎意料的驚人爆笑幽默。由於她平常所寫的嚴肅認真非常，故此，當她說笑的時候，那效果比一般人來得更勁。

昨晚，終於得見伊人一面。起初，原本一向放浪形骸的我不禁正經端莊起來。驚喜地，我解除一切了。因為，她那燦爛的笑容、可正可「奸」的表現表演、在其平時所寫的東西給人一貫的感覺之外還流露出出人意表的真摯，與及和藹可親的親和力。

她的正經，她的典雅，她的佻皮，她的一舉手一投足，她揶揄我時的雙眼一眨一眨，快要醉倒我的姿態，無可否認她是一個層次萬千，亳不單調的人。

想像不到，一個橫跨文、理、商還有藝 (音樂) 自我約束甚高的靚人，竟會有入世真我個性給您看的一刻。」

自那次後，我和她彼此的見面次數漸多起來。而且，由於亦在不同場合 (如行山) 交流過，所以，對她那多樣的性格有著比前更深入的認識、「體會」(如被她整蠱~ 親愛嘅 Ruth 姐姐竟然笑笑口咁同鵝講：「自己拎。」。。。。哎唷，點解唔同平時嘅姐姐 ga？！影相時仲玩整蠱！最心碎係畀鵝見到 Ruth 姐姐佢竟然有份！佢當時嗰樣開心到吖？)。

她就彷似一顆鑽石，擁有著多面獨當一面的耀眼光亮。但卻又沒有一絲懾人的凌厲。與她一起，有的是一份令人置身典雅憂悠的舒適感 (雖然我經常叫她行慢 oD！等我。。。。)。

另有兩樣欣賞的，是她的說話了得。她的每句，都沒半點多餘，而且應變奇速。小弟我出名快，但大部份時間，她好像比我轉得更快！所以有時，我不會叫她做 Ruth 姐姐，而叫她做 _ 哥。

第二樣係，她有一心多用的本領！她能夠同時一邊與我在電話談話，一邊做另外三、四樣事情。有幾次，我忍不住，氣結地問她究竟有沒有在聽，她氣定神閒又得意的重複我之前所講的一切。XQYZ#!$$%!XXQYYX!~

全部，都由她的源頭~ 典雅中再散發。

Cool 時 cool 過冰山，開朗時勁過驕陽，我曾對她說：「姐姐，妳知嗎，妳笑的時候，就好像春風吹過冬末剛過的大地那麼叫人溫暖、舒服。」

今天，是妳的生日，妳的生日願望，記著，藏在心，不要說出來。但我的祝福，卻一定要對妳講：「祝妳往後的日子，開心，笑著的，比不開心的多！」

我相信，這亦是其他愛妳重視妳的人所盼望的。

希臘有如詩似歌的~ 神皇宙斯、太陽神阿波羅、愛神維納斯及酒神戴奧尼索斯等等迷人傳說。。。。現實世界內，除了我這個 Cupid，在我的朋友中，還有一個「el 尼近」之神。

Ruth，十月八日，Happy Birthday！

並祝事事順意

Happy Birthday

潔癖

唔係講我自己。

以前中秋節，唔駛到正日，之前之後幾日喺公園都已經同仍然會見到唔小火光。正日就更加犀利，成個公園，仲要唔只一個，連整個花園嘅大小街道都被燈火填滿，誇張得好似連一枝針都插唔入！

好熱鬧嘅！

而家？！望落去，X，咁靜嘅，幾乎黑咪麻咁滯！

呢個政府，煲蠟又唔畀、玩放啲又唔畀、喺網上面郁啲又捉 (捉賊唔見咁叻！)、電視電台嘅尺度又管到九彩、展覽品露點又唔得。。。。_ 那星！管 X 晒啲雞毛蒜皮！而且，潔癖到咁，下一代一定強強壯壯快高長大！

但係呢，填維多利亞港，拆歷史建築等等又唔見佢哋禁嗰喎！而且仲狼過仔玩煲蠟！

管下自己嘅舔上獻媚、禁止自己嘅官商勾結、杜絕官僚又唔見佢曉？！不 X 知所謂~

若只是潔癖，還好。怕的只是逐漸 「Big Brother Is Watching You」~

真正惡魔

金庸笑傲江湖內的任我行，真魔一名，然衰喺手下陰陽怪東方不敗手上。

古龍的小說話畀我哋知，一要提防女人 (嗱，大家唔好插我呀！)；二要提防最親近的朋友；三要提防不起眼的人。

「穿 Prada 的惡魔」，我冇睇。但觀眾多 Blog 界朋友及雜誌的評論，亦略知故事情節的大概。

想講的是，已穿了 Prada 的惡魔，固然厲害夠惡，不然，也不能高處不勝寒。但係，一切已嚴如飛龍在天，姑勿論往後會否亢龍有悔，起碼，「已穿 Prada 的惡魔」已擺明她他在明。

而其他還未穿上 Prada 的下屬同僚，在暗裡蠢蠢欲動，暗箭毒言隨時施機而發。潛龍勿用，才是恐怖。套馬家輝在其明報專欄的一句：「真正可怕的，是想穿 Prada 的人。」

是的，他們才是真魔。

P.S. 中秋後，要 X 一 X 重開的文華酒店~

妹妹話係炆牛腩，哥哥話係羅宋湯。。。。

Vicky 今日番嚟屋企同爸爸媽媽飲茶，順道畀 oD月餅同手信佢哋，仲特別「炆咗煲牛腩」。。。。畀我哋食。

妹妹，羅宋湯~~~~~ 渣似啲噃。

不過，忍唔住要寫幾句，想話妳知：「好好味！」

Joey，Happy Birthday~

Joey，

在這相識了差不多十年的日子裡，風雨同路。當中一切盡在不言中，心照不宣。

但都想說句，甚麼時候會再像97、98年般巔峰狀態的妳？雖然，妳現在依然漂亮。^~

十月一號，生日快樂！

事事順意

兄

Happy birthday