樂兒，生日快樂！

樂兒 Angel，祝妳創作力成日都咁高漲！

生日快樂！

自煮蘑菇扒

自從生日嗰日喺 Post 97 食完嗰個蘑菇扒之後，一直念念不忘，前日喺超級市場見到有一盒盒裝住啲好大嘅蘑菇賣，拎起一睇，叫鮑魚菇，嘩，真係好鬼大！諗起自己買番去大量煮嚟食，如果成功第日又可以煮畀佢食，即刻 「o桀！」聲笑咗出嚟，買咗兩盒番去整。

我梁巔巔果然係天才小廚師！煮嘢食真係好有天份！買咗啲蘑菇扒番去後，好自然識得整！

首先將 oD大蘑菇洗一下，然後用少許海鹽 (粗鹽) 加 o埋牛油用手喺個大碗度同啲大蘑菇菇撈勻。

撈勻後，燒紅隻鑊，倒橄欖油，再即刻倒晒啲大蘑菇菇落去，狂兜猛剷輕壓幾下，上碟。A~ 未食得住。

上碟後，將 oD大蘑菇排好陣勢，每兩塊大蘑菇個菇面上下相貼成一對，中間同上面都放一塊芝士 (注意，以黃色嗰隻芝士為佳。)，最後放入焗爐度，鋪上一張錫紙，焗。

焗大概七至十分鐘，okay (焗嗰時如果再加啲蒜鹽同百里香香料，更正！)！拎出嚟，食得！

好味呀！！！！！！喂，唔係講笑，有我上次喺餐廳食嘅六成水準！梁巔巔呀梁巔巔~~~~ 真係~ 我為您嘅煮嘢食天份而「惋惜」吖~~~~~~~~

絕佳戲名

一向好佩服幫啲咸片改名嘅人，創意十足，啜核到暈，精彩絕倫！最勁係仲能夠將 oD咸嘢融入古文度，厲害！

以下係出自以前專播咸片嘅戲院其中一啲咸片名，好正！戲名絕佳！

1. 愛情打樁機

2. 弊傢伙！地鐵有色魔！

3. 你插落，所以我快樂

4. 大濫交嘢公園

5. 搓暖無限 Touch

6. 處女又一穿

7. 豐乳同露

8. 純情乳交七

9. 愈浪漫愈快硬

10. 二人含，一六九

11. 吾家幼女有毛有液

12. 暴露迷城

13. 萬事起頭難

14. 啜袋雙嬌

15. 愛撫唔怕做

16. 我很醜，可是我很持久

17. 捉人深處強姦 (竹林深處人家)

18. 鹹濕保母賤嬰兒

19. 淫珠格格與扯旗貝勒

20. 睪飛丸走

21. 笑傲肛門

22. o架妹多多包含

23. 扑濕瑪莉

24. 住家淫娃咬節瓜

25. G 觸者，頻亦樂

26. 三皇一后知多少

27. 真金不迫紅爐火，真波不怕任你摸！

28. 男人老狗鳥不起

29. 簫塞豐乳中

30. 秋風起，性慾嚟

31. 吹蕭一刻直不甩

32. 我愛一枝棒

33. Do 野雄心之射野比天高

34. 含乳淫龍拳

35. 大圍三姑三圍大

36. 強姦大力 Un《唐山大地震》

37. 自摸雙番西

38. 你偷窺，我插西

39. 插班女學生

40. 開心時刻 @@ 屎忽 (開心時刻 PIZZA HUT)

41. 午夜胸玲 ~ 精子全身

42. 中華精蟲扑爆棒

43. 廿二世紀插人兩鑊

44. 博愛歡樂性濫交

45. 快感係鞭度

46. 淫眼碌碌逐個郁

47. 千金難買插得深

48. 午夜胸圍

49. 你淫我賤真夠寸

50. 非禮蜜言

51. 楊太老公楊巨祥

52. 失驚毛神奔走痕

53. 仙樂歌聲處處淫

54. 吉川春代子大戰博野真太郎

55. 香港雛妓大學 (香港科技大學)

56. 芥蘭強狂插波菜蓮

57. 淫人妻女笑騎騎

書籤的感覺

好鍾意書韱上面的相片，很有感覺，可惜，語言文字是有限的，說不出具體是何種感覺。

希望，當您看到這篇的相片，可知道，那感覺，就是我想講的那感覺情懷。

？

圍內我最親嘅朋友，同 o埋其他朋友，仲有親戚，全部結晒婚或者生 o埋仔。。。。連詹詹都會喺呢兩年拉 o埋天窗，hummm。。。。

？

婚點結？仔點生？

？

P.S. 恭喜收收得一七磅幾 BB 弄璋之喜！

Mambo 叉燒包 Italiano

叉燒包~~~~~ 叉燒包~~~~ 愛吃哪一樣~~~ 哪一樣~~~~ 廣東包呀上海包呀~~~~~ 小籠包呀生煎包呀腸仔包呀菜肉包呀漢堡包魚柳包呀豬仔包呀雞尾包呀奶油包呀菠蘿包呀~~~~~~ 最愛~~~~ 是叉燒包~~~~~~

以上呢段係出自國語經典金曲「叉燒包」(其實原歌詞只得叉燒包、上海包同生煎包等要中式包類，後面 oD漢堡包呀魚柳包呀豬仔包呀同乜包 o物包係我一邊聽一邊寫嗰時突然標童上身失控加落去嘅~)，相信大家一定聽過。今朝見到 Macy 篇新文，聽咗入面嘅金曲，個 Feel 好似番咗去五、六十年代咁喎即刻！日光日白好迷離！正！

所以，我喺自己度繼續呢個 Mood，繼續 High High！

國語版本原唱者係張仲文，由徐小鳳發揚光大。原裝正版英語嘅係由 Rosemary Clooney 唱，叫 Mambo Italiano。兩種唔同嘅語言唱出同一旋律，一樣精彩！

嚟咯！晨早流流玩懷舊，忍唔住要扭一扭！扭番個 Rock 先~



YouTube 搵唔到徐小鳳唱嘅片段，但呢段出自上海灘賭聖嘅版本，都好正！



Rosemary Clooney 嘅原裝縯繹。

你的魅力來自何方？

魅力是沒法擋~~~~ 每個人都有自己嘅魅力同 Market，睇吓您嘅誘人魅力喺邊啦！

1. 你覺得自己需要減肥嗎？

總覺得還要再減一點 ---> 2 目前應該不需要 ---> 3

2. 你通常都是以怎樣的方式進行減肥呢？

吃減肥食品或服用藥物 ---> 4 運動或利用健身器材 ---> 5

3. 你通常用什麼方法來維持身材呢？

禁食慾，少吃節食 ---> 6 運動或生理按摩 ---> 7

4. 你覺得自己是不是一個很容易禁口慾的人呢？

不是那麼容易 ---> 6 可以，習慣就好 ---> 7

5. 覺得減肥是一件很容易的事？

不是那麼容易 ---> 8 可以，想瘦就瘦下來了 ---> 9

6. 你常逛街購買衣服嗎？

很喜歡看新衣服，有時候也會買 ---> 9 還好，沒那麼注重穿著 ---> 8

7. 你敢不敢從事刺激性的活動，例如大怒神、高空彈跳等？

不是很敢，沒人鼓吹可能只是觀望 ---> 10 應該敢吧，那蠻好玩的 ---> 11

8. 你房間裡頭非必要性的擺飾、裝飾品多嗎？

仔細想一想，好像還不少 ---> 11 應該不多，至少跟某些朋友比起來 ---> 12

9. 你認為自己是個很喜歡動手布置房間的人？

雖然想，可是也蠻懶的，房間只要整齊不亂就好 ---> 10 很喜歡這樣做，可以創造自己獨特的感覺 ---> 11

10. 你平常是否有閱讀的習慣呢？

有的，沒事時很喜歡看一些有的沒的 ---> 12 這樣的習慣較少，較喜歡動態的活動 ---> A

11. 你是不是一個容易“碎碎念”的人？

嗯，平常很喜歡說一些大道理 ---> 12 還好啦，講話多比較直接了當 ---> B

12. 如果給你選擇，你會選擇做一個

漫畫家 ---> D 小說家 ---> C

診斷分析：

A 型的人：你的魅力來自於開朗、活潑 你的個性開朗、活潑，臉上時常帶著笑容，渾身充滿活力，也很容易帶給周遭的人熱情、喜悅的氣氛，是朋友眼中的陽光男/女孩。這樣的你也最容易受到異性的青睞，不乏交不到男女朋友。只是並不是每個人都像你這般樂觀，尤其有了另一半之後，常常會一不小心就陷入愛情的五里霧中而不自知。

B 型的人：你的魅力來自於直接、不做作 你是個很有個性的人，凡事有自己的一套想法，對事情的好惡表達直接，不會優柔寡斷，也不會矯揉做作。你對朋友好惡分明，朋友對你也好惡分明。雖然可能有人不欣賞你，可是也不缺欣賞你的異性追求者。要注意的地方就是謹言三思而後行。交一個朋友很難，卻很容易因為一句話就失去一個朋友。

C 型的人：你的魅力來自於氣質、內涵 你認為一個人重要的地方不在外表而是內涵，這也是你擇偶的一項重要考量。「書中自有黃金屋」，你會藉由看書閱讀文章來充實自我的能力，讓自己無形之中學會很多技巧。跟你交談過後的人多半都會驚為天人。很多時候你容易動怒，這是要提醒自己的地方。

D 型的人：你的魅力來自於溫和、善良 在團體之中你一直都是個溫和型的人物。不喜歡與人爭，不喜歡與人比較，喜歡冷眼旁觀，默默的學東西，怡然自得地過日子。雖然你不多話，可是你的想像力卻比誰都還出色，跟你相處過一陣子的人一定會深深為你的想法所吸引。只是有時過於多愁善感，也易流露悲傷讓人不太敢接近你。

楝篤笑第一次

第一次認真的把整場楝篤笑看完。

真的是第一次，因為不只是現場第一次看，就連電視及影碟播的都沒有真的認真看過。但看過當中各楝篤笑表演者的一些表演片段倒是有的。

昨晚與她去了欣賞了黃子華的越大鑊越快樂楝篤笑表演。

黃子華確係香港眾多楝篤笑最出色的一位，亦不愧為香港楝篤笑的開山祖師。他沒有許冠文的 Out；沒有張達明的牽強冷笑料及表達；比林海峰更抵死但層次更高。環顧現今楝篤笑壇，或者只有一個詹瑞文能與之一比。但畢竟兩人所走的路向不大相同，詹瑞文所走的是偏向倚靠誇張的造形，把舞台劇變種搬到 Talk Show 台上的一路風格，所以，較難比較。但若硬要一分高下，那我會覺得以最簡單的道具配件而又能顯出威力的一方更厲害。

做了那麼多年楝篤笑，黃子華已經能夠將觀眾掌握在手中，揮灑自如。更重要的是，他已成了在楝篤笑壇上，笑的代表、圖騰。因此，基本上，他說甚麼，已可把觀眾的笑輕易逗個來。

另方面，他的不複雜高深只求一笑為君而又言之有物及抵死地灌輸正面人生觀，難能可貴。

P.S. 題外話，最近發現一個極有潛質做楝篤笑的人，叫王祖藍。

即食麵好介紹

即食麵好介紹又嚟！

最近少食即食麵，但如果喺超級市場見到有吸引嘅新產品出現，一定會買番嚟試吓。之前就買咗隻好正好吸引 (個名)，由馬來西亞製造叫「茶餐廳」嘅嚟食，以為煮咗出嚟真係似茶餐廳嗰種味，嘩，點知普通到吖，統一福字麵好食過佢，被搵咗老襯。

今次要介紹嘅係相片呢隻由泰國出產嘅媽媽牌冬蔭公湯即食麵。

坊間有幾隻冬蔭公湯即食麵，但水準頂多都係一般，麻麻到麻麻，一味得個酸同辣，好啲嘅，「浸」味似冬蔭公囉。等而下之嘅，湯底「稀耶耶」，仲衰到連冬蔭公味都冇！唔知似乜？！

之前曾經提過只有喺華潤超級市場先可以買到嘅一隻好味到暈嘅冬蔭公湯即食麵，但係而家失咗縱，真係可惜！

不過，哈哈！今次介紹嘅媽媽牌冬蔭公湯即食麵，同上面失縱咗嗰隻一樣咁正咁好味，最難得嘅係夠正宗！

媽媽牌冬蔭公湯即食麵做到極之正宗嘅冬蔭公嘅酸同辣唔在講，最 YEAH 係做得到冬蔭公湯嘅 creamy 效果！正如佢嘅包裝用英文寫到嘅~ Shrimp CREAMY Tom Yum Flavour，媽媽牌做得到！

雖然佢啲麵係伊麵，略略扣咗啲啲分，但係麵質仍夠硬淨兼且 QQ 煙韌，好。

建議大家平時不妨買定啲蝦，煮熟後剝殼放喺雪櫃冰格，到煮麵嗰陣，尤其是煮呢隻冬蔭公湯即食麵，放若干隻落去，Hoooooo~~~~~ 包您即刻好似去咗 Tailand 咁~ Sau 話 Di 吸金蒙空叻喃隆奶奶吾！

上圖：媽媽牌冬蔭公湯即食麵，千祈一定要買！

下圖：茶餐廳牌即食麵，千祈一定唔好買！

勁！

呢啲先叫演唱會~



仲有譚詠麟 (其實佢中後期真係已經。。。。err。。。。好麻麻~)、張國榮、梅豔芳、羅文、甄妮同葉振棠等等呢 oD又唱得又跳得都好勁！係真勁！ (當中尤以張國榮、梅豔芳同羅文最勁！)。

對落一輩嘅，葉倩文、陳慧嫻、林憶蓮同張學友呢啲，雖超越不到前人但亦厲害。次一皮好似劉德華呀黎明呀郭富城咁，都有個譜。以我唔 Q 鐘意唔唱得兼出唔到大檯嘅郭富城為例，喂，佢起碼跳得好跳得勁喎！

而家嗰啲？！Okay~~~~~ 陳亦迅同陳慧琳得喎！其他嘅，你咪撚同我講個舞台用咗幾多錢去砌，我講嘅係你嘅唱歌跳舞同係唔係用個心拎個心出嚟。簡單三個字~ 呃飯食！再簡單兩個字~ 回水！

另外，各花入各眼，我知~~~ 但講真我真係唔知好似側田 (呢位似溝女多過唱作嘅龜樣啲歌，I'm sorly 我真係唔覺得有邊首好聽！)、Twin屎 (呢啤 X 都費時~) 同容祖兒呢類所謂嘅歌手有幾名副其實！最惡頂係竟然有人話容祖兒有唱功！喎 COW~~~~~~~

有人會話：「佢哋不斷進步 o緊啦！」
我會話：「挑~ 您要求咁撚低嘅？！」

進步極都咁嘅樣？！

接住上面，又好似周杰倫，佢啲才華，哈，以前寫過篇關於佢嘅嘢，呢條友啲歌，同嗰個龜樣一樣，我真係唔知有乜好聽唔曉欣賞囉。佢 oD咩又識彈鋼琴又識拉「二胡」(大提琴同小提琴)，鋼琴我唔知呀，但佢啲小提琴，哈哈！啲人對佢過譽喇！Well~ 原來識拉兩嘢就叫勁！

唔好以為我憎佢寸憎寸「屌」我先咁講！寶島四大才子 (真係唔想計 o埋佢！)，陶吉吉仲寸過佢屌過佢，A~ 但佢係真堅喎！唔係一味 hip - hop 鳩 rap 一輪咁喎~

又或者講拉小提琴咁，王力宏勁過佢！唔撚知佢憑乜咁「屌」？！

講到呢度，又係時候扮吓中肯喇~ 喺「樂壇」嚟講，佢哋好難得 ga 喇！佢哋都好努力 ga 喇！又或者都係嗰句~ 各花入各眼。唔順超嘅佢哋's 粉絲們，「kur」番晒啦？

講番呢段片，畀少少時間睇啦。我保証您哋睇完只會有讚冇彈，仲會睇到熱血沸騰心跳上升連聲叫 YEAH o添！

「留住妳~~~ 留住妳~~~~~ 難放手~~~ 難放手~~~~~~陪伴我~~~陪伴我~~~求永久~~~求永久~~~~」

Hooooooooo！！！！！

Love Flu

唔知係咪最近 sweet sweet sweet sweet sweet sweet，尤其是勁 sweet 勁冧嘅前兩日生日，結果，尋日下晝開始，病咗。

不過，套我一位翻轉情場溝死鬼嘅神經刀朋友~ Mich 所講，此乃愛的流感。哈哈哈哈！所以，hummm~ 病都病得舒服病得 High 嘅！冧冧！

Love Flu，正！

大家唔好頂唔住喎！

靚絕奇想

自古中外愛情詩篇，故事，不論是莎劇或是紅夢，不少童話還是戲曲，都哀怨纏綿，淒美絕筆，細味自感餘韻絲絲，不絕如縷。

若然姻有前世，情定今生，緣續下回，以前的痴男怨女，也許會在過奈何橋時，只喝下半碗黃婆湯。又或他們的深情似海感動閻王爺，讓他們殘留丁點半絲前世記憶於阿賴耶色。到輪迥再遇，憑藉前世彼此約定的「記號」，在再遇時的一些感覺，一草一木，一陣體香，一把聲音，甚或一碗麵，就會將前世還未夠的姻再次續於眼前，情定今生。

然而，最浪漫的，也不及活於現在的我們。

這世這代的絕偶佳人，若愛得魂牽夢縈，戀一世不夠，祈望下世能再遇愛郎愛妻，可在互聯網的個人網頁或 Blog，一篇一篇，一字一字的寫下記低今生的每點每滴。到下世，大家在 Google、Yahoo 或其他搜尋器如現在我們無遠弗屆般點擊閱讀每個網頁每個 Blog，突然，看到一篇足以令您會如觸電一樣的文字，那刻，那一剎，那隔世的愛心濃情盡湧狂盪心頭腦海，敲響著每一條駁回本已屬過去的情愫的神經，然後留下即使只是寥寥的隻字片言，再然後，重遇上，再次共墮愛河，一起拖著手於風裡飛奔，縯繹比前世更精彩的驚天相愛，愛個夠。

如此靚絕奇想，出自我的創意無限，古靈精怪，心思如浩瀚煙波的親蜜愛人。

詞

難靜我心裡困憂 重重回憶似徬徨

無緣又為何遇上 更又為何相交往

從每了負了約會 妳 (們) 每一顆心已敲碎

往情逝了 緣盡了 是我錯覺要將愛追

我的真心本多渺茫 強將深愛埋藏

直到我心暗時 我就投降情心深種

到那一天終再會 亦沒法終身把妳淡忘

心已全屬妳 最美好都給妳

明白我的缺點 常常時刻怕妳變

但妳以無窮盡愛意 去慰傻傻我的痴線

從此不懂再愛誰 從此只對妳醉

柔情我在沉醉 叫我夢裡再把妳追

我的真心本多渺茫 強將深愛埋藏
直到我心暗時 我就投降情心深種
到那一天終再會 亦沒法終身把妳淡忘
心已全屬妳 最美好都給妳

妳愛中的我揮手 洗去我心中烙印

秋風幽幽的吹送 送給我這情深種

全部我心裡眷戀 重重回憶幾多轉

若是還存著下世 我倆面容有否改變

仍愛妳地老天荒 仍會深愛幾趟

唯願共妳在懷裡 再次訴說心愛戀

我的真心本多渺茫 強將深愛埋藏
明月照那晚在同時 我投降情深種

我今天的轉變 愛妳每分不改變

心裡祈望愛 像那星照

千載

曲名：Sometimes When We Touch

作曲：Dan Hill

作詞：梁巔巔

Sometimes When We Touch 試聽

呢煲。。。。

前幾日天氣好寒吓，似晒冬天，於是我嘅大雜匯火鍋煲又出場啦！

買咗小肥羊麻辣湯底，大量牛丸、墨魚丸、魚蛋、肥牛、肥羊、白蘿蔔同枝竹等等呢啲料，一鑊過放晒落去左手邊幅相個大煲度，滾呀滾，諗住又好似以往咁大「擦」一頓甘咖啦！嘿，點知，食咗一啲之後，冇幾耐就食唔落咯喎！唔係因為飽喎！係因為竟然有「滯」同厭惡嘅感覺喎！！！

對於我呢個人體黑洞嚟講，真係好奇怪！

其實近嚟我 oD飲食習慣變得都幾犀利吓！例如轉變到喜歡食菜同鐘意食得齋咁。Hummm，都係好事嚟嘅，三十幾歲開始食得清啲健康啲，身體都會好 oD，毛病都會少啲。

自食得清咗同 o埋食大量蔬菜之後，我發覺原來食得多肉係會令人易攰同冇咁精神。大家不妨去領略下。

鳩嗡偉論~

嗱，若然有支持泛民或者支持民建聯，又或直頭係泛民或者民建聯嘅 Blog 友或睇到呢篇偉論嘅其他仁兄仁姐，唔妥唔順超嘅話，咪攞碌嘢嚟「隊」我攞塊嘢嚟「星」我吖！尤其是民建聯班聲大夾惡嘅茂梨呀！我驚咖！真係驚咖！嚇 Q o親我，以後唔減再寫 Blog 咖喇！

唔。。。。嗱，即係咁，今日兩位阿太 (其他嗰啲可以不理) 嘅決鬥，小弟我會投。。。。我一定唔會投假四萬，我正諗 o緊投孽瘤或者投廢票。

我憎假四萬，各位都知咖嘞！挑佢老味成鳩日都話良心良心，慳啲啦！有唔少人真係當正妳係女神好人，X~ 白撚痴！講番轉頭，妳估佢當年唔 Q 想上位？！係佢沉唔住氣，冇阿曾狗鴨 Don 咁 X 咋嘛！妳估佢真係好人有良心？！

啲人話選妳可以代表香港仲有正氣，仲公義猶存，可以阻擋惡法，可以阻住孽瘤呢啲衰神上位，哈哈~ 笑死我呀！乜妳代表正氣公義咩？！阻擋惡法？廿三條遲早去硬咖啦！可以阻住孽瘤上位？佢上硬咖喎！不過，如果假四萬 win 咗，咁可以挫吓「蔑嘴蔑舌」，等佢上位上得咁易吖嗱。

又有啲人會話，可以選個冇咁衰嚟踢走個衰啲嘅。乜孽瘤好衰咩？我覺得佢又真係好衰兼惡形惡相再加「蔑」嘴「蔑」舌格衰咖！如果今次畀佢贏咗，我諗佢仲會好 Q 囂 tim！但佢贏，好處就多咯！

佢贏咗嘅話，就可以置泛民於死地而後得以火鳳凰重生，掃 Q 走晒班阻住地球轉嘅老屎忽，清好晒個腸胃。

而且，如無意外，佢好大機會做下屆特首，哈！佢咁直咁明咁蠢，唔似得曾狗鴨 Don 咁古惑，所以易 X 易鬧易監察。大家睇吓香港最近，喺契弟曾嘅管治之下，其實廿三條已靜靜雞變種咁入侵咗咖喇！

因此，畀個唔古惑嘅佢坐正，起碼冇咁恐怖。大家可能會話，嘩，到時直頭明刀明槍嚟喎！唔會嘅~ 我哋有「偉大」嘅基本法嘛！

仲有呀，佢坐正，我肯定會再一次團結到全香港人！

咁大家話嘞，畀邊位贏我哋有數呀？！

但孽瘤個格，喂，大佬，我真係又投唔落喎~

一個光明正大衰！一個假仁假義好！

我兩個都投唔落，決定投廢票。

十一月

近日寒意漸濃，深秋快過，冬天靜來，十一月只剩下今天，我最愛的十二月來臨，加上又沐浴於愛河之中，心情極度開懷。

十一月，是一個好特別的月份。

她沒有之前剛過去的幾個月份那麼炎熱不舒服，存在於深秋，西山的楓葉已紅，滿地枯黃的樹葉遍佈，秋風觸人，一遍詩意。她也沒有十二月，一月的嚴寒，活於冬來前，彷似為您在嚴寒前叮囑您快要披多件寒衣般催寒問暖。

她亦像是為十二月的高潮迭起而設的一個寂靜前夕。歡樂的前夕，總是最浪漫，也最叫人留不住。然而，十一月卻是那麼低調，寧於靜悄悄的默然路過。

與意中人在一起，最美妙是在十一月或秋天。因為，躍起之前，蓄勢待發，如箭在弦，高潮之先，往往，是最美妙迷人。

然後，直往十二月，但願再與妳一直到好久好久的以後。

而明天，便是冬日寒夜，一遍亮金酒紅，紫醉金迷的十二月了！

「人」

活在香港，做人難。

香港！香港！香港地，吔飯要諗計！這比起其他地方，香港，看您怎樣看。

比起北歐，或次一點的北美，也許差了一厥。但比起其他地方諸如非洲和東南亞 (柬埔寨、越南) 等地，當然猶如天堂。

大家問一問自己，撫心真的自問，活在香港，真的那麼好？！

不打算細談，只說說男人，活在香港，多慘！

麻甩佬、光頭佬、金魚佬、咸濕佬、變態佬、經紀佬、三行佬、傢俬佬、水電佬、銀行佬、講波佬、垃圾佬、股票佬、收買佬、教書佬、金融佬、講古佬、電氣佬。。。。差佬。嘩！

都係做黑社會好！至少叫做大佬~ (希望唔好畀政府告！^~)

男人多命苦！

但在香港，最慘的，男女都走不掉~ 是人也不如，叫窮鬼。

呀！當然！還有一種連人、鬼也不是，謂之 XYZ 仆街！

0.018

每天，一晝夜，八萬六千四百秒。

高手過招，你來我往，彈指之間，只七點二秒。

生命之始，呱呱墜地；眼合魂離，撒手塵寰；

節節敗退，反敗為勝；鴻運當頭，兵敗如山；

溫馨甜蜜，形如陌路；天各一方，緣在一起；

以上人生點點，往往全發生於閃逝的一瞬間，那零點三六秒。

最後，

還深深記得，那0.018秒開始愛上妳到從今以後的一剎那~

母校速瞥~

趁著今天的空檔，我去了兒時過了其中最愉快的一段光陰的地方。

非常記得，在那裡，第一次被記缺點，那天，回到家洗完澡，頭髮仍濕濕的，抱著頭，哭著跟媽媽說：「嗚~~~~ 嗚~~~ 我被記小缺點！」

後來，哈哈~~~~ 甚麼小缺點、大缺點、進一步的小過、大過與及黑名單，習慣咯。而且，那時還覺得很威風，越記得多越勁！

。。。。卒之，hmmmm~~~~~~ 要轉校~

那裡，一切大都沒變，我的人變了不少，不過，最深深處，對它情感依然。

在這裡，小巔巔買過不少聖物。

這裡，我曾在彌撒中放屁。也差點受洗了。

當年領導上午班的我，同下午班比跳樓梯，差點死掉。

由後衛到前鋒，哈哈，如今。。。。

最討厭這校務處。

在這課室，過了多少歲月。。。。

小一時，我曾在左手邊最後的一根柱給中學部的人撞穿頭。

足球機！當年的差多了。

小息！

小一的時候，媽媽珍而重之的給我 HK$1.5。那時，五毫一隻熱狗，八毫子一樽維他可樂。哈，仲有兩毫可以買鳳凰蛋卷！

Hummmm~ 曾有兩年在這裡與陳志霖 (小一)、許超文 (小三) 還有那個他媽的黃洐行 (小四) 等白牌上學下課。

Bye Bye~

正廣告

自幼織夢
極愛想像
心中緊緊記
沖宵的理想

海天一色伸延無限
化作海鷗飛渡遠方
衝出天邊胸懷大志闖一闖

兒時夢印腦海裏
此瑣碎片段現已一賞願
種種依稀今天清晰記起

這空中的溫馨
陪伴你到美國每一處~

曾經 post 過呢個屬於上世紀九零年嘅廣告歌詞，可惜嗰陣搵唔到條片。

前晚喺 YouTube 試試再搵，哈，有呀！好嘢！

即係咁，都話呢，唔係話以前嘅嘢就一定好，但好似廣告咁，以前嘅真係好過而家嘅喎。無論喺創意、音樂、畫面、言詞同意思等都精彩非常！唔似而家嗰 oD，只一味話追求創意。而事實上，佢哋所謂嘅創意，亦唔見得有幾吸引有幾掂。曾講過， 試問而家嘅廣告，有幾多個係令人驚嘆而更令您一看永世難忘？！

當然啦，以前都有啲廣告好土好好笑，好似秋蟬牌羊毛內衣、愛膚堅、竹葉青同「我要」牌冷氣等等呢啲都係。但大多數仍係好嘅。

以前啲廣告，起碼，有嗰個心、嗰份情，所以，先可以要我哋呢一代懷念。

哈哈~

純粹過癮玩吓，幾過癮！

你目前在異性中的身價如何？

題目：

如果你搭捷運有一個美女對你性騷擾，你的反應會是什麼？

1. 竊喜，算是賺到了。

2. 避開，不想惹麻煩。

3. 乾脆留下電話。

解析：

1. 選「竊喜，算是賺到了」的朋友，代表你的身價在飆漲中，因為在各方面都成熟穩定的你不管是在事業上或是財力上都已經到一定的水準，自然散發特殊魅力，並且對異性會產生致命的吸引力，身價超好。

2. 選「避開，不想惹麻煩」的朋友，代表你身價是正在暴跌中，因為你個性隨和又太好追，因此在異性眼中你是一點挑戰性都沒有，其實你們也是別人心目中的好男人或好女人，而且是要帶進家們的，因此也比較少受到一些有的沒有的騷擾啦！

3. 選「乾脆留下電話」的朋友，代表你身價是正在成長中的，你是越來越有味道了，而且會讓異性忍不住想多接近你多了解你一點，這類型的人現在要比以前的自己瀟灑，甚至還能作為別人的引導，讓對象越來越對你刮目相看且越來越心儀囉！

打正旗號講環保，實情鬼祟玩縮數！

講 o緊嘅，要 X 嘅係一個人，一班人，一個集團。

一個人，姓李叫超人，又名四眼佬。一班人，係佢旗下一班高層。一個集團，百乜或者乜佳超級市場。

呢間嘢喺尋日宣佈，開始唔再主動畀膠袋，原因係為咗環保。好！

我尋日去買嘢，個收銀話冇膠袋畀，如果要呢，要每個畀兩毫。

我 X！

嗱，點解要 X，點解要慶，點解要鄙撚視呢？！

如果好似之前冇膠袋日咁，嗰兩毫子係捐畀環保團體，okay！冇問題！我仲好支持 tim！但佢老味今次唔鳩係吖嘛！聽講呢兩毫子係畀佢喎！有冇搞撚錯？嗱，咪撚同我講話梁巔巔，你點知嗰兩毫子人哋用喺邊唧？！嘿，如果係，佢駛撚猶抱琵琶半遮面，又唔係這又唔係那唔乜唔物唔撚申明呀~ X 鳩！

喂，四眼佬你咪咁爬街啦 X~ 咪借環保嚟過橋諗縮數攞著數咁撚 X！好乸厚顏無恥真係！肉鳩酸核撚突！若然你直頭話：「新嘅環保袋好 Q 貴咖噃，所以要收錢囉！」嗱，呢，咁我反而唔會 X 喎！因為，咁固之然都仆街咖嘞，但都總算夠 guts 兼明刀 (劏) 明槍 (搶) 嘛！

奇怪嘅係，之前嘅膠袋都係環保膠袋，可分解嘅，點解無撚端端要整隻新嘅出嚟？！

惠康同華潤兩間超級市場都話冇打算咁做。你爬街超級市場認真 X 兼做壞個市！

四眼佬，你旗下 oD樓質素有幾「正」，執漏、管理同服務有幾好，自己知啦！真係口碑「一流」！之前你呢間超市賣「油魚」，而家又整啲咁嘅鬼鼠屎忽鬼嘢，唔怪得你咁發！

不義而富且貴，於你如浮雲？X 你啦！

好味滷水鵝

好鐘意食燒鵝，更鐘意食滷水鵝。好味滷水鵝有好多間，呢間乃係其中一間有正滷水鵝賣！

講 o緊嘅係有名嘅「正斗」~ 對面嗰間。

呢間嘢叫「生記」，喺皇后大道西近西營盤，佢賣嘅招牌獅頭滷水鵝比一般滷水鵝大隻。滷得入味，肉有質感，正！個師父刀法一流，將啲鵝肉「片」得厚薄適中，骨肉均勻，唔會骨碎碎咁「吉」口，可以食得夠放。

除咗招牌獅頭滷水鵝，「生記」仲有普通滷水鵝、滷水鴨、特種雞同一系列滷味賣。最有驚喜係有勁多平時唔易食到嘅滷味，必試必食！

店內好細，亦唔舒適，外賣較適合。

皇后大道西一帶、西營盤同西環，好嘢真係好多，有排發掘有排食！而且，最正嘅係呢幾笪地方，好懷舊，未被低 B 政府大搞破壞，得以仍倖存自己味道，所以，喺呢幾度嘅食肆食嘢，風味氣氛特佳！

喺香港，呢 oD地方，彌足珍貴。我數嚟數去，港島，除咗西區，就只剩下北角一帶。

兩極大廈

很多人都說香港是一個貧富懸殊的地方。是的，特別係這幾年，貧富之間的差距更大得離譜。恆指去到三萬點，窮人賺到嗎？樓市狂颷，賺的是哪種人？

這是一個社會的必然大勢嗎？

香港有兩座大廈，很能見証到這懸殊的世界，很有趣。

第一座是位於灣仔的灣景中心。

灣景中心的雜亂無章程度足可媲美對岸的重慶大廈，只是外表較之漂亮光鮮。它底層的食肆便宜得很，十多二十塊錢便可飽餐一頓幾餸配白飯的午餐。

一碟飯，一杯用塑膠杯盛著的水或茶，人頭湧湧，座位擠逼，你眼望我眼，近近相對，這樣便一餐。那裡，好像不做晚市的。

樓上是三里屯，一處滿佈不太貴，但亦便宜不到那裡的食肆集中地。有日本菜、泰國菜、地中海菜及扒房。

一頓寫意的午餐、晚餐和下午茶，人雖多，但有空間距離而且座位舒適，一杯咖啡或一杯紅酒在手，這樣也是一餐。

樓上與樓下，不至天與地，但在樓上吃的，往樓下吃走幾步便可。在樓下吃的，要走到樓上的那幾步，彷似要走很多日子。

還有另一座有趣的大廈，是在中環的環球大廈。它更一絕的是，它的底層商場差不多全是間得無可再間的小商舖，多由菲藉人經營，亦有很多菲傭「駐守」。而樓上的，曾是座擁千億身家的富豪的總部。

Blog Tag 之氹氹轉 菊花園

接 Cosmicrays 同 Mugen C 嘅 Tag。

1. 小時候的理想是什麼？

中國領導人

2. 這輩子最快樂的是什麼事？

大家知咖啦~ ^~　

3. 你喜歡的顏色？

紅、黑、白

4. 你有多久沒有傻笑了？

最近成日傻笑。

5. 你最想去哪個地方？為什麼？

所有我去過又鐘意嘅地方。最想同佢去。

6. 最受不了自己哪個缺點？

有時太正經~

7. 如果有不開心的事情，你會怎麼辦？

X 完之後玩自閉。

8. 四季裡喜歡哪一季?

秋天，冬天。

9. 五年內比較現實的目標是什麼？

互相嫁娶。

10. 如果你得了絕症你會跟家人講嗎？

唔會。

11. 說出點你名的人的3個優點？

個 Blog 啱睇留言啱嘴形兼唔扮嘢。

12. 孤獨是什麼？

乜 Q 都唔做仍好 enjoy~

13. 喜歡什麼類型的人？

尤加利。

14. 你對你的近況滿意嗎？

最近好滿意。

15. 覺得自己會幾歲結婚、生孩子？

是但。

16. 去過最美的地方是哪裡？

Quebec City。

17. 你曾經愛上過同性嗎?

冇。但曾經瘋靡基界。

18. 如果能讓你實現一個願望，會是什麼？

心想事成。

19. 喜歡怎樣的二人世界生活？

想點就點。

20. 最後悔冇學識到既野?

冇考八級小提琴。

謝謝 Cosmicrays & Mugen C 嘅「踢」。

Rita，生日快樂！

Rita，

生日快樂！

致謝 &「致謝」

致 XXX 教授醫生

您好。

XXX 教授醫生，自上次得你的精湛診斷，將我之前吃開的藥全部換掉後，那些問題，已沒有再發生，而且，身體狀況還很好。像不久前所做的那個檢查，昨天看報告，水準之上。

不算你的高明醫術，你的外表，活像妙手仁心內的主角，酷！而且，你能給予病人安全可信賴的感覺。很專業。

「我好肯定，今次同你換了呢兩種藥，就不會再有問題的了。」

「其中一隻藥這裡將來有可能會沒有，若真的話，我會用另一種代替。但這並不是代表醫管局要省錢，因為兩種藥都係差不多的。最重要是，沒有同樣的副作用。」

非常記得你那天看症時的一切。你那自信，你那親切誠懇態度，你那開朗幽默談吐，都令我印象深刻。當然，如前所講，還有你的精湛診斷，不然的話，我好大機會已不能再逃過鬼門關。

謝謝。

祝一切安好。

致 XXX 醫生

X 你。

XXX 醫生，自上次得你的所謂看症，仆街的將我之前吃開的藥全部換掉後，本來沒問題的我，嚴重問題叢生！而且，身體狀況還每況愈下。像之前所做的那個檢查，那天看報告，在吃你開的藥之下，X 你老母吔晒蕉！

如果你醫術未 (不) 精 (事實上，你絕對是！)，我原諒你。但你那惡劣的態度兼輕蔑的語氣，就完全反影了你的仆街兼不專業！如果你平素看病時用鏡子自己照一下自己，我深信連你自己都會好厭惡你自己。

「我們沒有那麼靚的藥。每種藥都有副作用的喇，看你適不適應。」

「自己留意吧。」

非常記得你那天看症時的一切。你那「自信」，你那惡劣輕蔑態度，你那鬼祟陰沉的談吐，都令我印象好撚深刻。當然，如前所講，還有你的「精湛診斷」，多撚謝晒，我已曾經在鬼門關走了兩趟！

X 鳩你。

我 X 你老母。

笑。死

大約在初中的時候，有一晚，無意間發現了「不文山」(這個中譯真係一絕) 這個經典節目，自此，便瘋狂迷上，集集必看。最難得是爸爸和媽媽不單沒有阻止我看 (因為這節目有不少黃色笑料)，還一起觀賞，齊齊大笑。記得有幾集，更笑到我們失了控。

「不文山」內容豐富，集故事、楝篤笑和歌舞等於一身。Benny Hill 能演能唱能跳，表情幽默抵死，真乃天生天才喜劇演員。他其中一個扮作童子軍宣誓樣子，經典一絕。

Benny Hill 一生嗜甜，聽說他於自己寓所去世時，家裡有著大量甜吃東西。想是生前多吃了，才會使人笑得那麼熱！

不文山終生沒娶，一直單身，他曾說過：「婚姻並不適合我，因為我不曾長大過。」

上面說過，「不文山」內容不乏一些黃色笑料，亦時常出現性感非常的美女，但那時的香港卻可原裝照播，沒有刪剪。我相信，若現在再如當年般放在黃金時間播，已不可能。這，到底是進步，還是退步？！

香港，妳是否已一早笑死。。。。妳好像越來越不可愛了。



Benny Hill 同 Mr. Bean，您喜歡哪一個？

我，一定喜歡不文山。戇豆，完全未係嗰皮，冇得揮。

美好將臨之前。。。。

還有一段時間。

美好將臨之前，必先經過如此的階段。

之後，便就是美麗幸福之景。

大家努力，互勉。

煲碟~ 英雄出少年

近排除咗陶醉喺尤加利嘅愛 (變咗昏君)，呢幾日都煲咗一套電視劇~ 無記1981年嘅英雄出少年。

當年屋企乃麗的 Fans，大家知啦，鐘意得麗的嘅，就算唔憎無記都會極少轉過去睇，所以，嗰時無記啲戲好多我都冇睇到，只係好偶爾喺自己屋企，喺 oD親戚或者同學仔屋企睇過下。(仲記得當年同啲小學雞同學仔組成反風紀黨，當正自己係洪熙官咁。後嚟學識睇龍虎門，就轉做王小虎。。。。)

其中呢齣電視劇，雖然只「納」過幾次，但印象非常深刻。主要原因係首主題曲好好聽！

成套劇大概可以分成三個階段~ 班友喺少林寺嘅生活，下山後嘅各自所遇到嘅嘢同 o埋反清嘅事。

我認為第一階段最正最好睇。編得合情合理，伏筆精彩，妙「橋」橫生，好有嗰種戲味，令人愛不釋手。可惜，到到後嚟有紊亂現象出現，劇情亦變得兒戲。

雖然係咁，但劇中又能夠自然地咁道出人世嘅變幻無常。有日我若再回頭，笑著說人寰轉變喺全片用既無奈又樂觀嘅手法演繹。(係點？自己睇吓咪知咯~)

好有黑色樂觀。

「無負今朝少年時 去管多少不平事
是與非盡在我心 冒死生 存情義

悲我願放下 苦我願去嘗 悲嘆我自知
山我願去移 火我願闖過 心內志難移

無論幾多次成敗 要創一番英雄事
歷百險大步去闖 擲死生 留名字

悲我願放下 苦我願去嘗 悲嘆我自知
山我願去移 火我願闖過 心內志難移

無負今朝少年時 去管多少不平事
是與非盡在我心 冒死生 存情義

悲我願放下 苦我願去嘗 悲嘆我自知
山我願去移 火我願闖過 心內志難移
難移」

英雄出少年主題曲試聽

P.S. 鳴謝 Macy 提供歌詞。

How Sagittarius Are You？

喺四 Lu 度玩咗呢個~

You are 87% Sagittarius

How Sagittarius Are You?

人馬座，正！

雲吞麵在黃枝記

吃來吃去都是那幾間。。。。

羅富記、麥奀記、沾仔記和麥文記等，好好味！

但論色、香、味，坐得舒服，要數這一間。Well，以上這些的雲吞麵都很好味，不過就欠缺了其中一樣。

這裡風涼水冷，形式古雅，麵手打，湯用大地魚加蔥熬，正宗，有誠意，好好味。但坦白講，我愛一般雲吞麵舖的麵條。不是手打那隻。

色、香~ 整碗雲吞麵，澄黃清澈。

味~ 湯清餡味夠。

一家食肆要弄到色香味俱全，不難。難就難在連座下也是享受。

羅富記、麥奀記、沾仔記和麥文記等係好。但，如果連坐都坐得舒服，更好。

夜光

一向鐘情夜光，鐘情它靜靜幽幽的美。

那種美，好像能使時間凝在那一刻。更又為靜默的夜添上一闕靜默的歌。

兒時很喜歡拿著夜光錶，在被窩內看，感覺好寧靜，好舒服。而且，又像去了另一個屬於別的洞天的地方。

那時讀的天主教小學，聖堂旁邊賣著小小的夜光聖母像和十字架等聖物，那時曾一度好想洗禮，信教的我 (想不到不久我會如此反基督反教會)，買了很多回家。晚上看著衪們，怕鬼的小巔巔，就可以比較安心地睡，睡著。

現在，偶爾我也會像小時般拿著有夜光功能的錶在被窩或漆黑的房間觀賞，把玩。感覺除了跟小時一樣外，人大了，還可消除煩惱，減輕壓力。

家裡裝修後，我或者會在房間的天花上貼上夜光星星和月亮。躺在床上，看著，看著，不自覺的入夢，一定睡得好甜。

黑，夜，本就是給予人生另一境界享受的機會。

不久的那天，已說好，在我們的房間弄一個星河，一按鈕，星星、月亮、流星，各星座間斷有序的閃爍出現，在這自製星河，配合靚歌，對夜光的追尋，對幸福傳奇的遇上，達到圓滿，完美的終站，極致。

霜，Happy Birthday！

霜，

生日快樂

並祝身體健康

東，生日快樂。。。。

東，

想念您。

後萬聖節獻禮~ 寒驚激。。。。

雖然唔知係真定假，但真係好恐怖！

其實之前一早都睇過呢條片，但係嗰陣以為係流嘢，大佬，冇咁猛呀？！仲要咁 Q 清楚咁鬼詳細？！通常呢類片都係朦朦朧朧褸褸 yau yau 唔清唔楚鬼鬼祟祟咖嘛。

點知最近聽到話葡萄牙有宗車禍好靈異好恐怖，於是我用「發生在葡萄牙的車禍」去查看關於呢段片同佢嘅資料啦，Yo！原來就係我之前睇嘅嗰個，仲發現原來真係有呢單新聞，而且當年喺葡萄牙當地仲幾轟動 tim。

呢段片真定假，好難講。不過，就算係假，嗚~~~~ 都好嚇人好好 Feel！

http://www.youtube.com/watch?v=jCUYPcA2KZI

如果大家嫌條片大長，可拉到後半段個女仔 (鬼) 上車開始睇。注意，佢上車之後，部機開始週不時有干擾出現。

冇幾耐仲。。。。

嗚~~~~~ 膽小者勿看呀！