Wednesday, November 21, 2007

好味滷水鵝


好鐘意食燒鵝,更鐘意食滷水鵝。好味滷水鵝有好多間,呢間乃係其中一間有正滷水鵝賣!

講 o緊嘅係有名嘅「正斗」~ 對面嗰間。

呢間嘢叫「生記」,喺皇后大道西近西營盤,佢賣嘅招牌獅頭滷水鵝比一般滷水鵝大隻。滷得入味,肉有質感,正!個師父刀法一流,將啲鵝肉「片」得厚薄適中,骨肉均勻,唔會骨碎碎咁「吉」口,可以食得夠放。

除咗招牌獅頭滷水鵝,「生記」仲有普通滷水鵝、滷水鴨、特種雞同一系列滷味賣。最有驚喜係有勁多平時唔易食到嘅滷味,必試必食!

店內好細,亦唔舒適,外賣較適合。

皇后大道西一帶、西營盤同西環,好嘢真係好多,有排發掘有排食!而且,最正嘅係呢幾笪地方,好懷舊,未被低 B 政府大搞破壞,得以仍倖存自己味道,所以,喺呢幾度嘅食肆食嘢,風味氣氛特佳!

喺香港,呢 oD地方,彌足珍貴。我數嚟數去,港島,除咗西區,就只剩下北角一帶。

11 comments:

Anonymous said...

滷水鵝,我之所愛也,搵日去買來試試.唔知有無外買?有無限量銷售呢(一日限售xx隻嗰種)?

梁巔巔 said...

梗有外賣 la! ---> "店內好細,亦唔舒適,外賣較適合。"

"有無限量銷售呢(一日限售xx隻嗰種)?"

放心, 我嗰日好晏去買, 佢都仲有好多隻呢.

:)

Anonymous said...

wei...you never bring me to have nice food la....

Anonymous said...

oh! forgot to leave me name tim, gusee who i am ma.

Anonymous said...

灣仔春園街有一間的滷水很好吃,不過我未試過你提及那間。

梁巔巔 said...

孱仔:

多謝介紹! 等我搵日去試試! :)

梁巔巔 said...

Anonymous:

吓?!

喂, 大佬/大姐, 點估呀?! 開估啦頂~

macy said...

梁巔巔

那種舊區,好像上環,灣仔,北角一帶,仲有呢種風味.但,買少見少咯.

常常覺得舊餐廳的味道更好,好像我以前講過係公司附近的祥利冰室咁.

係喎,近日公司對面(電氣道)有間潮州小店的滷水食物非常正,我在那裡吃過最好味的滷水旦及滷水豆腐.一流.差不多晚晚都在那開餐.它的滷鵝,清湯羊腩,涼瓜煎蛋都很美味.

梁巔巔 said...

Macy:

"那種舊區,好像上環,灣仔,北角一帶,仲有呢種風味.但,買少見少咯."

係啦! 多得個低 b 政府~

"常常覺得舊餐廳的味道更好,好像我以前講過係公司附近的祥利冰室咁."

最正係唔單只嘢好食, 仲有嗰種風味氣息 ma.

"係喎,近日公司對面(電氣道)有間潮州小店的滷水食物非常正,我在那裡吃過最好味的滷水旦及滷水豆腐.一流.差不多晚晚都在那開餐.它的滷鵝,清湯羊腩,涼瓜煎蛋都很美味."

"滷鵝,清湯羊腩,涼瓜煎蛋"

正正正正正正正正正正正正正正正正正呀!!!!!!!!!!!!!!!!!!!!!!!!!! 等我去試!!!!!!!!!!!!!!

樂遊 said...

....食鵝的樹熊
冰室應該就快絕種啦......係熊貓死晒前的一千年就絕種。

梁巔巔 said...

Haaaa~