Monday, November 26, 2007

正廣告



自幼織夢
極愛想像
心中緊緊記
沖宵的理想

海天一色伸延無限
化作海鷗飛渡遠方
衝出天邊胸懷大志闖一闖

兒時夢印腦海裏
此瑣碎片段現已一賞願
種種依稀今天清晰記起

這空中的溫馨
陪伴你到美國每一處~

曾經 post 過呢個屬於上世紀九零年嘅廣告歌詞,可惜嗰陣搵唔到條片。

前晚喺 YouTube 試試再搵,哈,有呀!好嘢!

即係咁,都話呢,唔係話以前嘅嘢就一定好,但好似廣告咁,以前嘅真係好過而家嘅喎。無論喺創意、音樂、畫面、言詞同意思等都精彩非常!唔似而家嗰 oD,只一味話追求創意。而事實上,佢哋所謂嘅創意,亦唔見得有幾吸引有幾掂。曾講過, 試問而家嘅廣告,有幾多個係令人驚嘆而更令您一看永世難忘?!

當然啦,以前都有啲廣告好土好好笑,好似秋蟬牌羊毛內衣、愛膚堅、竹葉青同「我要」牌冷氣等等呢啲都係。但大多數仍係好嘅。

以前啲廣告,起碼,有嗰個心、嗰份情,所以,先可以要我哋呢一代懷念。

17 comments:

樂遊 said...

aiya aiya aiya.....最前已想把這個廣告post上我度......你「捷足先登」tim
我都好鍾意呢個廣告....d詞真係好好,再加上summer的演繹.....真的未見來者

收買佬 said...

>以前啲廣告,起碼,有嗰個心、嗰份情,
>所以,先可以要我哋呢一代懷念。

例如人人搬屋﹖:-)

macy said...

梁巔巔

以前d廣告好多sell溫情,eg '維他奶', 或者'陽光'咁純情.

而家d廣告就多數sell創意/怪鷄, 女/男性胴體, 賣脫毛膏賣到好似咸片咁...><

都有d想sell温情,但係就鬼5馬6, 好似’稻香’,個老豆係屋企睇電視睇都好大聲,之後係稻夾餸俾個囡,咁就叫溫情?! 仲有個恒生廣告,揾羅發禮講Cybertecture,都唔知做咩.

樂遊 said...

稻香果個廣告直頭奇呢啦……….唔係話要甚麼詩禮家傳,孝感動天,但都唔洗飲茶飲到咁尷尬ga,仲衰過同前度男/女朋友食飯咁樣。呀老豆夾點心給女兒,都不是甚麼大件事姐,唔洗一副「cool煲」樣ge。
近年我最最最反感的廣告就是那些「宣傳」縱容兒女的廣告。如最近維記牛奶,兒子打wii唔溫書,老母用奶引他做功課,做家務等等…….飲完,繼續打wii,個白痴老母一副無奈無法子樣。這是甚麼觀念呀!!!這一類意識的廣告越來越多。外國早在指麥記等公司的廣告教壞細佬,真係一d都無錯。
題外話,其實近來我覺得最經典的廣告是遇然在半夜節目看到的,關心妍當主角的宣傳使用避孕套廣告,真係奇呢爆笑。

收買佬 said...

其實好多廣告人一早回晒堂。你看那些樓盤廣告﹐真係千篇
一律。

早十年八年前好多人喜歡Sunday 的廣告﹐但呢班人玩來玩去
都係0個招。信安的“鑽石山”已經有點疲態﹐家陣的ING 玩
麥史葛就更加無聊。

我自己反而有點喜歡幾年前可樂有個0靚仔將他阿媽的說教整
remix 來播﹐幾有趣。

又﹐記得LDD 話他好喜歡呢個廣告﹕

http://www.youtube.com/watch?v=bzoF_GjYlaQ

梁巔巔 said...

樂遊兄:

"最前已想把這個廣告post上我度"

哈哈~ YEAH! 又一次英雄所見!

"你「捷足先登」tim"

有乜所謂, 你照 post 嘛, 講吓你嘅感受!
"我都好鍾意呢個廣告....d詞真係好好,再加上summer的演繹.....真的未見來者"

呢個 ad, 真係好!

收收:

"例如人人搬屋﹖:-)"

人人搬屋好~ 人人字號老~ 搬屋搬倉搬寫字樓, 搵人人啦!

跟住有個工人同個西裝友握手.

正!

Macy:

"而家d廣告就多數sell創意/怪鷄, 女/男性胴體, 賣脫毛膏賣到好似咸片咁...><"

極其猥瑣.... oD八婆 C 奶假道學又唔打去有關機構投訴?!

樂遊兄, 收收 & Macy:

"都有d想sell温情,但係就鬼5馬6, 好似’稻香’,個老豆係屋企睇電視睇都好大聲,之後係稻夾餸俾個囡,咁就叫溫情?! 仲有個恒生廣告,揾羅發禮講Cybertecture,都唔知做咩."

"稻香果個廣告直頭奇呢啦……….唔係話要甚麼詩禮家傳,孝感動天,但都唔洗飲茶飲到咁尷尬ga,仲衰過同前度男/女朋友食飯咁樣。呀老豆夾點心給女兒,都不是甚麼大件事姐,唔洗一副「cool煲」樣ge。
近年我最最最反感的廣告就是那些「宣傳」縱容兒女的廣告。如最近維記牛奶,兒子打wii唔溫書,老母用奶引他做功課,做家務等等…….飲完,繼續打wii,個白痴老母一副無奈無法子樣。這是甚麼觀念呀!!!這一類意識的廣告越來越多。外國早在指麥記等公司的廣告教壞細佬,真係一d都無錯。
題外話,其實近來我覺得最經典的廣告是遇然在半夜節目看到的,關心妍當主角的宣傳使用避孕套廣告,真係奇呢爆笑。"

"其實好多廣告人一早回晒堂。你看那些樓盤廣告﹐真係千篇
一律。

早十年八年前好多人喜歡Sunday 的廣告﹐但呢班人玩來玩去
都係0個招。信安的“鑽石山”已經有點疲態﹐家陣的ING 玩
麥史葛就更加無聊。"

直頭走火入魔不知所謂~ 冇 o格, 班友冇內涵又唔肯吸收其他知識又唔做足資料搜集, 一味靠打天才波. 又多一飯好似電影咁畀其他地方追上甚至趕過啦!

而家 oD廣告, 水準低 X 到睇極都唔記得.

梁巔巔 said...

收收:

"又﹐記得LDD 話他好喜歡呢個廣告﹕

http://www.youtube.com/watch?v=bzoF_GjYlaQ"

嘩! 我梗係唔係鐘意呢個 ad 啦! 我係鐘意 Chase 21 喺雜誌硬照嘅風格同 o埋 Manhattan Card 嘅電視廣告呀!

"https://www.blogger.com/comment.g?blogID=15577502&postID=6648771842019404960"

Anonymous said...

以前d廣告,就算老土都襟睇.
衣家d廣告,幾咁前衛都頂唔順.
衰過以前!

梁巔巔 said...

係嘞! 冇錯!

Anonymous said...

你一向不知所謂!但正‧‧‧

梁巔巔 said...

Anonymous:

Hihi~

你/妳係....

Haaa~ Who are you?

Anonymous said...

估唔到?haaha

收買佬 said...

吓? 0個個唔係Manhattan Card 廣告咩?

又, 咁你點睇呢兩個先?

原裝:
http://www.youtube.com/watch?v=vHcMrVBNSDY&feature=related

改編:

http://www.youtube.com/watch?v=3vfmNjP4_N0&feature=related

收買佬 said...

>跟住有個工人同個西裝友握手.

Hey, 唔覺有西裝友同工人握手喎, 我有印像的人人
搬屋, 係呢個version:

http://www.youtube.com/watch?v=0BjNlQB4X8w&feature=related

梁巔巔 said...

Anonymous:

..... 妖~ 估唔到!

收收:

唏! 你有冇睇我篇文 ga!

"當然啦,以前都有啲廣告好土好好笑,好似秋蟬牌羊毛內衣、愛膚堅、竹葉青同「我要」牌冷氣等等呢啲都係。"

"竹葉青" !!!!!!!!!

Anonymous said...

見你玩得咁高興,又走去youtube摷經典廣告,還是舊時美好啊…

梁巔巔 said...

^^