又走一過。。。。

睇麗的同後嚟嘅亞視大嘅我，今日聽到劉志榮病逝消息，hummm，有啲感慨。

當年佢幾乎係麗的同 o埋亞視每部劇嘅主角，亦係大型節目嘅御用司儀。佢演戲演得好好，好演技。尤其是演一啲古古惑惑，生鬼惹笑嘅角色更係入木三分。

後嚟佢逐漸淡出電視，做電影幕後，又躋身政界做區議員，演員、司儀、老闆、議員，多個角色，人生是戲戲也是人生。

於他，每個角色都演得成功，包括對家庭。

才五十六歲，真惋惜。。。。

靚片金曲~ La Boum II & Your Eyes

法語舊片~ La Boum 好多人都知道或者更看過。它那首主題曲~ Reality 更加係無人不曉的經典金曲。

但大家又知不知道，還有 La Boum II，沒記錯的話，那時在香港也有上映 (港譯多情學生妹。個人覺得此譯名乃失敗之作，因為極會令人誤以為是一齣咸片！)。它的那首主題曲~ Your Eyes 堪與第一集的 Reality 不遑多讓，好聽到暈！



而兩集的女主角，都是索爆的蘇菲瑪素。個人認為，La Boum II 裡面的她，是她美麗動人的巔峰時期。

P.S. 記住一定要睇 o埋呢段片喎 (Yours Eyes 配 La Boum II 嘅精華片段，好正咖！)！

Your eyes
Opened wide as I looked your way
Couldn't hide what they meant to say
Feeling lost in a crowded room
It's too soon for a new love
When you smile your eyes show your heart
Lost inside a soul torn apart
Feeling alone with people around
True love is so hard to find now

You think you're so misunderstood
I'd explain if only I could
Something tells me this time it's real
The way that I feel

Your eyes like the blue in the summer skies
Caught my gaze as I looked across
Feeling lost in a magic maze
It's too soon for a new love
You can't hide that look in your eyes
Open wide you seem so surprised
Searching around for somebody new
True love is hard to find now

When you smile your eyes show your heart
I feel mine is falling apart
Don't you see the way that I fee
lMy loving is real

When you're lost your eyes show you how
I should like to know I'm a part
When your eyes shine I'll know you're mine
For all of the time

閒談點點

＊ 近日心情一般，除咗有時會因為某啲剛過咗去嘅嘢發吓惡夢，就係一諗起四川件慘劇，都會有啲心有戚戚然。希望 oD災民能夠安然渡過，受創嘅身心可以盡快恢復過嚟。

＊ 睇咗多年嘅連環圖~ 古惑仔，我決定睇完呢輯故事單元~ 香港洪興火拼台灣毒蛇幫之後，唔再買嘞！

原因無他嘅，本嘢越嚟越「單薄」，呃錢囉！喂，大佬，十四大元一本唔駛三分鐘睇完！又將啲情節拖長嚟講 (無謂兼且沉悶地噃)，唉，唔即 cut 都算係咁。

＊ 講開連環圖呃錢呢樣嘢，其實連唔少散文集都係！當中包括我偶像之一嘅蔡瀾！一篇超短嘅文，oD字印到大大隻，行與行之間好體貼您嘅雙眼地隔到好~~~~~ 開咁，咁就版半甚至兩版！

不過，都好在仍有可取，起碼都仲有啲嘢知多啲。至於嗰 oD無料到又呃飯食嘅，好似李 _ 恩嗰類甚至其他喺名氣上等而下之者，真係~ COW！

＊ 尋日睇咗「藍」，噓！紅白藍三部曲「終於落幕」！

講開都幾有趣，就係三部曲我都係睇碟嘅，先紅後白最後藍，由白到藍已相隔八年！而且呢，呢三部曲我都分別喺三個唔同嘅地方睇~ 順序係台灣、澳洲、香港。

＊ 最後講啲嘢提吓大家！各位最近留意街上面，當您行行吓嘅時候，周不時會有唔少由木棉花樹飄落嚟嘅一小團團嘅棉花飄吓飄吓，盪嚟盪去，好似雪。。。。好靚！好詩意！

唔開心，納悶嘅時候，望吓欣賞吓，個人都即刻開朗啲。即使唔係，有 oD咁天然，就算要畀錢都未必有咁靚嘅嘢睇，唔望多兩眼欣賞吓，咁您話幾對個地球唔住哩~

記得留意吓咯喎。

天災之外

距離舉國 (世) 矚目，天下焦點匯京師的零八奧運只十三週，在各地都有反京奧的聲音之時，我們的四川發生了7.8級大地震，相等於二百多個核彈的破壞力，已奪去了超過一萬條人命。

連遠在香港甚至台灣都感受到震盪。

一下子，各地都摒除對中國辦京奧的有關不滿，之前所有的不利都因這次的不幸蓋過了，可說因禍得福嗎？誰稀罕這種「福」？或許中共領導層會的。。。。

人禍，不會比天災害人民來得輕，分別只是沒有那麼明顯，震撼。然而，卻更陰隱，更害人。因為，人禍之患不易讓別人像遇天災般有被伸出援助之手之助的機會。

天災可怕，人禍更毒。

相信這由這刻開始，該不會再有反京奧的聲音。

中國，中國人，我們的詛咒，惡運，到底甚麼時候才完結？！



梅花梅花滿天下 愈冷它愈開花

梅花堅忍象徵我們

巍巍的大中華

。。。。

哲意禪味

竹林裡，木屋茅舍，禪味盎然。

屋舍內一幅掛畫大字，哲意頓生。

在大陸，我想這樣子的地方還是有的。但一處如斯的聖景，要論整體。整體不僅僅是那一地點，還要包括它四周環境。就如一間酒吧餐廳，儘管裡面的裝璜是何等漂亮，但若外面是烏煙瘴氣~ 內裡中環，出面砵蘭，那也屬嘥料浪費。

內地，若整體來說，嗯，已知的，該沒有了。

那裡，在不遠處不是已於附近滿佈了商販的店舖，就是駐紮了政府販賣部的賣票機。即使不是，但在四圍的環境，可以說，縱不至於俗不可耐，也多是互不匹配。

看看日本。

人家在包裝和內涵，均一致而貫徹始終始終如一。少至貨品；大、深入至建築文化。簡單具體一點，除了日本人的好學、認真、尊重以及自愛，配合以上的，他們還真有天賦！懂得「那一種藝術」、「那一種味道」。。。。ummmm，如。。。。少或淡的味道。如，輕雪、薄熱、淡化妝、弱富、少貧。。。。

多麼悠然~

似有若無，是無還有，輕重疑疑，實虛哪在。

碧綠軟實的草餅，鋪上一層薄如霜麵粉 (連麵粉在這樣子亦那麼美)，包上一紙紗包，封以精美紙盒，最後還書上楷書或草書的封面字體，內外兼顧，這才是大國之涵，這才叫 BALL~

淡才更入，入才知淡的深。

看著醜陋的中國人，聽著義勇軍進行曲；看著菊花與劍，聽著君之代，那一剎，梅花櫻花的片片斜落花瓣掩面而至。。。。

這時這刻，哲意禪味，您會為哪片而醉？

好玩玩意兒

人大了，不像兒時般甚麼都可玩一餐。而且，長大後所玩的東西，它們大多數的快感與兒時的都截然不同。

倒有少數是例外如釣魚、打機和結識異性。

有一樣玩意兒，很好玩好過癮的！在香港，我們兒時都應該沒有玩過，事實上，住在都市的我們亦很難有機會玩到。儘管您以前或現今住在農村，也肯定未曾試過！而且，小孩和大人也一樣喜歡的！

哈！是甚麼？！

我曾寫過，在台北的日子，有一段長時間曾住在荒山野嶺，閒時無聊試養雞，結果，養至整個後山的小山丘一整山都是雞！

當然，我這次所講的極好玩極過癮玩意兒不是養雞啦，養小雞相信很多人兒時都養過嘛。

那時，除了自制風乾蘿蔔 (失敗之作) 和養雞，另一玩意，也就是我這次要說的極度好玩過癮之事~ 孵蛋。

當然不是我自己走去孵雞蛋，而是買一部孵雞蛋器 (在香港那有得賣吖！所以，我肯定大家未試過。即使您曾身在外地長住，也肯定想不出這玩意！)，然後到超市、雜貨店及養雞場分別買一些雞蛋回來，劃上記號，再放入孵蛋器中，調較到攝氏三十七度，鋪上一條毛巾蓋住，靜靜的等待三個星期。。。。

這三個星期是令人「痛苦的」，心急死的！但二十一天之後，登！登！登！登！掀開毛巾，打開器蓋，那些從各處買回來的雞蛋，其中可能會有一、兩隻甚至更多是受了精的 (也很多時一隻都沒有。這亦是最好玩最令人驚喜的地方！)，已孵成可愛的小雞啦！

那一刻的喜悅與快感，我好肯定，不管是小孩及大人都同樣飛天！

P.S. 在網上只要打「孵蛋器」，便可找到介紹和網上購買方法。大家不妨買來玩下啦！

怪異的火光。。。。

話說現在住的新居，除了位置地點好，最重要是感覺舒服，住得自在，一點不舒適都沒有。這對空間 (特別係住宅) 非常敏感的我尤其重要。

以前其中做過的一些行業需要到訪很多住宅，如果因為有某些「污糟」的東西，那即使是豪宅抑或有金碧輝煌的豪裝單位，我都會立刻感到有不妥，渾身不自在。

當然，有些住宅令人不舒服不一定是因為有那些「東西」，而是由於另一原因，就是風水問題。曾試過去過一個位處中半山羅便臣道的豪宅單位，那裡很大，足有二千多接近三千呎，歐洲宮廷式設計，很美的。但它中間卻有一條大大的結構柱，我在那裡沒多久已頭痛。離開後，與我同去的那位客人也跟我說那單位不好，因為的是那條「頂心杉」。。。。

上兩個星期的某一個傍晚，我坐在「塔塔米」的床上看電視，突然間，在床與電視那一段距離的空地的一角，沒有任何電制電線，有一團頗大淡淡藍白色的火光「o蓬」一聲乍現速無，聲音情景仿如平常燒電制時差不多。

吹脹的是，跟五師兄談起這件事，他解釋道可能是屁的關係！他真是他媽的放屁！我那刻都沒有放屁，而且，屁，不會凝住還會產生如此大的火光和聲音吧！

幸好，這裡仍住得舒適自在非常。

恬不知恥

第一則，之前睇完樂遊兄寫已經忍唔住，尋日睇 o埋本雜誌報導，點都要 X 一 X！

第一則，一則兩單。兩單都出自出晒名假嘅無記所出品嘅「一百萬人的故事」，兩單都笑 Q 死，兩單嘅主角都冇「餡」、質地奇劣兼低能到唔恨！尤其係第一位！

吳 _ 如~ 佢全程嘅輕挑唔講嘞！個 o靚仔屋企窮到燶，平時一日三餐都只食白麵包同腸粉，個白痴主持吳君竟然問佢：「點解唔買飯盒食呀？」

我 X！

呢條女同晉朝有個出晒名低能白痴嘅惠帝簡撚直分庭抗禮！人民冇飯食要食樹皮樹根，嗰個惠帝仲問隨從：「點解佢哋唔食肉粥？」

唉~

第二單嘅主角係劉嘉 _~ 去探窮人仲戴隻好多卡嘅火鑽！喂，攞景定贈慶？！聽聞佢全個節目仲要好似審犯咁嘅口問，有冇攪錯？！

平時做戲就咁叻？！妳班友假都算嘞，連戲都嬾得做！表現完全冇腦同唔尊重他人！八婆即係八婆~

仲有嗰個妖人 _ 志雲！佢嗰頭喺嗰咩飯局就食 oD貴夾唔飽嘅嘢，呢頭就嬾乜咁做 o埋呢啲咁嘅爛節目！當然，一個電視台，佢係佢嘅位置，係要做啲多元化嘅嘢。。。。X，總之就唔乸鐘意佢！

第二則，新鮮熱辣，就係陳巧文被龜拉嘞。

又一証明，香港 oD龜真係好叻好有效率 (不過只係對住啲好人同冇乜反抗力嘅人咋喎！)！

而且，仲好龜力過剩 tim！

以上兩則嘅主角們，都風光威武，身處上風，事實上，他們均恬不知恥。

聖火奇譚

啱啱「納」咗幾「納」頭先開始咗嘅聖火傳遞，感到好奇怪，乜今日係假期嚟嘅咩？！點解咁多人圍觀嘅？！班友唔駛做？！唔駛番學？！奇！

香港而家嘅失業率又唔係高，至於成日話殺校，但點都有唔少學生嘅，而且今日又唔係唔駛番學，咁如果佢哋唔係打工仔同 o埋學生哥嚟，咁，嘩，即係大部份都係「屍拉」，「閃閃」同阿叔阿伯啦！嘩，香港嘅人口老化。。。。杰！

另外，早前份傳聖火名單咪畀人 X 話政商分贓嘅，哈，有關當局醒呀！喺有好多人圍觀嘅鬧市中心嘅第一段全部都係由運動員同藝人拎碌嘢玩火，去到冇人嘅青馬大橋嘅第二段 (因為企唔到人)，oD大鱷呀妖人呀牛鬼蛇神三山五嶽，有關當局就畀佢哋逐一蒲頭玩火嘞！

係呀！我係咁睇當局專登咁樣安排咖喇！

原來每個傳聖火嘅人都可以拎碌嘢番屋企做紀念。碌嘢除咗有紀念性，其實仲好實用！例如可以用嚟照明 (停電嗰陣)、煮食 (點燃煮食爐嗰陣)、自衛 (被打刼嗰陣) 同自慰。。。。

又鳩嗡完，拜拜！

瑣事雜記

(一)

上次講開喺我住嘅附近遇到蔡瀾同倪匡，仲即刻番上樓攞咗本散文集畀蔡瀾佢簽名。

「你叫咩名呀？」佢親切地問。
「梁巔巔。」
「好名噃！」佢讚嘆！

點知，佢寫~ 梁甸。。。。我即刻話：「唔係呀蔡生！係『巔』峰個『巔』呀！」
「啊！『巔』峰個『巔』！好！」

嘿。。。。佢續寫落去。

第二個「巔」佢竟然寫咗呢個「顛」！！！！

即係變咗「梁甸顛」！！！！！

吹脹！

我開始懷疑 oD散文係唔係佢寫或者，我相信佢長期飲醉。

。。。。

(二)

呢排瘋狂睇咗好多碟，發覺，舊片真係好睇過新片。

好喺邊呢，就係好喺有嗰種戲味，一睇再睇三睇睇完又睇都咁正一樣咁好睇，襟睇！

(三)

尋日食晏，喺間韓國餐廳叫咗碗石頭鍋飯。鍋飯其實幾好味，不過呢，料太多，飯太少，攪到唔知點咁。我一向鐘意飯多料啱啱好就最好味。

(四)

飯可以唔食 (食三文治或者之前我寫過嗰 oD都得)，但湯唔可以唔飲！

我每個禮拜都會煲兩三次湯補補潤潤嘅！有湯水，人都正啲，醒神啲，強啲！我今日，又煲咗豬脷雞腳湯喇！

女人唔補好易老~ 男人唔補好易冇~

聽日係公眾假期，祝大家有個愉快嘅傳聖火前夕。

昨夜的渡輪上~ 深宵傾情

Hummmm，第一次聽到這首歌，是在一晚喝到半醉。。。。就好像現在。

那晚，記得好像應該是不太開心，我在會展當年的 Kara 唱完歌後，乘的士回家。途中，那的士司機在聽電台，經過西環去薄扶林一段海皮的時候，電台播出這首歌，他立刻較至大聲。。。。

望著兩岸的倪虹燈光，那時的它們還未可以如現在的可以閃，但卻有一種凝住的美，那種，那種凝住的浪漫。Fantasy~~~

今，我又不太開心了。唔。。。。夜深人靜，背著青鬱鬱的山，對著鑽石維港，想了又想，想著想著，humm，願我可化作霧鎖香江的煙霞，似有若無，我去還在。

地鐵驚魂 (五)

今天坐地鐵，坐在我右手邊的那位中坑阿叔，不停用其左手特長的大拇指及無名指指甲為他的面孔按摩，每隔一短時間，他那兩隻留得很女人，yo！像比女人還要長的指甲，相互既挑且「彈」，「彈」，「彈」，「彈」，潔癖的我，怎忍受得了！於是，我站起來走到車廂一角站著。嘿，更糟！那位少女的秀髮，陣陣仿如劣等的蝦醬頭油味，吹過來~

我聞到。。。。

怕怕！驚驚！

事實上，不一定在地鐵，經常身處於共公地方的我們，hummm，對於以下嘔心噴血的公眾地方十賤，在香港，隨時隨地可見。

一：清理面孔。包括撩鼻屎、擠暗瘡、挖耳孔等。更糟糕者係撩擠挖後還要隨行動附送「彈」！

二：頭油味四飄。這個無論在視覺及嗅覺上都帶給您無與倫比的極級享受。

三：嘔胃氣。將他她剛吃過的「美酒佳肴」自私地以已消化的殘湯剩飯氣味肆無忌憚的吐出。。。。

四：咬指甲。指的當然是咬手指甲 (想怎樣也好，不會有人當眾咬腳指甲吧！私底下也應該不會有人咬吧！)。咬手指甲，不打緊，問題係，咬完，還要即席吐出來。

五：脫鞋。脫鞋，沒關係~ 若然您沒有腳臭以及白色的襪子沒有淡淡瘀黃色的漬的話。

六：大聲講話。彷彿全世界在 enjoy 分享他她的一切，包括私隱。更難頂的是他她的眼神還不時看著四周，想您在有興趣聽他她的講話內容。

七：大聲講粗口。嗱！我乃爛口皇子！但係，我唔撚會好似開演唱會咁好撚大聲咁粗口連珠大爆破囉~

八：三級表演。大庭廣眾，燈光明照下作三級親熱只欠「放進去」表演，我 X~

九：搶位坐。看這裡重溫吧。

十：不讓座。最賤賤賤賤賤賤賤賤者，是這種~~~~~ 當然啦，如果您那刻因不舒服、腳痛、屎急，又另當別論。

請有以上劣癖者自重，要令這世界變得美一點，其實好容易好簡單！請改一改，那便可造福人群，回饋社會，功得圓滿，阿彌陀佛。

何樂而不為？

十賤只係大概，還有其他補充否？

蛋蛋。豆豆。飯飯

自己一人住，為方便，免麻煩，吃，變得簡單。但簡單歸簡單，營養與美味一定要有，總不能不好好的 o錫住自己。之前住在酒店的一個多月，就曾因為試過有兩個多星期，兩天才吃一餐 (還要只是即食麵)，弄至差點虛脫。

要簡單又要有豐富營養兼且好味道，今次題目的三樣食物最能做到。

蛋蛋~

非常愛吃蛋，無論是甚麼做法都鐘意。由於煎蛋，炒蛋會有油煙，所以，我現在在家只會烚蛋、蒸水蛋同煲一系列可放蛋花的蛋花湯。

其中最簡單的烚蛋，把烚熟的蛋切開，淋上煮滾的熟油，再倒上蠔油，不論是淨食或配飯均一流。

順道告訴大家，怎樣可以烚出半生熟，吃時會流出金紅的蛋漿的烚蛋呢？只要連蛋帶水一起用中火煮，水沸後三分鐘熄火即成。愛吃半生熟烚蛋的您不妨試試。

豆豆~

豆豆營養豐富，比蛋蛋有過之而無不及，更容易被身體吸收，最好的是年紀多大都可多吃，不像蛋蛋，年紀大了便不可常常吃。

將黑豆、紅扁豆、赤小豆、綠豆和眉豆等等放入水中煮至熟透起「沙」便成。由各種豆豆混合而成的「豆漿」味道層次豐富，而且，湯又可喝，一舉兩得。講究一點，煮時可加入豬骨或豬肉等各樣材料，甚或乾脆放一粒濃湯寶，簡單快捷。

更光速，可買一罐茄汁豆，也同樣營養可口。

飯飯~

煮飯，無須一定要用電飯煲或者瓦煲。用煮公仔麵的那種也可以。之不過，用那種煲煮飯，最好就是煮爛飯仔，才最好味！就等於公仔麵必定要用回那種煲煮一樣。

倒一「嘜」至「嘜」半米 (因為那種煲不大，所以米不可太多。)，水倒至浸至手腕 (比煮正常飯時要多)，待煮至蒸氣出現，即刻加入免治牛肉或豬肉 (個人認為用免治牛肉為佳)，到整煲飯收水，加點鹽，一煲又有營養又好味又有兒時回憶的爛飯仔即時重現面前。

以上都是小弟我這陣子常吃的東西 (爛飯仔待下星期買米後會煮)，除了開首所講的既簡單又有豐富營養兼且好味道外，亦夠經濟呀！

當然，還有三文治同沙律等都係方便快捷好味又有營養的食物。各位還有沒有其他點子提供？

無奈的生意

不久前我開始有一個習慣，就是盡量幫襯不是大型超市及連鎖店的店舖，報販。

所以，平常買報紙、雜誌和煙等，都於報攤買。至於餸菜酒水，唉，香港的傳統街市已接近絕種，生活忙碌逼人，故不可能每天都特地去不是每處都有的傳統街市買。為求省時快捷，只好養肥那些富商，無奈的向他們奉獻，幫襯大型超市，連鎖店。

官商嚴重勾結，香港已淪為某幾個超級富商世界。他們幾乎包辦了我們日常的起、居、飲、食生意！又趕絕了其他小檔商戶。他們財雄勢大，底子超厚，可以以本傷人，看長線。一眾小販報販店販即使做足廿四小時亦難敵。就以報紙為例，減售一元兼又送紙巾又送膠袋，常常連賺毛利也賺不到，不用蝕，打個和已好了。但若連打個和也不能，不單白做，直是蝕本生意，嗚呼哀哉，欲哭淚即標。

是的，世界不停的轉變，社會不斷的進步，必然去舊迎新，汰弱留強。然而，在香港，是否激了一點？無情了一點？人為了一點？

請多支持仍在死撐的他們。

大腦考下您~

相信各位都嘗試過家的樓上、樓下或左鄰右舍裝修時所發出的噪音滋擾。特別是由電鑽所發動的「電鑽煞」，更要命！更要命的是您在閒日難得有假放或是平日返夜班的人，晨早九點多那些師父便祭起電鑽煞，「吱~~~ 吱~~~~ 吱~~~~ 轟！轟！轟！」，哎唷唷，超「甘」！

那一系列由裝修所發出的噪音，不斷下下直鎚您心坎，更厲害的，令您更辛苦係下下錐您的腦，直鑽腦袋瘋狂攪拌。。。。

那種痛苦，一定可以另開一層地獄！

您受傷，我搣您，您被打，您會痛。您會痛是因為充滿我們身體每一寸地方的大小神經將「痛」信息傳到我們的腦，再由腦告訴我們「痛」。

我們所有的知覺，都由腦去製造、形成、告知。

這些，大家想必知道吧。

大家又知否，如果，例如電鑽煞 (真的電鑽) 不斷在您的腦肉中瘋狂地又鑽又撬，您的感官知覺會是怎樣~

A. 好 X 痛痛痛痛痛痛痛痛痛痛！！！！！

B. 又癢又痛

C. 全身痙攣

D. 毫無感覺

E. 好 High！高潮迭起！

F. None Of The Above

答案係 (及結尾)。。。。晚一點在這裡續下去~

續上~

哈哈！我們的大腦呀，原來，「他」自己本身並無知覺！！！！換句話說，無論怎樣肆虐「他」，他都係~ D 毫無感覺。

萬千感覺在一身的大腦，我們最高級的總指揮，竟然是一丁點感覺都沒有！就如工作上的高層，感覺也是無，對這，他們並不需要。

道，真詭奇。

堆積感受。感受速遞

從05年到今，寫 Blog 已快三年了。巧恰地，也停寫了三次。第一次是寫了一年完了自己許下的諾言而暫且擱筆與及最近第二第三次的情非得已。

上一次是因為家裡 (薄扶林舊居) 裝修而停寫了差不多兩個月。今次。。。。亦差不多停了兩個月，原因是。。。。hummm，簡單一句~ 主線原因係家變。

打從二月的農歷年初一開始到四月九日，一直奔波四處，短短兩個多月搬了三次。由薄扶林舊居搬到一親戚家短住，又由他的家搬到酒店住了一個多月，最後再搬到現在的大坑新居。

四月九號正式入伙，到十八號一切弄好妥當，從離開舊居斷絕感情那天到現在，總算安頓下來，告一段落。

家家有本難唸的經，人人都有段難言的路，痛苦難喻，無奈難抒。恩怨情仇，即使是至親，若一天緣要盡愛要滅，劇情，結局，跟其他人原來並沒分別。唯一不同是，其他的仇人，若給別人欺，必定冷眼旁觀甚至伸多一腳，但血緣上的至親，就算怨恨再深，也會出手相助。因為，他們只可以自然的死或死在自己手裡。

我們一生之中，如今我才恍然大悟，原來，仇人貴人，都係幫助我們的人。試攤開手掌，我們掌中那些縱橫交錯的線，有很多都是屬於貴人線。這些出現在我們一生的貴人、「貴人」，前者是正面的幫助，後者嘛，就是負面。後者對自己的「幫助」和「功效」，某程度上比正面貴人更勁！因為他們有著獵食者般銳利的觀察，願意花心機花心力去一矢中的害您功擊您，所以，效果有如特效加強必理痛。至親 (包括兄妹)，效果就更大更犀利！因為他們知您甚深，累積的感情至重，由他們出手，哈哈，直如嗎啡水銀，效果感受到的直達上腦，無孔不入！更爽更正更痛快！

也更刻骨銘心。

有以上這廝，自己才會反省、爭氣、自勉、自強，將負能量盡情釋放再繼而把正能量發揮，致之死地而後火鳳重生，悲劇的誕生，喜劇的結尾，自己的劇本，是如此般吧。

。。。。該說一聲：「謝謝。」

謝謝爸爸，謝謝妹妹，謝謝我的親戚。

這是我最後這樣稱呼你們。

誰能明白我

音樂，歌詞，有時勝過千言萬語。

除了那半句~ 懷著愛與恕的心「恕的心」這半句。有些事，做了，發生了，是沒得恕的。

奠

人，對於認定自己，那，是甚麼種族、膚色、血統，並不重要。重點是，自己的內心深處，自己的靈魂認定自己是甚麼。

同樣，在其他方面，別人認定自己是怎樣，儘管是親戚甚或雙親，管他們怎樣看自己，最重要係，自己知道自己是甚麼人。如果不是自欺欺人，那麼，管他媽的其他人誤解自己。夜深人靜，午夜夢迥，或於人在最後一刻之時，面對自己，以往所做過的，得失所作所為良心，一點一些一滴寸心知。

從二月的農歷年初一到四月中的現在，巨變急速發生。我身邊一切，可以說變得面目全非。其中，包括我與「梁老先生」及「梁小姐」斷絕關係以及他們的死。。。。意料之外，劇情之內。

我沒有流下半滴眼淚。即使最近我聽到老的那個他入院做手術，我亦竟沒有半絲擔心，與及關心。

他倆在我的腦裡，心裡，已等於死去無誤。

常說，心死等於絕，等於灰飛煙滅。

唉~

由今晚開始，因有特別事故，所以，最快可能要四月中先可以再寫 Blog。

痕

回憶的庫房裡，閃過無窮絲絲。。。。黔然
任風在面上拂刮，霜痕留留
多少經歷 心思
劃破了長空 劃破了身心
惆悵萬分 片刻休息



Hummmm。。。。

心聲

時針、分針、秒針，時刻分秒地追逐

存在的現在與曾存在的過去，一幕幕消失

如在空中泡泡，一個一個連串破滅

在那曾屬於的境地，某一個地方

心，不再活潑

已死

今，我只願在混沌的一角無涯岸邊

滾滾塵世中

獨自垂釣

。。。。

想趁這幾天寫多一點。。。。hummm，偏偏寫不出。

希望只今晚如是。

食清啲？！

鵪鶉蛋、五花腩、雞子、豬油撈飯、所有肉類嘅皮同 o埋補品等等呢啲咁好味嘅嘢，點解都係非常冇益嘅？！

如果可以做到佢哋嘅膽固醇極低而味道一樣咁正，您哋話幾好呢！！！！

又或者，天生唔鍾意食呢 oD嘢，咁就唔駛忍得咁辛苦！唉，年紀大咯 (雖然我似廿七，八！)，唔單只唔好食咁多，最好就掂都唔好掂。

忍口，戒乜戒 o物，真係好鬼痛苦難頂嘅一回事！好似今日咁，喺街見到檔賣鵪鶉蛋嘅小販，我走前窒後，掙扎咗幾云，終於都屈服咗，買咗嚟食。

。。。。

細個成日要戒口

點解大咗仍照舊

戒咗口未必冇愁

起碼成日口淡淡兼~ 戇鳩鳩

人生如此真難受

沒有了

曾說：「緣盡，就甚麼都沒有。」

這個緣，也包括。。。。哈~

不是一時衝動，千遍萬遍才做成今日的結局。

唯一放不下是，妳這個天殺的端。

六親不認，原來也有典故。

村落一遇

上幾個星期有一日，入咗去港島南面最篤嘅大浪灣村，記得嗰日係落住綿綿冷雨好凍嘅星期六早上，噢~~~~ 凍到呢真係！

三扒兩撥快手快腳攪掂完單嘢，即刻搵咗間甚有風味嘅村屋式士多醫肚，整番碗熱乎乎嘅餐蛋麵同一杯暖粒粒嘅齋啡，嘩，水準唔講得笑，好過好多茶餐廳。

食完，拎住杯熱齋啡逛吓呢間幾大嘅士多，佢有好多滑浪板賣，最大發現係，竟然有好多坊間而家已消失咗嘅當年兒時玩具賣！好似一包包劍仔呀、士兵呀、塑膠大飛碟呀同 o埋發泡膠片組合式飛機！正呀呵？！

嗰日雖然週末都仲要做，加上又寒又落雨，但有此一遇，苦中作樂也味道不錯呢！

呢 oD地方，香港已買少見少，只望政府千祈唔好又嬾醒咁整乜整 o物，將呢啲咁具風味特色嘅香港村落，地方破壞殆盡。

阿彌陀佛~

情迷 Amaroni's

以前有首歌叫情迷 Milano，好鐘意~「愛上你 Milano~~~~~ 夢在浪漫街道~~~ 啖著 Cuppucino~~~~ 擁抱你~~~~ 愛上你 Milano~~~ 夢幻獨自編~~~~~~ 造但願夢內傾慕~~~~ 只有你~~~~ 翩翩的歐洲空氣~~~~ 輕輕的掀起旖旎~~~ 懷念是你相伴擁抱夜~~~~~ 迷漫同在看小雨飛~~~ La la la la lai la~~~ La la la la lai la~~~~~ La la la la lai la~~~~ Lai la lai~~~~~」成首歌旋律優美動聽，而且仲充滿歐洲輕快閒情 Feel，正！

上星期，可愛的親戚~ 姨丈一家帶我去咗又一城嘅 Amaroni's Little Italy 食晚飯，嘩！一笪非常正嘅食肆地方！

一去到門口，人頭湧湧，座無虛席。坐下細味，餐廳裝修滿載意大利親切而又華麗特式，配合意國熱情音樂，真有身處拉丁異地之情。

食物大件又好味道，兼且亦係正宗意大利菜，唔會剩係得個樣。

頭菜冷盤用料新鮮，生肉嫣紅，蝦隻彈力肉實，魷魚彈牙煙韌，雜菜嫩身爽口！主菜嘅香草雞，肉質固然有粗但嫩口亦多！白菌忌簾寬條款麵 唔「漏」更入味到暈！至於 Pizza，正宗意大利，薄餅底軟面上餡多而成平坦狀，yumyum~ 一切都貨很對辦！

未去過意大利，但藉一餐而知熱情溫馨何在，在這裡，您會知是甚麼。

另，門口有大量精美紀念品任攞，我都攞咗啲畀佢。Hummm，去到邊，見到啲咩食到啲咩好嘢，都會記得佢諗起佢，好想同佢分享嘅！

靚屋屋

冇幾耐之前，去咗舂坎角做嘢，見個客。途經圖中呢間屋，正呀！簡直 Dream House！加 o埋嗰日嘅天氣，冰涼清新灰灰陰陰，勁風陣送，真係好似置身另一角落。

我敢講，靚屋我見過，去過唔少，有好多比圖中呢間更正更豪華更貴，但要有呢間嘅 Feel，低調平淡中見雅緻，又不失高貴，更有親切感，ummmm，就如舊東方文華酒店所給予的感覺，只此一間。

呢啲屋，中咗三千萬六合彩都住唔到~

人生路段

心有戚戚魂離飄飄，

身感累累世態炎炎。

寒風吹吹冷雨送送，

殘燭魅魅蠟睙重重。

斷。

沒有愁。無憂。

有心人斷腸人在天涯。

我要跳 Tango~

有啲戲，一幕經典已足以令人徹底被俘虜！

就好似呢 part 出自女人香 (Scent Of A Woman) 入面跳 Tango 嘅完美經典一幕，唔單只令全片變得滿分，亦係呢齣電影嘅靈魂高潮。



正哩！真係好正！人正、畫面正、選曲正 (Por Una Cabeza) 兼跳得正 (條女扮跳得衰，扮得似衰仲正)！我成日幻想喺入面跳嗰個係我咖！當然，仲係雙眼正常，好電 tim 喎！

我要跳 Tango~

開工大吉！

大家咁話！

新年鼠年快樂！恭喜發財！

各位，恭喜發財啦！

新年食！食！食！人體黑洞威力！

除了我自己，我媽媽燒菜的造詣亦一流，更猶在我之上。而最近，晚上回到家，已頗疲累，又為了能輕鬆一下，往往寧可喝幾杯。幾杯之後，胃口已被酒灌得半飽，睡意亦隨之漸濃，然後，只隨便吃幾口，hummmm，真的錯過了好多佳餚 (每晚至少四餸一湯！大家不要妒忌或羨慕喎！)，也對不住自己天生大胃口和嘴刁 (但同時又能夠吃得很隨便同可以從最便宜、普通的菜可受到美味！哈哈！這才叫懂得吃嘛！) 的我。

所以，所以呀，今天，年初一凌晨00:00開始，吼~~~~~~ 我會一路食一路食，食！食！食！食呀食！係咁食！呀哈哈哈哈哈哈哈哈！！！！肥肥胖胖？！管他！大家記得嘛，巔巔曰：「孔子話唔食就假！孔子話容易消化！孔子話食色性也！孔子話好好味呀！」

凌晨第一吃，秉承我家天津習慣，由祖母傳下來的功夫，我媽的盡得真傳~ 齋，我由現在開始會吃一大鍋。

以後幾天，我會再讓您們知，巔巔黑洞係幾咁恐怖。

^~

Macy，Happy Birthday！

Macy，


2月6號的今天，生日快樂！

並祝

心想事成

一切順心順意

Happy Birthday

藝人好嘢。。。。

做藝人，好正咖真係！點正呢，嗱，打人冇事！搵人頂包唔駛衰！連藏毒都一樣照過！幾有特權幾正呀！

好似今次攪到好激嘅淫照風雲咁，喂，都要淫邪希自己儲 o埋咁多淫照，咁人哋先有位整佢咖！咁，乜唔係話電腦存有大量呢 oD淫照即屬違法嘅咩？！做乜唔拉鳩佢？！有特權呀又？！仲有，唔好以為佢係受害者，今次淫邪希都算間接害撚 o埋啲女。啲女今次慘過佢 n 倍！

另外，講真，私底下你估淫希條契弟冇將呢啲照片畀啲「戰」(炮) 友滾友睇？！而家大公開，你睇你淫希而家幾威！你影 o埋咁 Q 多淫照，都係想滿足自己呢方面嘅心理啫！

到到呢度，我又要扮中肯，各打五十大板嘞！今次發放淫照嗰個彷彿同淫邪希有好大仇口嘅友仔，侵犯咗人哋嘅「私隱」，又更犯咗偉大而神聖兼且嚴緊嘅香港特別行政區嘅法喎，哈哈，咁梗係抵拉啦！但係，唔知拉唔拉到呢？

梗拉到啦~ 啲魚毛同無辜嘛！好似收收講：「警方高層不停猛說接觸這些淫照會干犯法律，但所犯何法？何為接觸？尺度如何？卻沒有進一步說明。還說已找了國際刑警幫忙緝兇，擺出一副有殺錯無放過的嘴臉，一味只會凶人，簡直不知所謂。」做咩呀而家，諗住捉唔到源頭所以就亂鳩咁捉等人以為你班龜頭有做嘢呀？！定還是諗住攪到白色恐怖，人人自危唔咁上網，變相叫破撚咗案吖？！呀哈哈哈！渣料！

挑，捉啲大賊真兇又唔見咁有效率咁撚叻？！而且，對住 oD富商又醜態百出！X 鳩~

藝人好嘢。。。。跟住係龜龜萬歲！

好聽~ 好邪~

在這齣電影還未上映時，因一次看了有線播放它的主題曲，便愛上了，亦對這部電影有好感和好奇感。

此曲旋律簡單，唱者唱功甚嫩，但卻又唱味道，蠻好聽！

曾說過，到底是主題曲令人愛上電影還是因電影而愛上主題曲。這一趟，肯定是前者。它出影碟的時候，我一定會買來看。



總是在 消失了才看個明白
手一鬆 心就會期待
總是在 靜下來心跳如鐘擺
才無處可逃要對自己坦白

可惜在 往往 嘗透了悲哀
才 更懂 甚麼是愛
快樂總存放於未來
忘記了撫摸現在

遺憾在 念念不忘受過傷害
才懷疑 那是因為愛
遺憾在 失去了沉默的關懷
才醒誤感情原本無需表白

可惜在 要把 一切放下來
才感到 曾經存在
糾纏時 眼睛睜不開
清醒時只有無奈

遺憾在 發生過的不容修改
眼淚是 為過去還債
最遺憾在 愛總是來不及明白
只有回憶能證明最愛何在

香港！香港！

呢啲先係真正嘅香港味道魅力。

Start spreading the news

I'm leaving today

I want to be a part of it, New York.

These vagabond shoes

Are longing to stray

And make a brand new start of it

New York, New York.

I want to wake up in the city that never sleeps

To find I'm king of the hill, top of the heap

These little town blues

Are melting away

I'll make a brand new start of it

In old New York.

If I can make it there

I'll make it anywhere

It's up to you, New York.

I want to wake up in the city that never sleeps
To find I'm king of the hill, top of the heap
These little town blues

Are melting away

I'll make a brand new start of it

In old New York.

If I can make it there

I'll make it anywhere

It's up to you, New York.

試聽

意外去了小地方

近日天氣甚冷，特別是昨天，只有十度，加上下著小雪般的毛毛細雨，更冷。(但我都只係穿了兩件衣服而已！強壯！)

我最討厭不倫不類的天氣，如驟雨中陽光。氣溫和天氣，今天，一絕！灰蒙蒙，鬱鬱暗暗，寒風吹送漫天小雨花，多妙多美！

這樣的天氣，哈，又給我今早在半山找食肆吃早餐的時候，在羅便臣道尾段的一條靜靜小街 (摩囉廟交加街頭) 遇上了一間很有特色的「茶餐廳」。

它是茶餐廳，然更像 Coffee Shop！一間身處那麼像迷離境界內，在意想不到的位置出現的餐廳，並有著格調的內外裝修，名叫「小地方」的地方，棒！給我今早遇到，更棒！

整間餐廳只有我一個，外面寒風凜冽，裡面亦沒暖氣，但吃著一碗餐肉甚厚，蛋如太陽，公仔麵煮得 QQ 且湯底濃稀適中，有水準的熱乎乎餐蛋麵，離開時，走出門口，呼吸的煙霞溜溜呼出，一切的配合，Feel 甚醉人。

早餐很重要，一頓如此迷離的早餐更美妙！說也奇怪，我知道那段羅便臣道是沒有茶餐廳的，我還是走著看，而竟給我遇到了這小地方，您說人生多有趣。

舊巴士

曾提及過，小時候，很討厭巴士。

到到後來出現現在的豪華巴士 (有冷氣那種)，另就更討厭之前的那種舊巴士。硬座的那一款固然不行，軟座的那款更乞人憎！小時會穿短褲嘛，所以大腿有一截黏著用膠面做的軟座，坐了一段時間，起來下車的時候~ 「！」的一聲。。。。更尷尬是，還有半截呈大腿底部形狀的汗水印著！如果是女孩子，更肯定尷尬死！

不久前，在尖沙咀天星碼頭的巴士總站，考慮乘哪一號去目的地，來了部開著窗口的舊款巴士，因為趕時間之故，結果上了。上車入錢，八達通沒錢，要投硬幣，真巧多好！為我這陰錯陽差的懷舊之旅來了個好的開始。

啡色車身內，軟座的座位薄薄，座位的扶手銀色，那久違的銀色扶手椅柄！我走到上層，一步步腳踏著鐵皮感覺的樓梯，多棒！

坐下，開了「可以」開的鐵框窗口，冷是冷了，但一股暖流暖意吹向面上湧入心中！那是多麼的溫馨多麼難得的過去再會！

準備下車時，細顧四周，多廣闊的空間！！！！

現在的豪華巴士，冷氣 (有理冇理天冷天熱~ 開！)、絨布座位、雕紋扶手椅柄和「精緻」膠製內臟。。。。座位座無虛設，哈哈，錢到盡~

車廂之內，貼著「讓座」，「讓座有需要的人」甚麼甚麼云云，嘿！那，如今的巴士的空間為甚麼那樣少！？！？

人，好奇怪。以前討厭的，現在竟那麼喜歡！

失去。掛念。

魂歸來噯~~~ 魂歸來噯~~~~ 番來咯~~~~ 番來咯~~~

魂歸來噯~~~ 魂歸來噯~~~~ 番來咯~~~~ 番來咯~~~

Hell~~~ lo~~~~ Everybody~~~~~ 番嚟喇！！！！

十二月尾屋企裝完修，一月初搬番去之後，又要執呢樣又要執嗰樣，係咁執係咁執，執極都仲有執極都仲係有，又要等呢樣嗰樣送嚟，超特級煩 (仲煩過裝修前執嘢嗰陣)！最杰係電腦嗰 part，本來上兩個星期已經有得用，點知賣晒喎，攪到要延遲，好嘞，電腦送到嚟，又要等上網公司嚟攪上網，攪完，用到喇！上到網喇！不過唔係我嗰部喎 (我要靜靜雞用爸爸嗰部)。我仲要等人嚟幫我攪我嗰部，我潔癖咖嘛，嘩，前前後後有成三批人 (就算識兼好熟都唔掂呀！Of course，我女友除外！) 入去我間房喎，嗰段期間，X！幾撚痛苦吖真係！所以，全部攪掂晒之後，我就即刻全面徹底狠狠地咁將我房入面嘅嘢用1:肯定少過50滴露去抹。好大工程咖！因為我唔係一條毛巾抹到尾，而係用十 Q 幾條去抹！須知道，條巾抹完之後，點搓點扭點洗都係糟糟 ga 嘛！唔得咖！所以，一條抹咗一陣咁上下，要換第二條咯。

加上又未買到支援到 Vista 嘅手寫板，到到尋日，先一切完工 (由20:00抹乸到凌晨03:00左右呀頂~)！YEAH！！！！！！！

今日，終於回於復正常啦！

呢廿幾日，屋企冇得上網，公司又冇得上網~ 玩、寫 Blog 睇 Blog 去鹹 Site。。。。幾唔妥吖！尤其是寫 Blog！開頭都冇乜嘢嘅，但去到第二個星期左右，唔知點咁。。。。硬係好似 umm。。。。例如，喺街，見到馬路出面隻曱甴走嚟走去，左穿右插，躝吓躝吓，都冇被車死喎！仲好招積拔扈咁番番去佢最美的家坑渠 tim！唷！我竟然留意到仲欣賞晒全程喎，吖 X，幾敏感呀！

Blog 毒好犀利。

之不過，呢段期間，又畀我見到人間有情，Blog 友有義兼溫馨嘅一面噃！哈哈！您哋好正呢！

Return Soon~

It's indeed very kind of you, all my dear! I'm fine.

I love you all. You guys are so lovely. Can I kiss you all?!?!?!!??? Heeeee~

P.S. Why I write in English, just because I have no Sau Se Ban~ ^~ Let me explain futher why I didn't update my Blog for ages.

今年第一 X！

自己天賦陽巨命格 (不要誤會！此陽巨者乃紫微斗數之太陽巨門主星之稱謂也！)，加上天生一號人 (生命密碼) 配合討厭更天生矢志專打擊那些偽君子假貴族的人馬座性格加上心力奇勁，故此，甚為燥底，遇見烏煙瘴氣之事及牛鬼蛇神之仆街，都不平則鳴且千刀萬里追！

平生有甚多看不過之事，其中最頂不住者有三：

一，最討厭至憎惡偽君子假貴族~ 此類人渣平常滿口仁義道德，甚麼要保存私隱待人以禮嚴己寬人充滿愛心等等經常掛在嘴邊，不過，另一面就全部相反，醜陋肉酸地做著。

二，比偽君子假貴族更憎更屌乘 ∞ 的丁蟹類人渣~ 他們完全沒問題，而且無論係有意識潛意識冇意識又抑或下意識，都將自己修飾得好好，學識修養配以楚楚可憐，形象一流。但，如計時炸彈一樣，您一不小心踩了他們的根本沒有底線，任憑他們喜好而設的 bottom line，他們便異變，反臉不認人。好得人驚~ 此廝最大特徵就是永遠不會認為自己是錯的一方。也許，自己心理甚或精神有問題都不自知。

三，那些學勻甚麼心理學課程、禪修、佛經 (聖經) 或其他一系列滿天神佛心理哲學儒釋道耶茅山顏色學兼密宗的混混~ 道行原來比一隻曱甴也不如，對他們，阿里陀佛阿Lee Lu Li 阿也唸千遍都不夠。

最後，還有一類我最頂不住的是~ 在沒有商業金錢的瓜葛之下，有一種人，仍會對對他她很差又或對對方不欣賞甚或厭惡的人依然表示友善及甚至關懷！

一句~ 黐 X 咗線！

元旦新年特獻

呢個廣告勵志唔在講，旋律好聽歌詞正面編曲精彩，同上次嘅聯合航空喺上世紀90年代真係互相輝映！

漫漫長路，時代不斷轉變，世界越嚟越難撈，地球狀況又不斷惡化，前面嘅路途一啲都唔易行！喺度祝福大家樂觀地永遠向前，積極面對，唔駛怕！因為，驚都冇用。而且，喺每一個人身邊，一定會有人陪伴著您，一齊走！唔會冇嘅！所以，YO！駛乜驚吖！

呢個廣告，只係分零鍾，但感受無窮，睇吓啦。

Auld Lang Syne ~ Happy New Year！

Should auld acquaintance be forgot
And never brought to mind?
Should auld acquaintance be forgot
And days of auld lang syne?
Chorus
For auld lang syne, my dear,
For auld lang syne
We'll tak' a cup o' kindness yet
For auld lang syne.
We twa hae run about the braes
And pu'd the gowans fine
But we've wander'd mony a weary foot
Sin' auld lang syne.
We twa hae paidl't in the burn
Frae morning sun till dine
But seas between us braid hae roar'd
Sin' auld lang syne.
And surely ye'll be your pint stoup
And surely I'll be mine
And we'll tak' a cup o' kindness yet
For auld lang syne.

試聽