Monday, April 28, 2008

蛋蛋。豆豆。飯飯


自己一人住,為方便,免麻煩,吃,變得簡單。但簡單歸簡單,營養與美味一定要有,總不能不好好的 o錫住自己。之前住在酒店的一個多月,就曾因為試過有兩個多星期,兩天才吃一餐 (還要只是即食麵),弄至差點虛脫。

要簡單又要有豐富營養兼且好味道,今次題目的三樣食物最能做到。

蛋蛋~

非常愛吃蛋,無論是甚麼做法都鐘意。由於煎蛋,炒蛋會有油煙,所以,我現在在家只會烚蛋、蒸水蛋同煲一系列可放蛋花的蛋花湯。

其中最簡單的烚蛋,把烚熟的蛋切開,淋上煮滾的熟油,再倒上蠔油,不論是淨食或配飯均一流。

順道告訴大家,怎樣可以烚出半生熟,吃時會流出金紅的蛋漿的烚蛋呢?只要連蛋帶水一起用中火煮,水沸後三分鐘熄火即成。愛吃半生熟烚蛋的您不妨試試。

豆豆~

豆豆營養豐富,比蛋蛋有過之而無不及,更容易被身體吸收,最好的是年紀多大都可多吃,不像蛋蛋,年紀大了便不可常常吃。

將黑豆、紅扁豆、赤小豆、綠豆和眉豆等等放入水中煮至熟透起「沙」便成。由各種豆豆混合而成的「豆漿」味道層次豐富,而且,湯又可喝,一舉兩得。講究一點,煮時可加入豬骨或豬肉等各樣材料,甚或乾脆放一粒濃湯寶,簡單快捷。

更光速,可買一罐茄汁豆,也同樣營養可口。

飯飯~

煮飯,無須一定要用電飯煲或者瓦煲。用煮公仔麵的那種也可以。之不過,用那種煲煮飯,最好就是煮爛飯仔,才最好味!就等於公仔麵必定要用回那種煲煮一樣。

倒一「嘜」至「嘜」半米 (因為那種煲不大,所以米不可太多。),水倒至浸至手腕 (比煮正常飯時要多),待煮至蒸氣出現,即刻加入免治牛肉或豬肉 (個人認為用免治牛肉為佳),到整煲飯收水,加點鹽,一煲又有營養又好味又有兒時回憶的爛飯仔即時重現面前。

以上都是小弟我這陣子常吃的東西 (爛飯仔待下星期買米後會煮),除了開首所講的既簡單又有豐富營養兼且好味道外,亦夠經濟呀!

當然,還有三文治同沙律等都係方便快捷好味又有營養的食物。各位還有沒有其他點子提供?

8 comments:

Anonymous said...

人到中年,不要吃太多蛋,好像是很高膽固醇的。

Anonymous said...

哈哈!爛飯仔?dd,你仲細丫?!
另外,你最近咪應該無咁fat?!
XD

樂遊 said...

蛋上加油.....好肥law
蛋一定要有汁漏.....所以最怕食炒和烚蛋。

豆亦不愛.....豆好似較難消化和導致多氣體wow。

Anonymous said...

http://forum2.hkgolden.com/view.asp?message=1199209

梁巔巔 said...

Uncle: 所以要食多 oD豆豆嘞!

Joyce: 唏! 好食就得啦!

叮! 我最近真係瘦咗好多喎!

樂遊兄: 喂, 烚蛋可以烚成半生熟呀嘛, 一樣有嘢流呀!

食豆仲有一樣嘢, 就係大便非常暢快暢痛! ^~

柒少陣啦你: 睇咗. 北角同中環, oD價錢差無幾. 分別係, 北角仲會有若干間價錢較平嘅.

xiao zhu said...

Uncle Ray:

蛋係好有益、好有營養嘅食物,唔好俾啲知啲唔知啲嘅所謂專家誤導。通常一般人都唔去了解點為之多或者太多,正常成人一日食一至兩隻係冇問題嘅,孕婦可以食多啲。

巔巔:

我都好鍾意食呢種牛肉飯架。喂,有冇試過雞蛋飯呀? 細個時候阿媽成日煮,以前落豬油,好鬼好味。不過而家梗係 唔鼓勵食豬油啦,但係真係間中一次,都OK嘅。

Anonymous said...

整nacho's都好方便

梁巔巔 said...

小豬哥: !!!!!!!!!!! 識貨 ar ha!

另, 雞蛋飯, 哈! 梗係知啦!

嗱, 加薑加瑤柱再加熟油 (學妳話齋以豬油為佳) 同 o埋生抽, 一絕!

Anonymous: 好提議! Thanks!

可惜, 要有叮叮 or 焗爐.....