Friday, May 02, 2008

聖火奇譚


啱啱「納」咗幾「納」頭先開始咗嘅聖火傳遞,感到好奇怪,乜今日係假期嚟嘅咩?!點解咁多人圍觀嘅?!班友唔駛做?!唔駛番學?!奇!

香港而家嘅失業率又唔係高,至於成日話殺校,但點都有唔少學生嘅,而且今日又唔係唔駛番學,咁如果佢哋唔係打工仔同 o埋學生哥嚟,咁,嘩,即係大部份都係「屍拉」,「閃閃」同阿叔阿伯啦!嘩,香港嘅人口老化。。。。杰!

另外,早前份傳聖火名單咪畀人 X 話政商分贓嘅,哈,有關當局醒呀!喺有好多人圍觀嘅鬧市中心嘅第一段全部都係由運動員同藝人拎碌嘢玩火,去到冇人嘅青馬大橋嘅第二段 (因為企唔到人),oD大鱷呀妖人呀牛鬼蛇神三山五嶽,有關當局就畀佢哋逐一蒲頭玩火嘞!

係呀!我係咁睇當局專登咁樣安排咖喇!

原來每個傳聖火嘅人都可以拎碌嘢番屋企做紀念。碌嘢除咗有紀念性,其實仲好實用!例如可以用嚟照明 (停電嗰陣)、煮食 (點燃煮食爐嗰陣)、自衛 (被打刼嗰陣) 同自慰。。。。

又鳩嗡完,拜拜!

8 comments:

Anonymous said...

你有所不知,不少"愛國"公司也放員工假去支持這活動,2大會計司行便是了。

Anonymous said...

金利來佢走嗰程我真係驚支聖火會跌...

樂遊 said...

1. 另一個可能是,d學生開始番夏令時間,而且我估d左仔學校可能會放假一天帶學生去帶

2.我想知點樣用聖火棒自慰

3. 那種報導手法,真係on lung 9

梁巔巔 said...

Uncle: 咁正?!

Joyce: Haaaa, 我有見到!

樂遊兄: i. 我諗有 oD直頭全日放!

ii. A~ 咪心邪! 自慰~ 係, 自己安慰自己~ 臨老唔郁得嗰陣, 望住摸住碌野, 起碼知道自己曾 "勁" 到傳過聖火~

(頭先有條撚樣仲 X 我. 叫我收皮~ Haaa haaa! 不過畀我 delete 咗佢留言 lu~)

iii. 直頭簡單直接!!!! XDDDDD

樂遊 said...

漏講的.....我今天穿黑色polo番工...雖然我有件紅色polo

梁巔巔 said...

專登的嗎? ^~

macy said...

梁巔巔

我都著左黑色番工衫. 無咩意思既.

我有上網睇, 嘩! 咁大場show, 唔現場睇, 都要上網睇啦. 個個四萬咁口, 擒上花槽, 高呼吶喊, 金利來仲大叫'祖國萬歲', 群眾大叫'中國加油', 真係'感動';

繼長毛被人圍之後, 又到李卓人被人圍, 佢仲細細聲咁講, '香港係個國際城市, 應該可以接受唔同意見...' , 笑到我吖! 噢! sorry! 人人紅衞兵上身, 唔要跪玻璃米算好彩咯;

仲有個擰羅柚的'陳智能', 小學生咁彈彈吓懶cute的'梁振ling', 拿住支聖火成唔放手的金利來, 未見過笑得咁燦爛的李澤具 ...

笑死!

仲有塞車塞到傻的司機們, 迫住人番工遲到的ol們, 同埋散場後狂掃垃圾的清潔工人, 媽媽聲助慶!!

梁巔巔 said...

睇到 oD人盲目狂叫咩.... 我係中國人, 中國人萬歲等等, 毛管戙~~~~~