中秋必吃的芋頭仔

中秋節又快到，每逢到到呢個時節，我都一定會買大量芋頭仔嚟食。將芋頭仔煮二十分鐘，剝皮後點砂糖或者辣椒豉油食，一流！

不過，緊記要將佢哋嘴嚼爛啲先好吞落肚，同 o埋唔好一次食好多，如果唔係，就會好似我尋晚咁，個胃唔舒服到而家。食咗幾次胃藥到啱啱先好番啲！

這些才叫電視節目！

在台灣，在香港，收費電視我只看以下幾個頻道，就是不斷播電影的那幾個台 (尤其是播八、九十年代港產片那幾個的，好好 Feel！)、國家地理頻道及 Discovery。

不久前，發現 Discovery 有兩個節目非常非常好看，一個是 MythBuster (港譯流言終結者)，另一個比它更好看，是 Man vs Wild (港譯荒野求生秘技)。

MythBuster 是將平常我們以訛傳訛，不知是否屬實的傳聞好像大炮能發射刀叉等物件、流沙會奪命、電影裡不懂駕駛飛機的主角，在控制塔的人員指導下能順利安全降落及紋身在磁力共振下會爆炸等驗証，去証實它們的真偽。好有趣。

也由於節目中的五位主持會親身落場以身犯險，所以，趣味更多！

亦很愛看節目中的唯一一位女主持~ 凱莉 Kari Byron，好正！樣子甜美身材又豐滿！呵呵呵！

Man vs Wild 我是在剛剛才開始的第二輯 (Man vs Wild II) 方發現的。這個製作，那個主角 (主持) Bear Grylls (他的背景挺厲害的)，前者充滿創意，後者膽大包天！

記錄片，看得多。但以一個人，只拍下他如何原始地在大自然大荒野吃和活動，特別是在吃方面的真人 Show，就只此一家。

節目中曾是特種部隊隊員的主角 Bear Grylls (綽號 Bear Kills)，去盡天南地北荒野之地，走遍窮山惡水，去到哪裡睡在那裡，看到甚麼就吃甚麼。噱頭亦正是他所吃的。。。。如大條肥美的甲蟲幼蟲、一大堆蛆蟲、死去了的動物屍體、活生生血淋淋的海產、魚類與及所有能吃的植物、動物和昆蟲！徹底茹毛飲血 (6分14秒開始)！勁過蔡瀾！大家可以去這裡 (YouTube) 看到他每頓美味大餐。但注意，好激好恐怖的！(我相信他的內臟一定肯定必定充滿大量寄生蟲！另外，美國生產藥物的企業大可與他合作！)

非常原始，極度 X 級恐怖真實無比且原味嘔心，然卻又那麼自然和吸引，他媽~~~~~~ 的！

靚粥

前兩日突然想食粥，於是走去買咗一小包米、瘦肉同四隻皮蛋番屋企煲皮蛋瘦肉粥。

做法好簡單，瘦肉斬件用鹽、生抽同少許雞粉調味。然後連同啲米一齊煲。待米變成粥後，加入皮蛋，直至煲到啲皮蛋溶溶爛爛嘞，食得！

如果想 oD粥「杰」啲，舉例：兩「嘜」米就倒七杯水 (細啤酒杯)；想啲粥稀啲，就倒十至十二杯水。

煲粥除咗可以食得清啲，仲可以訓練耐性。因為煲嗰陣，要用細火兼且要不停咁攪拌，否則會煲燶粥呢！

P.S. 注意！細心睇真啲 oD粥，煲到好綿！勁呀！我果然不愧係天才小廚師~

星光熠熠，好戲在後頭~

新一屆立法會選舉塵埃落定，所有席位已名花有主。今屆除了多了不少新面孔，其中，有的是「惹火尤物」，更有的是新進諧星！

例如，癲狗、孽瘤同搓 My Breast。

加 o埋連任嘅長毛、大嚿、卿卿、大細眼曾鈺成、哨牙江、一眾牛鬼蛇神大配角，再有曾狗鴨 Don、林公公同一班無能高官特別客串，嘩，嚟 o緊嗰四年立法會肯上映連場好戲！

好似~

1. 主席之位我來坐~ 孽瘤、大細眼曾鈺成主演。

2. 三虎大戰女魔頭~ 癲狗、長毛、大嚿、孽瘤主演。

3. 長毛虎與搓 My Breast~ 長毛、陳克勤主演。

4. 死亡滋味你來嚐~ 曾狗鴨 Don (或政府官員喺各答問大會) 與全體立法會仝人。

5. 林公公，末日到~ 一眾泛民、林公公。

6. 人啊！人！~ 政府高官、建制派。

7. 魂斷遮打道~ 任何一位如果要落台嘅高官。

8. 一個主角 (諧星) 的誕生~ 搓 My Breast 以英語主演。

9. 民主正宗~ 仁仁、女神、癲狗。

10. 特首，你出賣我？！~ 曾狗鴨 Don、是但一位官員。

11. 奪命三角鋤~ 癲狗、長毛、大嚿。

12. 鳩噏我最堅~ 全部人。

13. 舊恨新仇今朝了 I~ 孽瘤、曾特首。

14. 舊恨新仇今朝了 II~ 孽瘤、癲狗。

15. 正邪決~ 泛民、建制派。

16. 大鬧立法會~ 長毛、癲狗。

17. 超級大龍鳳。終極困獸鬥~ 政府全體高官和全體立法會仝人。

正！一定好好睇~

頂癮！

喺詹詹度睇到呢個場面，十分之好笑！今公諸同好~

長毛真係又寸又夠「喪」！



哈哈，佢加 o埋癲狗加 o埋大嚿，最好係孽瘤做 o埋立法會主席，呢個簡直係夢幻組合！咁，以後逢星期三個會議肯定精彩百出！絕對好睇過任何 Show！

投票 G 點

為甚麼明天要投票？因為要盡甚麼公民責任，行駛公民權利同為了香港的未來這些原因我不打算講了。

為甚麼明天我們要投票，很簡單，因為為了自己！Come on，難得有一天可以做大爺，突然有好多不同的人對自己好禮貌好客氣且恭敬，去到票站又有人服侍，一個唔該 (做得出的話) 想要杯水飲又真的會有專人遞上，這樣好，這般有快感，又不用花錢，在香港，很難的呢！為何不去投？！

而且，有權自己去選擇，有權自己去話事，有很多地方，恨都恨不到，對那些人來說，這是非常非常遙遠。

所以，明天去投票吧！

Queenly，Happy Birthday！

Dear Queenly，九月六號的今天，生日快樂！

並祝每天都開開心心！

下次我再好似十幾年前咁，送上突襲一吻呀吓！哈哈哈哈！

男女之別

男人同女人，有許多許多分別。例如男人講邏輯，女人講我鍾意 (或講謬誤)；男人善忘，女人記性奇佳。

但最明顯的一個分別係。。。。請看下面兩個人的照片吧，自會清楚。

我曾經講過，男人老了，只會更勝往昔。女人老了，最多只可力保不減當年。但是，也已非常困難。

女仕們，驚驚嗎？Heeee~

恰似你的溫柔~

越聽，眼睛越紅啦！

多麼美的一首歌！

那麼淒美孤獨的一首歌，hummmm，其實，「他」不孤獨，一點都不孤獨。因為，有很多人懂得唱，那麼多人懂得唱。。。。這麼美的一首歌。

各位，請用耐心細看 (4'30'高潮所在~)。台灣魅力。

一飲一食好介紹

好似都好耐冇介紹過好嘢，對上嗰次記得係介紹卡樂 B 罐頭薯條。

今次要介紹嘅呢兩樣嘢，好嘢嘞！一飲係飲料雜誌嘅陳香普洱；一食係長城牌鹹牛肉。

飲料雜誌陳香普洱，除咗好飲又解渴，雪凍之後仲有解宿醉乾涸之苦功效。此外呢，勁呀，有一晚食到好滯，於是飲咗半樽，哈哈，竟然喺冇耐後就冇事咯喎！

呢隻牌子仲有鐵觀音，但就唔及佢嘅普洱精彩喇。

食嘅呢，係長城牌鹹牛肉。呢隻鹹牛肉大家實識啦！想特別一提係，最近發覺，開咗之後唔煮熱，就咁食或者搽落白麵包度食，呵呵呵，嗰種味道好鬼似鵝肝咖唧！！！！！大家 Feel 下，堅咖！

十零蚊一大罐「鵝肝」，正！

選舉論好醜~

前幾日寫過吓今屆參選立法會嘅女候選人入面，多咗靚女 (注意！強調呀吓，呢度所謂嘅靚女，係指一直冇個比較正嘅選舉同政壇嚟講。)。而家順便寫 o埋男嘅。。。。err。。。。一個俊啲都冇噃！羞家！

咁不如換個角度，睇睇有邊啲樣衰哩！嘩，大煲！咁就好多！

嗱，唔係因為本身我對民建聯冇好感嘅原因，而係民建聯班友事實上又真係差唔多個個樣衰兼無賴喎！好似曾鈺成呀、劉江華呀、黎榮浩呀、譚耀宗呀呢啲，仲有樣衰之最~ 陳鑑林，個個講 oD嘢都眼光光瀨尿 (實例：好似風信子留言話佢老爸有回跟佢哋交手，民建聯班友竟然話：「呢 oD事幫你唔到！」就算！好似佢續鬧咁講：「區內事就算幫唔到你都應該轉介，或是了解一下，一句了事算是什麼？」枉民建聯班人仲口口聲聲話同市民服務！)，件件個樣個格都真係可以開個醜人館放 Q 晒入去做 Sample~

咁佢哋有冇個好樣啲嘅呢？有嘅，咪係曾做過年薪八十萬嘅「特首辦影印員」嗰個陳克勤囉！唉，女怕嫁錯郎，仔呢，怕入錯黨。睇到佢為民建聯詭辯護短，捩橫折曲兼生安白造，本來樣子外表還可以嘅佢即刻變成首席白淨小奴才。

民主黨。。。。涂謹申嘅樣。。。。可能由於佢上次單醜聞，而家先覺佢個樣原來真係幾唔掂。

突然諗到喇，靚仔，有！係田北俊！

呢條友雖則我對佢同佢個黨都係冇好感，但係佢真係樣得有儀態有風度有魅力，大少得嚟唔乞人憎！佢細佬就唔多得掂咯！畀 oD選舉論壇攪到變咗師奶！

另外，陶君行喺 Now 個選舉論壇度，全力揪插陳鑑林嗰個表現都幾型。

原來，人，樣衰唔衰，佔好重係源於你嘅內在係點、你係咪無賴同你做 o緊啲乜呢啲等等等等。特別係男人。

今日好健康！

今日，少有去咗身心健康嘅戶外活動，仲係極遠嗰隻！不過幾值得，就係放狗，同好多靚狗一齊玩同燒嘢食。

而家番到屋企沖完涼，成個人仲由內至外發熱 o緊！今晚一定好好瞓！

夏天出去玩，真係好甘，如果放 o埋狗，就更甘更攞命！我已經只係玩狗嗰個，都已經好攰。個主人一個要照顧幾隻狗，仲要係中型至大型犬嘅品種，又要陪佢哋跑又要抱佢哋推佢哋落泳池又「成」跟住仲又要「的」晒佢哋去寵物店沖涼洗白白，真係唔係易頂呀！

養寵物，尤其是狗隻，真係要諗清楚。

都係貓易養啲~

那一座「藍色」的豪宅

經過那裡，是今年好寒冷的年頭的其中陰暗黃昏一天。

目的地沒有公共汽車來往，我與另一同事在深灣的油站下車後，唯有步行大概三十多分鐘。

途中所見，難得青蔥翠綠比房屋要多得多，房屋分佈得很稀疏。我們步行至中段時，看見左手邊的一處山頭有一已荒廢了的豪宅。它的建築形式是類似在沙田已拆掉，以前粵語長片常出現的那個雍雅山房。而且所佔面積很大。

它很恐怖。

恐怖不是因為它的荒廢，不是它的外形設計，而是，它的顏色。怎麼可能？！怎麼可能會有人用這種叫「死人藍」的藍色作為全宅的主色！？

甚麼叫「死人藍」？有沒有看過電影或電視入面的淺藍白色紙燈籠？就是那一種藍，慘藍。再具體一點，是介乎於慘藍與慘綠之間的那一種詭異顏色，像三更II~ 餃子那間屋入面一樣，不過是藍，不是緣。另再加一點枯黃殘綠破落色。

我和那同事都不禁這樣如以上般說出口，並不自覺加快了腳步離開 (不是在拍戲，那時還有若干隻烏鴉站在它的屋頂在叫呀！)。可恨忘了將這一座「藍色」的豪宅拍下來。

想問，有誰知道我所講的是那裡了？又有誰知道關於它的一二？

＊ 待日後有心情有精神有時間有機會，我一定會進去看過究竟。並寫一個以它為背景的小說或它本身的故事。

亂寫

＊ 選舉快到，收到各候選人競選宣傳單張，又喺電視睇過多場選舉辯論，唔，今屆有唔少靚女 ar 吓！(喺一向嘅選舉範圍同政壇嚟講)

好似公民黨嘅陳淑莊，清秀又夠爽；又好似民建聯嘅李慧瓊，五官標緻又白白淨淨，唔錯；仲有徐娘半老風韻猶存嘅林依麗，加 o埋不嬲我都覺得佢幾索嘅龐愛蘭 (不過呢，瘦咗啲唧！)，呵呵呵，比以前只有好似菜菜子呢啲質素嘅選舉，養眼好多！

＊ 曾狗鴨 Don 呢條友係得嘅！咩都唔理，民望又超新低，都仍然唔見影，失晒蹤咁！嘿，佢嗰陣嗰句~ 「我要做好呢份工」果然係鳩噏~ 佢，亦果然係契弟~

＊ 亞視最近半夜重播新變色龍，以前 oD戲真係有味道啲嘅！而家點解會拍唔番？！大概社會同時代已變，最重要係，人都變喇！冇市場啩，咁，又點會有人走去拍呢？唔怕畀公司 X？！

＊我隊波熱刺，唉~ 唔知幾時先贏番場？！

Hummmmmm~

究竟我做乜鳩？！

忍忍忍忍忍忍忍忍忍忍忍忍忍忍忍~~~~~~~~~~

And When She Danced

非常好聽的一首歌。個 Feel 同 St Elmo's Fire 一樣那麼醉人。



這陣子身與心都不好，很不太妥，聽聽這一種好歌，舒服點點。

真的想回到那個時期。。。。

變

以前有一個朋友 (說是以前，是因為不久前已將他從我的朋友清單上剔除。)，認識他那時他是一個甚麼也沒有的三十三歲男人，不過，他有禮貌、勤力、做事不怕吃虧同有難得的傲骨。

我和他不常見，但仍一直保持聯絡，間中會透過電話說說大家近況，並維持著一年見一至兩次左右。

最近兩次的通電，感覺非常不好。

第一是自從他在一學店讀一個為期五年的遙距學位課程，還有三年便畢業；他新女朋友的父母用他的名字買了一個二手居屋單位給他倆及新的工作有進展，不再是薯仔後的態度。

第二是若有一些問題意見問他時，他的那種態度。

以上兩樣，他的那種百分百囂張、不可一世與及輕蔑的態度，完全顯示了一個人，變了。

但叫我嘔心，看不起是，那位朋友，有甚麼憑藉了？！人家縱是語無倫次，但起碼也叫小人得志。而他，有甚麼志得了呢？是以上他自己認為的「成就」？未有志得卻便已語無倫次，真可笑。

現實和遭遇是會令人變的，但會將一個人變成怎樣不像從前般好，有多走樣，我想，癥結是要看那個人天生本身的質地是如何了。

或者，小人都在我們周圍，只是看他們甚麼時侯變身現身吧。

為食在大坑之橫山 Yoko Yama

不久前寫過關於大坑這地方的一些，其中提及這裡的食肆開完一間又一間，如雨後春筍，所以有衝動寫它一個吃後感系列。

Okay，為食在大坑系列，從這間日式食店「橫山 Yoko Yama 」開始。

兩人分別點了三十多塊的雜菌天婦羅定食和五十多元的炸蝦天婦羅定食。

定食盤上的幾粒小前菜酸瓜好的骰，同另一小碗沙律的疏菜都很新鮮。麵豉湯不會過鹹，裡面的豆腐未有煮得稀爛但又不失其味，很不錯。

主角天婦羅炸得真的不賴。試過將我的炸蝦放上餐紙巾上，只留下些少的油，難得。要知道，要把剛炸好的天婦羅放上餐紙巾上而不留丁點半滴油漬，即使在日本本地也沒多少間料理店能做到。至於它的味道同口感咬頭亦算好吃。

另在之前試過它的日式咖喱豬扒飯，也不錯。細看過它的餐牌，由廿多元至百多元的餐式都有，照顧週到。

環境方面，窗明几淨，小小的店擺設得的的骰骰，並頗有日本的簡約精巧味道。

而服務態度，沒批評，沒讚賞，但仍是要扣分！說真的，吃日本菜，除非吃鐵板燒或魚生河豚，否則，吃這些叫做有水準的炸食物，若不是環境、器皿與及最重要的令人拜倒的日式服務態度，那，還有甚麼是和風？！有不少中式和西式食肆也可把食物炸得的水準與其不遑多讓！我炸的，也最多比它差少許而已。

結賬大概一百元，在如今百物騰貴的香港，就算在一間普普通通的茶餐廳吃兩碟飯也要六十多七十元吧，所以，它的價錢在這地區，它的食物和它的環境，算是合理。雖然，我認為我那份炸蝦天婦羅定食如果是四十多元就更合理，更好。

劉世興伉儷，再恭喜！！！！！

兄弟世興暨嫂子 Sewin：

喂，啱啱去完嫂子妳嘅 Blog，嘩，得知您哋有喜喇！！！！恭喜！！！！上年結，今年生，哈哈，世興，您好勁呀！！！！！！^~

再一次，恭喜！好開心！！！！

P.S. 我諗我第日個仔征天同貴公子或千金差好多年咯！^^

石破天驚！

真係！！！！！！我 X！！！！！

無恥扁今日竟然仲可以理直氣壯企出嚟，重申自己係清白，從來冇貪污，只係佢老婆同佢溝通有問題，以至出咗最近匯錢醜聞！

佢又打起族群同國民黨打壓政治逼害嘅旗號，結果呢，啲群眾抱頭痛哭。。。。？？？！！？！？唔撚係 fa？？！！？！咁都得？！咁都仲有咁多人支持同相信佢？！仲有咁多人相信佢係清白？！

最醜陋係連教會都撐佢！哈哈，梗係啦，間嘢收過佢幾多「奉獻」吖！哈哈哈，教會！

聽講，呢條打靶仲將會喺8月30號帶領嗰啲深綠懵炳七頭大遊行嗆馬！吓？！咁都得？！真係石破天驚！台灣人啊台灣人！你哋到底甚麼回事啦？！

正汁！

飲得酒多，口淡淡，冇乜胃口食常規正餐。咁落去唔得喎！絕處逢生，最近呢幾日我發明咗酒徒絕佳煮食食物。好嘢嚟咖！好杯中物嘅您要留意喇！

此乃免治牛肉海鮮粟米汁。

叫汁，因為煮出嚟仲杰過羹！

將免治牛肉、日式蟹柳、帶子同粟米粒倒晒入煲 (鍾意加乜就加乜啦！)，加水加大量太白粉 (英粟粉)，不停攪拌煮至糊狀即成。

此食譜除咗開胃，解酒解宿醉亦佳！如果加少少醋，仲醒胃仲掂！

人生要無聊

人人都會做同注意無聊事，人生本無聊嘛~

1. 九龍海底隧道出入口兩旁草叢滿掛著的果皮到底是甚麼回事？

2. 喜歡聞快速掀新書時的那種味道。

3. 問朋友 (當然是要好的！但有時 High 起來也不理了！) 如果有100, 000, 000美金現金，男的會否願意給樣貌如八兩金的男同志包 (一個月)。女的會否願意給樣貌如八兩金的男人包 (時間都係一個月)。

4. 巴士同地鐵的冷氣越來越不夠。但收費高企。

5. 國內女同胞蹲的樣子愈來愈順眼。

6. 香港的對與錯，是非黑白判斷越來越顛倒混淆不清。(如京奧開幕真真假假)

7. 大完便後看著米田共被有藍泡泡成份的廁所水沖走。

8. 小便時對著馬桶的污漬噴射。或四圍射。

9. 用口水在口中以舌頭形成水柱，清理牙縫間渣滓。

10. 四野無人 ger ger 痕，r 完後竊喜。。。。

11. 用左手拇指同食指，右手拇指同食指將包細細的包裝茄汁 git 來 git 去。

12. 換完床單同枕頭袋後，好滿足碌來碌去。

13. 街邊的垃圾筒的「入口」越來越小。

14. 龜越來越多。但是，往往在你需要牠們的時候，牠們卻不知在哪裡。

15. 公仔人 (紋身) 越來越多。現在，彷彿不紋身的才係不是常人。

16. 女人越來越惡。

17. 拔出一條又長又粗的鼻毛，滿足地細心欣賞。並細味剛才介乎於痛與快感的抵死一刻。

18. 擠暗瘡、黑頭和鼻子的肥脂時，看著它們「一條條」走出來時的快感。

19. Zest 香梘 (梘液)，在哪裡了？！

20. 找一天，比平日早一點起床，細細的清理自己面孔的每一分，每一吋。到在外，放慢步伐 (尤其是在中環、旺角、尖沙咀等地。)，您，一定會發覺~ 好過癮！

無聊無聊無聊~ 還有嗎？

人間相。人間道

相由心生，一點也沒錯。看看那些變態殺人犯和強姦犯吧，真的有個樣子看。面相學上，亦有一系列特徵可顯示。

商界政壇也有很多可貌相之流像曾蔭權和林瑞麟等，皆正一小人之相。九倉吳的頭尖額窄、新世界彤叔的裝修佬樣子、大劉的惡霸 Look 和賭鬼燊，一看便知一個刻薄、一個孤寒、一個狼死、一個直頭係魔鬼。

又看看那些富豪第二代的樣子，差不多全部都可一眼看出~ 二世祖。有好些還是二世祖折墮格像無間岳。

不過，市面上有不少「得道」者，光從他們外表儀容已不能貌相。如一眾商場大鱷~ 看上去甚為順眼的四眼佬超人、香港毒瘤受仔及假民主戰士肥佬黎等。

又有很多表面正常實則乃計時炸彈的危險人物，如不久前在台灣將女友殘殺再自盡的男子。

可見，以貌取人，絕對不可靠。人不可以貌相，絕對是事實。

不過，一個人的神態樣子氣色會因遭遇、事勢同心情而變卻可一眼看出。

看看男人之恥首席~ 土仔扁現在的樣子神態吧，和幾個月前的他，判若兩人。當然矣，在肯定逃不掉，躲不了，難逃坐牢一劫，更糟的是一家將會被抄，自己已沒權沒勢，四周以往趨炎附勢的人不單鳥獸散，還反過來捅多刀踏多腳的劣境下，這樣，還能如之前那麼屌嗎？！

有那麼久的風流，就有那麼久的折墮。因果報應。總算還會在人間看到。

3歲喇！

十年人事幾番新。

原來不用十年，世事人情幻變，三年甚至短短一年已可變個天翻地覆！

猶幸，還有您們一直還有看我這裡。

Merci Beaucoup！

世事幻變，人情無常，希望自己仍能繼續情感依然~

別哭！

這種感覺，比輸更難受！

。。。。眼裡心裡流。。。。男人最痛，才是這種。

別哭！不打緊！您已為中國及自己綻放了燦爛火花！

「建議」

今日睇新聞，驚聞北京嘅「文明辦」因奧運期間會有好多遊客，所以訂咗一系列建議畀北京市市民。其中有兩項我聽完即時 O 嘴兼講咗句：「唔撚係呀？！」

一，係最好著唔超過三種顏色嘅衫。

二，建議 oD女士行路嗰陣要挺臀扭腰。

特別係第二項，有冇攪錯！！！！黐撚線低鳩能！！！有乜理由會叫自己嘅市民咁樣樣咖？！離撚譜嘅都！整條咁嘅建議已經戇鳩，退一步，叫啲女市民要扭腰，okay！但又扭夾挺 o埋個「籮」，我 X！咁不如叫佢哋拋 o埋胸啦！當啲市民係咩？！

仲有呀，乜唔係男女平等，又話有咩反歧視法 ga 咩？！咁，而家歧視男人呀?! 點解唔叫男市民露胸突 ger？！

喂，好似 Chris 兄話齋：「叫香港的明光社去反映下意見！」

明光社，你香港班明光社 oD八婆屍奶偽君子假道學唔撚見你哋反對？！DNLM！

真係，係佢哋班友先做得出！

喜

由年初一黑到而家，幾日前，終於有番樣喜事，非常值得高興！

係乜，好嘢嚟！大家也許會發現到咖！

呢壇嘢，特別要感激某人，多謝！再多的感激，心照不宣。

金黃色片段

一個星期天的下午，漫無目的嬾洋洋地在「世界」四周蹓蹥，無意中看到這個黃金旋律片段。。。。醉人心情。

一齊欣賞下啦。

50s ~ 60s



60s ~ 70s



那天，忘了不知看到第幾遍，不禁哭了出來。

大梁。。。。頂！

最近，竟然有唔少人話我唔戴眼鏡嗰時，佢似我！唔係佢份身家，X，係個樣！

XQYZ##XX!!YYZYX!#YZX！

黐 X 線！！！！！！喎真係唔知邊忽似！！！！

我好靚仔咖嘛！

海帶綠豆合桃乳鴿湯

呢煲湯~ 海帶綠豆合桃乳鴿湯，好嘢嘞！補兼潤，一年四季都啱飲！

真係不得不再次歌頌中國湯水！點解呢，因為除咗又好飲，又補又潤，仲好有功效！

之前冇耐飲咗幾次 ja 嘛，一向有飲開酒嘅我，啲身虛胃寒肚屙夜尿多，唔好講笑，即時冇晒喎！！！而且，仲喺某方面更勁好多 tim！^~

正正！

注意，呢煲海帶綠豆合桃乳鴿湯，男女皆宜！

材料同做法：

非常簡單！海帶綠豆合桃乳鴿湯嘛，所以，將海帶綠豆合桃乳鴿放晒放落個鍋度，加水浸過全部材料，用猛火煲四十五分鐘後再用文火煲兩個鐘即成。

大家一定要試，因為真係好好飲好正！

假？真！

京奧開幕爆出「造假作弊」事件。。。。

唓，咩造假作弊唧？！而家又唔係歌唱比賽！又唔係講到明話全部都真！

好嘞，就算係，有乜問題呢！？唉，大家仲未化吖？！

即係咁，而家喺大中華，真同假有乜關係呀？！因為真同假已經合一，正所謂假作真時假亦真，真作假時假更真；人為有為假變真，真假假真假才真！

簡單 oD，一句~

喺中國，真嘢有乜咁矜貴同特別？！只有假嘅嘢先係真，先唔怕先放心！呢樣先係無出其右！天下無雙！

Bee，Happy Birthday！

Bee 小妹：

喂，三年喇！妳我不用常聯絡，但仍無事偶相聯兼心有靈犀一點通，希望我哋會繼續有無數個三年又三年呀！

鐘意妳！^~

祝生日快樂！

並祝妳與他早日同偕白首！

奧運閒談

我對體育節目一向不太熱衷，即使是大熱的足球和籃球如最受歡迎之英超及 NBA 都不喜歡看。當然，超級盛事像世界盃等就另當別論。但也是選擇戲碼，如果是魚腩對豬頸肉，一樣不會看。

而奧運，特別係今屆京奧，亦當然破例會觀賞。

從1984年開始真正看奧運，我喜愛看的項目一直是體操、射擊、游泳、女排和跳水。尤其是體操、射擊和跳水，更覺最好看。記得1984年李寧、童非與樓雲等一眾第一代黃金世代揚威洛杉磯的光輝時刻。

當然不少得許海峰摘下神州第一金的澎湃一幕！

同樣，也忘不了我國失落的時候，像88年那一屆的漢城奧運。。。。

自上屆，我開始愛看舉重。

看著每國入圍的健兒們一個一個輪流上台，每人對每一次試舉的重量均有三次機會，若在一開始的試舉便成功了，便不用擔心，有多點時間休息，還能在台下等待期盼對手的失敗。假若對手也成功了，便得收起快樂心情重新再試更重的重量。

而，舉重最不同最 High 之處是全場每一下只有一個人表演，面向觀眾，對著面前足令自己是龍是蟲的千斤啞鈴，力氣萬鈞的「靜態」一挺一舉，不行就是不行，行的話，本來鴉雀無聲頓時掌聲雷動。贏得最後勝利後還可一個人 Show Time 向破記錄挑戰。如果那健兒有一點過人魅力就像前天的龍清泉，樣子可愛又懂得攪氣氛，更令這項比賽生色不少。

好索呀真係~~~~~

正呀！索呀！真係好正索呀！！！！

我對而家啲娛樂界工作者 (藝人) 所知甚少，尤其是對啲新人。冇法，人到三十中期，自己又係金曲台，係會「背」啲咖嘞！好似年幾兩年前已出道嘅新人~ 胡琳，我到前幾日無意中睇到佢嘅「一個人」MTV 先知原來竟然有個新人咁正！

呢位胡琳樣靚身裁正，腰短腳長成個 Figure 索到爆唔在講，但最吸引我係佢嘅嗰種靚係靚得特別，唔係「咪 o埋眼」喺中環旺角尖沙咀都撞到嗰種 common 正。特別係佢對眼，淫到呢~~~~~

A~ 但除咗淫，仲有好深沉好滄桑好憂怨味道，最攞命嘅係又唔低賤兼唔係撈格噃！再配合佢五官同面部表情，仲滲透點點俏皮可愛 tim！抵死呀！

至難得係佢又唱得又跳得，好似仲識彈琴，頂~~~~~ 我好辛苦呀！

不過佢嗰間唱片公司唔夠大，所以冇乜聲勢，唉，香港~

佢有幾正，睇吓以下呢個 MTV 就知。

寫 Blog 咁耐，我第一次 post 呢啲 MTV。。。。佢好索呀呵真係？！

真正值得致敬的紀律部隊

今日旺角呢場五級大火，令我想講。。。。

我，好睇唔起 oD龜同討厭佢哋嘅恃勢橫行、欺善怕惡同濫用職權。

我，對郵差 (都算係紀律部隊呀！)、救護人員 (一樣！) 同消防員一向非常有好感。

總覺得，尤其係消防員，佢哋嗰種精神同德行先值得受高薪厚祿同尊重！

消防員哥哥姐姐同叔叔們，您哋冇得頂！

天下焦點聚北京

昨日蘊釀已久，歷盡風雨飄搖的貳零零捌北京奧運終於順利開幕！好！之前還擔心彊獨份子及張藝謀。。。。

整個 Show，未致精彩絕倫，頂巔之作，但也是一般水準以上。慶幸，幸好不再那麼張藝謀式演繹~

願這次奧運一直平安順利直到閉幕。天佑中華！

真的戀愛了 ~ 只得一次

個人認為無記的同事三分親是近年拍得出色的電視劇，雖然，它也是離不開一貫這類劇種的方程式，但勝在選角適合、配搭得宜與及劇情老土然包裝演繹得好，比起之前的同時段出產，甚至再之前的經典如壹號皇庭等更好看，看得令人好舒服。

我不是每一集也看，但如果是有江欣燕與徐榮的那一集，我都盡量不會錯過，實在好看嘛！昨晚此劇剛完結，我在網上找了其中兩個精彩一幕，真係好叫人暈酡酡！



江欣燕真的演得好！她的眉宇間溫柔輕鎖微揚，雙目水晶靈靈流動，嘴泛情意甜笑，愛味盎然，將女人埋在心深裡，礙於矜持而對對方屯積已久的深情萬千愛意，在那一剎情牽終一線時主動大膽卻又不失柔情似水，嫵媚嬌柔，情意綿綿愛無限地以感覺盡吐獻出我願意，噢~ 天啊~~~~~ 我看了幾十篇！

當女人愛上你，那刻，男人，你是全世界最幸福的東西！醉一千次死一萬次也值得也願意！



以上這個相信是對劇中這一對的著迷的 Fans 自製的，同樣動人，絕對值得欣賞。

女人，如果她接受你，或已愛上你，她的不自覺欲拒還迎，反覆翻騰 (反覆是她，翻騰係你！令你如過山車般來完一個又一個要命的翻騰！)，主動但無聲無息為你掃清障礙，誘敵 (你) 深入，去追求她，最後，讓她我願意~ 一切操控在她手~

女人，妳是勝利者！即使在天使吹起喇叭詠起聖詩召我的靈魂離開妳時，我依然對妳也仍是那一句~ Yes！I Do！

聽聽歌曲再次記起
奔波中生活或太膩
誰願花光 全部心機
為求剎那的歡喜

他跟她可會再記起
彼此相識就是趣味
名利拋開 曾無私獻技
原來這是誰的福氣

偏愛面子 總不肯開口
太沒有意思
明明可以 像回復當年那樣子
捨棄面子 講一聲很愛
聽罷就會知
然而
忙著多的是 誰沒有守時
而這種機會只得一次

很想講一句在意嗎
親暱的關係未變吧
如若講出 遲來的說話
連人間寂寥都不怕

寫上地址 簡單的祝福
看罷就會知
然而心意 若遺下了就變歷史

誰人寫出心事
誰人沒有守時
原來這種機會只得一次

只得一次 試聽

細細哥，恭喜！

細哥伉儷，

祝新婚愉快！同偕白首！

P.S. 對不起，今日和今晚 (我想今晚我也應該不會到的了。。。。因為，我不想見到他們。) 我不會到的了，見諒。待你倆度蜜月回來後，再吃晚飯吧。對不起。

您我相識了三十五年，其實，我想到的。

解宿醉妙品

所有中式濃湯和一些比較清的如莞茜茶瓜魚片湯、冬瓜火鴨湯 (這兩天煲了)；牛雜的汁；韓國的解腸湯 (汁)；鹹豆汁以及甚至保衛爾牛肉汁，以上全部都是快樂地喝了很多酒或喝醉後，將第二天痛苦難耐的宿醉幹掉趕走的妙品。

但除了保衛爾牛肉汁方便沖調之外，其他的平時難以常常都準備好一鍋，隨時奉命效勞。幸好，濃如墨汁的普洱茶，解酒去宿醉的功效也不錯。平日沏定一大壺，涼了也行，喝酒，宿醉？淡定。

最近，有幾天沒喝，已慣了酒精的身體自自然然急需醣份，以往我會吃大量朱古力，但我那時忽然想吃雪糕，於是買了一桶，不消一刻吃剩三分一。

翌日晚上，忘了那桶三分一雪糕。又在喝，喝了頗多，大概十多罐啤酒吧。第二天醒來後，宿醉在發作，沒胃口又頭痛，又沒湯水，習慣性下意識打開雪櫃，見到的其他食物都視若無睹，看到的啤酒更想反胃 (在那刻而已)，本能卻驅使我拿出那三分一桶雪糕，飢渴地狼吞虎嚥，哈，竟然讓我發現，原來雪糕能解宿醉，還可將酒氣去掉，效果絕佳！

而且，這早餐，營養豐富呢！一舉兩得！

記兩嘢

(一)

Blog 右手邊嘅簡單問卷結果，法文果然大熱，由頭帶到尾。「飯 Say」魅力當真非同小可！Viva Francais！

意外嘅係西班牙文竟然只以一票之差排第二位，仲多人過日文！唔通因為西班牙啱啱攞咗歐洲國家盃？！不過，西班牙文又真係好好聽咖，個人覺得仲好聽過法文。曾經有個多明尼加嘅女朋友，佢唸過幾首西班牙情愛詩篇畀我聽，噢，正到暈！

記得其中一首個名叫「阿 ki te ae 磨」，冧到痹！

(二)

公務員，特別係大嘢嗰啲，好似最近「當紅箭豬」文叔呢類，在位嗰陣同退休之後 oD薪酬福利都好到冇得頂，在位嗰陣有幾正都費時講嘞，例如退休之後，每個月仲有六萬幾蚊糧出喎！！！！嘿，咁佢都仲要偷雞，有咁快得咁快「鼠」去新記繼續 wea 銀，大家話呢啲友仔 X 唔 X？！

另外，咁樣，試問我哋點會對啲高官嘅公正度放心得到？！個個都諗住退休後泊富豪碼頭，咁，在位嗰時又點會唔討 oD大粒佬歡心？！有時十八才子陶傑講嘅嘢係到咖，大家都係管香港，中國人同英國狗佬嘅分別一眼睇晒~

有一個朋友，佢喺警隊做到兩粒半，仲要係最後嗰批攞到最正福利嗰批幫辦噃，有一晚大家 Happy Hour 佢同我呻話：「唉，X，每個月要交成幾千蚊租！好慘！」我即場 X 鳩佢：「你每個月成五萬幾六萬，而且你只係交嗰幾千蚊就有千幾呎住 (宿舍)，你咁樣講嘢真係好撚仆街囉！」

成日覺得香港呢 oD咁嘅公務員，生在福中不知福，貪得無厭，唔知足。

One Two Three Four~ 所謂人心不足就蛇吞象，做咗神仙都未必滿足，只怕天梯依然未搭起，牛頭馬面就來將你捉；落到地獄就想做閻王，做咗閻王你又怕孤獨，問君何所欲。。。。喃嘸喃嘸阿彌陀~~~~~

酒池肉林

中學的歷史教科書，所講的酒池肉林，是皇帝用酒洗澡浸浴，周圍有吃不完的珍味佳餚，連老師都是這麼解說，乃窮奢極侈之意。唉，不盡不實。

酒池肉林，他它們最多也許只對了一半，酒池是對了。但肉林呢，嘻嘻，實則意思是指皇帝同妃嬪宮女一皇多后大淫樂。其實從歷史學術角度出發，又怕甚麼明說了呢？！多偽善~

酒池肉林，我也試過！

記得在台灣有一年與幾個朋友去了北投浸溫泉，潔癖的我一向有聞中、台的溫泉甚為不潔，只因同胞們多是不先「淨身」便走進泉內連浸帶洗把池當作浴室一樣清潔自己身體，洗頭；有的「專程為了去醫」其香港腳或其他皮膚病；又有的把池當作泳池來游泳、嬉水與及，吐口水。。。。曾有傳有時候，溫泉上還佈滿上了一層薄薄的，分佈得輕巧精緻的人油。

我怕怕！您呢？

那天，我沒有浸在池裡，但一場去到，當然怎也不能不做點事情。於是，我在附近的商舖買了幾大桶台灣啤酒 (指定要用冰鎮過的)，把它們抬進我那浸池的房間，冰涼的啤酒一罐一罐從頭倒落，再用熱水花灑沖一沖身，又再倒啤酒，再用熱水沖洗一遍，反覆如此又倒酒又沖水，過癮之至！

酒池，這樣亦算是吧？！

至於，肉林呢？

雖然那時的我，身形正處於巔峰狀態，但都仍甚好肉地，肩寬肉厚，所以，肉林，自己就係~

Scan

Scan，在已不能沒有電腦這個年代，好重要！不明來歷的電郵固然要 Scan，即使是相識的甚至好熟落的朋友寄來的郵件，一樣要 ！因為有可能他已中了毒而不知嘛！不 Scan，但求一「快」，猶如不戴安全套造愛性交 One Night Stand，隨時中毒「賴」嘢！

其實，正常來說，平日我們也在不斷的 Scan，Scan 人也。工作上當然一定要 Scan，只因周圍太多牛鬼蛇神，仆街契弟了！而交朋友，亦同樣要如此，因為，世上三山五嶽者，又或明為正常健康，暗為實乃計時炸彈之人多的是，若然不 Scan 便交心交友，啊，其後果，大家平常有否看新聞了？！有吧！不言而知啦~

當然，有時候我們就算 Scan 了，但如果那病毒或人乃厲害異常之輩，一樣會中招。不過，至少我們對得住自己嘛~ 至少，我做了我該做的。

從遠古到現在，我們的祖先到我們，一直都在互 Scan~ 沒法吶，造物主要這樣，人生如此。

受不受溝、要不要我、嫁給我吧等等等等，同樣要 Scan，逃不了，走不掉，不要只講 Feel，否則後悔一世。

莫嫌煩。

「師」變

人，自己一個住，原來有好多嘢係會變嘅！但估唔到，其中一樣係會變咗師。。。。

仲有唔係好多個印花貼紙，就有兩隻 Snoopy 手錶嘞！o騎 o騎~

成日幫襯，點都要拎番啲「so」！呵呵呵！

高潮快慰之浴袍

天氣勁熱，所以前兩 day 去咗宜家買多張薄被，咦，點知見到我一直鐘情嘅浴袍大減價噃，於是，即刻買番件！

本來想整件鮮紅色，但冇大碼，須知道，浴袍一定要大大件咁先正咖嘛！所以退而求其次，買咗件鮮橙色嘅！

沖完涼，尤其是熱水涼，唔著衫唔著褲剩係著住件浴袍包住全身，加 o埋冷氣，噢~~~ 噢~~~~ 噢~~~~ 好幸福好溫暖好舒服！簡直每個細胞都喺高潮之中，每條神經都喺快慰入面！

啊~~~~~~~