Monday, July 21, 2008

火燒地旺,我旺呢度~


講嘅呢度,係我而家住 o緊嘅大坑。

未搬入嚟大坑呢度之前,平時一直都只係喺搭車時經過佢嘅街口 (即係由以前嘅百樂戲院至現在嘅百樂中心,一路都只係經過。)。頂多只有幾次喺位於佢街口嘅一間 Bar 飲過幾次酒。

到半年多前,去探住喺入面嘅細哥夫婦先至第一次去過大坑。

人生是戲,變幻無常,真係估都估唔到,冇幾耐之後嘅而家,我會住喺呢度,仲要係大坑嘅中心地帶 (見左上圖。不過幅相唔係我影。)。

未搬入嚟之前,呢度已有好多好多各地同本地風味食肆,有高級嘅、有中產嘅、有平民化嘅,猶如聯合國,差唔多間間都有自己特式。我搬咗入嚟之後,哈,越開越多如雨後春筍 tim 仲!而且,呢帶仲越嚟越出名,更成為咗極潮為食地帶!我遲 oD都可能開番檔賣牛雜同魚蛋,做推車仔!係嘅話大家要捧場喎!呀哈哈哈哈~

呢區有樣嘢我好鐘意嘅,除咗自成一角,令人彷似身處異域之外,就係呢度啲茶餐廳、快餐店、餐廳、舖頭以至報紙檔,大家之間同 o埋同客人之間都可以打成一遍,有濃濃人情味感覺。好似有一次,我經過其中一間報紙檔,沒打火機,於是問檔主借機一用,嗰位阿姐話送咗畀我喎!嗰時我啱啱搬入去咖咋!同佢都唔熟!

又有一次,我喺其中一間快餐店食完嘢,但冇錢畀,佢哋竟然信我會番轉頭畀喎!

總之,呢度無論係地方位置、環境同 o埋人情,都真係一個小小村落小鎮咁,正!大坑,一處在夾縫中,本來很易被遺忘的老香港情懷舊區小天地。

香港,妳仲未瓜呀!

P.S. 遲啲等我食勻呢度,整番個為食在大坑系列~

20 comments:

Haricot 微豆 said...

"... 老香港情懷舊區小天地 ..."

回憶童年時住大坑看舞火龍,炮竹嘭嘭,人頭湧湧,什為熱鬧!!! 現在還是那老樣子嗎?

梁巔巔 said...

原來你以前住呢度!

係呀! 而家仲係老樣子!

Anonymous said...

我都唔清楚大坑有甚麼好吃,等你寫了。

樂遊 said...

大坑我真係未去過。
快d介紹那兒的食肆啦,唔洗等我次次去到港島都唔知食咩野好(唔係太貴就係太多人)

el el said...

巔巔兄,
聽落大坑好鬼正斗喎,
小鎮風味...我鍾意呀!
不過,我住o個區同你o既大坑有o的異曲同工!!!嘻嘻~~
唔知道到國慶o既時候,
大坑會唔會好似我o個區咁,
熱鬧到簡直有o的嘈呢???

梁巔巔 said...

Uncle: 等我! ^^

樂遊兄: 其實而家嘅香港, 度度都咁貴呢!

By the way, 樂遊兄, 我 this Thursday 會去書展, 你會喺邊個位置呀? 電郵話我知哩~ 等我帶 oD水同食物畀你! :)

el el: Over over)))))) 邊區! 邊區! 邊度! 邊度! 快啲講呀!!!!! 好辛苦呀!!!!!

...... "唔知道到國慶o既時候,
大坑會唔會好似我o個區咁,
熱鬧到簡直有o的嘈呢???" ...... 我知! 北角! 啱唔啱吖?!

el el said...

北角,nonono...
不過差唔多喇,再估!

梁巔巔 said...

筲箕灣!

樂遊 said...

haha,有心
我這類出版社是不用參加書展的。
而書展....大大話話都無去六,七年了

Anonymous said...

“我遲 oD都可能開番檔賣牛雜同魚蛋,做推車仔!”
哈哈哈哈!笑到吖!做小販,發啊!

el el said...

中呀,不過無獎!
我呢區o既o野食都唔錯o架!
不過有間好出名o既,
我就覺得名過於實囉!

梁巔巔 said...

樂遊兄: 講真, 去書展, ..... 查實幾無謂. 點解呢, 好逼, 根本就唔能夠安心舒服咁睇書揀書. 而且, 書展會賣嘅書, 之前冇耐喺各大書局已有售.

所以, 對我嚟講, 去書展係一種回憶呢.

Joyce; 如果真係, 妳開名喎! 第一次幫襯買二串送一串!

el el: Yeah! 人話我聰明生得標準 Beautiful 認真冇問題!

另, 間嘢係唔係食粉麵, 個老板娘好寸 ga?!

el el said...

又中,果然係聰明喎,
都唔明個老闆娘做乜攬野咁臭寸!
更加唔明o的人點解放假會特登駕車黎等個幾鐘去食佢!!!
我寧願食附近檔車仔麵!

梁巔巔 said...

Heeeeee~ Merci!

此乃 X~ 店大欺人, 求過於供, 人云亦云之患囉!

唉~

其實, 香港真係有唔少名大於實嘅食肆, 最佳例子~ 鏞記 & 美心.

另一樣嘢, 嘩, 妳養嘅都係大型犬喎! 勁!

el el said...

美心?!原來佢都算係名店?
嘩,o的味精多到爆喎,
我次次食完都腰骨痛到爆
(我呢o的賤骨頭一食到勁味精就係咁!!)

點解你突然發覺我養大狗o既...
其實我有兩隻係小牧,兩隻係雪橇,
小牧唔算大狗耶...

梁巔巔 said...

美心以前簡直係香港代表之一啦! 但唔知典解, 越嚟越衰!

唔只勁味精, 啲嘢仲縮晒水且味道奇差!

"我次次食完都腰骨痛到爆
(我呢o的賤骨頭一食到勁味精就係咁!!)"

喂, 妳仲細我一年喎, 咁弱?!

"點解你突然發覺我養大狗o既..."

唏, 睇番妳以前 oD文同喺 flickr 啲照片咪知囉~

"其實我有兩隻係小牧,兩隻係雪橇,
小牧唔算大狗耶..."

小牧都唔細噃!

el el said...

o係美心開始連鎖式經營,
兼用中央廚房生產,
品質咪咁囉!所以一早已經唔算名店咯!
就算佢o的高級版,都係o個o的貨仔.

"喂, 妳仲細我一年喎, 咁弱?!"
呢o的好似唔關年齡事,
我由細到大都係咁,
醫生話呢種叫"中式酒樓症候群"!
同埋你明明屬鼠,我點止細你一年!!!

梁巔巔 said...

又係~ 我都唔方好得去邊! 但係我起碼望落去外強呀 (...... 中乾我都唔想!)!

大妳兩年囉~ ....... -______-

梁巔巔 said...

好好保重, 小心身子呀 el el 妹妹! ^^

el el said...

多謝關心呀,巔巔哥哥,哈哈~~~