Thursday, August 28, 2008

亂寫


* 選舉快到,收到各候選人競選宣傳單張,又喺電視睇過多場選舉辯論,唔,今屆有唔少靚女 ar 吓!(喺一向嘅選舉範圍同政壇嚟講)

好似公民黨嘅陳淑莊,清秀又夠爽;又好似民建聯嘅李慧瓊,五官標緻又白白淨淨,唔錯;仲有徐娘半老風韻猶存嘅林依麗,加 o埋不嬲我都覺得佢幾索嘅龐愛蘭 (不過呢,瘦咗啲唧!),呵呵呵,比以前只有好似菜菜子呢啲質素嘅選舉,養眼好多!

* 曾狗鴨 Don 呢條友係得嘅!咩都唔理,民望又超新低,都仍然唔見影,失晒蹤咁!嘿,佢嗰陣嗰句~ 「我要做好呢份工」果然係鳩噏~ 佢,亦果然係契弟~

* 亞視最近半夜重播新變色龍,以前 oD戲真係有味道啲嘅!而家點解會拍唔番?!大概社會同時代已變,最重要係,人都變喇!冇市場啩,咁,又點會有人走去拍呢?唔怕畀公司 X?!

*我隊波熱刺,唉~ 唔知幾時先贏番場?!

12 comments:

Xavier said...

梁兄, 熱刺終於買到艾沙雲喎...成隊俄羅斯國家隊,同埋辛尼狄都系靠佢食糊,我諗今年應該有一番作為... :)

梁巔巔 said...

Hi, Xavier 兄, 望就咁望啦!

我從80年代中等咗呢隊波再威威等到而家, 唔知仲要等幾耐.....

el el said...

通常O係歐國盃有表現,
跟住就謝O架喇,
你睇睇我隊利記O既巴路士就知啦!
嘻嘻~~

el el said...

仲有,
熱刺下場作客車仔,
睇怕都凍過水...
嗚呼!

Anonymous said...

唔少靚女? ldd,你的要求不是這樣低的吧?

比到盡我都只可以形容佢地係後生女咋。

樂遊 said...

老實講....我都覺得陳淑莊不錯,其他女侯選人,其中不少個樣真係.....唉
厚道一點說....女人一個law

不過,有一兩個男性侯選人....唔該有點專業道德,就好似星爺係食神所講「三級片女星都要隆胸取悅觀眾」搞好個樣先啦

Hyacinthus said...

"公民黨嘅陳淑莊,清秀又夠爽;"
我幾喜歡她,個人爽且轉數快,比起菜菜子這塊豬油糕,陳淑莊好明顯高幾班,假如我還住在港島區,今年我定會棄民主黨投她一票 =)

”又好似民建聯嘅李慧瓊,五官標緻又白白淨淨,唔錯;”
估唔到你d品味係咁,呢位完全唔得,見過其真人好幾回,老爸有回跟她交手,佢竟然說呢d事幫你唔到?區內事就算幫唔到你都應該轉介,或是了解一下,一句了事算是什麼?黑心點,我買她落選 =P

Jan said...

熱刺都係我的喜愛~不過算把啦~

仲有係請善用及珍惜神性一票~

梁巔巔 said...

el el: 唉......

我捧邊隊衰邊隊, 妖, 等我捧利記!

Uncle & 樂遊兄: 兩位大佬, 注意, 強調, 我係話喺選舉圈子同政壇嚟講呀!!!!!!!

另, 樂遊兄, 男候選人有幾個真係睇到佢哋前面憎佢哋後面! 人版例如曾玉成, 李華明同劉江華; 絕佳人版係陳鑑林!

風信子: 李慧瓊齋計個樣, 喺選舉圈子同政壇嚟講, 算係咁咖喇!

哈, 如妳所願, 最近佢個張名單跌得好勁!

詹詹: 神聖一票, 除非公民好危, 否則唔一唔一定要投畀佢哋.

阿牛同何 e 仔就係因為一般人投晒畀民主黨同公民黨而冇機.

講真, 喺立法會, 泛民 oD票點都唔會夠保皇, 建制派多, 咁, 多一兩個好似民主黨或者公民黨呢 oD剩係識開會, 已殭化嘅人, 又點及有阿牛同長毛呢 oD係會衝擊議會, 敢同政府對抗嘅嚟得有效有作用~

The Inner Space said...

下個星期日就是選舉日喇!


是唯一可以睇驗行使民主的一天,
各位踴躍啲記著去投下神聖一票!

名單有如下:
2008立法會選舉名單

2008立法會選舉主頁

Anonymous said...

風子說:『假如我還住在港島區,今年我定會棄民主黨投她一票 =)』

咁樣, 風子你咪無咗乘坐小輪個份悠閑,少咗欣賞維港兩岸景色!

space

謝謝 巔巔兄借出一角。

梁巔巔 said...

:)