Wednesday, October 31, 2007

搵嘢。飲嘢。古惑仔


幾個星期前喺中環有嘢攪,順便行吓諗住買信紙寫信。點知,哈,行勻半個中環有多,各大商廈,都買唔到 oD似樣嘅信紙喎!(後嚟連銅鑼灣都唔見有,最後要到北角一帶先買到!為咗寫信畀佢,搵咁耐,行得咁辛苦,值得嘅!)

行呀行,搵呀搵,(途中見到黎姿,好索~ 身裁。但化妝化到成個公仔咁。有啲恐怖。同另一個唔記得咗佢個名嘅女藝人。),walk 到攰,咁啱停咗喺某露天餐廳附近,hummm,好耐好耐冇嚟坐過 lu,於是,我走咗入去坐低,飲咗兩杯啤酒。

坐喺嗰度,睇住人生百態,睇吓本嗰日新鮮出版嘅古惑仔,偷得浮生半日閒,好正!

講開呢本飲譽香港漫畫壇十數載嘅古惑仔漫畫,自牛佬接手後,似打書多過似江湖書種。近嚟個故仔仲編得奇差 tim!例如人物性格前後唔連貫,故事常虎頭蛇尾同 oD伏線經常冇晒下文等等。不過,牛佬喺本漫畫入面嘅專欄短文,仍然可觀。

但一本十幾蚊嘅漫畫如果只係得咁丁多嘢值得睇,咁我極有可能好快連呢本唯一仍睇嘅連環圖都放棄 o埋!

Tuesday, October 30, 2007

難得的帽


好鐘意奪寶奇兵入面 Doctor 鐘嗰「頂」帽。

同佢唔係咁熟,只係見過一次。後嚟喺閒談間知道佢會去西藏,於是我就話如果見到 Indiana Jones 嗰種帽,幫我買。

好多好多日後,喺最近,佢 send 咗個短訊畀我,話喺西藏番咗嚟,仲買咗「頂」帽畀我 tim!呀!我 High 到呢!喂,須知道,好多人聽完就算,我亦隨便問吓,哈!點知佢真係咁有心呢!

雖然同奪寶奇兵電影入面主角戴嗰「頂」唔一樣,但呢一「頂」難得的帽,我會好好收藏起嚟。Shanon,謝謝!(由於我個 Card Reader 搬咗去新屋嗰邊,所以喺手機入面幅相過唔到去電腦,唯有喺網上搵住「頂」代替先~)

順便 X 一 X 阿詹詹先得~ 詹詹,我嘅好兄弟,我哋識 Q 咗十二年有多啦!X!你條友去完西藏去完尼泊爾夠膽死番嚟同我講話冇得賣?!!?!?!!?!頂~~~~~

X~ 慚愧哩?!自己檢討下!哼!

Monday, October 29, 2007

您會去邊度?


心理測驗又嚟啦,簡簡單單嘅題目就大概知道您嘅性格味道係點。玩吓啦!

「你好不容易存了一筆錢,終於可以出國去玩了。你會最想去哪一個地方?

A. 國際級大都會例如 紐約、東京
B. 豐富天然景觀的地方例如 桂林、瑞士
C. 藝術文化古城例如 維也納、倫敦
D. 浪漫氣息著稱的城市例如 巴黎、羅馬
E. 不一定有名,可是你曾看過印象深刻的小村落」

分析

A. 國際級大都會例如紐約、東京你是個很理智的人。所以跟朋友在一起,一直都是『君子之交淡如水』。物以類聚,較常往來的朋友也都是比較理智型的。基本上你很懂得自律,所以也不太需要朋友出力的機會。

B.豐富天然景觀的地方例如桂林、瑞士你很天真,凡事都很豁達,個性也大而化之的,所以你的人緣也相當不錯。周遭的朋友也容易為你的熱力所感染,就連平常看起來嚴肅的都可能主動跟妳做朋友呢~~只是你常常分不清楚到底誰真的對你好,這是比較要注意的地方。

C. 藝術文化古城例如維也納、倫敦大家對你的第一眼印象就是『高貴』。你也同時兼具理性與感性之美。基本上你不隨便交朋友的,因為你覺得『寧缺勿濫』,所以你的朋友也少少。你最好的朋友和另一半一定是那個讓你最感動、最關心你並懂得去珍惜你的人。

D. 浪漫氣息著稱的城市例如巴黎、羅馬你親和的個性很容易就讓你擁有一票的好朋友呢~~不過這才剛剛開始而已呢~~你是個很重視感覺的人,所以『和則聚,不合則散』,你的朋友也多半是跟你興趣相投的。不過其他被你『淘汰』的朋友也別連碰到都不打招呼喔。

E. 不一定有名,可是你曾看過印象深刻的小村落你很重視自我的感受,你也不隨便和別人一同起鬨,所以周遭的朋友對你的評價常常是兩極化,而且又愛又恨。獨特的個性和專屬於自己的生活節奏是你的優點,不過也別把其他人當作豬頭喔~~多費點心觀察,其實他們也都有自己的長處。

Saturday, October 27, 2007

神的演奏



我曾寫過關於海飛玆 (Jascha Heifetz) 的一些,其中包括他唯一演出過的一齣電影。那齣電影的影碟,在香港,我找了好久好久,才在置地廣場的 HMV 找到。

在 YouTube 選了電影裡較易聽得懂的其中兩首曲目同大家分享。

海飛玆,真的天下無敵,好得人驚!各位看過後,自會明白。

Wednesday, October 24, 2007

吹脹數字


大家冇去錯地方冇去錯 Blog。冇錯,數學白痴,計小學數學仍會計錯嘅我,呢次講數字。

嘻嘻!咁我梗係唔係講啲咩關於數學嘅難題啦。對我嚟講,所有關於數學嘅,頂~ 都係難題!亦唔係諗住講啲咩得意嘅數學理論喎。對我嚟講,數學理論,我剩係識同記得乘數表。。。。

今次要講嘅,係關於數數目。

嗱,個、十、百、千、萬、十萬、百萬、千萬、億、兆,兆以上,叫乜呢?

唔知哩~

我哋其實兆都非常少用,通常都係講千億、萬億或幾萬億。億係喺一後面加八個零,而兆,就唔知要再加幾多個零先可以叫做兆。

但以前讀書時,一位教數理邏輯的教授曾提到,原來兆以上,仲有,嘩!坐穩~ 仲有「京」、「垓」、「壤」、「溝」、「澗」、「正」、「載」、「極」、「恆河沙」、「阿增衹」、「那由他」、「不可思議」及「無量大數」!

可惜出自何處同點解咁叫,我唔記得喇,但覺得 oD名幾過癮!「京」至「載」,唔明。我剩係記得「京」,係一後面有十九個零!

去到「極」同之後嘅其他,就較易理解啦!「極」,去到咁嘅數目,仲唔係極限?!「恆河沙」,比「極」更多,多如恆河沙數!「阿增祗」,比恆河的沙仲多,所以連個名都無厘頭唔知係乜!黐晒線!「那由他」,去到呢個 Level,幾多個零,數嚟都費時,那就由他吧!最後嘅「不可思議」同「無量大數」,一睇名字已經明晒啦!

去到某一個數目,好似財富咁,只不過係純數字遊戲,想也不無道理。而心中富裕,先係真正快樂,充實,睇嚟更係好啱!不過,當然啦,最起碼,要唔駛為生計著急先能夠咁講。特別係喺香港!

Tuesday, October 23, 2007

三代皆正!

屋企快將徹底大裝修,而家已經係十月尾,為咗趕得切十一月一號交間吉樓畀班裝修師父,呢排執拾屋企嘅嘢經已轉入直路,執得七七八八。

間屋亂晒籠!大紙箱多過傢俬!下次會寫篇關於呢樣嘢。

今日喺執嘢期間,執 oD相簿嘅時候,跌咗一叠好舊好舊嘅陳年照片出嚟。我執起一睇,嘩!堅呀!係六十幾至一百年前我家族嘅相片呀!

啲相真係好珍貴,連我爺爺廿一歲,喺宣統元年嘅玉照都有!仲有太公太婆嘅相 tim!

我將爺爺、爸爸同我張相擺 o埋一齊,發覺,真係好似!尤其是爺爺同爸爸。我就畀媽咪溝淡咗少少!

好彩,媽咪佢後生都幾索!哈哈!

Sunday, October 21, 2007

念 PK_


久不見兄的蹤影,近日連貴 Blog 亦消失了,而剛以電郵去信於你,竟打回頭,已廢。

甚念。

深信兄此舉必有其原因,只望早日能再見您的字字珠璣,文采風流。

祝一切安好!

究竟天有幾高 試聽

Wednesday, October 17, 2007


是月曆,還是日曆,究竟?應是兩者皆對吧。

最多人喜愛的應該是風景的吧。印著風景的大月曆,令人心曠神怡。每月過去,逐頁撕下,不要丟掉,到到年底,試試把十二個風景目掃一遍,真有一種歷遊過各地的感覺,還有一份歲月溜溜的感慨。

其他的,不少男仕都愛掛著性感火辣的美女月曆,但我卻不喜歡。原因是這只會辛苦自己,所謂有得看,沒得吃嘛。

可愛的女仕們,她們永不老,總喜歡用 Snoopy、Hello Kitty、Kerokerokeropi 等的。最近最受歡迎的應是宣揚那他媽的軍國主義的軍曹。

我自己只喜歡用日子以一格格分開的那種。這一種月曆可以讓我在有要事的日子寫上一些提醒。至於以甚麼做背景,倒沒要求。用得最多的是每逢年底年初各大公司所送的大福字月曆。

很懷念兒時祖母常用的那一種每日一張,厚厚的,底部有一塊印上古代美人或中國山水的鐵板的月曆。它還有通勝內的一些資料如每天宜做甚麼,忌做甚麼。用這種月曆還有一種作用,就係提供快感。一天撕下一張,撕的時候,「嘶!」的一聲,俐落,原始。但另方面,那不齊整的撕碎口,仍紙斷屑連,我們的每一天,日子,不就是如此?

在台灣很流行印有一些道理的月曆,當中最常見的一款莫過於印有一首「莫生氣」。每天都看一下,提醒一下自己,不錯。生氣的時候,看一下,更不錯。

今年不開心?不要緊。看,今年月曆已薄,壞日子快成過去,應該開心地準備買一款新的了。今年很開心?已薄的月曆提醒您是時候準備心情去延續快樂。一直不開心,到最近才陽光照您心?已薄的月曆提醒您將要買回來的厚厚新月曆,會見証您快樂每一天。

Tuesday, October 16, 2007

另一類感覺


虎茶阿大先後提到唔同人都有代表自己嘅一種顏色。其實,唔只咁,有時,我哋亦會覺得一個人係會似番佢叫嘅英文名。


好奇怪。例如三三柯蓮娜,剩係聽把聲真係好襯柯蓮娜呢個名!又例如 Macy、Bee 同程霜又真係襯番個名嘅!

有時唔只係英文名 tim!好似網名咁,亦都會似番個噃!例如阿大咁,佢真身一笑,真係 Mad Dog 出晒嚟!例如四 Lu,真人好似 Lu Lu Lu (咪炳呀嗱!)。。。。

好嘞,講到呢度,究竟我想講乜呢?

除咗以上嘅,我想講嘅係有時我哋睇一個人嘅文字,亦會不期然聯想到文字嘅主人係邊一種聲同 o埋係咩性格。

又試試舉幾個例子吧。阿大~ 聲線沉而厚。黐線嘅 (中);三三~ 高音且尖。巴辣 (中一半);四Lu~ 聲甜。得意可愛 (中);Macy~ 小女孩聲。陰晴各半 (中一半);Bee 小妹~ 聲音輕柔。十三點 (中);程霜~ 男中音。才俊 Feel (中);五師兄~ 高音。風趣幽默 (中);小豬~ 呢個我直頭估錯晒!

嗱,以上只係純粹感覺 ja!多多得罪!咪炳!

Monday, October 15, 2007


先聽一聽以下呢首兒歌~

「願望要高 (願望要高)
盡力努力做 (盡力去做)
實行做到 (實行做到)
對我多鼓舞 (你會得到)!

看看我今天顯身手 你會知得到
原來只需努力做
我都做得到!!!!!」

曾狗鴨 Don,你真係呢~

嗱,有兩兜友都亂 Q 咁講嘢嘅!一個係美國嘅布薯仔,另一個係台灣嘅土仔阿扁。

之不過,美國嘅布薯仔最多都只係讀錯字發錯音兼甚多間歇性語言障礙,但佢有自知之明,起碼佢會喺辯論或者講嘢嘅時候整個接聽器等 oD智囊提水。

土仔阿扁亂咁嚟,但佢知自己做 o緊乜!佢亂咁嗡係為咗自己利益著想,爭取更多支持。暫時嚟講,亦叫成功。

哈哈,至於曾狗鴨 Don 你,好嘢呢!嬾醒其實豬頭炳!易亢奮但又同時失控無倫,人哋提你水你仲鳩撚 fing fing 咁阿支阿 jor 阿花這樣那樣 gee gee gut gut,以為好撚叻!而家出晒醜啦!

你老細都對文革十年浩劫好避諱,哈,你就仲叻唔切攞嚟咁鳩嗡,真係 X~ 笑死你 oD,笑死鬼佬兼且激 o親阿公~ 你 oD老細呀!

曾狗鴨 Don,你睇你幾醒?!布薯仔同土仔阿扁都唔係你嗰皮!你做得到喇!

Sunday, October 14, 2007

The Twilight Zone~ The Misfortune Cookie


以前啲電視節目,好多都好正!其中迷離境界 (The Twilight Zone) 更係我最愛之一。

今日喺 Macy 度見到佢 post 咗另外我最愛嘅經典之一~ Family Ties (話時話,佢好犀利,成日畀佢搵到啲好 Q 難搵嘅好嘢!好似之前我喺呢度公開求助去搵一個我搵極都搵唔到嘅,竟然畀佢搵到喎!勁呀!),於是我就試吓喺 YouTube 搵吓有冇迷離境界啦,我首先以 The Twilight Zone 去搵,有係有喇,但都係好舊嘅系列。

後嚟,我用其中好鐘意好記得嘅一集嘅名~ The Misfortune Cookie (呢集我當年錄低咗之後翻睇又翻睇咗無數次!) 去搵,嘩哈哈哈哈!!!!!結果有呀!搵到呀!!!!正!

一齊欣賞兼再重回迷離境界啦!



嗰度仲有 The Twilight Zone 嘅其他各集。

真係好好 Feel 呀~ 頂!

Wednesday, October 10, 2007

三點


孽瘤 vs 假四萬

有睇開呢度嘅朋友都知我好唔鐘意陳方呢個大虛假。最近佢行行下走去洗頭單嘢真係離 Q 譜!喂,X 鳩,妳叫我哋點信得妳過?!

而我亦曾經幾欣賞葉劉嘅真。好似不久前一大朝早見到佢喺番工時間,喺我住嘅附近派傳單,佢夠膽死一落啲啲啲啲毛毛雨就即刻走去有得避雨嘅地方喎!到冇即刻走番出嚟喎又!唉,真係真得滯。

我其實真係幾想投佢咖,本來。而家諗諗下,我諗我嗰日會投空白票。(好似話無端端又多多件女出嚟選!)

滑稽豬乸

指千億嗰個。佢個 Look、個格同嗰種散發出嚟嘅氣,滑稽庸俗到呢~~~~~~ 嗱,証明 $ 唔係萬能,仲分分鍾令人徹底變更!

Hummm,另外,亦証明讀書多少同一個人嘅氣質並無關係。

陰陽怪氣

有冇發覺,最近突然好活躍嘅鄧姓藝人,變得好陰陽怪氣,乸乸地。。。。

Friday, October 05, 2007

只有一種男人


三三阿大分別寫了關於好男人與壞男人的一些,寫得頗有趣。女人真可愛!

其實,甚麼是壞男人?甚麼是好男人?

嫖賭飲吹皆精,又或者是好當中一、兩項就是壞男人?不好此道者就係好男人了?抑或狼心如鐵就是壞男人?好好先生的就是好男人?

或許,壞男人和好男人都有一標準吧。打女人、騙財騙色、沒口德 (所謂完唱)、不負責任、花心等是壞男人的所作所為。專一、呵護備至、負責任、有承擔等是好男人的作風。

以上的壞男人,屬低等品種。高級份子的壞男人,以往算寫過一篇,可去一看。

我曾認識幾位朋友,有的他豪賭,有的他好嫖,但他們很愛他們的另一半。有的她,她的丈夫打她、有的她,她的丈夫常花天酒地,但她們仍深愛著他們。

我不是說男不壞,女不愛。而是想說,問題根本不在甚麼是壞男人和好男人。

好男人,很悶。不少女人都不會喜歡上。不過,又有不少女人就是喜歡那一種安全感。有情趣又有吸引力的男人,當然有很多女人愛上,不過,又有不少女人同時害怕那一種不安感。簡單一點說,總之,甚麼男人都會有她愛上。

所以,壞與好,並不是重點。世上只有一種男人~ 與妳緣深情濃,妳所愛的男人。

Wednesday, October 03, 2007

電影力量


曾經有不少外國及本地機構都選出了若干齣最具影響力的電影。我雖不是電影迷,但也曾感到好些電影的確風靡一時,兼且對當時的人有著極大影響。

在我心目中,以下三齣電影,兩套外國一套本地,最具影響力。


壯志凌雲 (Top Gun)~ 當年湯告魯斯的一身白色 T - Shirt,短身皮褸,直腳牛仔褲和戴著雷朋墨鏡,不知有多少人跟著模仿。

還有在沙灘上戴墨鏡,脫衣打排球,很多男生都也試過。包括本人。

哈哈!最經典,亦是在香港怎樣也做不到的,莫過於我在異地常不戴頭盔,騎著電單車風馳電掣。因在香港一定要戴安全帽。


第一滴血 (Rambo)~ 其影響當然不是主角在電影裡面的造形。而是史泰龍在戲內所用的那一把多用途短刀。那時,不少朋友都在看完電影後忍不住走去買一把。


英雄本色~ 不用多說,一件 Mark 哥褸,講晒!

在您記憶中,還有那些呢?

Tuesday, October 02, 2007

爺爺的字跡


爺爺早過身,孫兒的我不但未有機會與他一聚,連見面的一刻都沒有。

我一直只從已去世的祖母及還健在的母親聽說過爺爺的一些生平事蹟。

我藉貫天津,爺爺他為津浦鐵路的工程師 (想起來,我一家與鐵路甚有緣。除了爺爺,父親和妹妹也曾在鐵路工作。)。抗日戰爭爆發,輾轉來到了香港這塊福地。誰知日本鬼子南侵至中國南方及東南亞各帶,三年零八個月,我梁家虛耗不少,家道中衰。

往後或者會寫寫我父親在往後日子的奮鬥歲月。

最近我家要準備大裝修,有天,母親拿著一張發霉的紙,拿出來給我與父親看。紙上面有用毛筆寫著的句子,由於年代久遠,只保存得一部份。我強烈感到母親她那紅衛兵式的行徑又再發作,想把它丟掉。

幸好這次她先拿給我們看,我說千萬不可丟掉。有些物件,雖然已沒有用,但它的價值並不在此。而是在於它的那份紀念懷緬,對當事人的那份思憶。

看著爺爺的字跡筆觸,不知怎地,有著絲絲隔世親情的感覺。