時。差。突發。約。再在這裡。將另一頁。

噏噏噚噚。。。。

在我這裡，有在一直看的，也知道我的人生哲理。

今篇，不是打算再贅。

只想簡化再提醒自己~

認命：悲觀地明白是如此，沉淪，悲觀的不再作任何作為。

信命：悲觀地明白是如此，但樂觀積極的面對這無奈而消極的人生。

分別是，除了被祢玩，自己也知道之外，若然我自暴自棄，這，蝕硬本。有賭未為輸。雖然，贏輸到到最後也是祢的安排。。。。所以，是一個人，要抱著懷疑心地不蝕啅，都係 be happy，積極樂觀好！

我現在，如果謝晒，一定死。但我一定不會。

咁蝕底！雖然，我有此想法亦是祂的安排。但至少，我有去想過。

顛倒

有時候，有些事，寬恕除了是一逃避最佳藉口，還反而是錯，甚至，是一種「罪惡」。

近百多年，我國一次又一次的被欺負，如清時期的列強和八國聯軍；蘇俄的鯨吞國土；日本侵華；戰後的國土歸還不公；甚至十多年前的美國所稱的誤炸我國在南斯拉夫的大使館 (美軍的科技精到毫釐，你信是誤炸？！)，我們除了「當時的憤怒」，大多時候都忘了。在，在「原諒」了對方的前提之下，活得自我感覺良好，活得舒服自在。

可是，那些曾對不起自己的對方，都沒有道歉，我們所謂的原諒、寬恕，是自欺欺人，是弱者所為，更是縱容別人欺負自已的自作孽行為。

拿日本人做例子，日本人從來都不曾為侵華事件道歉，賠償更想也不用想，而我們卻可以常將甚麼「這已是上一代的事」、「寃寃相報何時了」和「寬恕他們的罪行」放在己心，有沒有搞錯？！人家又沒有道歉，這麼說簡直羞恥！即使道歉了，也不要應輕易寬恕，否則，對方不會珍惜。像二次大戰後德國對猶太人的那份誠意，那樣的道歉才值得寬恕原諒！

又看看猶太人，誰敢再欺負他們？！猶太人就是幹著我們「河蟹」民族最反對的以暴易暴、以怨報怨、有仇必報、不輕易饒恕千刀萬里追，才有立足地才會強大！我們呢，別人就是看準了我們的「底蘊」，容易「話為」處處忍讓，沒手尾跟絕不難纏，又善忘 (痛)，所以，就常常被人欺負抽水，像上述美國的誤炸我國在南斯拉夫的大使館，或前主席江澤民與俄所簽下的「喪地確定」條約。

說了那麼多，想講，上星期一個悼念菲律賓惨劇的追悼會，竟然以甚麼「寬恕代替憤怒」為主題！天啊！有沒有搞錯！慘劇才剛過，生還者的身心仍在痛，他們失去的親人屍骨未寒，大會有甚麼資格去作主去說寬恕？！再看看今菲律賓所有有關方面的德行，包括他們與港警七人組的不合作態度，阻礙港警查找真相；包括將受害者遺體靈柩調亂；包括一些菲人在惨據地點當成景點拍照 (竟連菲警也是)！一錯又錯再錯！就趕著寬恕？！這種做法這種態度，不單顛倒人性，混淆是非 (彷彿不寬恕，燃燒怒火就不對！)，更助長不公的滋生！

上期我說到的不去菲律賓旅行和炒掉菲傭，後者有不少人反對。請看清楚，我是說可先對菲政府如是說，以此作為阻嚇菲律賓政府掩瞞甚至毁滅真相的手段。

甚麼都不做，當然可以。在高喊過他媽的菲律賓政府之後，請收口緘默。將憤怒藏在心中，記著這筆債。就算了吧。

UFO 以外~

宇宙咁大，仲有其他生物一啲都唔奇！我相信有 UFO 嘅。

我亦相信，喺好遠好遠好遠嘅另一個甚至多過一個星球，佢哋一樣好似我哋咁嘅樣貌，咁生活緊，要食飯要玩要媾女仔要為生計奔波，同埋對 UFO 充滿好奇！

如果大家碰到面，哈哈，可能仲好玩過見到超晒班，古靈精怪嘅外星人。

味道

Feel 到未?

「下一代」

因工作關係，好多時都會遇到啲好有 $ 嘅人。一般嚟講，啲有 $ 人都好客客氣氣，好有禮貌。尤其是上咗年紀嗰啲 (50幾以上)，就更加係。

但佢哋啲下一代就。。。。點講呢，ummmm，唔講完全唔乸掂嗰啲嘞，就算似啲樣嗰啲，都欠缺咗嗰種內涵氣度。

好似有個50幾60歲嘅客，好好人好好態度好鬼客氣，但佢嗰個廿零幾嘅仔呢，哈，未至於囂張跋扈，不過就好似唔識應人咁，同佢點頭條友好似肓咁冇反應。。。。

呢班友讀書肯定比佢哋伯爺多，但偏偏，修養內涵就非常唔及得上！

另外，仲總結到，呢班「下一代」，一係醒過頭，一係就戇鳩鳩。

睇睇成日見報嗰班「下一代」，姓林姓李姓霍嗰兜友！又睇吓胡姓嗰條友幾七！當然，有好嘢嘅，不過極少有，好似大劉嗰個，就係呢類少數。

估唔到~

怒火要燒下去！

一直知道風光明媚的菲律賓貪污、動亂，治安又不好，但怎也想不到會混賬至此。

由「她」蘊釀悲劇，到「讓」發生悲劇，再到之後的「發現」和做法，菲律賓當局的一連串荒謬，真的匪夷所思！當中最「嘆為觀止」，莫過於若不是中國提出指責，死去的兇手會以國旗蓋棺下葬。(這，菲政府雖然否認，不過，據報導，在中國駐菲律賓大使館提出嚴正聲明強烈譴責後，卻又會有一不知名男子去「取」走那國旗速逃！)

這陣子，香港人都一片愁雲慘霧。政府和市民都難得的站在同一陣線，要菲律賓政府於這次事件還個公道明白。

可是，談何容易？！

首先，要主張多一事變成少一事，實際利益行先，和平崛起的祖國向菲政府施壓，看看其在南沙群島主權上也可忍讓，便可知是奢望。再講，就算中央真的會向菲政府施壓，菲政府也不見得會妥協就範。

所以，即使持區政府窮追不捨，奈何份量不夠，菲政府也只會敷衍算數。

而如果更要知真相，也就更難比登天。觀這個菲政府的無賴混賬程度，只會隱瞞當中真相，隨便說個故事大話解釋出來。

儘管特區政府所派出的港警七人組在菲律賓找到了要菲政府負上責任的罪証，但會告得到罪有應得的菲政府嗎？！

說到這裡，我們就此罷休？我們能做甚麼？

先說我們能做甚麼。去到現在這個地步，我們可做的，針對菲律賓兩大經濟命脈，一，凡家已有菲傭的，把她他炒掉。二，永不去菲律賓旅遊。

「甚麼？！冤有頭，債有主，一單還一單，關菲傭她他們甚麼事了？！」現在天怒人怨，情如國仇家恨，要懲罰菲律賓，這是非常時期的非常手段，加上不去旅遊，這兩招是我們香港人唯一有能力，乃能力範圍以內可做的事 (大可告訴菲政府如果不好好和我們的調查隊合作，我們香港人才還以這顏色。)。還講道理情理？！我們不是要做點東西嗎？！又不是以暴易暴。看看猶太人吧！我敢說，換了是猶太人，一定團結一致做得出來。甚至更漖！甚麼？我黐線？！對，菲律賓政府、總統就是看穿了我們的「只得杷口得個講字」，成不了甚麼氣候。

我們就是終日主張甚麼不可以以怨報怨，己所不慾勿施於人等等，懶理性懶中肯懶偉大 (有好時候亦可能以那所謂理性，那所謂中肯去掩蓋那缺乏行動的心力。)，所以才被人奴役、欺負。看看特區政府只要做得比過去泰國事件上有進步，很多人便收貨，甚至連罵政府做得不夠，不好，也被打成「抽水」，便可知香港人是多麼的好相處，易打理。

香港人敢怒，並會在一些事件的關鍵時候站出來。這次，不說以上的兩招，可否再加多至少兩樣東西~ 持久及不善忘。

真的不想，不想不到一會兒，香港人又會再若無其事陸續再去菲律賓旅遊。我會作嘔。除非，是已得到這次不幸事件的一些公道。

情仇或許不用千刀萬里追，但起碼不要輕易饒恕，不要善忘。

爛片好歌

那段時間，那幾個洗完熱水澡的晚上，聽著這首歌。

？！

阮次山同成龍嘅爬街言論，屬「明 X 級」。以下有屬於「暗 X 級」。

聽到官電台嗰個主持「擦鞋大蠱惑曾」話，「覺得香港最近談論菲律賓慘劇談論得太多喇，over 咗。。。。所以要換過個話題。」

。。。。唔係咁講嘢呀~

一開波就講你想講個話題咪得咯！

玄陰寶袋

又熱又濕已經辛苦，加埋塵埃微粒滿佈，熱、濕、黐、邋，更加難受惡頂！

裇衫西褲每日必洗，頭更加唔駛講。但識有個朋友，而家仲係隔日先洗頭喎！雖然佢份工係坐 office，但係返工放工都會喺室外咖嘛 (揸車都係咁話啦)，隔日先洗？！

有啲呢，日日洗頭沖涼，但冇用吖，因為佢哋沖涼唔落梘咖！！！怪！勁！一樣甘頂！

天氣熱成咁，焗冷氣就至惡頂！喺巴士度焗冷氣，各種難聞氣味自然會來襲。其中連「行」帶如口臭一種臭味至甘！！！

大家有冇自製九陰玄寒衣呀？而家等我「醒」多樣抗熱消暑絕招畀各位！咩嚟呀，哈，就係袋住一小袋用薄布袋好嘅乾冰，間中拎出嚟涼下，甚至放喺褲袋，heeeee。。。。爽爽爽爽爽爽爽爽！！！！！

玄陰寶袋，正！

點解冇照片！未整吖嘛！連件裇衫都可以放入冰格，乾冰會有難度！

不日整好 post 上嚟畀大家睇！

食！高！

坊間玩食字一早已玩到走火入魔，係又食唔係又食，好多時「食」出嚟唔單只冇水準冇意思，仲好突兀！

心目中有水準嘅食字一定係多年前某銀行嘅「有升有息」。呢 oD先係班！

又有間公司店舖叫「價真『棧』」，好！唔係走火入魔而係玩得出神入化！

喺台灣嘅時候，有一女朋友係舞蹈社社長，撞啱嗰時中共成日話「台獨冇好結果」，佢就攪咗一個 Function 叫「舞力犯台」，掂！

最近喺上環某食肆睇到一傑作，係真係傑作，佢其中一樣菜式寫到~ 秀肉粥！簡單直接少筆劃食字又靚色香味俱全！創作嘅嗰位兄台，高手。

樂觀啲~

一開好事自然來！

荷李活道~ 「新吶喊」。

我一向有一習慣，閒時，每隔一陣子，選擇在黃昏傍晚時，有空便會到上、中、西環走一走，以享香江花月夜之味。

上、中、西環，以橫跨中上環的荷李活道最另我迷醉。

曾經多少歲月，在荷李活道以及附近一帶流連，看著她的變。

以前她是一條古懂街，各間賣每種不同古懂玩物的古懂店、古懂檔攤林立。現在，也一樣。不同的是，她幾乎只讓裝璜得高檔貴格的古懂店繼續存在，或只容這類「級數格調」的搬入。平民式，真正古風的古懂檔攤舖只剩寥寥無幾。

其中一間最有代表性、亦是最大的，甚至可說是那裡的標誌，是位於她前段，行人自動電梯旁，中區警署對面的一間。往昔，這間古懂攤舖販賣著各式各樣古懂玩意兒。除了一般的古懂，它還有其他古物，如文化大革命時的物件、古時遊戲、清末至五十年代的舊照片、各本已絕版古書 (包括黃色刊物及其他) 等等「古懂」賣。這些絕大部份都露天在街道上任君觀賞任君摸，偶爾，那位老者可能望您一望。

還記得，我十七歲左右的時候，曾拿了大量乾隆至宣統的大洋去賣給這間店，他告訴我：「二百塊吧。」

「每個嗎？」我問道。
「全部啊！」

交易當然沒有完成。

還有一次，是在幾年前。我去那裡找升官圖遊戲，但那裡沒有。他說很難再找到的了。我不但沒有失落，還有一份滿足感。

現在，這間古懂攤舖已縮少了很多，很多。每次經過，看見它擺放古物的範圍縮少了和再沒有舊照片供人欣賞等，總有著一份恐懼。

變的，又豈只它？！以前沒有行人自動電梯，現在差不多由海皮直通半山。以前的中區警署以及域多利監獄，現在已完成了它的角色，列做遺蹟。之前政府還竟膚淺到要將其拆掉。當然了，官商共奏和諧樂章之故嘛。

除了荷李活道，其附近一帶如摩羅廟街及摩羅廟交加街，本來都散發著同一股幽香、韻味，但漸漸，起初原先寄生在那裡的酒吧及餐廳，如今，反轉過來，好像寄生的，是那些古懂攤舖。即使是那些「高檔貴格」的，也是。

常言道：「變幻才是永恆」，也許是對的。香港開埠之初，荷李活道也不是古懂街，不過，當一個文化成形，並成了一個標記、圖騰之後，我們是否仍需要說甚麼「要向前看要進步就須要改變」這一類說話？！看看我們現在的香港，改成怎樣？！拆了，新興建的建築物是何等俗不可耐，何等像一件件相類似的制服？！

再看看，比較一下之前希臘的雅典奧運與中國的北京奧運，您就會知道箇中玄機。

最後，分別在中環半山的堅道及西營盤的一段看到舊樓逼遷的「無聲吶喊」，唉，香港特區政府呀，香港呀，還在大大聲說不要怨天、不要尤人、自力更生的平民們，你，聽到了嗎？！

洋紫荊

香港同胞，努力，爭氣，硬啲，有耐力啲。唔好衰畀人睇！！！！！

無題。冇眼睇~

阿彌陀佛！

從國內回來才知悲劇。香港開埠以來第一次。

希望不要再有下一次。

各方有關當局「抽水」難免，但可否。。。。那個。。。。如可否上鏡尊重點？！例如，不要穿珠戴銀，不要不分莊閒亂說甚麼要菲律賓政府交代。

不要再亂抽水。

訶彌陀佛。善哉。

亦願死者早登極樂。

燒秋香

中國曆法係得嘅！全球氣溫雖然高升，呢排又仍然熱，但係呢，隱隱約約 feel 到秋天嘅味道喇！好似前晚同之前有幾日，仲有秋風 tim！

加埋燒衣嘅嗰種味道，噢，簡直一流！如果飲住燒酒，意境直情古龍、古代、古風！大家試吓深呼吸，聞吓嗰「浸」味，真係好香！好醉人！

順便一提，今個月仲有半個月係「嗰種朋友」嘅世界，各位去少啲夜街，唔好飲咁醉，忌著黑穿紅。。。。等等，避忌吓啦最好。

好似好迷信咁 tim！

我都係得個講字，我前日，七月十四，先著到全身黑。。。。

您好重要！

此乃兩週年答謝篇。

來！來說聲：「生日快樂！」

謝謝！

這個專欄，兩年了！謝謝各位兩年來的欣賞。無論讚賞和批評，我都照單全部接受。上年也曾說過，讚賞固然難得、開心，批評亦可貴，總比沒人看沒有人理會好。

送以下這篇忘了何時看過，但共鳴深刻至今的一篇文字給您。

「後台朋友。你有沒有一個屬於自己的『後台朋友』？

莎士比亞說：『人生如舞台。』 人有前台，也有後台。

前台，是粉墨登場的場所，費盡心思，化好了妝，穿好了衣服，準備好了台詞，端好了架式，調勻了呼吸，一步步踱出去，使出渾身解數。該唱的，唱得五音不亂；該說的，說得字正腔圓；該演的，演得淋漓盡致；於是搏得滿堂彩，名利雙收，躊躇滿志而回。

然而，當他回到後台，脫下戲服，卸下妝彩，露出疲累而飢黃的臉部，後台有沒有一個朋友在等他，和他說一句真心話，道一聲辛苦了， 或默默交換一個眼色，這個眼色，也許比前台的滿堂彩要受用、而且必要！

人有沒有這樣的朋友，很重要。後台的朋友，是心靈的休息地。

在他面前，不必化妝，不必穿戲服，不必做表情，不必端架子，可以說真心話， 可以說洩氣話，可以說沒出息的話，可以讓他知道你很脆弱、很懦弱、很害怕。

每次要走出前台時都很緊張、很厭惡？因為你確知後台朋友只會安慰你，不會恥笑你，不會奚落你。況且，在他面前你早已沒什麼形象可言了，也樂得繼續沒形象下去。

人生有一個地方，有一個人，在這人面前，可以不必有出息，可以不必有形象，可以暴露弱點，可以全身都是弱點，這是很大的解放。

有此解放，人乃可以在解放一陣子之後，重拾勇氣，重披戲服再次化妝，端起架子， 走到前台去扮演該扮演的角色，做一個人模人樣的人物，博得世俗的讚美，獲得功成名就的利益。

話雖如此，後台朋友並非任何人隨處可以找到。如果有，請好好珍惜。 用心體會，用愛感動。

That's when friends are precious~ proving that they care~ That's when I reached out for you and that's when you were there。

So let me just say thank you for helping see me through~ I found the strength I needed，and I owe that to you。

Thanks for being there。」

有幸，我有如此這般的後台好朋友。亦有幸，從兩年前，有您們成為我的讀者，不管是喜歡我抑或不喜歡我，不論是曾愛看我那一篇還是曾反對那一篇，您們都是我的另一種「後台朋友」。沒有您們，這專欄寫不到七百三十天。

不要誤會，我這專欄不是在說再見。下星期還要跟大家見面！哈！

Hooooooo~~~~~~ Let It Be Me~~~~~~

早嗰排無意間聽番呢首歌~ 貓王版本嘅 Let It Be Me，嘩，啲 mood 洶湧澎湃係咁湧埋嚟！

。。。。中環蘭桂坊、雲咸街、荷李活道、西環石塘咀、中環已拆 Mad Dog、台灣士林及天母的 Bar、曼菲斯機場。。。。

。。。。所有人和物。。。。

Hummmmm。。。。

So never leave me lonely~~~~~ Tell me you love me only~~~~~~~ And that you'll always~~~~~~ Let - it - be - me~~~~~



嗯。。。。盡在非語言文字可以形容之中。。。。

舊嘅始終最好！

「超時空要塞」，廿幾差唔多三十年嘅一套卡通，我而家仲好鍾意！兩年前仲買咗成套 VCD 番屋企。

冇幾耐之前有個朋友畀我睇咗佢嘅新版本，ummmm，係好正，無論係配樂、畫面同劇情都可以話青出於藍。

但係，我始終情繫「原本」嘅舊版本。因為，除咗先入為主，「它」，仲更包含咗嗰陣時身邊嘅其他一切回憶，所以就算新嘅係幾咁更加精彩，但都唔可以超越「原本」。

講開再「造」，相隔十多年，聽講瓊瑤為咗「快樂」，重拍「還珠格格」。唔怪得有線重播啦！原來唔係無端端。

睇過新「還珠格格」嘅劇照 (呢度)，在我嚟講，都係先入為主，點都係舊嘅正啲！

而且，睇過新劇啲劇照，嘩，我諗您都會有同感。

如題，舊嘅始終最好！

幾：幾？

自從03年「非典」之後，我哋都有咗平時要周圍 (例如檯、櫈、地板同廁所呀等。) 消吓毒嘅習慣。

新聞、報紙同政府宣傳都經常提醒要用消毒藥水清潔周遭。其中，又成日會提到滴露同漂白水要以1:99去釋稀嚟用。

。。。。1:99即係點樣溝先係1:99？有時又1:50，又有時1:40。。。。又係點溝？份量係點？具體即係幾多水幾多滴露或者漂白水？

甚至連醫院都冇清楚咁講喎！

點解唔順便講明 o埋，說明清楚呢？

我呢，直頭成日1:1甚至1:0咁去抹！堅哩！

香港幾好都有！

廣告，最能反映一個地方嘅文化。

其中，更包括氣數！

See！香港以前幾霸氣凌人，桀驁不群，笑傲江湖，盡領風騷！

好睇！

前晚凌晨十二點幾肚餓餓，摷嘢食嘅同時迷迷糊糊順手打開電視，吓！！！！還珠格格？？？！！？！？！！？呢套最初做嗰時唔睇，冇興趣睇，到到後嚟唔知點解迷上，重播 n 次睇足 n 次嘅老土電視劇，竟然又再重現？！我以為撞邪！

冇撞邪。係，有線娛樂台再播還珠格格。

我會間中捧場咖！咪笑呀！

話時話，有線播卡通嗰台，偶有佳作！好似之前播嘅一套廿幾三十年叫金巴歷險記 (小老鼠歷險記。講一群老鼠大戰黃鼠狼。大家有冇睇過？) 嘅卡通，嘩，識貨！正！

童年番晒嚟！簡直讚嘆！

X 兩樣~

咁「橋」新鮮兄又炳呢樣。不過，大家唔同 X 法，重覆 X 都冇所謂啦！

啲銀行「鼓勵」啲學生哥申請信用卡要 X，但啲財務公司嘅做法就仲爬街！

爬街成點呢，好似有個廣告咁 (就係新鮮兄嗰篇嗰個)，條女用財務公司借番嚟嘅 $ 還咗啲卡數，哈，就繼續去大買特買好撚風騷咁喺咁掃貨！喂，大佬，借財務公司 oD錢唔駛還？！！？？！

意識幾 Q 不良！

點解又唔見啲八婆同明光社嘅人渣投訴？！

挑那媽低鳩水準！

最新歇後語

大浪西灣~ 後庭花。

今期講咱們家事之前，稍稍跟進一下上期所提及的「消滅廣東話」國事。上星期尾最新消息，中央當局表明並沒有打壓廣東話之意。不管是中央見廣東勇士們澎湃反彈之聲勢而退卻抑或是「廣奸」的枉作小人擦錯鞋，中央的回應都顯示了它對民憤的良好正面回應。

到家事了。我們的香港特區政府呢？

也是上星期尾的最新新聞消息，在香港人一連串洶湧澎湃的反對聲討之下，政府一口氣打出了「三招」：一，考慮將西灣納入西貢東郊野公園範圍內，加強保護該處自然環境；二，研究起訴大浪西灣有關業主非法侵佔官地及未經許可把挖土機駛入郊野公園範圍；三，針對現時五十四幅類似大浪西灣一樣尚未納入法定圖則規管的郊野公園「邊皮」土地的個案地點，政府計畫在兩個月後定出處理優先次序的名單。

先姑勿論最後能否制停「蒙古王」是次「南侵」，政府打出這番招數，証明，它仍有丁點像回一個政府。已很安慰！

接下來，為了表示不是怕了大地產商，不是官商勾結，那政府應該善用民意民力，再加如九七前那個港英政府的官威，給「蒙古王」一個明確旨意：「現在我要你將大浪西灣的工程停下來。你沒有選擇。你照做，沒差的。」之後，若他乖乖聽話，便賜他一些好處。就如當年港英政府對怡和與匯豐一樣。「不要跟我說甚麼如今在進行工程的那範圍沒有明確法例限制，現在政府我說那地是保育聖地，更是香港美景勝地之首，我說不行就是不行！」如果我們的特區政府真的會如此幹，我肯定，積弱十多年的潺毒瘀血不但必可一鋪清，還可增強底氣，吐氣揚眉。

在這個充斥退休後一心再尋第二春，進入大地產商，大商家麾下享盡更優厚待遇的高官的政府，我不樂觀的猜，最後的結果，會是讓「蒙古王」有限度的繼續建造他的行宮。更關鍵在，君不見我們的曾特首會曾經痛罵銀行家們只會打 golf，及狠批十八區骨灰龕，卻於今回事件上仍默不作聲嗎？！當然了，人家「蒙古王」不但是大地產商大商家，還是來自北方祖國的富了起來的豪強，和拆毀破壞同樣一絕的中央政府同一行為，試問，醒目仔的曾特首又怎敢出聲？！我們的後花園~ 大浪西灣，花是一定花的了！只是看會有多花！

我家後面的薄扶林自然行山徑，有不少行山老者都「自霸一隅」種瓜果蔬菜，政府有關當局都只是掛上警告字句，未有理會。哈，看來，今次，政府總算不是欺貧護富，還敢對富架一架起姿態。本已對它無甚盼望的政府，我們不妨也拍得出兩下掌聲。

呢啲先係香港精彩！

捉風雲

上個星期有一日傍晚 (好似係7月29號)，突然烏雲壓頂 (境)！壓得好低！白天被壓成一線！好風起雲湧風雨欲來之勢！

見到呢個奇景，落車之後即刻走到最佳位置用手提將佢拍低。

我覺得影得好正！

睇吓您哋仲敢唔敢話我影得衰？！

Friday XQYZ!#X!$#&XYZ!XX#YX！

政府成日所講嘅所謂經濟好轉，根本就係對民生冇乜實際好，幫唔到手幫唔到忙嘅好轉。只係有畀佢哋加人工，官商勾結齊齊加呢樣加嗰樣嘅藉口。

好似早排嘅電費津貼咁，話咁快就冇嘞！電費咁貴就仍任 Q 佢加！而家唔開冷氣跟本就做唔到嘢瞓唔到覺！呢個政府，點解唔繼續津貼一下？！最起碼，繼續津貼一下貧戶！大佬，啲「貧宅」成三十八度呀！開咗風扇都成三十四度呀！

而家城市氣溫反常咁高係啲高樓大廈做成，亦係官商勾結嘅結果。偏偏，呢班人渣就成日講咩企業良心社會責任講環保！咁點解唔減電費唔津貼電費同仍然畀起屏風樓？！

乜都加但人工又唔見加得幾多甚至唔會加！

嗱，咪同我講咩靠自己，咩要努力，咩咪喺度鬧，咩要和諧！而家喺香港，就係唔再出聲就會縱容惡事奸商狗官！又或者，喂，X 吓都唔得？！

咪再「嬾」好戲「嬾」口氣大嬾偉大啦！你好有錢咩？！你甘心畀人魚肉，做順民，奴性重。我唔係呀！

九陰玄寒衣

熱到窒息咁，曾講過喺條街度唔郁都一樣出汗，惡頂！趕路，見客苦過 Di Di！搭巴士遇正啲焗冷氣「熱狗」直頭攞命！

為咗唔好中暑；為咗舒服 oD；為咗唔好熱到喪，「四正」靚靚啲；為咗涼浸浸啲，哈哈哈哈！我將今篇題目嘅抗熱滅暑寶物~ 九陰玄寒衣秘密公諸於世！

登！登！登！登！

能夠助您抗熱滅暑，保持清涼暢快，爽到呻吟叫好嘅九陰玄寒衣之秘好簡單，就係，將要著番工或者出街件恤衫 (衫) 早一晚雪入雪櫃冰格！

喂，我真係試過呀！冰涼功效維持到起碼一個鐘！好嘢！

九陰玄寒衣，已經熱到癲嘅黐線之創~

熱辣辣

天氣熱到呢！

而家食午飯，就算係開行公司個冷氣系統，都唔係好開胃 (好在老婆啲愛心飯好味！)。所以，真係反常地鍾意食「齋」啲，食素啲，食少啲。而且，可能年紀又真係大咯，食少啲清啲，亦冇咁易飯氣攻心，晏晝嗰 part 易頂好多！

唔講大家可能唔醒起，原來呢個星期六，立秋喇！！！！秋天仲熱過夏天！！！Yo！Yo！Yo！9月中中秋都嚟緊，問你死未！

記得以前，中秋節前後已秋高氣爽，秋意盎然。。。。睇嚟，冇冬天嘅香港，十年之內會見。

冇癮。諗起都即刻冇晒 mood。

(唔只今年，哈爾濱夏天啲天氣都比過往熱同差！慘喇惨喇！)

廣東話嚟喇！

都唔明，點解呢個世界上會有啲激而冇腦嘅茂梨。

我們的國和我們的家，最近有兩件大事我想講。第一件是我們的國家~ 國語 (普通話) vs 廣東話，「消滅」廣東話事件；第二件，是香港~ 大浪西灣事件。

國，家，家事留待下星期再講，今期先講「『消滅』廣東話」。

我於本欄多期前已寫過廣東話之美妙珍貴，今再補充一點，並以廣東話行文一篇，以顯廣東話之傳神到肉。

我認為，要滅廣東話，難！只要大家看看廣東出了多少革命烈士就可知是多麼強勁！亦只要知道廣東人吃的特性，差不多甚麼都吃，就可知廣東人的生存力是多麼厲害！而且，廣東人人口人多勢眾且人強馬壯，嶺南文化又極受到自己人所擁護，所以，我對廣東話之存活，是非常樂觀的。至於打壓，哈哈，更好！越打越強越壓越勁！更可令平時不知廣東話之矜貴的新一代重視自己母語方言呢！

好嘞，依家用廣東話去寫一寫最近喺新詩講座入面發生一件事而有嘅感想。

唔知點解，有唔少數學佬 (理科人) 都認為文字、文學及一切形而上都係冇用！因而要予以否定甚至全盤否定。

最明顯兼經典例子可以喺哲學界睇到。哲學發展至今，有兩個系統 (陣形)，分別是以英美為首，走邏輯條水嘅一派和以歐洲大陸為主，走形而上學條水嘅一系。當中，以走邏輯條水嘅邏輯實證主義者否定形而上學否定得最積極，最不遺餘力。

好簡單咁講，邏輯實證論者，佢哋激嘅程度，去到認為所有形而上的東西包括存在主義 (還有倫理學、 美學) 以及甚至文學、文字都係廢嘅，因為唔得精確，而且不具有任何意義，只不過是生命的情緒性表達。但，好笑嘅係，佢哋寫嘢嘅時候，要表達嘅嘢，都係用 o緊文字。

鉅著~ 數學原理的兩大數理哲學家之一，奇才羅素 (另一位是懷德海) 曾企圖以符號代替文字，進而希望創造出一世界通用語言。可惜，最後佢自己亦都承認失敗。

因為，文學、文字，佢哋背後代表、包涵咗一個民族嘅特性同文化，係有感情嘅。呢樣嘢係符號所唔能夠代替。

「橫看成嶺側成峰，遠近高低各不同。身無彩鳳雙翼，心有靈犀一點通。」

「 The love I dedicate to your lordship is without end; whereof this pamphlet, without beginning, is but a superfluous moiety.The warrant I have of your honourable disposition, not the worthof my untutored lines, makes it assured of acceptance. What I have done is yours; what I have to do is yours; being part inall I have, devoted yours. Were my worth greater, my duty wouldshow greater; meantime, as it is, it is bound to your lordship,to whom I wish long life, still lengthened with all happiness.」

用符號譯畀我睇？！

每一個字，都有「佢」嘅意思，「佢」嘅靈魂，「佢」嘅意義；將每一個字揍埋一齊，就會成為一個故事，一首詩。呢啲，都係抒發人嘅情感，洗滌人嘅靈魂，滿足人深心處嘅其中重要元素。亦係將知識薪火相傳下去嘅唯一工具。

喺嗰個新詩講座中，一個大學生問：「就算你寫詩寫得好靚好正好好，so what？！實際上對社會有冇貢獻？！」(條友仲以為自己好威喎！)

So what？冇嘅~ 若唔介意自己淪為一個俗氣薰天嘅人，或者索然無味嘅冰冷機械人、醃悶乾屍，咁就繼續悉隨尊便，並且，恭喜你有如此一套看法。

「嬾」醒豬頭丙，畢竟通街都係。

用廣東話寫嘢，真係暢快過癮之至！

8月喇！

i. 最熱嘅8月！熱到問你點頂！

ii. 今年剩番4個月！！！

iii. 聽講10月仲會打颱風！！！！！

這裡

網上一幅大約十年多前的照片，照片中的古老大屋一早已拆掉。最右方出現了一點，那淺淺紅色的新廈。。。。

想不到，多年前曾在網上看過這幅照片，年多兩年前，我竟曾在這裡，那裡的那幢「新廈」住過。

人生。故事。奇妙。感嘆。

舊劇影碟情

亞記同無記早排都不斷陸續出番以前嘅經典同好睇嘅劇集同節目影碟，例如今夜不設防、尋找他鄉的故事、天蠶變、天龍訣、網中人、陸小鳳系列、幻海奇情同壹號皇庭系列等等。

唔知點解，出出吓，好似停咗喎！即使係早前無記都只係略出番啲「近代」嘅嘢諸如咩烈火雄心同幾 X 嘅志雲飯局咁。

點解唔繼續出番啲黃金經典好似近代豪俠傳呀，民間傳奇呀呢啲咁呢？

好嘞，在商言商，驚唔賣得，但係，之前出嘅嗰啲好似今夜不設防同幻海奇情咁，好好賣咖噃！仲賣到冇晒貨 tim！點解又唔加製發售？！

原因，其中聽聞無記將啲經典舊劇放喺收費嘅經典台播。

都係嗰句，社會嘅某啲向前，其實，衰過之前仲未向前嗰陣時。

另，曾經講過，喺而家廢劇充滿嘅日子，夜晚八、九點時間播以前劇集影碟，噢，嗰種 Feel，妙不可言！

黑雨靚天樂人心

最近兩個颱風都冇料到，打唔成，但 heee heeeee，造就咗兩次黑雨，都冇壞。(Okay okay，我知，水浸有唔少人好慘！在此先阿彌陀佛~ 罪過罪過。)

兩次黑雨，我做嘢嘅嗰幢「快樂大廈」唔駛一個時辰，啲人就走咗九成！！！！哈哈哈哈哈哈！！！Yeah！正！效率幾高！氣氛一流！

好笑係個個都返緊工 o格，點解都能夠知道黑雨嘅？！Heeeee！即使好似我咁，係由出面朋友相告，但首先得到消息嗰班，又點知？！哈哈哈哈，証明上網「做嘢」嘅人真係好多！

而且，呀哈哈哈哈哈哈，仲個個可以即時配合，一呼百應 tim！

呢張照片上一次黑雨影嘅，嗰陣大約係傍晚六點幾七點。。。。點解個天咁好嘅！幾靚！哈哈哈哈！

宿敵

尋日講開「小萬」肉搏「老屈」，諗起呢個世界上好多時都會出現宿敵。

除咗「小萬」同「老屈」；「M 記」同「爬佳」；「7仔」同「OK」；「眾樂樂」同「大 Happy」，仲有如下~

「Ben 屎」vs「BM耷」
法拉利 vs 林寶堅尼
德國 vs 法國
毛澤東 vs 蔣介石
韓信 vs 項羽
巴西 vs 意大利 (足球)
Bill Gates vs Steve Jobs
洛杉磯湖人 vs 波士頓塞爾特人
有線 vs NOW
譚詠麟 vs 張國榮
黑豹 vs 神武不死
長空 vs 戰狂
龍三 vs 龍界
西門吹雪 vs 葉孤城
洪七公 vs 歐陽峰
王小虎 vs 火雲邪神
F 系列 vs 米格系列
蕭芳芳 vs 陳寶珠
任達華 vs 梁家輝
可口可樂 vs 百事
Adidas vs Nike

仲有冇？

仲有最經典兼一世嘅~ 男 vs 女。

仲有冇？

競爭好嘢！

最近屋企附近間萬寧有好多攪作兼優惠，又減價又送嘢咁。以前，乜都唔做，幾 High 幾惡吖！

梗係~ 皆因近嚟開咗間屈臣氏吖嘛！

而家，哈，「萬屈」成日埋身駁火，除咗我哋顧客買嘢得益，睇吓佢哋扭計鬥法，亦甚為過癮！

講開萬寧同屈臣氏，我個人鍾意「老屈」嘅燈光、色調同擺法。好舒服，可以行耐啲嘅感覺。情況，大昌行同華潤萬家都有此特長。

至於 W 同 P，我就鍾意行 P 多啲。W 入面，唔知點解好似好陳舊同污糟啲。。。。

順便一提，W 同 P，佢哋啲店入面啲貨價每個地區都唔同！我經驗，W 比 P 平啲嘅！

還看舊時

新不如舊。。。。

還記得過去幾屆世界盃落幕之後的一段短時間，06年那屆也有，都會有一種空虛、失落感覺。尤其是那「又要等4年！」的渴望辛苦之感，更是澎湃。但是，今屆世界盃，沒有。

今屆世界盃，感覺一是除少數南美性格隊伍如智利、阿根廷、烏拉圭、墨西哥和美國；亞洲的日、韓；歐洲的德國之外，其他的球隊那管是巴西及荷蘭，都缺乏看頭。重視防守，贏波第一，娛樂免問不是錯 (像過往，如1982年的巴西，明明打和意大利也可出線，但仍偏偏大打進攻快樂足球，結果讓意大利穩守突擊淘汰出局！變成黯然欲絕悲傷離場。)，但絕對功利主義的表現，如巴、荷兩者，除了悶、反感，亦口碑民心盡失，掌聲獎牌皆無，甚麼也沒，又是否王道正路？反而以前的「他們」，卻贏得一遏遍歡呼喝釆！

二是自98那屆世界盃，傳統強隊與弱旅的強弱分野已明顯收窄，再經過三屆十多年的「進化」，到今屆世界盃，可以說再無甚麼「贏梗」強隊和「輸硬」魚腩，有的只是排陣運用得宜與否和體能狀態好壞與否之分別。這樣，理應好看，不過，如上段所說之故，由於謹慎，過份著重防守，功利為先，使得球賽常常悶蛋一場。

三是世界盃再沒單天保至尊，一人天驕的故事上演。以前，每屆總會看到幾位球星以一人之腳力挽狂瀾，射出經典。但今屆，一眾名、價驚人的球星都失準沒態收場，缺乏了以往的傳奇佳話。

四是除卻美國兩場的後上追成平手，今屆世界盃也缺乏了如以前峰迴路轉扣人心弦的賽事。只因，很多對手都謹慎穩鎮為上。

難怪，不少人都說歐聯已比世界盃好看。

最高技術已不在世界盃而在歐聯，但世界盃最吸引的是每隊球隊均背負著國家榮辱，為自己國家而戰，一場球賽往往成為國家與國家之間，民族與民族之間的競爭對抗。可是，最大死因是假波的充斥，國家隊也可出賣，偏偏連唯一的魅力也受到大打折扣。

欠缺個性魅力的世界盃，試問又怎會對它有留戀、不捨？！

寫在後面：

i. 唯一安慰自己是仍也有一點趣味，因為各隊都互相對調了！看今屆，現在的巴西竟像昔日意大利、荷蘭像她過去的死敵西德、烏拉圭像以前的巴西、德國打出以往荷蘭的細膩清爽足球與及意、法猶如從前的魚腩部隊等等。

ii. 下屆巴西世界盃，我不會再付款看了。有聽說，下屆大有可能重由不收費電視來播，但又如何，到時，也只會安排於甚麼高清台播放。即使「善心」地安排在普通台眾樂樂，但一切已變了質的 World Cup，又吸引到那裡了？！

iii. 最後，世界盃期間，有一天，我分別在街上和商場的店舖看到有不少人都隔著落地大玻璃在看世界盃直播、重播。

不單新不如舊。。。。竟然，舊更勝新，還看舊時。

For you~ 今日 Sunday 早餐！

好正！



係哩！都話好正咖啦！仲有，臨尾嗰幾嘢，簡直畫龍點睛，神來之郁！

清爽好食！

「波仔」，好嘢嘞！

除咗佢啲麵飯好得之外，其他嘢都一樣好味！好似中湯西湯同甜品咁。

另一 Yeah Yeah 係「波仔」仲有出一包包素食，直頭係一包入面一棵棵菜，更 Yeah 係，吖頂，仲要係「椒腐通」，椒絲腐乳通菜呀！！！

有日滯滯地，冇乜胃口，整番包認真清新！

稍稍批評係腐乳味略嫌不足。同 o埋，若然做到炒嘅效果更佳。

不知所謂

喺某啲「嬾有 Taste」嘅雜誌成日睇到訪問有啲一睇篇嘢就知屋企好有 $ 嘅友仔，強調佢哋哈佛牛津畢業但放棄高薪厚職，出嚟創業，好勁好值得人欣賞學習云。

挑佢老味不撚知所謂~ 第一，讀得哈佛牛津屋企唔慌冇；第二，乜 Q 叫放棄高薪厚職？！喂，屋企有番咁厚先咁做呀！咁叫放棄高薪厚職？！第三，屋企強大 back up，出嚟做生意，有乜咁值得歌頌？！

最頂唔蒲嘅係，啲訪問隻字不提呢啲友仔係有優厚條件背景地「創業」，而呢啲自我感覺良好嘅友仔呢，又唔會提吓自己背景個噃，一於萬千榮耀功勞歸我身。真係好骨痹不知所謂兼嗤之以鼻。

順帶 X 一 X 有啲友仔，稍為好景啲就話靠自己努力，又係「萬千榮耀功勞歸我身」，挑，小小 okay 啲就假小人得志牙撚眨眨鳩撚 fing fing，正 X 小次都會嫌我自己偷嬾。

A~ 我唔係妒忌眼紅呀！因為，我唔算冇 $。唔係赤貪。當然，又離好有差好遠。

代代問題

從我兩個十多歲嘅表弟身上得知，現在嘅九十後 (其實1985打後已唔掂)，真係幾乸驚嚇！

同人講嘢唔除耳機耳筒；
拎住叠卡通硬卡好似$咁重要；
十問十應，不過係用點頭表示兼面無表情。西門吹雪上身；
打字叻過寫字；
上網交流叻過真人際交流；
對住死物 (電腦) 多嘢講，對住人就冇嘢噏。

Hummmmmmm。。。。

我哋嘅上一代甚至上兩代，可能一樣覺得我哋幾乸驚嚇！

唔識寫毛筆；
唔識文言文兼用文言文行文；
九唔搭八，因為「潮語充斥」；
人際關係混亂 (男女)。

Hummmmm~

幾句

真係幾句~

＊政府班契弟又一新猷。對人都係衰，動物都係咁，唔奇。上樑不正下樑歪~ 唉。(睇呢度)

＊食藥開車等同飲酒開車。。。。感冒藥有唔眼瞓。。。。

＊原來，靈異迷離小說經典~ n 年前環球出版社，我好著迷嘅「迷離境界」，作者張宇係女人嚟！！！！

＊左邊嘅國語同右邊嘅國語，好多都好大分別，例如孫、期、賞同征等等。搵日另開「扑士」講。

＊我附近有隻唐狗，15歲！等於人類105歲！狗瑞！

＊聽日或者後日早上8號！8號！8號！8號！8號~~~~~~~~！

都話真係幾句。

質地

我有一個好朋友，她很熱衷那些甚麼人生課程和修練課程，事實上，她是一個很積極、自信、樂觀、大方的人。從她的言行文筆及真身，可以感受到她的快樂。最難能可貴，是她有一顆寬恕體諒的心。特別是那寬恕的心。

我曾經另有一個好朋友，她也很熱衷那些甚麼人生課程和修練課程，常常說要怎樣怎樣。可是，在她常說積極、快樂、寬恕的背後，卻常常嗟嘆連連，這不開心那不如意，又經常暴喜暴憂，時表亢奮時又低沉，此之謂「讀屎片」。

最嘔心，看不過眼，是她那狹窄的心，不單不懂寬恕，還會主動挑惡。喂，靚女，妳那些甚麼人生課程和修練課程的內容、老師，是如此教妳？！

所以，其實，最重要最根本是人，那人的本質質地。

我是魔鬼代言人

今期本來想寫關於今屆世界盃完了之後的一些感覺，但，唉，我仍在哭波喪中 (我的愛隊德國輸了，入不決賽嘛。)，所以，下星期才來個「遲來的今屆世界盃感想」。讓我的悲哀和感覺沉澱，才可以寫出下一篇。

今期寫甚麼呢？哈，要寫寫我對天主教基督教的看法。因為，最近有一世侄疑惑應否信主。我告訴他：「信佛學或觀音吧。」

我，小學、中學、大學也是順序在天主教和基督教的學校渡過。我親身眼見及經歷了所謂神的門徒 (包括神父、牧師及一眾教友們。) 的虛假、醜惡，與及比不是教友的人做出更邪惡的事，如，毒打孩子、貪污、淫亂、賭博等等等等。

我相信這世上有一造物者，主宰，「祂」安排了人世間 (地球) 的一切事件時間表，按序發生。但「祂」不是天王教及基督教所謂的那個充滿愛心的神。

好了，若您還憋得住，還可以的話，請繼續看下去~

除了兒時父母帶我到戲院看電影外，至今，我很少到那裡看電影。一來，我有潔癖；二來，我總覺得渾身很不自在，總感到整個人不知怎的。總覺得在自己家看電影來得自在好多，喜歡怎樣便怎樣。

亦不喜歡與人到戲院看戲。除了以上原因外，我會認為兩個人或一班人入戲院看戲是沒有交流。當然，看完後彼此對剛剛那部電影的感想也是交流，但此種交流我認為係對一些是經常性出來交往的夥伴方為合適。而記憶中，是出於自己意愿，主動到戲院看電影的次數，到目前為止，不超過15次。

不過，有些戲，卻可令我第一時間購卷入場，而且更能令我入戲院一看再看。就正如這一部電影~ Devil's Advocate (台譯魔鬼代言人。港譯追魂交易。)，正是一部這樣的戲。當年我在台北三次獨個兒走進戲院欣賞。

除了是因為阿爾柏仙奴加主旨是它質疑那個所謂神的原因，另片中結尾部份，他揶揄神的經典一幕更係我一看再看此片的主要因由。

那三個晚上，看到這一幕，我都忍不住在戲院裡笑到人仰馬翻。

「Let me give you a little inside information about God。

God likes to watch。He's a prankster。

Think about it~ He gives man instincts！He gives you this extraordinary gift，and then what does He do，I swear for His own amusment，his own private，cosmic gag reel，He sets the rules in opposition。It's the goof of all time。

Look but don't touch。Touch~ but don't taste! Taste~ don't swallow。

Ahaha！And when you're jumping from one foot to the next，what is he doing？He's laughing His sick，fucking ass off。He's a tight - ass！He's a sadist！He's an absentee landlord。Worship that? NEVER！」

哈哈哈哈哈~ 天主？！

爽爽星期天！

星期日，笑吓爽吓喇喂~



呢 oD先係電視節目吖嘛！

呀哈哈哈哈哈哈哈哈~~~~~~ 正呀呵！

祝大家聽日番工好心情~

浪漫週末一刻七十年

劇中女主角珍茜摩爾，真係極品，而家仲好靚！

鬼婆 keep 到咁，難得！

靚魚豉油汁我自製

魚，用蒸，個人認為最正最好味！最能夠食出真魚味！

而蒸魚呢，蒸幾耐，固然好影響味道，碟豉油魚汁，亦係另一重點。講真，碟汁仲緊要過蒸魚時間，如果條魚蒸得唔好，但碟汁掂，一樣好味！反之，就唔得。

碟豉油魚汁，好重要！整得唔好，成條魚可以唔駛食。另外，唔係就咁淋啲豉油上去。

用一茶匙糖撈半小碗豉油，倒喺已經蒸好，鋪咗蔥絲嘅魚上面，再淋上滾油，靚正豉油魚汁即成。淋上滾油嘅時候，霹靂拍嘞爆出蔥香，魚肉更鮮嫩美滑，真係水乳交融如虎添翼！

靚蒸索魚加正汁，人間妙品！

唔駛用嗰啲咩蒸魚豉油嘅~

「熱氣」！

真係熱到呢！唔好講笑，企喺條街度唔郁都係咁出汗！

冇幾耐之前有位司機大佬因為停車熄匙而中暑身亡，唉，啲敏感、緊要、須要去做去改善嘅政策政府就唔實行，呢啲簡單而擾民嘅嘢就「嬾」積極果斷去做，DKLM！

叫班狗官開工嗰陣，尤其是最高級嗰幾個，成個 office 都唔好開冷氣！睇吓班契弟制唔制？！頂唔頂得住！DKLM 實頂唔住！

狗官！無能者！正人渣！

「居」

而家啲樓、屋苑名，真係好勁，嚇死人。

理得你係唔係真係豪宅，位置係唔係珍貴地段，內「隆」啲料係咪堅，總之，個名一定起到有咁勁得咁勁！有咁 Class 得有咁格調！情況，已去到神奇「橋」口「杉」手步！

有一排，「嬾」High 咁，好興只用號碼，當中「人渣經典」莫過於大約五、六年前，位於油麻地果欄嘅「窩八」。

有好多，扮豪宅。

好似，位處西環面海嘅 _ 都，入面啲料，話咁快就 Bye Bye。真正嘅豪宅呢，好似凱 _ 門，一樣臨海，但入面啲料就耐玩得多！貝沙 _，其實亦唔靚得去邊。

不過，喺香港，即使係真豪宅，又點呢！千鳩幾萬甚至半億嘅真豪宅，咪又係一樣要同人逼 lift~

突然諗到，有個名都幾啱豪宅用，就係直頭乾脆叫「呢度係豪宅」or「好貴」！

八爪魚狂談

姑勿論八爪魚阿 Paul 係咪真係咁神咁邪，八爪魚聰明，有智商已經一早被証實。

不過，唔明嘅係佢哋既然有腦，咁，喺邊？

八爪魚成身「軟賴賴」，唔通啲腦喺啲爪鬚度？(原來真係！)！又或者，佢哋啲腦一樣係喺個頭嗰部份，但係，係成液體狀？！

嗯，再細看佢哋個樣同外形，越嚟越覺八爪魚又真係同外星人好啱。又話唔定，八爪魚係外星人嘅乜乜乜乜嚟呀！

八爪魚資料

心法

我們都要懂得自慰~ 自己安慰自己。事實上，在現今社會，也是為人必要心法！

「我哋呢班打工仔，一生一世為錢幣做奴隸。。。。」最近收到幾位好友的電話，不約而同的都是吐著苦水，發發嚕囌，呻到為人打工的苦況。

用老友朋友木道人一次勸友之言，今借花敬友，一起看開看開。

「前晚與舊同學阿然吃飯聊天，談了一些近況。阿然是搞設計的，最近自立門戶。言談中透露雖已成為老闆，但卻還沒為公司的發展定出方向，目前只是見步行步。我問了他四個問題~

(１)現在最喜歡什麼？
答：不知道。
(２)現在最不喜歡什麼？
答：最不喜歡被別人看不起。
(３現)在最想做什麼？
答：最想爭一口氣。
(４)現在最不想做什麼？
答：最不想做迎人笑臉，當銷售見客之類的工作。

從阿然的答案聽得出其對做生意的決定實非情願，只是身邊的人都說機會難得，就用兩年時間去試一試。深入討論了一番，阿然更反映自己對人生目標的迷惘。得知其他同學們的點點滴滴，發覺很多年齡相若的人好像都正處於一個對人生迷惑的階段。同樣感到『迷惑』的同輩們都是身處不同的行業與不同的崗位。大家的共同點就是『年齡相若』。

嘗試對此情況作分析，認為我這輩的人大部分都已結婚，未生小孩。除了少數特別例子外，基本上都是工作忙碌，經濟收入算是穩定，沒有什麼特別的人生衝擊。要擺脫這種『困境』看來有三個選擇~

(１)生小孩，把精神寄託在下一代上。
(２)把精力放在自己的專業上，繼續發掘自己可以發揮的機會。
(３)培養新的嗜好，看看會否發現新的人生樂趣。

把欲修讀中醫學和當中醫的想法告之，也把自己的計劃與安排提及了。阿然覺得很不可思議，但表示支持我的想法。此選擇勉強來說與第三點較接近，但出發點卻不可同日而語。我沒有野心，也沒有什麼偉大目標，只是在這一年內強烈感覺到有一條路要走。如果我是基督教徒的話，一定會認為這就是『神召』了。宗教各有不同，但人的體會好像千古如一，不分地域、人種、社會背景、文化背景。

不知是否天意，很多同學們都是在這一年內作出了對人生比較深入的反思。阿然是其中之一。另外有兩個長駐上海的也在『思變』當中。有位很具『銷售』特質的舊同學則在今年開始了其業餘唱作人的生涯，實在令人意想不到。

我們可以說已經完成了人生路程的一個重要段落。很不幸地，正是在此段落得了意想不到的病。亦很幸運，我因得病而發現了新的人生目標。不知怎地，突然對『山窮水盡疑無路，柳暗花明又一村』有很深切的體會。當人處於一個段落的終結，令人迷惘的階段，上天真的會給你一個機會。但到底是怎樣的機會，就因人而異了。

叫阿然不要多想，繼續走現在的路，時候到了自然會有新的啟發，新的方向。做人不要迷信，但也不可不相信天意。天意不是叫人不用做，而是叫人盡力去做但要順其自然。」

朋友，努力之外，還要看開，隨緣。畢竟，天意與人為，八二開啊！

靚靚 Fantasy (二)！

唔知喺香港，會點呢？

一定好好玩~

靚靚 Fantasy (一)！

唔開心，睇番啲咁嘅嘢，都會心情好啲~

這感覺。。。。

尋日~

尋日好 down。

我尋日著咗件黑白反領德國國家足球隊 Polo 恤番工。(當然，番到公司換咗佢。)

食乜都冇味。

聽到其他捧西班牙嘅友仔口沫橫飛，更 down 之餘更仲少不了自言自語 XQYZ#!$%XQYX#Q%X！

唉聲嘆氣。

世界盃已經完咗咯，在我來講。

玩 Fifa 足球 Game，自己揀德國對西班牙，贏8:0！

好耐冇呢種彷彿失戀嘅感覺。

決賽，唔會睇咯。

今屆世界盃，真係，講真，唔好睇。至少，冇以前咁峰迴路轉扣人心弦。。。。已經變晒。

搵日再講變成點，感想。

唉~

下屆嚟過！Deutscher Fussball Bund Viva！

囉囉攣

好緊張！好緊張！好緊張！

人係唔係衰吖你哋話，明明心滿意足咖嘞，嘿，點知德國踢得咁鬼好，入埋四強！整到我而家囉囉攣囉囉攣，鬼死咁唔知點 tim！！！

天靈靈地靈靈喃嘸喃嘸阿彌陀~~~~~ 德國一陣嬴西班牙，決賽再「隊」冧荷蘭呀要！

講明先，我對我隊波充滿信心咖！但你知啦，越愛，越替佢擔心咖嘛。。。。

熱浪！

o胡~~~~~ 好熱呀 X！！！！！

唉，而家先系係小暑，先係6月，但日日平均成32度！又濕喎！啲風吹埋嚟，吖 X！真係窒息咁滯！甘撚頂呀！

建議要出街嘅工作好似各行嘅 Sales 咁，免著西裝打領呔！收買人命咩！！！！！

有理由相信，七月、八月同九月會仲熱！挑戰37度！

工

打過好多工，其中打過外資公司嘅工，好似星加坡同而家嘅荷蘭公司。

外資公司同本地公司最大分別，好簡單，就係人哋唔會當你奴隸獸，即使係，都會相對畀番合理對待你。

本地嘅呢，嘿，唔駛講咁多，好似放工咁，準時放工好似係大過錯係罪，就算你已經做好晒啲嘢，準時收工，X 佢老味佢點都要你坐 Q 多起碼半粒鐘先得！唔可以準時收工係正常應份，係 Job Duty 其中冇明文規定但又必要嘅一項！當然，OT 錢免問。DKLM！

外資呢，準時收工係正常應份。分分鐘，老闆一夠鐘就同你講叫你放工。仲而且，有時你做好晒啲嘢，離放工時間不遠，老闆仲會叫你早啲走 tim！

真係，咁樣樣先至係正常吖嘛！咁樣樣先可以令人真係放個心落去幫佢打工！

嗰啲刻薄仆街老闆，唔單止要人遲收工，仲會討厭啲員工放假！最經典莫過於之前嗰個小白臉老闆，自己攪到成間公司亂晒大籠，又唔肯請多啲人手，一個人做幾個人嘅嘢，開會仲夠膽死理直氣壯大大聲話做唔晒放咩例假！！！喂，X 你，一個禮拜一日你都要 mind？！一年365又二份之一日都同你開工做足？！DKLM！

香港啲「西老闆」，做番似番個人啦！

本能

真假，有那麼容易知道？！也許，如今，感覺才最實在，信得過。

我一直都疑惑，摸不著頭腦，為何那麼多知識份子，專業人士，各行精英走去參加那些短期 Dymanic Course。有更甚者，走去信奉異端邪教。

我一直都懷疑，電影，電視入面關於共產黨的統戰，尤其是不久前在國內放映，很好看的連續劇「解放」，是否那麼厲害？！

我一直不肯定，人，是否可以那麼容易被氹到。

現在，我不疑惑不會摸不著頭腦；不會懷疑；亦肯定了。全部有答案。

對。一切，答案，都多得來自最近民主派接受政府的政改方案的所有表現。

嗯。。。。正如他們，以及其他不少人所講，今次的政改，雖然不100%接受，但既然沒得選擇，又加上不想再浪費五年，不想民主在香港再無寸進，而既然政府大石壓死蟹得來又「誠意極大」，那麼，「讓一讓步」，先接受，先要住先啦嘛！更而且，特首不是誓神劈願會以立法途徑在2017和2020的選舉方法去滿足妥協民主黨 (派) 眾人嗎！所以，以退為進又好，棄子入局又好，甚麼怎樣又好，總比因為企硬而甚麼都得不到好！

Dynamic Course 的彷彿短期效果，令人好 High 之魅果然吸引驚人。異端邪教的糖果真的原來引人入勝。電影電視入面共產黨的統戰功力真的不是講笑。人的確可以輕易被各種誘惑蛇果氹到。

特別是共產黨的對敵及統戰功力，看看「解放」入面，共產黨在未得勢到得勢，前後對國民黨的心法和態度；與對異己的恩惠手段，強如當年昔日的硬漢也無法抗拒，今民主黨一眾「普通人」的是次反應，可以是意料中事。

所以說，千萬不可以寵，因為要等，等到適當時間施予甜頭，一直被欺的對方，不受重視的一方便會即刻軟化，不堪一擊。

「贈君一法解狐疑，不用鑽龜與祝蓍，試玉要燒三日滿，辨材須得七年期。周公恐懼流言日，王莽謙恭未篡時，向使當初身便死，一生真偽復誰知？」此詩出自白居易。其意乃指要看清論定一個人及其功過，蓋棺之時還未必能夠有個答案，所以不能太早。

對啊！民主黨一眾以前不是腰骨硬淨的嗎？他們幾年前不是才信誓旦旦，要堅持企硬爭取2012全民普選的嗎？不過，他們現在的昨非今是，又說不定，是忍辱負重！就如當日的汪精衛 (只不過他不好彩)。長毛喪罵老司徒的失控一句，又真可反映長毛的心及他倆的關係？！真真假假，好壞美醜，善偽虛實，到最後才知是丹心照汗青，抑或知心當玩偶。又或者，如 Snoopy 的一句名言：「一百年之後，又怎樣？！」

百年之後，那時，沒有你也沒有我了。

感動

從世界盃前的噩耗連連，到看見德國的漸入佳境，再到剛剛4:0大勝阿根廷的不可思議，他今屆的石破天驚，縱使還未奪冠我已感動得想哭了。是微笑著的熱淚盈眶。

收貨了。當然，殺入決賽再四奪世界盃冠軍就完美無瑕。

P.S. 宿命論，決賽，真的越來越見德國戰荷蘭之象！

預測~~~~~~ 喃嘸~~~~~~

今晚~

荷蘭 o趙低巴西。3:2啦！

烏拉圭嬴加納。(十二碼)

阿根廷對德國。1:2。嘻嘻！

巴拉圭 win 西班牙。(十二碼)

o胡~~~~~~~~~~~

決賽。。。。1974年翻版~ 德國對荷蘭。

德國嬴。

哈！

心？！心在哪？！

^^

壁壘分明 Interesting~

第一次買波衫，第一次著波衫，原來，係咁正！

咩咁正？除咗波衫正，哈，星期日嗰日著咗件德國主場波衫出去，估唔到，有意想不到嘅人生經歷。

原來，嗰日嗰場嘅德英大戰真係好惹人注意！街上面有唔少人分別著住兩國嘅波衫。但著住英格蘭嘅明顯佔多好多！我嗰日先親身體驗到英格蘭喺香港真係好多擁躉。

最正係當有同著住德國波衫嘅自己人碰見，大家相視一笑嗰種「終於遇到您」Feel！更加正係有幾個著住件英格蘭紅色客場波衫嘅擁英友對我眼超超！哈哈！吓，英格蘭躉真係呢~

好玩好正呀！

聽日，7月1號，我估一樣係壁壘分明嘅一日。

「大廚滋味」。「波仔」最 Yeah！

到現時為止，「波仔」嘅麵飯係市面上同類食品最好味。佢啲味道、用料都一流。叮完出嚟仲餸汁溢流，彈性十足。啲粉麵飯亦有彈韌度，勁好嘢！「波仔」分分鐘比某啲食肆煮出嚟嘅嘢更好味！

今次介紹嘅「大廚滋味」，冇「波仔」咁好，啲料少同味道冇咁鮮同真。但係，都叫幾好味。

好似照片入面我食嘅粟米肉粒飯，係肉粒好少好細，但肉粒竟然有啲咬頭！當然，味道亦頗得。十零蚊，比「波仔」平少少。可以一試。

加少少美極會更好味啲。