寶劍出「」。。。。

老友和尚與我自少 (從小四已認識) 便常一起討論政事歷史，他那時看很多很多書 (另一已失去聯絡的老友道人亦非等閒之輩)，記得當年只有十一歲左右，每月已差不多看罷市面上所有政經刊物 (也包括咸書)！當然，除了他於這方面是真的醉心，我不排除他亦有在我們面前可以增加吹水本錢的因素。:P

除了吹水，我們還常看連環圖，之後便切磋武藝。當時最好打是最高但最瘦的道人。我就最「削」。。。。

我不會妄自菲薄，直到廿多歲，我們都是知識份子，更要是文武雙全那一種，至少，比同年紀的人厲害。^~

有一次，那時我們已廿多出頭了。我們乘巴士，坐在上層 (可以抽煙嘛！)，正討論著漫畫裡的兵器，和尚說得興起，語氣連手勢說：「寶劍出『筲』！」。。。

「不是寶劍出『消』嗎？」我問。

「出套呀！成日都講劍套的啦！」道人扮叉燒權威的道。(他仲錯得離譜！)

如是者，我們爭辯了一會兒，後排走過來一位彪悍中坑，雙臂龍與鳳，笑著對我們說：「寶劍出鞘 (俏) 嘛！」

「係喎！」我們三個恍然互望嘆到。

人不可以貌相。臥虎藏龍。慚愧。

還有，美好回憶。

小學雞功課之財政司，你我都做得到！

即係呢，自從由自己友香港人做財政司之後呢，所謂嘅財政預算案真係你我他，儘管係我呢啲咁嘅數學白痴都識得做咖！

唔 Q 係咩？！每次都只要喺啲無關痛癢嘅嘢上面加啲減啲，又畀啲少恩少惠，跟住話送大禮派錢唔係王道，要共渡時艱 (佢老味又唔見佢哋啲狗官同我哋共渡時艱咖喎！問吓都即刻關閘話唔會減官員人工！)，對香港同香港人有信心，最後以笑笑口結案收工，就得咖喇！

屆屆嘅財政司 (守財奴) 成日都好鍾意話最差嘅時刻仲未到，所以要留多 oD儲多啲錢，喂，今次係百年一遇金融海嘯呀，又係你班政府高官契弟講嘅，咁都唔大手筆啲？！為擦鞋一嘢億億聲畀阿公賑災就咁鬆手闊佬？！

回歸後，世界大市唔好多過好，香港嘅貧富越嚟越兩極懸殊，但特區政府嘅儲備就反而越嚟越多喎！幾得意~

啲儲備要幾多政府先會實際咁出手？！點樣先叫最差？要到山崩地裂冚家伶嗰時？嗰陣連個世界都大亂，政府都仆街 o埋啦！攬住咁多錢入土為安？！托吖？！

呢個政府，以有遠見為維持穩定為名，其實係冇膽冇魄力兼歛財先係真~

最後，講番呢份嘢，有幾樣要噏。

- 點解唔加 o埋紅酒白酒稅？

- 加50%煙稅，煙民嘅我，唔反對。但就要講，你呢個政府好撚 X 好撚假囉！口口聲聲關心我哋嘅健康同食煙點衰點衰，咁就要好似土耳其同不丹咁，直情唔畀賣，全國咁禁！但唔係噃，佢哋又唔捨得 oD煙草稅收噃！做乜？！學上帝等我哋有自由有得揀？！正契弟！

- 既然政府理財咁「謹慎」，點解白頭任蝕咗咁多仲有花紅分？！Cut 鳩佢啦！「恰」啲普羅市民就咁醒？！

- 每一任嘅守財奴講嚟講去都係嗰 oD！做嚟做去又都係嗰 oD！試睇番曾狗之後嘅松松，松松之後嘅早逝，早逝之後而家嘅洪拳曾師傳，佢哋每個會有乜分別？！香港嘅情況喺佢哋形容之下又有乜分別？！

- 守財奴格言之一就係慳得一毛得一毛，其中節流最快最實際就係減班高官人工。但政府已第一時間拎頭。喂，點共渡時艱呀政府？！

唉，大家慳 oD駛呀平時真係要！唔好見經濟好番啲就人講你又講，話：「個市好咪洗吓囉！」咁呀！跟住個咁嘅政府，自求多福呀！唉~

特別一提：注意！曾俊華係我少有對佢幾有好感嘅唯一高官。而家仲係。所以呢篇冇 X 佢。

獵女行動

寂寞！

寂寞！最近，更寂寞！

。。。。「今天我~~~~~ 非常寂寞~~~~~~ 今天我~~~~ 滿懷空虛~~~~~ 孤寂苦苦相追~~~ 驅不散心頭寂寞~~~~ 趕不去心內空虛~~~ 難理心緒~~~~ 難解心中結~~~~ 苦悶似影長隨~~~~~」。。。。

停了好一陣子，今天晚一點，我又要出動了！獵女！

我的選擇，要求，蠻高的。當然了，當我的伴侶，有肌膚之親，還要日夕相對，怎可隨便求其？！

我要的，不須長髮，但也不要過短。膚色髮式全不是問題。要有肉地，有肉感，這樣，好攬好抱好摸又性感。

內在，我要的是動靜皆宜，要夠獨立但有時候又要黐住我，嗲我撒我嬌，這種女才好玩有味道不會悶。最棒就是我需要她的時候她自動獻身，繁忙時，她自己會自己打發時間。當然，我知道世事沒有如此美好，她們亦不是善男信女。

而年紀。。。。雖然我一向喜歡成熟女人，甚至情傾熟女，不過，這次，我倒要越少越好！當然，還沒戒奶的 o靚妹亦非我所好。

明天不一定會有斬獲，獵女，其實應說物識，很講彩數緣份的。

然而，若試多幾次仍碰不到合適的話，我唯有付錢去。。。。那時我會相約 Uncle Ray，幫幫眼挑一下，因為他對女挺有研究。

愛護動物協會，貓女們，明天，我又來也！

呷醋

好喜歡「呷醋」。食魚翅、食雲吞麵、食小籠包、食鍋貼、食鹹豆漿等等要蘸醋就會更好味嘅嘢時，小弟我都會大量大量咁落醋去食。不管是黑醋紅醋，總之係醋就好似白粉癮上腦咁不能自已~ 係咁落係咁落，係咁點係咁點！上晒身！

唔知係唔係有關，在性格上，小弟喺某程度上 (「喺某程度上」，呢句說話好鬼好用嘅！) 有時候，亦係醋酲一個。

呷醋種感覺。。。。唔知點形容。剩係知好難頂！它，令您囉攣囉攣囉囉攣到極，直比死更難受！

坦白講，基本上嚟講，大部份時間，我都好大方。之但係，如前所言，有時候，亦係醋酲一個。而且，仲係超級醋酲！記得有一次，明知那時嘅女友同她的朋友無「景轟」，但見到她們兩個上台唱情歌，仲要唱萬千寵愛在一身喎！仲要讀 o埋嗰段讀白喎！我就突然醋菌上腦，越睇越慶。散 band 後，剩番我倆，於是乎就勁詐型，無理發癲啦自然地，仲差啲想殺死~ 自己 tim！

但平時，我又大方到暈，任由她跟異性約會。

Hummmm，呷醋，並不只局限於愛情。親情和友情，也會產生「呷醋作用」。例如兄弟姊妹間的呷醋~ 父母偏心；與朋友之間的呷醋~ 點解他/她同他/她 friend 啲 (這程況發生於女性為多)。

情人的醋，要呷！否則，有何人的情感可言？！但呷醋要呷得適時，而且更不要呷得過火。適量的呷醋，係情人之間的一種醉人情趣，美妙興奮劑呢！

最後一試

台式瘋狂奔放加港式固有正經，可否殺出一條最後血路？！

唐朝李姓有著胡族血統，結合了漢的詩書禮儀和胡 (外族) 的奔放作風，兩種文化於歷史大舞台得以順利相匯糅合，使唐朝的民風文化璀璨生輝，為其盛世的特點之一。

亞視的前路在不久之前終有了定案，就是由近年來很紅的蔡衍明以私人名義注資入股，繼續延伸亞視的命途。

蔡洐明的生意手法靈活多變且劍走偏鋒，這從他覷準台灣的民間習俗文化，以民間信仰結合公司圖騰的經營推銷手法及他從不相信學歷，只相信實戰的所得，連其兒子只完成了中學便要他進入集團幫手這兩點已可見一二。

不管方法理念如何，最重要是，他成功。他除了在台灣本土成功外 (不久前更擊敗了港商黎智英奪得中天電視)，旺旺集團在中國大陸也取得佳績，並於香港成功上市，不斷擴張他的版圖。

我個人認為他今次的入股亞視，雖據報導說話事人仍是查氐家族，但可以肯定蔡洐明會成功引入一連串台式電視風格如台式綜藝節目、台式電視劇集及甚或滲入台式新聞報導，刺激提高收視和取得營利。

隨著香港創作自由空間越來越窄小，水準衰落，台灣的綜藝節目早已趕過香港，並取代了香港的位置。台式電視劇集亦屢有佳績如包青天、還珠格格和流星花園。至於台灣的新聞報導方式，更是創意新鮮精彩絕倫好戲連環兼而有之 (有時候略嫌過了火位，如真要在香港實行，那就要調較一下以去遷就香港人的口味。)！最重要的，是作為一間香港的電視台，若沒有自家製作的電視劇集，怎麼像話？！現在，既然台資的旺旺集團成了大老闆之一，那製作電視劇就可在台灣和大陸拍，不用在香港做那麼成本超級昂貴！而且，還可以一劇三地播，有利無害。

很難會想到怎麼依然會有人投資鉅額入去亞視？！這可只有「狂人」般自己的一套想法，算盤才會有此一步。觀乎蔡過往的歷史，不是沒有虧過鉅本。我想，他亞視的一著若失敗了，沒所謂。但若給他成功了，他就有本錢實力當兩岸三地的傳媒巨人，藉電視傳媒在中國大陸建立龐大影響力，從而令其旺旺王國更上層樓，走上巔峰。

今次這股外來勢力，亞視未必能起死回生，但如果能有起色，相信不再會只是潺弱捱打的小弱台。

在此，建議亞視在重新起步的一段時間，可考慮不妨在每週，甚至每週三天各送出十萬獎金。條件就是只要答對一題一週內任何節目內容的問題便可。這樣，在這段期間，既可贏得收視，又可藉以改變觀眾的感覺和習慣，確可一試！反正，X 那星，之前幾十億都可以徒勞無功，正所謂，都唔爭在咯！搏吓嘛！

戀愛你會付出多少？

好準嘅心理測驗！

得嗰十零題，玩吓啦！

http://mathsking.net/test/lovetest3.htm

我嘅結果：

51分(分數為35-52)

你會因對象和心情作出不同反應﹔即使對著同樣一個人，你有時會熱情得很，有時又會很冷漠。你算是一個誠實的人，但你不能和戀人坦誠相對，以致對方可能覺得你喜怒無常，難以捉摸。

冷冷生活逼人

2007年末的一個中午，在跑馬地的一個街邊，看到這一幕。

老人，他，要織補多少件衣服才能維持糊口生計？常出入跑馬地，坐享高薪厚祿但成事不足敗事有餘的政府高官們，你們看見嗎？你們又可知民生疾情？

我想，每一件衣服，他都織補得很好。

記得，那時候的天氣，那天，很寒冷。

Ms Hong Kong。。。。

頭先同一說國語靚女喺中環蘭芳園食飯，說到感情話題，講得興起，我啲亢奮失控又嚟料！以嚴重廣東腔但標準國語爆咗一句：「唏！港女完全不行的啦！我最不喜歡她們的吶！」

即時間，佢立刻忍住笑低下頭，同檯與附近嘅其中幾個香港嬌娃即時怒啤。。。。

我行得出去，仲寫到呢篇，真大命。

港女們，獻首詩畀妳哋~

香江代表，港女港女！
港女港女，最叻保養，雖然平時挖雷鎚，但永唔會係負累。

港女，
冇鬼妹印度婆浸「除」，冇架妹語言咁「水」，冇愛斯基摩女人咁累聚，好多自己大把「lui」，所以先咁 Q 難追~

港女，
極品起上嚟，正到其他佳麗冇得 Fight！娛樂八卦，琴棋書畫，文史哲「他」，語言才華，Money 地位，全部部嚇到你嘩！嘩！嘩！

港女，
衰在我冇咁嘅福氣，唔係我實媾 _ 妳哋！

精彩配音

喺呢度睇到呢段好搞笑嘅傑作！



正！

兒時追憶~ 小小玩意兒

七字堆以前的我們，所玩的東西大多都簡單原始，但很群體且有創意。

大家還記得它們嗎？

砣磥~ 在國貨公司買一如手掌般大的木製砣磥連繩子，回家後與鄰居砣磥單挑！

還記得放砣磥落戰場那起手式和出手勢甚型！

「東南西北」~ 用紙張摺成一錐狀東西，錐內每一面寫上各人物或其他如動物和動作等，然後用左右手的食指及大拇指套入其內，配合口訣 (唸些甚麼忘記了) 將那東西開開合合，到到唸完之後，錐內的其中一面剛好停住，那就代表您是那樣已寫好的東西。

很無聊，但當年玩得哈哈笑！更與對方玩過不亦樂乎！

劍仔~ 一包包載滿小小的塑膠十八般兵器，玩的時候與對方他動一您動下，以不同位置角度發動出招，務求以埋身一下壓在對方身上獲勝。

小型動物塑膠公仔~ 一隻隻如中指般大小的動物公仔，自己自編自導自演或跟朋友去代入每一隻玩耍，好好玩！

還有嗎？有的話提提我。

每一代都有他們的小小玩意兒。記得媽媽在我兒時常說：「你們現在真幸福，真多好東西玩！我們以前只玩『抓子』(一種將一個個小豆袋拋上接著的玩意) 和大海 (名字不知有否記錯。兩個人將由一條繩子做成的形狀變來變去。) 呢。」

這番話，我想，會代代相傳。

誓不低頭！玩玩人生！

輸、傷、痛不要緊！但千萬不要認輸氣餒兼叩頭！頭倒了下去，仲駛抬番起？！這只不過是挫折，一場人生 Game 而已~

金融海嘯的蹂躪，之後，再受八號這衰東西的再蹂躪。。。。這次更是粗暴的蹂躪！好傷！好痛啊！正是雪上加霜。。。。

舜發於畎畝之中章裡的著名金句：「天將降大任於斯人也，必先苦其心志，勞其筋骨，餓其體膚，空乏其身，行拂亂其所為；所以動心忍性，曾益其所不能。」人，如果沒有經過碰撞歷練，根本不可能壯大堅強起來。正所謂人要有經歷，才有魅力！如果一生順風順水，那只如一溫室小花，一沒有抗體生物，不單嚼而無味，更受不住任何風雨，不堪一擊。

看看古今風流人物如破楚鞭仇屍的伍子胥、強忍胯下之辱的韓信、打甩門牙帶血吞的曾國藩、曾失勢自困於山洞的毛澤東及三上三落的鄧小平等等，他們的人生無一不是如坐 (玩) 碰碰車般，才練就一身橫練，成就光輝一生。

碰碰車，不論男孩子抑或女孩子都愛玩這玩意，特別是男孩。坐在碰碰車裡，開動車子、停車煞制、扭呔盤轉方向、撞誰，一切盡由自己決定和指揮，那感覺，連大人都一直追求，更何況是小孩？那是人性天生夢寐以求可自己話事作主的玩意兒。

爽！

一大群人，或至少幾個參與者在場中你撞我，我撞你；我避你，你追我；我追你，你避我；時而幾個聯手去對付一個；時而分黨分派互相撞過。間中，被人撞時或許會有點點生氣，尤其是被不認識的人撞，然後轉過頭報仇。大家於場中撞呀撞，咬牙切齒卻又笑聲歡樂綿綿。若干時間後，夠鐘了，一切靜止，各人都無奈的離開自己那部碰碰車，但臉上仍帶著滿足的笑意，步出場外。然後，又到另一批人走到場中。。。。

長大了，感到人生，也不過如此嗎？人在人生舞台上，要盡量去享受每一刻。而且，人與人之間，你逗逗我，我逗逗你，管他是出於真心美意抑或虛情假意。即使是敵人，他朝也難保是夥伴；今天是自己的夥伴，他日亦難保會是陌路人。

如碰碰車，驚險百出，敵友難分。不過，如果玩碰碰車而不沒有碰撞，那又有啥好玩了？！這正等於人生！不用像前面所說的人物般厲害，只求活得精彩沒白過，人生若沒碰撞，就沒有意義，不好玩了。

曾經嘗過人生的甜酸苦辣，喜怒哀樂，儘管是溫馨旖旎的時候抑或是肝腸寸斷時刻，都盡情享受每一秒的人生，這樣，自己便可在那一天講一句：「我活過~」

離場的那一剎，孑然一身，含笑而去，多瀟洒！我們都是哭著來的嘛，所以要笑著走囉！

人生，其實好好玩。只是看您怎樣去看！

宵夜佳品

好多時都有食宵夜嘅習慣，唔食呢，就輾轉難眠好似怨婦咁好難瞓得著。

而食 o親都係 heavy 到好似食午餐或者晚餐咁，例如晚餐食剩嘅餸菜呀，餐蛋麵呀，餐腸麵呀，起碼都整碗麵嘅。十分之唔健康！

再係咁唔乸掂呀！但唔食又瞓唔到！只係飲杯奶唔夠喉，而且又怕屙；整三文治又麻煩。哈，最近畀我諗到食海蜇！加啲麻油同豉油撈勻佢就食得，夠簡單夠清唔油膩夠健康又好味，用海蜇嚟宵夜，一流！

鍾意宵夜嘅朋友不妨試試。

另外一提，美極嘅歐陸滋味杯細細杯但飽肚，方便快捷又好味，唔油膩，亦係宵夜佳品！

Wing，Happy Birthday！

Wing，生日快樂！

並祝心想事成

唔經唔覺，我哋已經識咗三年幾四年啦！

情人節玩大佢之只有妳~ 情人節狂想！

現實或是一齣苦戲　 有痛有淚有別離　
總多傷悲
匆匆一生多少愛　 似欠缺夢與未來　
總不精彩　

讚嘆世事命運是神奇　 竟不經意結識一個妳　
能傾倒這半生　
只有妳

現代夢幻編寫的妳　我與妳沒有別離　
終生一起　
活在浪漫的空氣　我愛妳沒有限期　
創造傳奇　

讚嘆世事命運多奧秘　竟可得妳這般深愛我
能改寫這半生　
只有妳

只有妳 試聽

留步喂！留步！求你暫留步
甜甜嘅姐姐稍稍留步
姐姐吖~ 你趕路呀
哎唷哎唷請息怒
我愛妳愛到似蜜露

走出一隻小花兔
原來穿花布呢
姐姐本來一身雪白你
猜我點知道

就讓小生親身陪罪
今天作東道
姐姐看你多纖弱
你要多進補

此間小菜多鲜美
字號相當老
解解飢渴當急務
請容我效勞

哎唷哎唷 女人不補好易老

留步呀 試聽

好想~

1. 好想喺埃及最高嘅金字塔上面造愛。

2. 好想喺紅館唱歌。

3. 好想哨牙人渣楷問我借錢。

4. 好想甄子丹唔夠我打。

5. 好想演出出名的三級咸片，對手係 Monica Bellucci。

6. 好想個個靚女都嗒我糖。

7. 好想左攬邱淑貞，右抱黎姿，中啜林志玲。

8. 好想食中華鱘同娃娃魚。

9. 好想可以永遠一晚做7次。

10. 好想做野生動物節目主持。

11. 好想，真係好想養貓。

仲有。。。。

話咁快，就到了今天。。。。

頭先唔覺意聽到呢首歌。。。。哈，唔知典解竟然有啲想喊咗出嚟喎！。。。。

。。。。您話如果而家嘅自己有以前童年嘅一切，係幾咁好呢！但又不過，如果係咁，就唔係童年，童年時就唔再咁矜貴。。。。

Hummmm~

奇景雜談

奇景 (一)

10幾年前喺中環歷山大廈附近見到一個乞丐，向途中人潮要錢。

喺我前面不遠有一個著得好型，身型幾 Fit，戴住黑超嘅中坑 (好似黑幫大佬) 略停一下，喺西裝內袋度攞咗一叠一百蚊紙出嚟，數咗十幾張畀咗個乞丐喎！！！！

！！！！！

奇景 (二)

尋日搭車嗰時見到有個揸電單車嘅人，佢個大包圍白色頭盔貼滿咗一張張寫住「勒令」嘅黃色符。。。。直頭好似幽遊白書入面嗰個角色~ 骸軀一樣！(見圖)

型！激！

但最堅仲係當年我喺墾丁度見到嘅！台灣人乜都拜，事實上又真係有好多邪門古靈精怪嘢。

嗰次喺墾丁度見到有條友將三太子哪咤嘅像凸出嚟咁鑲咗落個頭盔正前方位置喎！！！！

真正鬼見愁！魔道行者騎士！

奇景 (三)

有一次喺舊東方文華酒店嘅 Captain's Bar 度見到一個真係靚到「dum」一聲嘅中年女人一個人坐喺 bar 檯中間位置。

坐喺附近嘅男人，包括客同職員都係咁望啦好自然。

過咗一陣，大約個零鐘左右，佢喺手袋度拎咗一本聖經出嚟，然後大聲咁朗讀喎！！！！！

讀咗幾分鐘，佢若無其事咁收番 o埋本聖經，將杯酒好似人哋敬死咗嘅人咁倒落 bar 檯度然後放低錢離開。

。。。。

奇景 (四)

幾年前，好似係02、03年左右，有一次喺 IFC 一期二樓見到中環洪金寶攞住本嘢 (應該係佢本詩集)，好似古時詩人咁捲住本嘢，一隻手放喺背後，行嚟行去咁讀。。。。

-________-"""""

粉絲當魚翅皇上皇版

講真喎，食翅，如果煮得好，我覺得魚翅同粉絲喺味道上都冇乜分別。

粉絲當魚翅，更堅係螺片當鮑魚！

鮑魚其實有咩咁好食，如果唔係個茨做得靚，食鮑真係唔知為乜？！講真，用海鮮熬嘅上湯整嘅蠔皇茨，用嚟食乜都咁好味！

圖中嘅厚身螺片，用煮熟螺片 oD湯水去整個茨淋上去再煮，上碟後同鮑魚片冇乜分別，口感味道亦唔會比鮑魚失色，甚至比鮑魚更能送飯。食得更痛快，一片一大啖飯，HIGH 又 FREE！

唔駛嘢嘢食得咁貴都可以過足食神癮嘅~

元宵燈謎玩吓啦~

原來今日係中國情人節，元宵佳日，先祝各有情人蜜運長行！

既是元宵，梗有燈謎玩玩。以下有幾條燈謎，有興趣就試估吓啦~

1. 大笑彌勒 (猜一著名學府~ 一★難度)

2. 咖啡大學 (猜另一著名學府。此學府名字極像一牌子咖啡~ 二★難度)

3. 阿婆愛佢愛到死 (猜孔子七十二門生之一~ 三★難度)

4. 揸車去錯地方 (猜一藥名~ 五★難度)

5. 一個四個字英文，此字是「交接」之意。。。。最尾的字母是 K！(一★難度)

6. 凍到黐筋！(猜一靚仔~ 0★難度。驚大家一題都猜唔到，唔係咁好咖嘛！呢題送嘅！)

自我要推銷！

不少中國人的所謂美德，其實都很虛偽。尤其是在現今社會，更是阻礙個人發展的絆腳石。

古時一直以來，尤其是中國的春秋戰國時代和三國時期，很多有識之士都會四處周遊列國，在君王權貴面前陳述自己政見主張，努力推銷自己。

我對他們這種行為及精神是非常欣賞的。而我自己，亦一向對自我讚揚，自我推銷，不遺餘力。

平日，除了開開玩笑，樂人娛己 ( 譬如我的37.5吋胸肌、只是比梁朝偉靚仔少少。。。。)，認真一點看，在工作上，不要算全中國了，單是香港，也超過七百萬人口，若然不去自我宣傳一下，那麼，誰會知到你是誰？誰䁱得你的長處和絕技是甚麼？

不要以為諸葛亮真的那麼神，連他也要找幾位昔日同窗和好友幫他宣傳。又預先一早安排好當地的鄉村婦老幼童在住處隆中附近唱著歌頌他的歌，以作推銷。否則，劉關張怎知道有他的存在？又怎找得到他了？更何況，在現今繁忙的社會，人人都忙得不可開交，誰會如桃園三俠般三顧茅廬？！

又如戰國時代的蘇秦，如果不是他的自我推銷，遊說六國以合縱之策聯合對付強不可擋的秦國，他會吐氣揚眉成為六國之相嗎？

最討厭一些人，明明白白他是在非常渴望得到一樣東西的時候，卻要裝到滿不在乎兼夾婆婆媽媽，刁僑扭擰，真替他辛苦！天啊，難到要別人哀求你要嘛？！

又有一些人，明明白白他是在享受讚美中，但他極力否認。最受不了的是他的面部表情，整個觀感極小家，面部表情難耐之極，亳不大方得體。

誠然，除了學然後知不足，發自真心的謙虛是美德，是個人修養的表現之外，謙虛，亦有其好處，就笑可以讓自己有水位可以走，進可攻，退可守。

當然，我亦不是叫大家要自我膨脹，認屎認屁兼認叻。而是，例如您的語言能力很棒，精通多國語言，但若然不告訴別人，那麼人家怎會知道，難到要人家主動求您講嗎？又例如你的電腦知識很豐富，但只有自己知道，又怎可以有機會使自己可能會遇到別的際遇的機會了？

再進一步，甚至不單應該自我推銷，還要自我提出要求及自我全力爭取。佼佼者請參看一下章子怡和鄧文迪吧。

如果真的是有真材真料，那主動推銷，有何失德之處？有何不好意思？有何不好？

是就是，不是就不是，當仁不讓呢！這，合乎工作經濟原則之餘，亦真我個性盡流露，不會浪費自己才華，無悔今生。

桃花已去。。。。

今有水仙迎佳人~

女呀女~~~~~ 女呀~~~~~~

頂癮 Bowbook！

相信大家就算唔係 Facebook 熱衷者都一定有接觸過。前兩日喺生果報見到佢哋自製嘅 Bowbook，好抵死好搞笑！班友嘅創作能力真係冇得頂！

今日喺呢度又見到，而家再公諸同好，一齊會心微笑吓啦！

(Click 圖可放大)

Macy，Happy Birthday！

Macy，生日快樂！

並祝往後一切順意

珍重

= & 化身

=

仆街圖乃此君作品~ foxsland.pixnet.net/blog/category/1341553

法蘭西之寶

冇幾耐之前我咪話飽受牙肉同牙齒敏感嘅煎熬，後來用 Oral - B 醫番好嘅，嘿，點知上星期又無乸端端惡化喎，好慘情好痛苦！諗住去睇牙醫咖嘞！但農曆新年流流，牙醫要等到初八先開工，杰呀！

哈，好彩畀我摷呀摷，摷呀摷，摷到我上次喺回覆留言度話有一隻牌子醫牙肉同牙齒敏感好勁嘅嗰隻牙膏！天無絕牙之路呀！

用咗幾日之嘛，已經好番八成，仲 work 過 Oral - B 同 Sensodyne！呢隻由法國製造嘅 Pyodontyl 係我細個時候幫我剝牙嘅牙醫介紹用嘅。

法國國寶除咗有法國菜、紅酒白酒、干邑、拿破崙、笛卡兒、孟德斯鳩、盧梭、伏爾泰、雨果、卡繆、蒙娜麗莎、Liberty Leading The People、施丹、嘉芙蓮丹露、喪棵、CD 同 YSL 等，仲有 Pyodontyl，掂！

可惜原來香港已經冇得賣，我只得番三枝存貨。可能要喺第二度先買到。

鮑魚伴圓蹄

農曆新年期間，嘿，呢個又魚又雞 (有個仲茶燻雞 tim)，嗰個又蘿蔔糕又布甸蛋糕。。。。茶燻雞吓嘛~ 蘿蔔糕吓嘛~ 唔錯！幾好！好味！但都唔夠我嘅圓蹄咁 Grand 咁堅！

清嘅，齋又得，濃嘅，肉 (仲要圓蹄喎！) 又得！Heeee，勁！

Show Time！

做法如下：

首先將圓蹄 (圓蹄即係豬屁股到少少大腿部位。去到街市同啲肉販講要圓蹄，佢哋知咖喇。) 出水，出水後用老抽搽勻全身。跟住加老抽、生抽、糖、鹽同紹興酒，再以清雞湯浸過成隻圓蹄去煮。煮到隻圓蹄冧晒即成！食得！

好容易 ga 咋！快啲試吓咯喎！

勁好味但勁肥勁油膩嘅圓蹄，食完真係要同自己講：「罪過！罪過！」

P.S. 尚有幾片未有煮過嘅靚罐鮑，順手咪整 o埋落去煮囉。大家都知道，我鮑魚皇子嚟咖嘛，連食漢堡包都加兩片嘅，咁今次煮圓蹄，見有咯，咪加落去調吓味咯~

^~

情場黑煞星之情花幾時有果結？

今日係年初九，仲未過新十五喎。。。。不過冇所謂啦，我雖然迷信，但一向百無禁忌！

Well，大家有冇睇過一齣電影叫「每天愛您8小時」？片中主角又係姓梁，佢又係好靚仔 (朝偉喎！)，有好多女從未間斷，但之不過就次次都失戀畀女飛。。。。齣戲一開波就有好多已「逝」嘅女啲神主牌。。。。

哈哈哈哈~

頂~~~~ 農曆新年前後實有 oD「驚喜」畀我嘅！！！！

大家仲記唔記得拍拖拍得最耐嗰次有幾長？最短嗰次又有幾短？失戀失得最痛嗰次有幾痛？談戀愛談得最甜蜜嗰次又有幾甜？該忘記了吧？！即使記得，也應已只是依稀，對嗎？

記得齣戲喺開頭話根據非正統計數字，例如人一生會平均吸入三千幾口二手煙；失戀7.8次；失業4.2次；有0.99次婚外情同 o埋有半個暗戀對象，不過，就冇人可以肯定咁搵到，一次真愛。。。。

我食煙，兩日一包；失戀點只7.8次！30幾次！失業？我打過好多份工，中間何只4.2？！暗戀對象，我咁多情又咸濕，過百暗戀對象起碼！係未有過婚外情~ 我從未結過婚嘛！不過，講開呢樣，我雖然拍過30幾次拖，但就從未試過從來唔會一腳踏兩船噃！好仔好男人哩！

講番上面，哈，至於真愛，我反而遇到三個！之不過，唉，福氣名份始終都同我擦身而過，冇我份~

睇怕真係要到40先情花會結果！嗚呼~

愛如潮水 特別版試聽

情花開 試聽

春秧頌

過年氣氛越來越淡，只有在像北角這些「仍是老地方」才可再感受到過節那份情。

在香港，要找一處維持到「他」原來面貌及風味維持得叫做完整的老地方，實在不多。有些維持到的，慶幸得到保護的，亦大都本已係回頭已是百年身之軀，列為古地；又或是風采不再之「頹垣敗瓦」。

可幸，由於前英國殖民政府的「德政」(統治藝術)，嚴中有弛，疏道泄洪，所以，留待一個可容「異己」聚居作有限發展的地方。而這個地方，就是港島的北角。

在這歷史的偶然，統治的必然之下，我們得以仍有一處差不多可保有如此原貌的老地方。

而北角這個妙地的精華，我會說一定係非春秧街莫屬。春秧街，一條位處北角中心點，夾在電車路那條大道與外圍快速公路中間的大街。

「他」兩旁是西式的舊樓，樓的高處設計有著以前的溫馨，那就是有能讓陽光可以照射到地面的梯級外形設計。不像現在的所謂甚麼前衛設計，其實都是相差不多的校服式的玻璃幕牆外表，遮蔽了陽光，反射了炙熱，阻礙了空氣流通，令人窒息。

最精彩之處，是在那兩行西式樓樓下兩邊的街市、肉食公司、菜販、藥房、食肆和室內室外的小商舖。

先說說街市吧。我兒時僅有的記憶，傳統街市對我而言縱已糢糊但仍有輪郭，它們大都被室內的取代了。我在舊居的時候，一直也只在新型的窒內街市買餸。所以，嘩！春秧街的傳統室外街市令到我在發現的那一天，興奮到叫了起來！感覺簡直有如重遇初戀最愛意中人！

肉檔、魚檔、雞鴨檔，啊！全部新鮮血淋淋活生生地在戶外展現，加上檔主檔員的叫賣，多有生氣！肉檔的紅白均稱白皚皚紅嫣嫣的牛肉豬肉各部份；還在「活動中」的內臟。。。。魚檔的活魚、已斬好的魚及一系列其他海鮮，活魚在生猛的游來游去；已斬好的魚的魚標還在一收一張還有其他海鮮如蛤、蚌等吐出一波波的氣泡。。。。各種蔬菜果類的那股草酸果香。。。。所有一一配合身處室外的開揚環境，牠它們全部都仿似向您在說：「要我！買我！吃掉我！」如斯美境，問您吶，怎麼可以不下手？！

肉食公司、小商舖和藥房所賣的自身各項種類，比大型連鎖式的更齊全！舉個例子，牛鞭、牛睪丸和鴨腳這些好東西；又例如一些細心的家庭用品，像指甲鉗、各款響鬧小鐘、無數各大尺碼與及各種刁鑽但實用的日常工具，這些等等，超級市場肯定沒有。

那些那室外用棚架帳幔做成的商戶，沒生意時也不在乎，有生意時即生龍活虎，但又不亢不卑，潛藏在他們體內的那股愛國不眉外骨氣，望之即感覺到，好。

至於食肆，在春秧街的選擇跟以上的不遑多讓。粥粉麵飯店一街多間不在話下，多省地道的食肆也在其中。最貼心是有若干間都營業至深宵凌晨，有的還通宵呢！凌晨快三點多喝醉了，在快到酒店途中見到仍有一間雲吞麵舖在營業，於是，走進去來一碗「細蓉」之後再來一碗熱粥，那種感覺，您應該懂。

雖說春秧街如此美妙精彩，但逐漸，唉，也被大地產商的「宏偉『驚世』巨獻」侵蝕。就像我住的那所酒店。而且還不只一間，有兩間！

而整個北角，無選擇地，在香港地少人多，天然資源缺乏而又要求存趕上競爭，政府的不知所謂，官商勾結的情況下，也一步一步地走上灣仔之途。。。。

住在那裡的一段時間間，房間雖有隔音系統，但每朝每晚，仍可隱約聽到朦朧的叮叮電車聲和嗚嗚的輪船鳴笛聲。中間，最熱鬧的中午下晝，會聽到人氣活躍的喧嘩。有一晚，我喝了點酒，走到荒落的北角碼頭，望著從那裡角度遠眺對岸仍算寬敞的維多利亞港，看著一輪印在這條將要變成溝渠的海港的映月，稀雲浮佈，那一兩艘孤獨的大笨貨船忽爾的嗚笛，恰如咽哽飲泣。。。。一切，無奈也無言。若嫦娥端的存於皎月，放眼望港，也許她也驚嘆本來天擁驕傲世間維港的東方之珠，現人間何世，今夕乃何年？！

LoveFool~

今個月，又到有女嘅麻甩仔，特別係追 o緊女嘅麻甩仔同麻甩佬攪盡腦汁，大破錢財，畀人屈嘅一個月嘞！

呵呵呵！抵你哋_呀！