Sunday, May 30, 2010

噢!。。。。嗚嗚~~~~

前兩日見到我兒時、少時女神~ 柏安妮!佢帶住兩個細路 (應該係佢嘅仔女嚟)。

噢!!!!噢!!!噢!!!!。。。。典解我以前嘅女神,而家會變成咁嘅樣咖??!?!?!?!!??!又乾又醜??!!!?!

人係會老,我知。。。。但都唔好咁離譜吖!!!嗚~~~~~

點離譜?!喺網上搵到佢嘅近照

再睇睇佢以前!



同聲一哭呀真係!

Saturday, May 29, 2010

我係 CEO!


打過咁多份工,番過咁多地點,跟過咁多老闆,呢份、呢度、呢位,so far,最正最有發展最穩定同最好!我好鍾意同開心!我會好好珍惜!。

真咖!我真係 CEO 嚟!

Cheap Executive Officer~

Friday, May 28, 2010

「假狗」

相信各位都一樣,平日都會收到唔少電話公司、信用卡同銀行嘅宣傳信件,尤其是後兩者嘅!

佢哋平時唔係話要關懷社會,愛護地球,嚮應環保,所以唔會寄單畀客戶,而用電子郵件電子單嘅咩?!點解而家仲會收到咁多呢啲紙張信件?!選擇性環保。正仆街,正虛撚偽!

所以,X 佢老味我成日都話呢啲咩 Caring Company,真係多 Q 餘,骨撚痹,好乸假,無鳩恥~

當然,「嬾」持平嘅話,我會講,好過完全唔環保呀!哈,總之,佢哋就狗啦!

Thursday, May 27, 2010

物以罕為貴


以前,大約係接近三十年前,當時嘅7-11 Seven Eleven 好 High,好新鮮,對佢充滿好奇同好感。對佢有嘢買即「叮」嚟食,又通宵營業感到好特別。

當年嘅7-11好少地方有,好記得某一年有一間開咗喺屋企附近,維持咗一段長時期晚晚好多人去買點心「叮」嚟食。我有幾晚都係當中一份子,唔肚餓都走去買蝦蛟燒賣嚟「叮」。

嗰時嘅7-11連個發光膠名牌都好講究,係呈立體凹凸屋簷形狀,好有嗰種真係喺您左近,幾夜都會陪住您嘅嘅 Feel!

而家,多到直頭真係總有一間喺左近。而且,個發光膠名牌唔再立體凹凸,扁平一塊就算。亦冇咗以前嗰隻 Feel。仲由7-11 Seven Eleven 唔經唔覺唔知幾時變咗叫七仔!哈,真係~

「七」以罕為貴。

Wednesday, May 26, 2010

世界盃的洐生一點點~

照片中本「球王爭霸世界盃經典圖片集」,幾正嘅!幾正係封面同開頭彈啲硬咭公仔出嚟嗰兩版。至於入面圖片同內文,就唔係咁掂。過於行貨同簡單囉。

換呢本嘢有段古。話說呢本嘢要某免費報嘅印花,加七十幾蚊先有。我嗰日去到其中一間指定便利店準備換購嗰時先知唔記得帶。哈,點知個阿姐話:「見你咁靚仔,照印花價畀你啦!」

Heeeee!係唔係,真定假都好,爽爽爽爽爽爽爽爽爽!

講開呢類書,每逢世屆盃期間都有好多出現,今屆,我喺某間七仔見到一本包裝好精美,淡黃色封面嘅,好似又係叫歷屆世界盃圖片集之類啦,HK$88,有衝動想買。。。。有冇邊位知邊本甚至買咗咖?正唔正?

記得細個嗰陣,中一,1986年墨西哥世界盃,香港市面上出咗甚麼世界盃貼紙集圖冊,要不斷買幾蚊一包五張球員同球隊隊徽貼紙貼滿佢 (另有出動物同恐龍貼紙集圖冊),而家諗番覺得好鬼貴!又不過,又好珍貴!可惜冇保留到。

您又記得嘛?

Monday, May 24, 2010

香港人,「香港心」。

我們剩下值得自豪驕傲的地方已不多。。。。希望不要連少少能爭取的,也懶理放棄。

執筆寫這篇之時,乃5.16投票前夕,還未知道是次投票量,而我估計。。。。嗯,應有一成多之數。兩成,是樂觀的預測。

一眾建制派於投票日前的連串惹火言論和特首向中央叩頭的火上加油,身邊平常對選舉投票不怎麼熱情留心的朋友、同事,今次都義憤填膺,滿腔熱枕的表示會站出來投下自己一票。不過,自私、「懶」豁達「懶」大方佔香港人大多數,而且「知足」易管,所以,區區不敢對5.16的投票率樂觀。

另方面,不少人遲疑甚或對今次投票反感。他們擔心會被是次投票發起者利用;怕自己的一票會被胡亂詮釋;當然,當中更會有的是根本討厭泛民他們。

第三類普通百姓,不知何解,總是維護著建制派,維護著政府,而此二者都沒有為過他們,為過市民做過甚麼 (當然,蛇宴、品酒會、各項小課程、戲曲欣賞及本地一日遊等小恩小惠一定會有。),不公的事卻做過多的是,但他們也會心甘情願維護到底,還會為其與泛民誓不兩立。

愚,但,某程度上,也欣賞他們的忠,他們的「可愛」。

第一和第二類,他們沒有第三類的程度,他們只是冷眼旁觀,默不作聲。也許,再厲害也只是批評質疑一下。

不過,想深一層,如果,有朝一日,在他們有生之年,香港,真的有普選了,民主真的在香港開花結果了,曾經未曾盡過責任,只潑過冷水的他們,和他們的後代,卻快樂的享受著別人努力的成果,那,更惡心,更可惡。

我曾寫過~ 「潘多拉人即時得到勝利,入侵者得到即時報應,電影畢竟是可愛的。。。。可悲是在現實世界入面,邪惡一方惡報永遠時辰未到。更可悲可憐的,是自己人被自己民族政權相逼愚昧殘害,只能吞聲忍氣。有一大撮更甚者甚至甘為奴性奴才,做順民。若真有報應,那,業力先應報在這一群身上。

犯罪的人固然可惡。但縱容犯罪的人,他們所受的苦,更抵死。

試想,如果潘多拉人以和平抗爭,結果會是怎樣?會勝利?!

順民,做順民,甚至奴性,只會一世被強權欺壓。」

現在,另一類人,袖手旁觀,冷言泠語,只願批評,不會出力,卻會享受成果的人,更加反胃,乞人憎。

寫在後面:

若然星期一公佈的投票結果,真的只得零星的投票率,香港人,您的名字叫悲哀。去投票,不一定是支持誰和誰,亦是表示不爽這個政府、建制派與及一些政制政策。

另,對於將「循序漸進」掛在嘴上的人,法國大革命、美國獨立和日本明治維新等,是「循序漸進」?!就連毛主席帶領的政權,得天下也是「循序漸進」激進進取!

當權者當然強調「循序漸進」,永遠停留在「循序漸進」嘛。香港人呀,朋友呀,政府是會坐下慢慢談,但只此而已。您們,就如一傻女,在與一賤男一廂情願妥協,還毫覺不妥,心滿意足。

Sunday, May 23, 2010

Google Pac Man


Google,好嘢嘞,點好嘢?我諗喺尋日已經有唔少人發現。

www.google.com

由呢啲細微嘅地方可以明白,谷歌嘅成功,真係有道理嘅!

「Google Doodle 又有新作!慶祝 PAC MAN (派克人) 30周年,只要上 Google Search 就能看到並且聽到 PAC MAN (派克人),這真是前所未有的新體驗,Google Doodle 又替大家帶來新奇與許多回憶呢!多年來,Google Doodle 在 Google 谷歌網頁上搜索,用創意結合各項節慶等,創造了許多的樂趣與驚奇。

在 Google 的搜尋頁面,要開始遊戲時,只要按下『投入硬幣』按鈕或只是等待10秒鐘,它就會自動啟動。 Google 並且隱藏一個驚喜-如果你『投入』兩個硬幣,你可以玩兩次小精靈,而且只要用鍵盤用 WASD 按鍵控制,對網友來說又再次創造了一個Surprise!

讓我們回味一下PAC MAN (派克人) 吧!

From Taiwan News」

Saturday, May 22, 2010

牙「痛」

左邊尾二隻大牙又裂咗!其實上次 (三個幾星期前) 補咗之後,都知唔多穩鎮唔多掂,點知真係,雖然已經唔用嗰邊 o趙嘢,但都畀啲食物刮甩咗補牙嘅物料,而家隱隱作痛,更好唔方便!X,決定星期一去剝 Q 咗佢,一了百了。

剝咗之後,如果種番隻,要成二萬幾 (X 乸味黐鳩線!)!整隻除得嘅假牙呢,又會唔係咁受力咖噃!好嘞,好似以前咁,將冇咗隻牙個位置前後嗰兩隻牙「車」好,夾住新造嘅唔除得嘅假牙,即係所謂嘅「搭橋」,哈,又話而家已經冇人咁做。。。。即係,X,「強」鳩你做貴嗰種!!!!

香港啲醫生,真係惡~

剝完之後,睇吓點。。。。最衰嗰隻牙係主力,如果唔係,唔 Q 整番隻假嘅咪由得佢咯。

Friday, May 21, 2010

大唔大鑊?!


曾狗曾蔭權
早逝唐英年
英犬梁振英

。。。。

真係鬥衰鬥得難分難解~

Thursday, May 20, 2010

有嘢問呀)))))))))

最近 Blogger 喺上載圖片上有啲問題 (唔同),就係以前呢,可以將啲圖片拉上拉落,換好位置,對 fit 啲位,而家呢,郁唔到拉唔到喎!咁樣,如果只係一張仲算冇乜問題冇乜所謂,但如果多過一張甚至好多張,要將圖片嘅 Html 成「炸」咁搬嚟搬去,就超級勁煩!

唔知各位有冇呢個問題呢?有嘅話,點好?!

心煩人巔巔上

Wednesday, May 19, 2010

這泡麵!


照片中嘅杯麵 (泡麵),係叫維力炸醬麵,台灣出嘅,我喺台灣五年食足五年 (另一隻浪味炒麵都係!),好好味,乾食濕食都同樣好嘢!

乾食一碗兩吃,另一碗係清湯,一啖炸醬麵一啖清湯,味道好夾!濕食味道濃馥,有啲似麻辣麵。

估唔到最近喺「賒粉」見到!不過,成HK$9.9一碗!!!冇計啦,即刻整番碗懷念一下台灣,回憶一番台灣當年情。

台灣啲泡麵,無論係牌子數量、質素同花樣,個人認為駕於香港嘅。驚喜係,祖國嘅呢,好似康師傅系列,竟然出奇地有水準,有部份仲拍得住咖仔嘅 tim!

下次有機會寫寫國內嘅即食麵。

Tuesday, May 18, 2010

孖寶!

篤!篤!篤!o錚!真係唔讚唔得!忍唔到呀!

近期先信中醫嘅我,平時喉嚨痛呀、感冒發燒呀,大病就一定睇西醫,但有啲嘢 (可以話係病。。。。或者叫唔妥啱啲!),西醫係醫唔到又或者唔知點醫嘅,諸如好似熱氣、濕熱、牙齦腫、口氣、起 (生) 「沙」等等咁。遇到呢啲,真係要睇中醫或者食中藥先見效,先啱河車!

好似照片入面嘅念慈菴川貝枇杷膏,我而家每晚臨瞓都直吞一大湯羹,哈,咁樣,唔單只防止到牙齦腫脹,仲令我呢個煙民朝早起身嗰時冇咁多痰。

加 o埋旁邊嘅龜苓膏 (當然唔好買啲涼粉級咖啦!一般廿零三十蚊嗰啲已唔錯,有效咖嘞!),一星期食佢兩三盅,呵呵呵,清熱去毒又醒神,好瞓兼且脾氣好啲,效果一流到暈咖真係!

中藥「kai」嚟預防、強化、養身,冇得頂!

P.S. 生蠔貴又想「發發聲」?!每日食三隻 Banana 同龜苓膠啦!WORK!!!!唔駛懷疑。係我親身報告!

Monday, May 17, 2010

至少。。。。


唉。。。。

香港人呀香港人呀!

。。。。

Hummmmmmm。。。。17.8%投票率,50幾萬接近六十萬人,「加多廿零三十萬唔得閒同未夠秤選民」。。。。算吧。。。。

至少,50幾萬死忠好嘢,依然不離不棄,至少還有希望,還有種籽,至少還有您!

Sunday, May 16, 2010

Saturday, May 15, 2010

羊、獅子和狼的故事。


真正老襯,原來係。。。。

同大家說一個在網上看到的故事。沒有聽過的,請細看。已看過的,不妨再思考細味。

「上帝把兩群羊分別放在南北草原上。上帝還給羊群找了兩種天敵~ 獅子和狼。

上帝對羊群說:『如果你們要狼,就給一隻,任它隨意咬你們。如果你們要獅子,就給兩頭,你們可以在兩頭獅子中任選一頭,還可以隨時更換。』

這道題的問題就是:如果你也在羊群中,你是選狼還是選獅子?很容易做出選擇吧?好吧!記住你的選擇,接著往下看。

南邊羊想,獅子比狼兇猛得多,還是要狼吧! 於是,它們就要了一隻狼。北邊羊想,獅子雖然比狼兇猛得多,但我們有選擇權,還是要獅子吧!於是,它們就要了兩頭獅。

狼進了南邊羊群後,就開始吃羊。狼身體小,食量也小,一隻羊夠它吃幾天了。這樣羊群幾天才被追殺一次。

北邊羊挑選了一頭獅子,另一頭則留在上帝那裡。這頭獅子進入羊群後,也開始吃羊。獅子不但比狼兇猛,而且食量驚人,每天都要吃一隻羊。這樣羊群就天天都要被追殺,驚恐萬狀,羊群趕緊請上帝換一頭獅子。

不料,上帝保管的那頭獅子一直沒有吃東西,飢餓難耐,撲進羊群,比前面那頭獅子咬得更瘋狂。羊群一天到晚只是逃命,連草都快吃不成了。

南邊羊群慶幸自己選對了天敵,又嘲笑北邊的羊群沒有眼光。北邊羊群非常後悔,向上帝大倒苦水,要求更換天敵,改要一隻狼。上帝說:『天敵一旦確定,就不能更改,必須世代相隨,你們唯一的權利是在兩頭獅子中選擇。』

北邊羊群只好把兩頭獅子不斷更換。可兩頭獅子同樣凶殘,換哪一頭都比南邊羊群悲慘得多,它們索性不換了,讓一頭獅子吃得膘肥體壯,另一頭獅子則餓得精瘦。

眼看那頭瘦獅子快要餓死了,羊群才請上帝換一頭。這頭瘦獅子經過長時間的飢餓後,慢慢悟出了一個道理:自己雖然兇猛異常,一百隻羊都不是對手,可是自己的命運是操縱在羊群手裡的。羊群隨時可以把自己送回 上帝那裡,讓自己飽受飢餓的煎熬,甚至有可能餓死。

想通這個道理後,瘦獅子就對羊群特別客氣,只吃死羊和病羊,凡是健康的羊它都不吃了。

羊群喜出望外,有幾隻小羊提議乾脆固定要瘦獅子,不要那頭肥獅子了。一隻老公羊提醒說:『瘦獅子是怕我們送它回上帝那裡挨餓,才對我們這麼好。萬一肥獅子餓死了,我們沒有了選擇的餘地,瘦獅子很快就會恢復凶殘的本性。』羊群覺得老羊說得有理,為了不讓另一頭獅子餓死,它們趕緊把它換回來。

原先肥壯的那頭獅子,已餓得剩下皮包骨頭了,並且也懂得了自己的命運是操縱在羊群手裡的道理。為了能在草原上待久一點,它竟百般討好起羊群來。而那頭被送交給上帝的獅子,則難過得流下了眼淚。北邊羊群在經歷了重重磨難後,終於過上了自由自在的生活。

南邊羊的處境卻越來越悲慘了,那隻狼因為沒有競爭對手,羊群又無法更換它,它就胡作非為,每天都要咬死幾十隻羊,這隻狼早已不吃羊肉了,它只喝羊的血,還不准羊叫,那隻叫就立刻咬死那隻。南邊的羊群只能在心中哀歎:『早知道這樣,還不如要兩頭獅子。』」

後天,5月16日,去投票吧!請記著,投白票 (廢票),也是表達意見、不滿的一種方式。

最後,亦不妨將這故事說給沒有聽過的朋友吧。

Friday, May 14, 2010

「騎樓」哀歌

喺香港,唔係唔想有「騎樓」,而係如果有「騎樓」,唔好話好似喺照片入面位於灣仔軒尼詩道嘅單位咁 (單位呢個名喺香港真係一絕!香港啲樓可以叫屋嘅咩?!),就算係冇咁旺嘅小街小道,都會畀塵埃廢氣攻陷。

除咗怕塵怕廢氣,香港密密麻麻,又冇私隱,住宅單位對住宅單位已經唔算誇張,有唔少仲住宅單位對工商單位 tim!分分鐘影 o緊印會對著沖完涼入房,炒 o緊菜對著開 o緊會~

咁係咪封咗個「騎樓」佢好過?!冇眼睇。唔駛煩。

Hummmm,好懷念以前嘅露台。

Thursday, May 13, 2010

兄弟班


老友,緊記,他的名字是老闆!

記得之前的公司有位做了沒多久的同事辭職,周圍一眾人等都頗為依依不捨,並為那位同事舉行歡送會。

這令我想起以前所做過的一間公司,那位同事只是在公司做了幾個月,照時間上看,其他同事與之應該沒甚麼深厚感情。不過,原來,他和若干同事是於公司大地震後不久受僱的,可能由於如此吧,所以,新和舊的同事能在短時間內蘊釀出情感來。

盡在不言中。

先說一點我的回憶。記得我還更年輕的時候,打過不少工,每當曲終人散之時,都會感到莫名憂傷,依依不捨。還希望大家可他朝再聚再會。人大了,再大了,習慣了,看化了,感覺已沒。正所謂古語有云:「人有悲歡離合,月有陰晴圓缺。」世界依然在轉。況且,工作,打工,不是出來結識朋友培育友誼。

說回前的盡在不言中。

。。。。和老闆講情交心,傻的!那時,聽倖免於難的同事講,那間公司的小老闆,在公司還未企穩,打江山時與一眾他常掛在嘴邊「兄弟班」的開國員工關係親蜜,感情甚篤。及後,他請了幾位能幹的新人回來,加上不久又經濟變差,生意轉淡,他便當機立斷,變臉無情的用盡方法,扭盡六壬,那管是無理,埋沒良心也要逼一干人等走。

老闆和員工,老闆就是老闆,員工就是員工,打工的不單要知道不應對老闆存著感情,還要知道兩者之間永遠一定是對立。須清楚,老闆用錢來買員工的時間、才力和勞力;員工,用這三者去賺老闆的錢。兩者之間的關係就此而已,是一項對等交易。為甚麼要放進私人感情?!更何況,現在的老闆,九成是刻薄的,所以,不要被騙被氹!

當然,可以對公司有歸屬感,可以愛您的工作崗位。但如果對老闆動真心真情,視之為摯友至親,那是自己傷害自己,是蠢蛋。

飛鳥盡,良弓藏;狡兔死,走狗烹。從政界到商界,自古到今屢見不鮮。尤其是現在人情越見淡薄,道德越無的社會,商業世界更甚,儘管您仍有用,但在老闆的精算之下,也會照殺無誤。而且,還下手甚毒。

明君昏君,皆無情 (有時候,明君幹掉自己人往往更狼更厲害!)。無須反臉就可不認人。其實,包括同事,也應當成無情。記著,只可對至親摯友,或無轇轕的朋友用情,否則,您絕對是一大傻瓜。

兄弟班?兄弟班也要他不是老闆時才可兄弟班!

Wednesday, May 12, 2010

簡單直接勁力夠!

五師兄度見到以下呢個製作。



5月16號,等我哋用行動去兜巴咁刮鳩呢個無恥無能特區政府、特首、狗官、九流政棍議員啦!

Tuesday, May 11, 2010

美事妙日


兩個多月前一個閒日,同老友叡木中午去咗西營盤近上環一聚,順便嗒番杯,點知搵咗好耐都搵唔到間喺店外有位 (可以食煙嘛!) 嘅食肆喎!X!真係,香港越嚟越趕客!點夠大陸咁自由咁有 Fun!

搵呀搵,行呀行,好乸攰!卒之去 Q 到西營盤近上環口,搵到一間叫「群眾小炒王」嘅食肆,冇煙煲都照入咯!

問咗收唔收開瓶費,唔收,進入。

叫了煙燻蜜糖鴨胸同酥炸雞軟骨,兩者都好好味。煙燻蜜糖鴨胸煙韌脆口,肉實又厚。酥炸雞軟骨,炸得外熱內「慶」,軟骨過足牙癮,妙!

兩人個多鐘頭幹掉一大枝皖酒王,四圍眾人用膳唯我倆獨酌,微 High 酒意之中搭車番歸。

偷得浮生半日閒,美味小食、酒意、老友,人生人生,如此如此,亦覺倒也不賴。

所以話,偶爾一刻適當放縱,係人生轉瞬快樂仙丹妙藥。

Monday, May 10, 2010

從城市論壇到其他。。。。


香港,如果多多幾個「維園阿哥」,香港,有前途!有救!

長壽節目~ 城市論壇自上世紀1980年面世自今,除了最初的一段新鮮日子,一直淪為可謂半死不活,彷如「獻世」之節目。但是,卻聽不到有取消它的聲音。

最近,終於聽到了。但背景是在它的收視及重視程度忽然上升,甚至爆紅的時候。真奇詭!

它忽然紅爆的原因,是由於兩位「維園阿哥」的出現。這兩位「維園阿哥」,在最近幾個月來,先後揪插政府官員及建制派議員,又以惡制惡的反擊平時惡霸城市論壇的「維園阿伯」至下風,而重點是,與「維園阿伯」不同的是,「維園阿哥」能言善道,有紋有路,辭鋒犀利,口舌便給,所插有 Point;更台風台型十足,這在出鏡更著數;由此,又帶起其他人一齊起哄,一呼百應,追罵狙擊敵方,高潮迭起,精彩百出,文和「武」兼而有之,所以,他倆一手扯起收視,令久而沉暮的節目一下子變成朝氣勃勃的真正城市論壇。

「維園阿哥」的出現,我認為實大快人心,振奮人心!大快人心是終於有人有水準地訓斥冗官九流議員,以惡制惡,不矯揉不偽君子的力壓無知但橫蠻的中坑和阿伯。振奮人心的則是更重要的起了帶頭作出,作出了榜樣,據可靠報導,這兩位「維園阿哥」來頭並非等閒,他倆出身男拔,DB 仔,乃屬本地頂級中學及相當於國際學校級的書院,現在一位是醫生,一位是財經界高層,他們二人今也投入「戰場」,這一令平常被冷漠冷對待的政事煥然一新起來,二令年青人更勇於驕傲於關心政事,三令反對政府政壇不公不對不當的方法、層次高起來。

自上次他們狙擊建制派議員一事,建制派和一些人士提議將城市論壇消失。唉,過去,他們的護法~ 「維園阿伯」對他們敵方的攻擊,又不見他們如是說?!可見,他們的輸打嬴要及其他醜陋本性!

港人治港,肯定失敗也一定不會有得的一天。從他們竟可因此而喊城市論壇不如消失便可知道。城市論壇之所以出現,是前英國殖民政府的一段高明治術。統治你也要你不得不歌頌其手法治術。英國人在政府自己的電台開一扇窗口,讓被統治的人紓一下氣,洩洩洪,如開放當年的卜公碼頭給年青人攪派對,如讓北角聚居異見者,收與放,鬆與壓,一張一弛,一一好比炸五花腩,不要一味蓋上鍋猛炸,要間中開開蓋子,灑一灑凍水,如此,炸出來的五花腩才好吃,才靚!哈哈!X~

現在,動不動,受了少少氣便要把它要斬要停?!哈,我幹!

唉吔,連中共,也宣揚要容得下異己,漸漸開放,香港這群奴才,連當個像樣奴才也如斯吃力、肉酸,真的前世。

乾脆由國內人治港好了。樂得一了百了,不用不生不死。或者還可似死重生,奇蹟降臨。

Sunday, May 09, 2010

醒神正歌伴週日

唷唷唷!星期日早晨呀!一齊扭吓屁股喇喂!



另外,仲記得呢首歌呢位歌者嘛?

Saturday, May 08, 2010

奇測

以下呢條問題,要即刻回答!

三點「水」 + 一個「去」字係咩字?














答案係,個「法」字。

好奇怪,十個有九個會答唔識!有唔少甚至會大聲夾冇準地話:「邊有呢個字咖!!!!」跟住當您話個答案畀佢知之後。。。。呀哈哈哈哈哈哈!

唔信?試試!

Friday, May 07, 2010

立此存照


工作上,唔好話朋友,好嘅同事如果能夠遇到都阿彌陀佛!若然係好同事,兼夾好拍檔,又做到朋友再做 o埋好朋友,咁就真係非常難得,三生有幸!

哈哈,咁難能可貴嘅事,又偏偏畀我遇到喎!(講真,到現時為止,出嚟做嘢咁耐,亦有由同事做成朋友甚至好朋友。當然,亦有唔少小人!真係人生不枉過!)

之前嗰份工,我同照片中兩位拍檔,一位設計同工程大佬級 (右),一位年少天才橫溢設計師 (左),敢講喺全區「納」生意數一數二。我搶個波番嚟,天才扭波埋單,大佬級強勁支援,每個月幫公司搵至少五十零七、八十萬生意,佔全公司一半甚至三分二生意額唔會少得。

個撚頭小白臉老闆,自己攞嚟衰啦!如果唔係咁刻薄,咁孤寒,小人之心疑心生暗鬼攪 o埋晒啲屎忽撚小動作,整散隊 Band,而家就唔駛咁乸少生意啦!抵撚死~

呢張相,東區裝修設計界三英,立此存照,好珍貴!

Roy & Alex,好榮幸可以曾經同您哋共事,並肩作戰。

Thursday, May 06, 2010

玩種「笨」!

上星期我提過玩具反斗城好正,除咗啲細路玩具,仲有啲係大人玩意兒,當中,最能動心最雅緻養心怡情,又最搵笨係幾隻牌子嘅幾款玩 (種)「禪」。(見照片)

睇名唔知係乜但睇咗照片嘅原物就即知係乜嘅玩 (種)「禪 Zen Garden」,HK$160 (平均百幾蚊) 一盒封面閒情禪意盎然,購買慾令人迷迷糊糊激增!買啦))))) 買啦))))))) 買啦))))

但入面,一盆砂、一把犁耙子、幾粒石、幾隻鶴 (有啲仲係冇),加一本寫住咩快樂、幸福、糊塗同愛等大字嘅書仔。。。。買到番屋企,打開嚟玩,肯定即刻醒番叫「呻笨!」

唔好以為剩係得咖仔出品,有一兩隻牌子係唔知台灣定香港貨嚟嘅!

我認,我當時都有啲想買嘅衝動。。。。

Wednesday, May 05, 2010

預告「叁去壹」

呢間位於薄扶林道頭 (西營盤同薄扶林交接區) 嘅點心店,唔係酒樓,係街邊店舖式食肆,專食一盅兩件同一啲炒粉麵飯類。

呢間「叁去壹」,已經有幾十年日子!風味同蓮香等老式茶樓有過之而無不及。佢好有性格,每日剩係開凌晨三、四點到中午數個鐘咖咋!點零鐘就關門。我估間舖係佢自己嘅,唔係嘅話,真係擔心佢會「執」。

有啲嘢,會未試過就 feel 到係好嘢!呢間「叁去壹」,好強烈畀到我呢種預感!

試完我第一時間話個報告畀大家知。

Tuesday, May 04, 2010

食得愉快嘅愉記


前日下晝去跑馬地做啲嘢,嗯,星期日都要開工,唔多好 mood,但跑馬地乃悠閒地,啲樓,無論新同舊嘅,都起得有特色啲嘅,加上嗰日又風和日麗,爽番!

跑馬地呀跑馬地,係唔同啲嘅,連啲食肆都有性格過人。唔少食肆,點零鐘,一早收晒爐唔做生意咖咯噃!有啲仲連舖都未開!

搵咗一陣,有間樣似下午休市但仲有一兩檯客嘅食肆,叫愉記,由於太肚餓,望一望見對路似樣即刻入內。

女同事叫咗沙嗲牛肉炒河,我要福建冇福建炒飯嘅福建炒飯。

兩碟嘢都幾大碟,料都夠。沙嗲牛肉炒河,沙嗲味濃,牛肉頗厚身唔韌又有咬頭,河炒得 Q 兼有鑊氣。成碟嘢炒得濕乾剛好!正!同事話佢碟炒河夠兩個女仔食。但佢一個好快食晒。。。。呵呵呵!

我嘅福建炒飯,係我食過咁多地方嘅最好味!料多飯夠汁啱啱好多啲啲,正正!食到尾都冇出水!三個字~ 冇得頂!

碗章魚蓮藕例湯好大碗,亦好好飲。我未試過將咁大碗例湯飲到一滴不留嘅!

最要讚係碟菜。呢碟菜,唔係另外叫嘅。您可以話佢係平日鋪喺飯或者飯側邊嘅嗰幾棵菜,尤其係燒臘飯。但呢間呢,哈,零零舍舍用一隻碟分開另上喎!仲要份量幾多新鮮爽口好味道!有誠意有料到。

呢間愉記,夜晚食火鍋嘅。我相信佢哋嘅火鍋一樣咁精彩!佢哋啲侍應生,落力有禮得嚟不亢不卑。再加分!

A~ 講番餐飯幾 $ 先,兩個人,每人HK$36,一般價錢,唔一般嘅一餐,好!您都要去試吓!

地址:跑馬地毓秀街13號地下 B 舖。
電話:2574 7111

Monday, May 03, 2010

男人要做「阿水」!

來!一起改變心態~ 齊齊做「阿水」!

五.一勞動節 (也是我太太生日大日子!雙倍勞動!),不是每位打工仔當日都有假期,除了容後補假,也有不少人選擇不放假,寧可補「水」實際。

世界越來越難撈,打工仔更如一壓力煲 (說實在,老闆們也一樣),每分每秒都處於極度繃緊狀態,如果不懂得自我慰藉,工作不單只力不從心,心理更會飽受煎熬,身心受損痛苦萬心。所以,今以老友叡木一點心得,與各位共勉之。

面對無窮無盡的工作壓力,有時真的不知如何是好。對工作量及老闆要求等怨言不絕,工作執行上力不從心,吃力不討好之餘情緒更是每況愈下。對區區而言,在這種巨大壓力下極需要調整調整對工作的思路。。。。先不要去想工作的完成度,也不要多想要怎樣控制局面,現在要做的就是放鬆放鬆,然後從手上所有工作中挑選一兩件覺得比較有趣的著手,老闆或客戶的要求不用100%滿足,反正在目前最壞的情況下公司又不會倒閉,老闆又不會炒魷魚,重拾對工作的樂趣可能比所有的事情更加重要。

針對不同的情況應該用不同的心態處之。不是說工作上不要負責任,而是指如果到了某個階段,覺得責任太沉重,到了無法承擔的時候,就應該不去想責任的問題。看上去好像很消極,但是到了這種積極不了前進不了的地步,退一步想想樂趣方面的事,才能保持工作上的長遠原動力。此刻偷一下懶,休養生息,正是為不久將來再奮力一搏的準備!也算是對「道」的一點另類體會吧,「不要刻意改變世界,但求隨著世界改變」。

或許一直以來大家都誤解了「頂天立地」的真正意義。媒體書刊上指的「頂天立地」都是那些「剛強」的男兒好漢,很 tough 很本事很能撐,但試問天地間真能「頂立」於中的又是什麼呢?我看到的是「水」。老子曰:「上善若水」,自然界中也只有水能成雲最接近天 (頂天),也只有江河湖泊海洋最能覆蓋大地 (立地),試問水又是怎樣做到「頂天立地」的呢?就是靠改變形態!人不能改變形態,但心態絕對可以改變,以配合天地間的各種情況,甚至「工作」上的各種情況。

正是:

「頂天立地非好漢,行雲流水真君子。」

願您我都是。起碼,即使做不到十足君子,也能身帶一半瀟灑走這一回。

Sunday, May 02, 2010

週日點唱情歌

貓王即係貓王,連呼吸都係音樂嚟嘅真係!

而且,通常翻唱嘅歌,都因為先入為主而總會覺得冇原唱咁好聽或者差 o緊啲嘢。但 Cat King 呢,佢翻唱嘅歌就仲正過原唱,如 Always On My Mind,Are You Lonesome Tonight,My Way 同 Bridge Over Trouble Water 等等咁。但人哋翻唱佢嘅歌呢,又冇咁好聽有嗰種味道嗰種 Feel 咖噃!

以下呢首 Can't Help Falling In Love 係佢原唱,今憑歌寄意。雖然,我把聲好靚唱歌好好聽,聲底亦有 Cat KIng 咁厚!



超級冧歌!