傷心颱風傷心情

六月最後一日，接近七一整個「猛禽」式颱風。。。。嘿，而家，平時啲風就盡量 hold 住喺3號，即使「逼不得已」要掛8號呢，都一係就喺啲無關痛癢嘅時間掛；一係就如果遇著係假期，就大方地掛。。。。X 鳩！

今次個風，X，唔生性！行咁快做乜鳩？！應該「磨」撚到七一吖嘛！到時，掛嘅，狼梁「登基大典」暨回歸地獄十五週年點算？！唔掛嘅，七一大遊行又會有好多人出嚟！睇傀儡天文台點攪？！

依家嘅香港，冇咯！乜撚都政治干予，唉，當年好多香港人移民，佢哋嘅決定，都係害怕。但原來，冇眼睇傷心呢樣嘢先係主要原因！

明智！

o胡~~~ o胡~~ o胡~~~~~~ 輸了。。。。

德國輸了。

又敗在意大利腳下。。。。

唉~ 哭波喪中。。。。

念力獲「利」

明天凌晨。。。。

公平

狼振英係衰，係毒，係打橫嚟！佢係抵插！抵 Q 死！

但係，超特級仆街~「曾狗 Cheap 曾」同樣打橫嚟！同樣係抵插！同樣抵 Q 死喎！而且，呢條厚包皮撚分分鐘更陰更該 X！

狼振英，「曾狗 Cheap 曾」，其仆街程度、小人程度、厚顏程度、無恥指數、抵 X 指標、打靶都嫌未夠要拎去閹先夠喉地步，真係一剛一柔嘅正一撚頭代表！！！！！！

之不過，點解，點解啲人好似憎狼振英比憎「曾狗 Cheap 曾」多好多咁嘅？！喂，「曾狗 Cheap 曾」過去七年實實在在已經做咗一連串貪婪腐敗禍港害民嘅事，仲要到依家都唔知衰唔識收繼續貪繼續「納」，點解啲人好似唔多反佢咁嘅？！

我哋要畀啲 color 狼振英睇！之但係，另外，我哋亦都唔可以放過香港第一無恥偽基督假君子含撚人~「曾狗 Cheap 曾」！

iCaC，做嘢啦！衛香江，保聲譽啊！

香港人，爭氣啊！！！！！！

點睇？

vs

唉。。。。不幸言中。。。。

28號菜單~ 德國鹹豬手 vs 意大利肉衰粉。。。。

驚驚~

英意戰前談

聽日凌晨嘅歐國盃~ 意大利 vs 英格蘭，我估意大利會 o趙低英格蘭。講真，英格蘭呢隊波不嬲都唔係頂級嗰班，屬一流尾二流頭，畀盡都只係一線中，今屆如果唔係有運仔，都出唔到線入8強。最好笑唔知醜係嗰個朗尼，話而家邊個對住英格蘭都會驚 (類似意思)，X，不知所謂！入到8強 (仲要係符碌咁入) 就夜郎自大語無倫次！

不過，呢場波，我想佢哋贏喎！因為，贏咗嗰隊會對住德國。

意大利可以話係德國嘅剋星。喺國際大賽，德國從未贏過意大利。

而對住英格蘭，易食好多！

兩隊我都好憎！

未試過支持英格蘭，但今次例外。同我「冧」低意大利。

Ce train qui s'en va 遠去的列車中文歌詞

在網上找到這首瀟灑卻又無奈的靚歌的中譯歌詞。

Je n'aurais pas du venir
我本不該來
J'aurais du savoir mentir
我本該學著撒謊
Ne laisser que ton sourire
僅將你的微笑
Vivre dans mes souvenirs
在記憶裡封存
J'aurais du laisser l'espoir
我本應該放棄希望
Adoucir les au revoir
就這樣和你說再見
Ce train qui s'en va
這趟列車
C'est un peu de moi
是我身心的一部分
Qui part...
漸漸遠去
Qui part...
漸漸遠去

Je savais que ce serait
我知道這樣很難
Diffficile mais je pensais
但我想
Que je saurai te cacher
但我還是得學著
Le plus grand de mes secrets
將自己的感情隱瞞
Mais a quoi bon te mentir
但對你撒謊又有何益
C'est dur de te voir partir
只能是眼睜睜的看你遠離
Ce train qui s'en va
這趟列車
C'est un peu de moi
是我身心的一部分
Qui part...
漸漸遠去
Qui part...
漸漸遠去

Et avant que ne coule une larme
趁眼淚還沒有滾滾落下
Dans ton sourire qui me desarme
讓我在你的微笑裡放鬆起來
Je cherche un peu de reconfort
我試著尋找些許的安慰
Dans tes bras je veux me blottir
在你的懷抱裡有我溫馨的港灣
Pour mieux garder le souvenir
留住你身體全部的溫暖
De toute la chaleur de ton corps
留住你身體全部的溫暖
Ce train qui s'en va
這趟列車
C'est un peu de moi
是我身心的一部分
Qui part...
漸漸遠去
Qui part...
漸漸遠去

Je n'aurais pas du venir
我本不該來
J'aurais du savoir mentir
我本該學著撒謊
Ne laisser que ton sourire
僅將你的微笑
Vivre dans mes souvenirs
在記憶裡封存
J'ai beau essayer d'y croire
我明白，我清楚
Je sais bien qu'il est trop tard
我知道這一切都已太晚
Ce train qui s'en va
這趟列車
C'est un peu de moi
是我身心的一部分
Qui part...
漸漸遠去
Qui part...
漸漸遠去
Qui part...
漸漸遠去

這首歌，您一定會鍾意。您一定會一聽愛上。

不懂法文 (我的法文都是也也烏！^~)？不打緊。

音樂，只要一聽鍾情，愛上「她」，在哪裡都任「我」行。只要您喜愛，那管是何館何派何 Band！最緊要您覺得好聽！最緊要您鍾意！

這首 Ce Train Qui S'en Va (遠去的列車)，都是那一句，要再講多一次~ 您一定會鍾意。

Humm~ 曾幾何時，或在不知道的不久前，的時候，我愛您。

Je n'aurais pas du venir
j'aurais du savoir mentir
Ne laisser que ton sourire
Vivre dans mes souvenirs
J'aurais du laisser l'espoir
Adoucir les au revoir

Ce train qui s'en va
C'est un peu de moi
Qui part
Qui part

Je savais qeu serait
Difficile mais je pensais
Que je saurai te cacher
Le plus grand de mes secrets
Mais a quoi bon te mentir
C'est dur de te voir partir

Ce train qui s'en va
C'est un peu de moi
Qui part
Qui part

Et avant que ne coule Une lame
Dans ton sourire qui Me desarme
Je cherche un peu De reconfort
Dans tes bras je veux Me blottir
Pour mieux garder Le souvenir
De tout la chaleur de ton corps

Ce train qui s'en va
C'est un peu de moi
Qui part
Qui part

Je n'aurais pas du venir
J'aurais du savoir mentir
Ne laisser que ton sourire
Vivre dans mes souvenirs
J'ai beau essayer d'y croire
Je sais bien qu'il est trop tard

Ce train qui s'en va
C'est un peu de moi
Qui part
Qui part

極端之誘惑

昨日經過某間超級市場，噢，見到一個個「美麗的怪物」生果，其香味誇張的說香到遠至方圓幾里都可以聞得到！

聰明的您，猜到哩~ 對嘞！是榴槤！

好難想像得到，原來那麼好味的東西，原來是那麼吸引卻又那麼會令不少人討厭之至！不過，嗯。。。。這正正更是它的魅力所在嘛~ 有性格！要嘛，您愛；要嘛，極討厭！

。。。。

一個人有趣吸引與否，個人魅力，往往就是那麼極端。

好心恐怖事

前天文台台長乃一環保先鋒份子，身體力行熱心推動環保。他的以身作則例子如無論天氣多熱都堅決不開冷氣 (厲害)，以對流窗代替；全屋用上慳電膽和花灑式洗澡三分鐘內完成等等。

佩服。的確值得學習。

之不過，嗯。。。。熱到爆炸都堅決不開冷氣，這一點，也罷。但他那股環保狠勁 (癲勁) 去到的地步是，現在，他洗澡連肥皂也不用！他指出不用肥皂，更快洗完，節約用水之效果更顯著更佳云云！！！！！

有冇攪錯？？！！！？！？！？！？如此環保法，走火入魔呀！！！！

凡事，over 咗都會變得可怕！

說夢

這陣子常常造夢 (科學家說人其實每晚都會造夢，只不過，有不少都會忘記了。)，有若干個夢仍記得頗詳細。

夢，真的很神奇很妙！不是嗎？！在「不真實」的它裡面，竟然會有氣味 (如食物和香水味道) 及官能感覺 (如痛楚和「快感」)，而一切又竟然如此真實，之前也說過，甚至比真實更真實！

像前幾晚，我夢見自己不知在哪裡，瘋狂的吃榴槤，嘩，夢裡金枕頭級榴槤的味道，是如斯真實，濃烈。我醒了之後到現在仍深刻記得！

造美好的夢，固然 enjoy。但我更 enjoy 造惡夢。因為，當醒來時，發覺原來只是南柯一夢，那釋懷安慰的感覺，更好更妙！

我會想，夢，其實是我們的靈魂去了另一個存在空間走了一趟的經歷。

開波！

四年一度，某程度上精彩度仲緊張過世界盃嘅歐洲國家盃今晚00:00就開波。揭幕戰雖然唔係咩強隊對陣，只係波蘭 vs 希臘，但免費電視台有得直播，又係 Friday，點都要睇吓嘅。瞄吓都好。

真係，自從啲大型嘢畀啲收費電視「納」嚟播之後，X，啲氣氛冇鳩晒！例如除咗歐國盃，仲有好似世界盃同奧運咁，唔似得以前咁令全城投入。

曾講過，有時我都唔知我哋呢個社會係進步還是退步？！記得上兩屆世界盃，當我分別喺街上面同商場嘅店舖睇到有唔少人都隔住落地大玻璃睇世界盃直播、重播嘅時候，我會覺得，點解好似返咗去人人都冇電視機嘅過去年代咁嘅？！

Hummmmmmm。。。。

點都好。。。。話說正題，講番今屆歐洲國家盃，千祈咪又畀西班牙攞呀 X！希望我隊波德國可以再坐正做阿一！

時光倒流迷離篇

而家啲鬼怪節目，無論係電視台抑或電台，無論係自製抑或外購 (Oh，sorry，而家直頭連外購嘅都冇。)，水準都不及以前。

電視方面，外購嘅，好似以前嘅迷離境界 (The Twilight Zone)、畫廊夜話 (The Night Gallery)、Tales From The Darkside；自製嘅，好似幻海奇情同夜琉璃 (麗的時期仲有幾個但已經唔記得咗個節目名咯。) 呢啲咁。

電台方面，當年港台嘅不可思議的真人真事、疑幻疑真同寧可信其有，精彩到暈！後嚟新城嘅恐怖熱線完全唔係嗰個層次。至於當年商台每晚十一點嘅鬼故廣播劇~ 怪談，更係集恐佈、懸疑同警世味道於一身。

全部正！！！！！

而家嗰啲？新城新版恐怖熱線同有線怪談？唉~ 真係「吔蕉ism」冇眼睇。。。。

今篇，就等我帶大家返到去迷離從前！

Ready？Let's go！



http://www.tudou.com/programs/view/HjFxrpXwpGA/ (怪談)

http://www.tudou.com/playlist/id/10333177/ (不可思議的真人真事)

都係嗰句，唔係話舊嘅就一定好，事實係新嘅的確唔掂吖嘛~

天意？顯靈？巧合？

同樣出奇的是，六月四日台灣的加權平均指數的收盤價亦與「六四」有關。因為，當天的收盤價是「6894.66」。

看來。。。。

廿三年了。。。。

(一)

英烈血肉濺門前，

丹心卻照傳萬千。

淚光已凝多年恨，

廿三年了廿三年！

(二)

黑白如海燭如山，

齊悼英魂幾時還。

血染風采今夜記，

天終一慟就平反。

完美嬌娃。完美演繹

雖然對體操及影片中的花式溜冰等這類運動 (表演) 沒有狂熱之心，但是當看好到有美麗又嬌俏的可人兒出場時，我也會定下神來，坐定定地欣賞的。

這段影片，是我有一晚深夜在網絡世界漫無目的地浮遊無意中遇到。我之所以會 click 進去看，起初只是因為它的標題。

到我一看，嘩，不得了！一開始，我被她的美麗精靈的樣子，尤其是她那蓄勢待發，如箭在弦與及凌厲無比的氣勢和眼神攝住；然後，一路看到她全程人曲合一，精彩絕倫，無懈可擊，甚至直如標題所說~ 超越人體終極的完美演繹，我已感動讚嘆無極限；到到她最後作出「收招一式」後所展現的笑容和那份霸氣，我已做了俘虜。

影片裡的人叫 Sasha Cohen，最美運動員三甲，肯定有佢份！這裡有她的資料~ http://en.wikipedia.org/wiki/Sasha_Cohen

看完了？怎樣？我一點也沒誇張沒說錯吧？！她，簡直集萬千美妙感覺在一身！完美嬌娃．完美演繹！

*最精彩由2分20秒開始！

無雙譜

睇戲，好多時都會講話世上竟然有長得一模一樣，但卻完全又冇丁點血缘關係嘅人嘅情節。方謬？哈，其實，真係有！！！！！

唔知您有否遇過？我，就遇過三次！

第一次，當年我喺台灣嘅女朋友，有一位同李玟相似度有90%！

第二次，喺千禧年代初吧，我喺中環當年甚「紅」嘅夜店 (Queen)「浮」，認識咗一個貌似黎姿嘅女仔，好誇張！兩者似到99%！

第三次，我到上海公幹，喺一個晚間酒會遇到一個同我以前嘅 ex 長得有90%相似的女人！

好恐怖。

衫頌

十幾年前開始，我有一個癖好 (其實唔多應該用「癖好」嚟形容。應該叫喜好。)，呢個喜好就係我好喜歡著啲殘殘舊舊熔熔爛爛嘅帽、衫同 o埋褲。著呢啲嘢，yo！幾 Q 型吖！有晒過往自己一言一行嘅紀錄片段回憶呀！而且，事實上，著呢的衫、褲、帽，好鬼舒服！

但我唔會買呢啲衫嚟著，我只鍾意著由自己多年嚟一手一腳著到殘嘅帽、衫同 o埋褲。

因為，將呢啲衫著上身，有著過去所有感情經歷同故人之情。

當然，西裝裇衫西褲，殘殘舊舊熔熔爛爛嘅西裝裇衫西褲，我就一定唔會著！捐畀救世軍。

三千煩惱絲~

最近碰見老友叡木嘅細佬，吓，我發現佢本來極稀疏 (接近禿頭) 嘅頭啲頭髮好濃密！傾談之下，原來，佢用6K以織髮攪掂禿頭問題。

睇佢個效果，6K維持到半年，抵！

咩叫織髮？聽佢講係將一塊人造頭皮連真頭髮種喺頭到就攪掂。平時洗頭只要就住就住，唔好大力咁洗就可以。

我有一個舊同學，禿頭問題極奇嚴重，當年佢用咗成幾皮嘢去植髮，但出嚟嘅效果，well，唔得喎！反而，叡木嘅細佬呢吓織髮，效果就出奇的好！真係好濃密！

同佢傾傾吓，佢突然問我：「咦，你啲係真定假咖？」

「梗係真！我遺存天生好濃密咖！好鬼煩！我啲頭髮長得好快！三個多星期就要去剪咖喇！」

三千煩惱絲~ 哈哈哈，唔關我事！

矝貴冷氣之賤用法

喺香港，幾乎冇乜津貼，就算有，都幫唔到啲咩手！而家百物騰貴，生活艱難，政府啲小恩小惠要「唉」要「篩」，好 Q 艱難先畀少少，仲要彷彿皇恩浩蕩！但班爬街對自己就十分手爽，尸位素餐，佢有佢歎！我 X~

好嘞，X 完，講番啲建設性嘅嘢。

既然冇人幫自己，咁只好自己想方法幫自己，只好自己慳自己。

好介紹又嚟！

呢個其中之一嘅慳錢方法，可能大家都曉。

X 那星，電費咁鳩貴，年年多錢袋成日係咁加 (同港鐵簡撚直係絕代雙「賺」)，我哋又唔會反抗，咁，唯有消極中積極咁自求多福。唉~

方法好簡單。夜晚瞓覺，由上床開始到到瞓醒呢段期間，不妨豪畀佢。但平時晚飯黃金時段，同 o埋好似放假喺屋企嘅下午時間，大家可以開一個小時嘅冷氣，同時將風扇開到最勁係咁左右吹 (注意，一個多小時熄冷氣之後，風扇仍然要係咁吹！)，哈，成個空間嘅清涼舒適氣溫環境，唔好講笑，可以保持一個下晝！

試試。

「熱」又到！

一過了清明無耐，尤其是呢三、四日，「熱」，已經嚟料！我呢兩晚都要開冷氣瞓。您哋呢？

仲有，食飯嗰陣時如果冇冷氣，真係好熱！冇乜 mood 食落去。求其叫填飽個肚就急急離枱。

而家只不過係五月啫，都已經係咁，嘩，咁遲啲嘅六、七、八、九月，點算？！

仲有，啲電費。。。。唉~

書香噴噴~

今日打開書櫃，嘩，書香四溢！ 。。。。証明我好耐冇睇書，冇「愛撫」佢哋。。。Haaaaaaa！ 仲有就係，我更新呢度喇。 ^^ 謝謝大家！

新光續輝．神 _ 好嘢！

李居明，我一直當佢係神棍，well，不多久前都係，頂多係一個有料嘅神棍。依家都係。。。。

不過，今日，我對佢有多一樣評價~ 掂！好嘢！！！！

北角新光戲院因為佢，得以續命四年！！！！！！

李大師，識搵撈得掂但又有見識仲又有情！好嘢！

超級富豪們，羞恥嗎？！

日曆之聲

是月曆，還是日曆，究竟？應是兩者皆對吧。

最多人喜愛的應該是風景的吧。印著風景的大月曆，令人心曠神怡。每月過去，逐頁撕下，不要丟掉，到到年尾，試試把十二個風景目掃一遍，真有一種歷遊過各地的感覺，還有一份歲月溜溜的感慨。

其他的，不少男仕都愛掛著性感火辣的美女月曆，但我卻不喜歡。原因是這只會辛苦自己，所謂有得看，沒得吃嘛。嘻嘻！

可愛的女仕們，她們永不老，總喜歡用 Snoopy、Hello Kitty、Kerokerokeropi 等等等等的。最近最受歡迎的應是宣揚那他媽的軍國主義的軍曹。
吧。

我自己只喜歡用日子以一格格分開的那種。這一種月曆可以讓我在有要事的日子寫上一些提醒。至於以甚麼做背景，倒沒要求。用得最多的是每逢年底年初各大公司所送的大福字月曆。

很懷念兒時祖母常用的那一種每日一張，厚厚的，底部有一塊印上古代美人或中國山水的鐵板的月曆。它還有通勝內的一些資料如每天宜做甚麼，忌做甚麼。用這種月曆還有一種作用，就係提供快感。一天撕下一張，撕的時候，「嘶！」的一聲，俐落，原始。但另方面，那不齊整的撕碎口，仍紙斷屑連，我們的每一天，日子，不就是如此？

在台灣很流行印有一些道理的月曆，當中最常見的一款莫過於印有一首「莫生氣」。
「人生就像一場戲，因為有緣才相聚；
相扶到老不容易，是否更該去珍惜；
為了小事發脾氣，回頭想想又何必；
別人生氣我不氣，氣出病來無人替；
我若氣死誰如意，況且傷神又費力；
鄰居親朋不要比，兒孫瑣事由他去；
吃苦享樂在一起，神仙羡慕好伴侶。」

每天都看一下，提醒一下自己，不錯。生氣的時候，看一下，更不錯。

今年不開心？不要緊。看，今年月曆已薄，壞日子快成過去，應該開心地準備買一款新的了。今年很開心？已薄的月曆提醒您是時候準備心情去延續快樂。一直不開心，到最近才陽光照您心？已薄的月曆提醒您將要買回來的厚厚新月曆，會見証您快樂每一天。

人渣、垃圾~ 都不如嘅 XQYZ！

快！

細個嘅時候成日非常覺得啲時間多得滯！

到大個咗嘞，加埋年快到四十，就越更發覺時間唔夠用不特只，仲過得好鬼快 tim！

呢，2012，過咗1/12喇。。。。

我真係要 keep 住個身體。。。。但真係要好多工夫同堅毅嘅決心！

畀能量我呀！！！！！

新春點滴

農曆新年，今年公司放到初七，初八上班 (大家不要羨慕，因為係要扣假！)，計埋年廿六至年廿九嘅放住假番工狀態同Holiday Mood，前前後後成十零日嘅舒服高原期，爽爽！

今年，農曆年假期已放到水尾，回顧今個年假，hummmm，都係嗰句~ Nothing Special，only soso。做過嘅嘢，大致如下。

- 年廿九中午去了維園行花市 (呢個習慣由2007年開始。。。。)，在人網攤位買了一本書，並在熟食攤舖狂食。一共花費了三百多元左右。

- 瘋狂瞓覺，儲足精神。嗰隻間中瞓吓間唔中又瞌一陣再間唔中再瞓一嘢嘅過癮舒暢再加飲 High 之後一嘢瞓到黃朝白晏，真係頹廢之中嘅積極向上！

- 勁煲碟。好似逐個捉呀、射雕英雄傳呀、大時代呀、狂野時速V呀等等，煲 Q 到天昏地暗。

- 係咁食。點少得呢樣！呢十幾日，我由140幾磅去到150幾磅喇！但大家唔駛為我擔心，我呢啲，好快又回落咖喇。Don't worry。

講開呢樣，嗯，好奇怪，肥只表現喺我肚腩，極其量我塊面亦只係脹咗啲啲唧！我啲手手腳腳又完全冇變噃！Heeee heeee！真係冇計嘅~

- 喺屋企沖完涼洗完頭，用件超大浴袍抹身，and then，拎啲錶呀，眼鏡呀出嚟抹吓，聽吓佢哋嘅動感之聲同睇吓佢哋幫我看呢個世界嘅準確美妙。。。。一樂也~

- 寫呢篇 Blog。

龍年新年快樂！

魚之悟

遠的不再說了，近的如替補機制的荒謬；民望差到貼地的林公公的升官發財，居首輔要職；李克強訪港所引發的保安和新聞採訪爭議；大量劏房及其所引致的禍患；很大可能為了趕入伙而引起退伍軍人病大肆蹂躪政府總部；法治的逐步被蠶食鯨吞等等，我們香港人做過甚麼？！做過的，只是一些小兒科的反對 (稍為「激」一點的，大部份香港人，而這大部份香港人，竟是被壓逼的一大群，又說不要「暴力」要理性！。。。。唉。。。。抵死！)。更致命的，我以前在這裡都說過，我們香港人都是善忘的。

香港所有的劣政檢討都做得這麼慢，政府就是看穿了市民的健忘能持之以恆高度發揮。

。。。。

養魚，我不是專家。不過，除了有一點心得和經驗，倒也有一些基本認識。

一般我們所叫的鼠魚 (甲鯰)，例如花老鼠、白老鼠、三間鼠同熊貓鼠等等，這些魚類，都是吃沉在缸底的糧。所以，在某程度上有打掃清潔魚缸的作用 (很多人誤會了牠們及另一個種類的琵琶，尤其是後者，也會吃魚糞，其實，即使再餓，也沒有養魚是會吃屎的。)。

由於近來頗為忙碌，故懶於打理魚缸，所以，沒有再餵飼容易令魚缸污糟的「會沉底糧」，而只餵飼乾淨俐落的「一粒粒糧」。總認為，其中有些「一粒粒糧」，那些如狼似虎食極唔飽的金魚總會錯過一些，然後會浸久了而沉於缸底。

結果。。。。

有一晚我發現，缸裡的兩尾白老鼠和琵琶，竟然像那些金魚一樣游上水面用口和牠們爭相啜食「一粒粒糧」！我更看見，很多時候，鼠魚和琵琶有幾次竟撞開金魚搶食！

！

真的。。。。真的搵食艱難、世界難撈、要生存生活就要改變適應、要主動爭取。。。。等等等等！更重要是，要改變以往習性，不要再沉默等運到！不要再「斯斯文文」！要主動出擊！要知道，再說甚麼在要溫和理性、甚麼要和平地反對、甚麼要守秩序、甚麼要和諧等等等等，那麼，再不用多久的那時，一切都已太遲，一切都已死了。就如那些鼠魚，假如牠們不是違反常規，「搗亂」既有秩序，主動不和諧的爭取，那在我這個懶惰的養魚人「主政」之下 (就如我們現時的無能政府)，加上畏食極唔飽貪得無厭的金魚 (就如大地產商富豪及既得利益者們)，牠們的下場只有死路一條。還會像現在般生存著？！

魚也如此。人何以堪？！

這個城市不單已死，連重生輪迥的資格也沒有。

戰無不勝馬英九

馬踏綠營。國民黨勝！

今日，2012台灣總統大選之日，嗯，今次，我估計國民黨的馬英九會勝出。不過，今次勝出不會像上一屆般大勝。我猜最多只贏一成多。。。。坦白講，四年，如果叫做做得不錯 (事實上，馬英九又的確做得不錯喎！)，又清廉，那好應該再授予其四年發展。(主觀的講呀吓！)

唉，台灣南部的人對民進黨 (甚至仍高度支持陳水扁及他的兒子。他媽~~~~ 的！) 支持甚高，真的好無奈。。。。哈哈！愚昧，真的很好笑受不了。又是那一句~ 抵死！

有種預感，今次國民黨的馬英九會勝出。但下一屆，2016，輪到上位的郝龍斌掛帥 (其父親為蔣經國的大將郝柏村。郝柏村在與李登輝權力鬥爭之下失敗。黯然失勢下台。)，會輸。

不過，怎樣也好，台灣，都一樣咁~ 正！

2012，新年快樂！

新年舒文~ 2012，有理由相信將會是難過的一年。。。。都是那一句~ 開開心心是是但但面對啦！

聖誕節的精華在平安夜，元旦的高潮於除夕。那麼，平安夜和除夕，它們的前一天才是真正的平安，蘊釀高潮迭起的前奏。

常說暴風雨前夕是平靜的，其實，真正平靜的也是暴風雨前夕的前夕。

晴空萬里亦然，太陽照遍大地之前，我就曾在阿里山之巔目睹，旭日先東昇，而旭日東昇之先，霎時雲海波濤，彩霞四走，紫氣閃閃泛現之絕景，這時，最美。

躍起之前，蓄勢待發，如箭在弦，高潮之先，往往，是最美妙迷人。然而，準備躍起之前的期待和準備，那靜態靜止的狀況，是真真正正的靜。直如漣漪一曲裡的一句，「靜默亦似歌，那感覺像詩。」

現在是凌晨，今天是三十號，距離今年完結，新一年來臨只剩下兩天，不妨於現在，或於今個晚上，點一枝幽香芬芳蠟燭，坐在書桌餐檯前，或蹲在廳中一角，或躺在床上，默言的投進絲絲思念，包括記憶、展望，其實，您發現，寂寞、痛苦、不快，原來並不可怕，亦不是常纏繞著您。然後，您會在驟然之間，看到發自燭光幽幽火焰的深處，迷樣的幻彩知情識趣地向您聚攏過來，照繞您身，撫射您心，燭，越燒越暗，夜，縱然愈降愈盛，但今晚，到這時這刻，記著不要放棄您面前的蠟燭。因為，即使只餘殘燭恍光，它仍要您不害怕今天的日冷夜寒，伴著，伴著你。

到到，連您也終心醒發光芒，還終有回熱和愛，在這最「靜」的時刻，遠方不知那裡吹來輕輕溫柔的一吹，把您們吹熄，一切再從零開始，開始在那美好的從頭再生。

寫在後面：

2011年，並不是順利平安的一年，世界天災 (包括人為的天災) 人禍頻仍。香港這福地也不能倖免，人禍為患，庸官狗官「奸」肆無忌憚欺弄宰割市民，如最近年底的兩電的無良瘋狂加價！天災方面，不久前的劏房沖天大火及禽流感的再現，都令人難過。。。。亦彷彿預警著2012將會是更艱辛的一年。。。。

在這種景氣，每到年尾，聖誕新年前後，看到四週的燈色和佈置，整個氛圍，人都會樂觀開朗起來。至少，有一個可透透氣，暫紓緩一下的難得時光、「空間」。

今天是西元2011年的三十號了，正是尾二的一天，後天就是新一年了，先預祝各位新一年2012最差最多只是有驚無險，平穩渡過。

新年快樂！

現代「禮記」

這篇開首的行文先正經一點。

我國乃有五千多年文明的古國，一向有「禮儀之邦」之稱，中國人也以其彬彬有禮而著稱於世。禮儀文明作為中國傳統文化的一個重要組成部分，對中國社會歷史發展有著廣泛而深遠的影響。其內容非常豐富。禮儀所涉及的範圍廣泛非常，幾乎滲透於古代社會的各個方面。

根據中國古代的「禮」和「儀」，實際是兩個上不同的概念。「禮」是制度、規則及一種社會的意識觀念。「儀」 是「禮」的具體表現形式，它是依據「禮」的規定和內容而形成的一套系統，乃成完整的程式。另外，禮儀，很大程度上可說是為了適應社会的需要。。。。從宗族制度、貴賤等級關係中衍生出來。

好，開始入正題。

嗱，有禮貌係好，係啱。之不過，唔好 over 咗囉。點樣 over 咗呀？好似例如，係又唔該唔係又唔該明明唔駛唔該都唔該。。。。

留意吓，好多人係咁嘅。

即係呢，我認為，譬如話，例一，去買嘢，畀錢嗰刻，商舖畀件嘢你，你接嗰陣，喂，唔駛講唔該喎！除非，你有其他要求好似加多個膠袋、神沙散銀換紙幣、佢話你知你畀多咗錢或者係借廁所用，咁，講多聲「唔該」，冇問題。

例二，，去茶樓叫點心，啲點心蒸好拎埋嚟，喂，唔駛講唔該喎又！除非，佢順便幫你左撥右撥擺放好兼順手攞埋啲「吉」嘅蒸籠走。

例三，去政府機構辦事，諸如入境處、稅局或者差館咁，喂，更唔駛下下唔該前唔該後喎！咩叫公僕！除非，佢主動畀杯水或者咖啡你飲 (不過，如果係咁。。。。)。

例四，喺冇需要嘅情況之下都用講「唔該」「唔該」「唔該」「唔該」「唔該」去填滿一般對答。唔好以為冇啲咁嘅事或者係黐線先會，實例，畀樣功課大家，得閒留意吓！

另外，人，好得意可愛，就係唔知點解會以「唔該」「謝謝 (國語人)」甚至不停咁「唔該」「謝謝」嚟代替/ 輔助開心到不得了的心情。例如，申請啲咩證乜證，人，嘩，唔少申請人啲唔該多到呢！申請成功，最後亦要喺冇必要冇需要嘅情況之下整多句，甚至多句，「唔該！」實例如申請美國旅行簽証。

。。。。

過多、濫用、亂嚟嘅話呢，唔得珍貴，好咗應有嘅代表性咖喇！所以，例如，唔好「唔該」到 over 咗囉！

當然啦，聖誕快樂 Merry X'mas 喺呢個日子呢個時候，又多講無妨！

預祝各位聖誕怏樂！

祝各位平安夜，聖誕快樂！

中共盛世，媲美漢唐！

今篇以和尚對一些祖國的正面樂觀評論賀一賀國慶。也順便作為和尚暫結篇。

和尚、叡木和我離別前在香港某火鍋店吃晚飯，席間，和尚嘆道：「誰說有錢就到哪裡生活也是好？！在澳洲遠不及香港方便、精彩、選擇多！之不過，比之於國內，香港又有所不及！」

以前在韓國及國內穿梭的叡木連忙點頭讚同：「對！國內甚麼都可以玩得去得好盡嘛！」「我也曾說過，只要不講政治，國內甚至比香港更自由！」我也嘆道。

和尚回味道：「多年沒回來，今次除了香港，亦去了東莞和珠海，也回過了鄉下福州，啊呀，國內才是享受之地，天上人間！

別的不說。租金合理便宜，食物用料能夠真材實料！香港？賺回來的錢大部份被大業主吸掉，要有得賺甚或只求收支平衡，唯有在用料上做『手腳』囉！所以，美食天堂在大陸，而不是香港。」「但大陸假東西毒東西多的是！像假雞蛋、毒蟹、毒小龍蝦、循環口水油和坑渠油等等等等啊！」我故意挑釁道。

「說的也是。不過，沒問題的食肆也同樣多的是！不然的話，我們三個一早死掉！況且，現在甚麼都有化學物質的啦！即使那些甚麼有機食物，不要過度迷信它們。在現今地球，有機都變無機。

俗語有云：『眼不見為乾淨！』任何地方食肆，污糟邋遢之處多的是！甚至還比想像中恐怖！像我一位在澳洲高級餐廳做廚的朋友便告訴我諸般邋遢事實情況，像。。。。」「行了！行了！」叡木和我為了能繼續下嚥，齊聲道。

話題一轉，叡木問：「今次釣魚台事件，怎看啊？」

和尚答：「咖仔恃有美國佬在後撐腰，加上右翼抬頭，又再加上依我看，亦很可能是美國與日本一早夾好。。。。大試一下今中國最新反應。所以，日本今次跟過往玩得特別大。

即使如比，中國仍會忍，相信連貿易戰也不會打。看看從改革開放至今，已忍了幾十年，現在還未是時機，中共斷不會為今次事件而道行一朝喪。相信，不用多久，雙方會各自提供對方『有特色』的下台階而結束今回合釣魚臺事件。

「那還要忍多久呀？！」我咆哮喊問！

「廿年左右吧！屆時中國已完全到位。那時候，不用打，小國日本也自然臣服。甚至乎，嘻嘻，更會儼如中國的一個省！

另外，題外話兩則，一，講開釣魚臺，日本仔又真的不知死活！現在那麼囂張跋扈，不知悔改！若他朝打起上來，日本整個民族滅種滅族的呢！痴線點說，日本那麼小，怎被炸得起 (核戰)！

二，台灣和大陸未能一致對外。若台灣能在釣魚臺一事上和大陸一致對外，肯定日本不會那麼過份。因為，若是這樣，美國不知幫誰！

唉，這又一次看到中國人的『散沙論』。」

散席前，和尚擔心道：「我擔心的反而是下任中國總理是誰。中共歷任連續幾任總理都是出色人物！須知道，連爆幾任出色領導人物是多麼罕見！中國那麼多年歴史也只有漢 (文、景、武、昭、宣。)、清 (順治、康熙、雍正、乾隆。) 兩朝曾有此紀錄！連唐代也沒有。

但我猜。。。。依中國國運看，未來三任也該不錯。至少，我猜下一任會是姓習那位，他不賴。」

快樂小聚。不亦快哉！

離開前一問，桌上食料差不多全都由中國運來。

續和尚緣

於珠海東北人菜館幫和尚洗塵。席上酒菜甚豐，繼續彼此衣牙鬆弶。我喝了杯東北小燒，吃了串酥炸蠶蛹，接著和尚的「起錨說」續道：「有說胡總今次之所以如此高調『寵幸』李首，是因為中央眼見香港的貧富懸殊越見嚴重，及港人仇富之心日重，故藉今次之見，拜托有請李首帶頭做些事情，諸如減減電費、捐助一下或是其超市貨物價錢真的能做到是最抵等等！」

和尚吃過炒羊雜，左手放下剛幹掉的那杯二鍋頭，右手拿著一整條剛以嘴撕了最後一口的燜羊腿，邊嘴嚼邊道：「說如此話的人，可以說是目光如豆！」嚥下那口燜羊腿肉，吞下一大口二鍋頭，再道：「就算是，也非今次『大禮』主要目的，只是很其次很次要而已。要知道，香港的外匯儲備超過2500億美元，相當於香港流通貨幣九倍多，而李首的『私己』為200億美金左右，要滅貧濟貧，要直接為香港貧富懸殊做有作為事，也是香港特區政府而不是個人。」

「說回胡總中央要豪富們『起錨』為『大珠江共榮富』造勢之外，當然除了財力，還看中了豪富們手上的各項技術及麾下的能仕人才。一次過動員到如此『能量』，加上中央全面大力推行，正是萬事皆備，東風也有！」和尚拿著幾串烤羊腰道。

我啜了口酒：「想不到中央也要那麼費勁費心神。。。。」
「嘿，難到你以為吖。。。。不要忘記，當年我們鄧爺爺八十多歲高齡也要南巡，境至珠海、深圳，發表了『南巡講話』，為的不也就是擔心其經濟開放改革推行得不夠全面，不夠徹底嗎？

。。。。當然還有不少得給說話某位今已退下的高人聽的箇中原因。。。。超凡的鄧爺爺也須如此，更何況今天的胡溫？！」半碟紅燒圓蹄已下其肚。

我邊搶著吃圓蹄其餘精華部份，邊轉話題：「你怎看正在衰落中的香港前景？」
吃完土匪雞，正轉吃著那碟素餃蔥油伴麵的和尚道：「繼續衰落。還會更差。不過，沒所謂，因為，嘻嘻，反正全世界都一樣差！又不過，又可以告訴你大可放心。因為，根據風水運轉，香港將會在2024年左右再次璀璨，光輝耀眼。其精彩程度絕不下於廿世紀的八、九十年代！不過，嗯，是另一種精彩另一種玩法！可以說，是一種暴發式玩法！

還要補充一點，那時是行所謂『九運』，乃屬火，所以，我認為會以 IT 為主，取代現正行的『八運』(土，地產也！)。

而且，大膽預測，香港或中國會出現一個 IT 大王！他甚至要比Bill Gates 和 Steve Jobs 更厲害！」

「那時的香港不是應該已被上海趕過了嗎？！」
「上海三十年要全面趕過掩蓋香港，難矣！況且，以中國之地大，人口之眾，經濟之巨，一南一北絕對容得下兩粒巨星有餘！互相競爭又各自精彩！真好玩！有意思！」

和尚和我，那天是十五，差不多將席上美味肉食全部掃清。

下期再續。

週末冰淇淋！

嘩！！！！靚到吖！！！！！！

沉！醉！死~~~~~~~ I Do！

補載~「寵幸」之謎

讀萬卷書不如行萬里路，但在當今社會，生活逼人，試問又有幾可真的能行萬里路。所以，能有聽君一席話勝讀十卷書之遇，那更適合現實情況。若然，身邊有此良朋益友，能隨時供君「搾汁」，那就更好到不得了！

我有幸，身邊有不少如此良朋益友，其中有兩位更是相識將近三十載的緣深知交。一位叡木，在這裡已幾次將他的心話記下。另一位和尚，最近 (去年九月) 從澳洲回港一遊兼小休，難得相聚，在聽他大談偉論之餘，當然不忘榨取其汁！

和尚在各領域涉獵甚廣，政治、經濟、術數及佛學尤其所知精湛，見解獨到。

相聚期間碰巧胡總於不久前的慶祝深圳特區三十週年大會上高調「寵幸」李首，一時疑惑頓生，於是便向和尚問其原因。和尚一貫氣定神閒，先吸一口丹田氣，為其一氣呵成，大腦超頻轉數又同時能配合到說話由嘴部輸出的連珠式發言準備，便說道：「因為某些政治因素 (這裡省略不表了)，胡温也要藉『勢』、造勢去推行新政大令。今次胡總如斯高調接待我們香港李首，就是要為即將展開的大政策造出一個勢。而這個雄才大略，當然與今次造勢大主角李首有關係，也同時與香港，甚至廣東的其他富商關係密切，估計，也就是說，這會是個經濟大政策，是一個涵蓋了香港、澳門、深圳和廣州等整個大珠江三角區域的經濟大融合大政策。

中共要「做嘢」，一向都會找一個雷鋒式代表人物，透過李首，透過這次『大禮』，到到此大政策啓動之時，造成一一呼百應，事在必行之勢。中央與李首之間事前當然一早講好。。。。嘻嘻，這個嘛，你明白的啦！」

「為何只「寵幸」李首一人，不同時找香港其他也極具份量人物了？」我問道。
「李是香港首富，也是大中華華人首富，代表性、影響力亦最巨。。。。而且，沒那麼突兀嘛！」
「現在就不突兀了？！」我插口問。
「也總比同時間找多個富商，一字排開沒那麼「壯觀」吧！如此場面才不單突兀，還恐怖！另外，做這類 show，既然一個已足夠，已有足夠效果，又何需、何必找多個。」和尚不屑道。

和尚續道：「短期內，我猜會在兩至四個月內時間，這個大政策就會公佈。到時候，你就會見到這『大珠江共榮富』大計由李首振臂一呼配合下，與一眾豪強將其『起錨』。」

下期待續。

超水準牛腩煲

我成日話自己係天才小廚師，的確，我煮嘢好味又有天份。啲菜式我通常睇一兩次就識煮。

但比起我阿媽，就真係仲差一大截！

好似照片中嘅炆牛腩咁，好味到呢，九記都要行埋一邊！我開頭以為係喺出面唔知邊間咁有水準嘅食肆買番嚟，原來係媽咪嘅傑作！

呢煲炆牛腩，色香味質都超水準，好勁！

啲牛腩濃汁我仲留番用嚟撈飯撈麵，認真一流！

成煲嘢都唔嘥得！！！

12月6號！我生日！

媽咪，辛苦晒！其實我真好愛妳！

不值可憐

最近建制派大獲全勝。唉。。。。

不久前終於收到了那六千元。

即時想到的，不是興奮的想著怎樣去花 (六千元又可以玩多少「花臣」？！)，而是感慨萬千。

台灣政府的消費卷、星加坡政府的現金回贈、澳門政府的豪助，相比起我們香港特區政府的不派又派，派又失據兼小家。。。。唉。。。。這些都不說了，甚至連國內的深圳市政府，也有魄力夠膽量在四眼超人「放肆兼不聽話」的隧道附近興建多一條隧道 (梧桐山二隧)，我們這個由等退休收工，無能涼薄的曾蔭權領導的政府，我們香港市民除了憤怒、無奈、無助，更悲哀的，還有的是那份羞恥。

有感而發的是，一個無賴廢政府橫行無忌，對民生視而不見，普羅平民有苦無路訴，活於水深火熱之中，而百姓唯有訴之於暴力之時。。。。有誰會說推翻滿清、打倒秦苛政權、將腐敗的國民黨趕走及爆發法國大革命的英雄人民是錯？！

哈哈！

香港基層及中產們，還想再有一次六千元甚至八千元？！發夢吧！

老實好廣告

Volvo 汽車，咁樣表達嘅廣告，絕而到嘅配搭！

殤商傷

打咗咁多年工，見過咁多老闆，自己又攪過吓嘢，同過啲真正老闆交流過吓，發現，真係幾乎無商不奸兼不仆街。

點奸點仆街？歸納所有「樣辦」，大致如下：

1. 遲出糧
2. 拖糧
3. 巧立名目扣糧
4. 雞蛋裡挑骨頭唔加人工
5. 拖數
6. 唔找數
7. 寧打官司都唔自願賠償
8. 算死草鍊到盡
9. 故意挑剔畀少啲
10. 慈善常做但刻薄自己員工
11. 扮失憶兼前言不對後語

仲有請提我。

略談狗經

今日喺街見到有對中年夫婦拖住隻好大好大嘅狗，隻狗直頭好似一隻小牛咁巨！博學嘅我一睇就知係獒犬嚟。(真係好鬼大隻！)

可能細個嘅時候，喺烏溪沙渡假村畀隻狗追過 (好彩隻嘢嘅主人發現喝停)，對狗，只要係大小小嘅狗，我都會又驚又忌。

不過，唔知點解，牧羊犬就例外。可能係因為佢哋嘅外表高貴溫文嘅原故啦。之又但係，大型貴婦犬，我又好驚驚喎！

個人認為，養狗，都係唔好養啲巨大嘅，或者，嚴格 oD講，唔好養啲兇猛標悍嘅。因為，如果萬一失控，真係完全駕駑唔到，危險呀！(有啲友仔仲專登養埋晒啲危險份子好似扭玻利頓犬、菲勒犬甚至第一鬥狗比特犬，真係危到痹呀！講到鬥狗，咩洛威拿都柏文沙皮秋田都係假，完全係比特嘅天下！)

將來如果有機會，以前講過，我會養屬於中型犬種嘅銀狐犬，聽父母講話，好正！

X！中晒！

「My anxiety is this: not that this community's autonomy would be usurped by Peking, but that it could be given away bit by bit by some people in Hong Kong. We all know that over the last couple of years we have seen decisions, taken in good faith by the Government of Hong Kong, appealed surreptitiously to Peking - decisions taken in the interests of the whole community lobbied against behind closed doors by those whose personal interests may have been adversely affected. That is damaging to Hong Kong because it draws Chinese officials into matters which should fall squarely within the autonomy of Hong Kong.

If we in Hong Kong want our autonomy, then it needs to be defended and asserted by everyone here - by businessmen, politicians, journalists, academics and other community leaders, as well as by public servants.」

「我感到憂慮的，不是香港的自主權會被北京剝奪，而是這項權利會一點一滴地斷送在香港某些人手裏。」

。。。。

「和諧」劫‧最後勝利

上一個世紀的六十年代，英、法政府聯合投資開發大型超音速客機~ 和諧式客機 (機頭前端成尖嘴向下，如雀鳥的喙；S 型前緣雙三角翼及其引擎機件佔去全機一半以上。無論外型和內藏均與傳統客機有異。)。當年，要開發一種新型商用飛機乃一場極大的豪賭，僅僅是設計一個新引擎的成本就高達數億美金。想開發更新更好的飛機，無疑等於將整間公司的全部作為賭注晒冷。但是，那時英、法兩國政府的主意已定，抱著有前冇後打死把就的決心，堅決將銀紙燒下去。

在全新飛機的研製過程中，大不列「癲」和「弗」蘭西政府發現，若然繼續去馬研發這樣的機種，其花費會以幾何級數增加，而如此的設計定位能否適合適應市場卻更仍是未知之數！但另一方面，如果停止研製呢，又將會令之前的投資一概付諸流水！

正是殺紅了眼，不知不覺，研製工作已是回頭太難。「癲」「弗」兩者泥足深陷，無法作出停止研究工作的决定。後來，和諧式客機終研製成功。。。。但更慘是，因它有著不少的缺陷諸如耗油量大、噪音勁、污染嚴重及成本太高等等。故此，它並不適合市場競爭。最終，沒多久，和諧式客機被市場淘汰掉了，英、法政府為此而蒙受巨大的虧損。

重點在於，在和諧式客機的研製過程之中，如果英、法政府能及早放棄對它的研發，即刻 cut loss，壯士斷臂，那麼，就可使損失減少，不致再波及內藏，經脈破損。但是，他們並沒有這樣做。

這個例子提醒我們，做生意也好，打工做事也好，做人也好，不要一廂情願只往好的一面想，不要不捨得回頭不捨得止蝕。要常常提醒自己~ 信邪服輸！切勿死牛一面頸。

但你可能會說：「說不定，捱過那一關，成功就在咫只前面等著！」；「不堅定不移幽繼續向前衝，怕死退兵，成功怎會屬於你！」；「只有堅強信念才能排除萬難爭取得到最後勝利！」

對！堅定不移向前衝是成功要素~ 之一。但不要忘記，正所謂，因事制宜隨機應變，能屈能伸，知所進退！我不喜歡賭錢，也不懂得賭 (連蔴雀都不懂打)，我唯一一次入賭場是十多年前在大西洋城，那次玩了五百美金大細。記得，開始時我一時買大一時買細，輸多贏非常少。跟著，我一路買細，更鋪鋪輸。最後，不知何故，神推鬼撞吧，我將剩下來的錢鋪鋪轉買大，哈哈，終局，不單歸本還有一點點賺。

又如肥佬黎，夠堅定不移勇往直前有前冇後精明通透了吧，但可記得當年他的網上購物一役，短短時間內燒耗了他大部份彈藥而弄得要轉戰台灣？

但是，真正決定輸贏的，真的，又不輪到您和我去操控啊！

以前香港地，幾可愛~

真係。。。。What Can I Say！。。。。

我嘅台灣牛肉麵。。。。我追到喇！！！！！

曾慨嘆香港叫美食天堂，但要食碗能夠媲美台灣地道嘅牛肉麵搵極都搵到。有一間喺星街嘅聽講水準絕頂，但要成百幾蚊一碗奢華版台灣牛肉麵。。。。我只係追求一碗好味嘅平民親和版牛肉麵啫，我只係要親切嘅回憶啫，所以呢種台灣牛肉麵唔係我想要嘅嘢。

不過，皇天不負有心人！！！！天無絕我喺香港追尋台灣牛肉之路！！！最近畀我撞到一間專賣台、日、韓食品嘅店舖，又畀我見到入面有賣用一小袋一小袋古色古香布袋裝住嘅牛肉麵 (見圖)，直覺話畀我知，呢隻牛肉麵，一定滿足到我一直以嚟嘅願望！

果然，好嘢呀！！！！好嘢嚟呀！！！！！

呢隻「古早牛肉麵」，無論麵質、牛肉同最重要嘅湯底，都係徹頭徹尾無與倫比嘅好味地道台灣牛肉麵！！！！

QQ 嘅麵質，彈性生命力十足嘅牛肉，濃馥而卻又爽甜嘅湯底，三位一體完全融合！我食嗰陣，除咗成個人彷彿躺洋喺牛肉麵嘅湯海入面之餘，我有一剎真係彷如番咗台灣咁！！！！！

更難得係，呢隻「古早牛肉麵」，食完唔會口渴。

另外，難以置信，煮呢碗如此級數嘅牛肉麵，所用嘅時間唔駛十五分鐘！

全力推薦！

註：

i. 佢有幾隻口味，個人最愛「原味」同「紅燒」。價錢方面，HK$55蚊一袋 (一碗份量)，幾貴。但對我而言，值！

ii. 第二張照片入面有幼麵喺度，係我自己另加嘅。因為，如果只係食佢嗰包麵，肯定唔夠飽。我下次會加烏冬或者其他白粗麵。

iii. 呢隻「古早牛肉麵」，好少地方有得賣。可惜！