Thursday, January 25, 2007

巔 Din Can Cook~ So Can You 之嘆鮑~


上年十二月十八號小弟由浸鮑開始,到中間日子整鮑,再最後到二十八號嘆鮑,經歷十日之折磨,一向性急的我,本來已急不及待公諸同好,順便 Yeah 一 Yeah~ 點知撞啱嗰陣網絡大擠塞,兼且一直上載唔到照片上嚟,攪到心亂如麻,甚為冇癮。

終於,喺前兩日攪掂晒!呵呵呵!!一二三四五六七,七隻極品大鮑,被整兼被嘆實錄,而家精彩地赤裸裸咁同大家見面!

天才廚師巔巔 Liang,嘆鮑堅料終登場!!!!呀哈哈哈哈哈!GO~

煮嘢食,就好似識女仔、識男仔同做買賣等等。有啲要速戰速決,有啲要慢慢煲。

正如煮公仔麵咁,水滾,放麵,攪兩攪,熄火,快手快腳放調味粉,又攪兩攪,整勻 oD麵同調味粉,倒入大碗,食。

又正如有啲客,一就一,二就二,講過算數兼夠爽快;但亦正如有啲爬街客,X,衰 # 過英國佬,要扭盡六壬,要慢慢「煲」。

又好似炒牛肉、羊肉片咁,燒紅隻鑊,落油,然後倒啲料落去,快速係咁兜數下後,上碟,食。

而整鮑魚,就絕對唔急得嘞!小弟幾年前曾試過將 oD鮑魚放入煲裡面煮,用齊猛火文火,結果,唔知點解越煲,oD鮑竟然就越實!失敗。

今次,o騎 o騎~ 成功整鮑品嚐之過程做法如下:

首先,拎啲乾鮑魚出嚟洗一洗,然後用水浸,浸七至十日 (其實四、五日都 okay~)。我今次就由上個月 (十二月) 嘅18號浸到23號,忍唔住,出手郁咗佢哋~

浸呀浸,浸夠嘞,到23號晚,將佢哋擺入真空燜燒鍋個煲入面,倒水至浸過晒啲鮑魚再多大概三分之一,跟住,留意嘞,先用猛火煲十五分鍾,然後轉用文火再煲十五分鍾。之後,即刻連鮑帶煲擺番入去個真空燜燒鍋度燜 (長氣提一提,真空燜燒鍋係唔駛用電嘅。)。

到第二日 (24號),拎番個煲出嚟,用中火煮十五分鍾,然後又即刻擺番入去個真空燜燒鍋度繼續燜。如是者,重複呢個做法三至五日 (見圖二)。

到到27號,將成隻大肥雞放入去個煲入面 (加金華火腿片更佳),勁煮個零鍾後 (要注意嘞噃,喺呢個時候,要補加番些少水去煮。),又再放番入真空燜燒鍋度燜多一日。

28號晚,食得?食得!食!

食嗰時,有兩種食法~ 清新口味同傳統濃馥口味。清新口味好簡單,就係唔將啲鮑魚雞汁打茨,直接上去食。我爸爸媽媽要健康要原汁原味就用呢鍾食法 (見圖一及圖三。順帶一提,大家睇,小弟煮到oD鮑魚中間糖心啊!勁哩?!Heee heee!)。我就食打茨嘅傳統濃馥口味 (見圖四)。個茨汁好易攪,將兩茶匙蠔油加入半湯碗多啲嘅原味鮮鮑雞汁度,然後再落生粉 (已用水溝好) 溝。溝勻後,倒落煲度用慢火煮,滾後落件大鮮鮑度,攪掂!呵呵呵~ 郁佢!

剩下嗰一整鍋鮮鮑汁伴大肥雞,wa~~~~~~ 保存好,用嚟做餸、撈飯一流呀!

子曰話唔食就假
子曰話食色性也
子曰話整鮑試下
子曰話好好味呀~~~~~~~ Posted by Picasa

34 comments:

Anonymous said...

好似好好食咁喎, 下次請我同aulina食啦! :)

梁巔巔 said...

Heee heee~ 梗係好食啦! 多謝讚賞! ^^

"下次請我同aulina食啦!"

冇問題~ 叫啤啤熊 --------> 佢負責洗碗執檯~ 呵呵呵

樂遊 said...


阿巔鮑魚

Anonymous said...

梁公子,你竟然講得出以下的說話:

"冇問題~ 叫啤啤熊 --------> 佢負責洗碗執檯~ 呵呵呵 "

--->梁巔巔,無人性﹗嗚...嗚...

你有野食唔預我?哼...

弊﹗--->又流口水 >___<

Anonymous said...

mad dog... 我有時真係有得食架... 公司頂樓有個貴價(都係$45 per head 咁大把,所以你話你地$3x一碗粉幾鬼貴!)「員工餐廳」,每年都會做一兩次promotion,做冬果日真係剛剛食完,冇咁大隻,但係都係乾鮑囉...

Anonymous said...

aulina: 員工餐廳當然係比街外既平啦, 銅鑼灣$30一碗粉基本上算平啦.
LDD就happy, 我響屋企過節既話, 可能食罐頭鮑咋!

梁巔巔 said...

樂遊兄: 多謝讚賞! :)

啤啤熊: ai 吓我啦)))))) ai 吓我啦))))))

柯蓮娜: $45 per head 食飯, 仲要喺 KB, 咪貴咯!!!!

"冇咁大隻"

Heee heee~

Mad Dog:

"銅鑼灣$30一碗粉基本上算平啦."

冇錯! 其實觀塘亦唔平得去邊!

"我響屋企過節既話, 可能食罐頭鮑咋!"

呵呵呵~ 好過冇~

Anonymous said...

丫, 剛剛有人話我知觀塘食碗越南粉貴過呢間架.
果D罐頭鮑仲係大過我隻眼多D咋!

梁巔巔 said...

觀塘連其他嘅食肆, 最多都只係平過中環幾蚊!

"果D罐頭鮑仲係大過我隻眼多D咋!"

罐頭鮑係咁 ga 喇! Heee heee~

Anonymous said...

巔巔你好懂得吃耶!

Anonymous said...

點解觀塘會咁貴?

梁巔巔 said...

Wow~ 我啱啱喺妳嗰篇留言!

喎都唔知點解觀塘會咁貴?! 但真係好唔抵!

証明 oD大地產商吸血鬼冇人性! セ Q 都畀佢哋炒高晒!

梁巔巔 said...

小雨: 又懂得弄又懂得吃! 巔巔 <--- 好男人!

xiao zhu said...

我識嘅男仕多數都好識煮,真係好!

梁巔巔 said...

妳有機會都學下好喎~

^~

Anonymous said...

鮑魚,我鍾意!
點解你日日都可以UPDATE個blog, 我成個星期都唔得!:)

xiao zhu said...

我不嬲都相信呢個世界係要平衡嘅,既然咁多人識煮咯,仲哂乜我喎?幫手食咪得囉,我有責任幫助維持生態平衡出一分綿力嘛~

收買佬 said...

喂阿老細, 你會唔會搵日請我同風子擦番餐?? :)

梁巔巔 said...

翩翩:

鮑魚最緊要個茨汁做得好!

因為鐘意囉! ^~

小豬:

哇哈哈哈~ 頂~ 高人 ar ha!

收收:

Keee keee, 有機會又有咁嘅緣份嘅話, 冇問題. ^~

xiao zhu said...

"有機會又有咁嘅緣份嘅話, 冇問題"

wei,如果請客,記住唔好厚此薄彼喎:)

梁巔巔 said...

一定唔會搵妳!












因為有誠意到要另外安排一餐只係請妳嘛~ Haaa haaa~ ^~

xiao zhu said...

你話架:)

Anonymous said...

俾個menu你look look,$45我食緊d乜(lunch buffet每天不同):

SALAD BAR
ASSORTED COLD CUTS
霍山石斛美國花旗蔘煲前赤
蕃茄忌廉湯
(served with Bread Rolls & Butter)

是日精選
和豐燒肉汁烤南美牛柳
宮保鮮蝦仁

俄式蟹肉煎魚塊
野菌焗田螺
南乳上素
高湯福果豆腐煮班球
清炒時蔬
冬筍益菌撈麵
煙肉焗薯仔

是日靚粥

ASSORTED CHEF’S DESSERT

(幾時路經探我記住出聲,因為KB同觀塘外面食野真係好貴!所以好少出街食)

Anonymous said...

aulina: 公司有canteen就好多時都食canteen野架啦. 我地以前都會. 宜家無嘛, 咪食足咁多年街外野囉... 喂, 質素ok嘛? 你咁遠, 如果有機會, 話你知! :)

梁巔巔 said...

柯蓮娜:

嘩! 菜單好正好豐富真係! $45, 抵! 貴公司果然體貼 (要妳哋肥肥白白~ Heee heee) 同以大 ar ha! ^~

"(幾時路經探我記住出聲,因為KB同觀塘外面食野真係好貴!所以好少出街食)"

係咪先~ 多謝晒呀~~~~~ 柯~~~~~ 蓮娜~~~~

Mad Dog:

一齊搵佢 "擦" 番餐! ;)

Anonymous said...

質素ok啦,唔使同人爭囉... 有時有好野真係好想影低。

閒日(即係大家返緊公)先有,真係咁啱咪約囉,特登就無謂喇!

(放心,玩簽單扣糧,不收現金,有機會真係可以坐低慢慢食,明入我數)

梁巔巔 said...

"有時有好野真係好想影低。"

喂, 影嚟睇吓呀! 好好奇!

"閒日(即係大家返緊公)先有,真係咁啱咪約囉,特登就無謂喇!"

咁梗係~

"(放心,玩簽單扣糧,不收現金,有機會真係可以坐低慢慢食,明入我數)"

Heee heee~ Yum Yum~

Anonymous said...

wah... aulina, you're so lucky. that menu is really good.

our canteen provides "a la carte". it's not expensive, but the more popular items will run out if we get there just a teeny bit late! >_<~~

mad dog said...

嘩, 好呀, 搵日丫!

梁巔巔 said...

係咪講真先~

但好難約~

隨緣 la 唯有~ :)

Hyacinthus said...

唔係掛,食晒???
重未過年已經”大獲”,過埋年?
哈哈,咪向47.5大關邁進???
下回要改口叫”肥婆巔”啦 ~ 

梁巔巔 said...

太大隻, 大過拳頭好多好多! 食一過已夠, 其他雪好再慢慢嘆!

"下回要改口叫”肥婆巔”啦 ~"

絕對靚仔~ 

收買佬 said...

>Keee keee, 有機會又有咁嘅緣份嘅話, 冇問題. ^~

你講咁虛幻做乜? 你肯請我即到.

梁巔巔 said...

-_____-