今日清晨有頗大煙霞。但好明顯 feel 到係唔健康嘅煙霞。。。。唔係自然嗰種。天色仲陰陰、暗暗。天陰陰、灰暗暗。

Huh~~~~今個星期又會如何？

一切順利！

Hooo~~~~ 喺屋企嘆住冷氣，吃着三份自己整嘅火腿炒六成熟鷄蛋三文治，飲品係維他奶；貝多芬嘅田園柔柔喺自己四周飄吓飄吓。。。。噢~~~~舒服~ 縱使忽然唔知點解有隻他媽的曱甴仔喺不遠處躝過，仍無損我盡享剛才那刻的閒情。

在家千日好。

隔夜飯餸也好好味

最近發覺自己唔知係咪犯賤，有新鮮煮好嘅飯餸唔係咁啱食，enjoy 咗食隔夜飯、食隔夜餸同飲隔夜湯。有冇發覺 oD嘢隔咗夜呢，零舍入味嘅。有時衰到新鮮熱辣煮好嘅飯餸反而唔食太多，但番煲後咯喎。。。。kee keee~

而家情況仲越加嚴重，好似越隔得耐就越正咁。仲有，有時又會幻想自己係古代嘅乞兒，將 oD冷飯餸汁撈落個大碗度，攪呀攪~ 攪呀攪~ 然後好滿足咁大啖大啖食。有次呢，。。。。仲帶咗隻膠手套嚟。。。。

隔夜飯餸好食到彈起身~ yum yum~~~~！！

好正！好有味道！好好睇 (雖然有 oD oD情節稍為悶咗少少)！前前後後已睇咗好多次。首主題音樂更是錦上添花！

教父系列當年一出全三集精裝禮盒版，我梗係立刻要 "科水" 將它擁有啦！呢 oD經典，梗要有套看門口。 鍾意幾時攞嚟睇番都得！

http://www.amazing-box.com/bbs/uploadfile/2005-7/the_godfather_love_theme_from_the_godfather.mp3 (Musics: Love Theme from The Godfather)

http://dgz.hpe.cn/dgzebbs/upload/f564525783061981.mp3 (Music: Speak Softly Love by Andy Williams)

昨天讀到星島一專欄，那作者說他的一位朋友在去完 "廸士尼試玩日" 後，有以下感想 (總結) : "好似去荔園咁！" 哈~ 呢句真係好正！正如作者所講，一嘢就已把全部的失望和不滿囊括其中。

本來已對香港廸士尼沒有甚麼好奇及寄望，現在依然。反而好似那作者一樣，唔知點解突然有 oD啩住荔園！

應該如此。。。。

最近有認識與不算認識的朋友，不約而同地感到活得不開心。我希望他/她們都能知道，這是人生必有內容、必修科目。要去做似一個人，那就要學會在春風得意，雄心勃勃時，適當約束着那熱熾已野的心，而不致亢龍有悔；不會以為一切都好像係理所當然！相反，若是失意、逆境時嗎？那就須做到能應付到那些意料之外、失去預算的悲慘一幕幕。

反覆波濤裏，習慣了以堅忍頑強的心去自主，又或以逆來順受去面對。。。。已累了沒有？喂，有時不妨隨波濤逐流，在偶有忽高忽低的白浪裏，試試~ 放鬆自己、放開自己。

管他有多麼的傷心，讓全部隨機隨緣吧。就算要哭，那就讓眼淚盡情落下。在海中流淚，試過嗎？

之後，回頭再望，你/妳會驕傲的說："痛苦中也曾浪漫過。" 然後將淚痕抹乾，揮一揮衣袖，可以充滿自信地，問誰領風騷！

http://njxiaohuawang.net/amuse/music/mp3/We%20are%20the%20Champions.mp3 (Live Music: We Are The Champion by Queen)

我們的香港

無意中發現呢個網。好正！

一切就是那麼遠，又好像這麼近。

若然沒有過去，那會有現在；不把握真實現在，那會掌控未知不定的將來。

"廸士尼綜合症侯群" 嚟料發作啦！今日樂園內竟然有兩間餐廳懷疑發生食物中毒事件！點解呀又？點解又有嘢衰嘅！？

香港特區政府究竟係繼續仲行緊衰運吖，定還是真係無能？！自從由自己管自己之後單單嘢都撞板嘅？！

由一開始，我對"廸士尼" 登陸香港已抱不太樂觀態度。只要看看第一次其作慈善試開式入場日的情況已足以令我們這從少已憧景 "廸士尼之夢" 的一代心酸不已、蒙上污點。

開幕日直到以後不會有任何肉酸醜陋情況發生，係我的盼望。天佑我們。阿彌陀佛。

視覺不安

靚女欣宜喺兒歌金曲頒獎禮2005 "喪" 咀吳卓羲一啖，竟然惹54宗投訴，榮膺今年至八月為止被投訴最多節目。oD投訴人仲話呢個輕咀畫面令人不安，未有顧及觀眾感受及蹂躪男性尊嚴云。。。。oD投訴人有點無聊但睇番 oD相又真係好好笑。佢真係好 "漏"。又直頭好似有姣菌上咗腦咁！

我諗如果唔係 oD人覺得佢冇自知之明及靠關係才可有此機會，相信她亦不致於如此人見人憎吧。

http://discuss.com.hk/viewthread.php?tid=617835&extra=page%3D6

香港女仔真好

今日收到 "喪妹" 寄來一封如此的電郵~

男仕們：香港女仔有幾好？你自己睇啦！唔好成日話香港女仔 "懶矜貴"，但事實上又真係貴得有道理嘛！！！香港與國內女子不同之處：

1.前者識搵錢；後者等人俾錢。
2.前者只想搵一個老公養；後者要搵幾個老公養。
3.前者肯同老公供樓；後者無諗過要供樓。
4.前者無錢，點都靠對手搵錢；後者無錢，香港政府俾錢。
5.前者性伴侶少，花式唔係好曉；後者性伴唔少，花式新招樣樣絕招。
6.前者乾淨淨；後者驚有性病。
7.前者五百呎樓同你慳到似隻狗；後者五百呎樓嫌細唔肯入門口
8.前者大肚返工迫車迫到四圍嘔；後者坐嚮屋企馬桶侍候。
9.前者家庭開支兩人支撐；後者家用唔洗旨意減。
10.前者返工前湊返學，放工接放學，之後仲要去買送；後者送完返學un un腳，嘆茶或者打麻 雀，之後先去買棵蔥。
11.前者辛苦想同老公呻，老公一早去左訓；後者揀定睡衣同pose，老公仲答幾多分。
12.前者 "老公幫手洗碗得唔得？"，老公話你唔賢良淑德；後者洗碗洗咩咁鬼急？聽日洗都仲得。

一位朋友曾經亦寄過封差不多性質的電郵給我，與這個相映成趣。現一同節錄，公諸同好。

綜合住過外國多年再回港，得出一個結論：(不一定適合所有人，但會是大部份人)

鬼妹: 頭髮金
港妹: 拜金、有機心、喜歡跣人一獲金

鬼妹: 皮膚白
港妹: 性格撥辣，頭腦空白

外型：鬼妹：16歲好多已經似26歲 (如此類推再年長下去都係老十年)
港女：26歲好多都仲似16歲 (不過身段極有可能似10歲，而且永恆不變)

討論問題時：鬼妹：會化整為零，逐個point分析嘗試令你接納佢o既觀點。
港女：會化零為整，"無敵歸納法"。。。。即一出口結論便是："總之，係你唔o岩啦！"

約會打扮自己：鬼妹：希望男友會讚許自己動手悉心化的妝及親自 set 的頭。
港女：希望男友會認同自己去o左中環 Orient 4 或 La Salon 比o左個 HK$1,XXX seto 既頭。

禮貌：喺個 party 就算唔識，你同佢 say hi~ 鬼妹：對你無好感，都同你微下笑。
港女：對你無好感，鄙視眼光望一下你，即刻寧轉面。

內涵：鬼妹：基本既歷史，作家，政治，都會識DD，會睇書。
港女：淨識歌手同K歌，唔睇報紙，淨睇娛樂版八掛雜誌。

衣著：鬼妹：舒服就好，不一定名牌。
港女：名牌就好，不一定舒服，要同雜誌 model 中的一樣。

戀愛：鬼妹：大家如有不合，會希望先大家去努力改變，不行才分開。
港女：男友要為我而改變才叫男友。

性：鬼妹：享受，交流 ，好多花式。
港女：交貨，傳教士式 ， 乜都唔識，"你射得未呀？"。

運動：鬼妹：至少識一樣。
港女：至多識一樣，打牌。

是非是耶，自行判斷囉。呵呵呵！。只有兩句：公道自在人心；一竹篙不能打一船人的啊！

Viridian Room

有冇人知破解攻略？點樣可以攪掂呢個 game？

我玩咗好耐。。。。真係，人都癲吖真係！


http://www.fasco-csc.com/works/viridian/index_e.php

今朝起身。。。。哎唷唷。。。。個頭痛到吖！而且狀態亦都冇 oセ。唉~ 唔係啩？尋晚喺卡拉OK度飲咗6杯白酒 ja 喎，點解咁？！以前 "清" 成枝 vodka 都冇問題，而家就攪到咁。。。。真係不復當年勇囉。另外，缺少做運動我估都係原因之一。冇做運動個人真係弱好多！

記得蔡瀾同倪匡講過，話人每樣嘢都有 quota。今日，我終於可以肯定，我飲酒嘅 quota 己經完全用完。

唔怪之得我近年瘋狂愛上朱古力啦！

記得以前某雜誌專欄所寫的一些感想，覺得蠻有意思。並加了點個人感想意見。一起節錄如下：

女人
不吃飯的女人，這世上也許有好幾個；不吃醋的女人卻連一個也沒有。
當一個女孩子說要氣死你的時候，她的意思往往是表示她很喜歡你。
女孩子說沒有想什麼的時候，心裡一定有心事。
無論一個人是天生機敏，還是天生勇敢，都不如天生幸運的女子。
女人看到自己喜歡的東西時，就看不到危險了。
女人若是有心跟你鬥嘴、找麻煩，你最好不要出聲。

男人
男人就像孩子，你要他聽話，多少也得給他點甜頭吃吃。
一個男人若將一個女人當做朋友，往往會忘記她是個女人了。至少，他對她那一點的愛意都沒有。
也許每一個能討女人歡心的男人，都難免有點睡眠不足的。
男人的眼淚，有時比女人的還有用。
酒後吐真言？未必一定。有時酒後講的假話大話更真。
要知一個男人是否愛妳，跟他造完愛妳便一清二楚了。
要知道聰明的男人，總是會選擇很適當的時候來裝裝傻的。

友情
世上唯一無刺的玫瑰，就是經過考驗友情。
朋友相聚，若然杯中有酒，豪氣頓生。
一個人如果能把他的感觸和他的朋友們共享，縱然無酒，也是愉快的。
一個人往往會在最奇怪的時候、最奇怪的地方，和一個最想不到的人變成朋友，甚至連他們自己都不知道這種情感是怎麼來的。

愛情
人生的初戀只有一次，就正如死亡也只有一次一樣。
世上若只有一件事能洗去人們的憔悴，那就是情人的淚。
深愛着妳的人，眼睛不說謊。
原來能為自己所愛的人吃苦，竟也是一種快樂。只是世上有幾人能享受到這種快樂。
人為什麼總是對自己已得到的情感不加以珍惜，卻在失去後再追悔呢？而這種痛苦，本來就是人類最古老，最深遠的痛苦。
愛情不是佔有的，而是供給、包容和犧牲的。

Hoooo~ 好耐冇唱卡拉OK啦。。。。仲要係唱大廳、 live 喎！個主音兼 keyboard 手會隨你的 key 作出調校，好適就住你。但我嘅水準當然唔駛佢就。Janny姐姐 & Tommy哥，勁哩？！Goodnight！

JJ話我把聲好靚喎~~~~ heee heeee~

*呢位主音嘅 keyboard 技巧好勁哩！

昨晚妙手仁心III有一幕幾有意思。

男主角遺留了手提電話在車內，只好不大願意暫時遺下女主角留在一間品流複雜的 bar ，返回附近泊車的地方拿回。往返時，見到 bar 外有警察，他緊張的沖入裏面，赫然看到女朋友的手袋竟丟在地上，於是他便罕有生氣地質問他們剛入內時曾 "撩" 他女友的流氓，却被流氓推倒在地上。

他們回到家後，女的問他為甚麼那麼緊張，他答到因為以往曾與他交往的女朋友最後都會慘死，所以才會如此。

"可以的話，他曾好想祈求神靈能保祐她。但如果神靈真會這樣做，那就表示真的會有厄運力量去傷害她了。他不知應該做些甚麼"

另類在愛情上的兩難。及，感性得來又來得理性。

http://www.newagecn.com/newage/audio/haishi.wma

阿當史密斯在18世紀的1776年於他的 "國富論" 提到，當時中國的農耕技術與500年前馬可孛羅所記載的幾乎完全一樣 (詳見2005年9月1日信報) 。亦即是說，從元代到清朝，中國人均 GDP 幾乎沒有任何增長。

試想想，當時的中國 (乾隆年間)，人口已達４億，亦已是全球人口最稠密的國家，但農耕方法却出奇的沒有甚麼進步，那怎可能提供足夠糧食去養活自己。怪不得打從乾隆中期以後便內亂頻生，其中農民吃不飽是其中重要原因之一。

要令到收獲更有效率、更豐盛，那就一定須要技術的進步。技術的進步必定是科技 (英國的工業革命)。但一有了科技，那就必然會有負面的影響，如機器運行所產生的廢氣污染；塑膠袋的發明。要注意的是，起初這些發明及發現，其出發點都是好的、正確的。他們並不知道原來會有那麼嚴重的反噬。再說，就算知又怎樣？時代巨輪根本無暇去讓我們慢慢細思。因為一時的歲月裏，我們根本無能、無法找到其他兩全其美的事物方法去代替。

人類的走火入魔行為 (詳情參閱拙 Blog：八月二十號，時辰到篇) 當然責無旁貸，但試想深一層，或許這根本是無去阻止、避免那時代巨輪所推展到極至的事。不加快禽畜農作物的生長嗎？那怎可追得上人口飛快的日益彭脤；不發展核能嗎，那怎可為我們提供無限能源？有科技，就會有人為疏忽和人為的錯誤。

上天不知道的嗎？主宰，衪呀，只是把這個世界的每個故事編好。然後讓它、看着它一件一件上演。

人，只有萬事要做到孔子的中庸之道才可自保，才是永恆之理。問題係，要做到中庸之境，談何容易。而且，聖哲的人，在這世上所佔的比率，又有多少？更何況，孔夫子仲尼都還未達聖人境界啦！


http://www.ztez.com/outer/art/music/7.mp3 (Music: Ludwig Van Beethven~ Nr. 5 c - moll op. 67)

今晚新聞報導了廸士尼作第一次慈善開放入場。並播放了園內園外情形。。。。

鐵路載客的情況；入場處人群的情況；園內餐廳遊人的飲食情景 (跟香港商場 food court 的狀況一樣)；機動遊戲的排隊情況及其他種種。

我突然不知為何，心裏一酸，酸了良久。

好想把這感覺說出來："我心中的禾路廸士尼樂園不是這樣的啊！"


http://www.chinafanyi.com/study/listening/english%20songs/children%20songs/It's%20asmall%20world.mp3 (Music: It's a small small world)

一些點滴

小學同中學嘅時候我覺得有幾樣嘢好 high、好好玩、好記得仲好 enjoy 嘅~

1. 開學第一日嗰種新鮮感。有一種 hoo！從頭嚟過、新的開始。由乾淨再污糟過~
2. 估邊個係班主任。如果係個 "正" 嘅做，佢入嚟嗰時就：好嘢！但如果係個出名衰嗰個做呢，。。。。反應係前面嘅相反。
3. 估邊科邊個教。但由於範圍細好多喎，冇估班主任嗰種快感咁 high！
4. 考試前後嘅早放。比多oD時間我哋温習，我哋真係好識做嘅。去好多地方 "温書"！
5. 派測驗及考試卷嘅嗰陣。如果嗰科大家成績好嘅。。。。就好啦；如果係衰咯喎，呵呵："X，你40幾分 ja，我成30幾呀！"；隔離附近嗰oD 就話 "好勁？我20幾都未出聲啦！挑！"； "嘩！你哋痴線 o架！咁高分嘅？我得10華幾 ja！"； "邊個夠我勁？！我得8分。" 大家喺度鬥低。明明應該唔開心都變開心！好 high 嘅真係！但曾經比個阿 Sir 話我哋冇咩廉恥。
6. 抄功課。抄完要唔比 Missy 阿 Sir 睇出oD 功課係抄番嚟，就要抄得夠醒有技巧。過到骨嗰種快感好他~~~媽的爽！
7. 唔駛講梗放假前嘅 holiday mood 啦！尤其是係oD放嚫就10幾日嗰oD。暑假就更加不在話吓。

你呢？你的美麗回憶可與我一樣？

Get Tough With Life

呢派又見到oD學生哥哥姐姐番學個樣~ hee heeee，好過癮好Q！尤其是oD小學生，着住件校服揹住個同佢自己唔成正比嘅大書包，但竟然仲能夠嘻嘻哈哈紥紥跳噃。Yo！嗰種生命力真係同曱甴有得 fight！每次見到oD細路，我都會不期然同自己講："你睇，世界仲係有彩色 o架噃！"

提到曱甴，諗起前幾晚坐喺 "梳化" 查緊字典嘅時候，忽然出現一隻 size 一般嘅貨色，見到後梗係即刻 take action 起身做嘢啦。於是就拎咗幾張廁紙整一叠厚嘢諗住 "噤" 死佢 (點解唔用腳？因為我有潔癖嘛。如果踩死咗佢，咁咪要自己落手落腳去洗鞋？！)。嘩，足足狙擊 "噤" 咗六、七吓先得手。跟住就連張 tissue 掟落廁所，然後順便小便慶功滿意一吓先沖水啦。點知勁呀，隻老兄竟然躝番上去張已濕咗嘅廁紙上層。。。。仲未死晒喎！強到吖。。。。

結果我最後冇沖到水。我對住佢話，唉，睇你造化啦。

連一隻曱甴也都如此為生命而去拼到最後，我哋做人嘅又何以堪？！又怎能輕易放棄自己。

http://spazioweb.inwind.it/lionluca/mp3/Rocky_IV_Training_Montage.mp3 (Music: Rocky IV~ Training Montage)

記得電影 "嫲嫲帆帆" (個戲名好似係咁寫) 裏面袁詠儀飾演的嫲嫲講過一段對白, 大意是每煮一頓飯，它的真義是甚麼？~ 是希望藉着吃一頓家的飯，看見一家人，一家至親，齊齊整整、開開心心的相聚在一起。

醉翁之意不在食；在乎彼此之能歡聚一刻也！

幾年前自己識煮嘢食，故此才知道煮完餸之後通常都沒甚麼胃口吃 (大概係由於煮餸時已被油煙弄得胃口也 "滯" 了的原故吧)。就更倍加感到媽媽及以前還健在的祖母真偉大！！