工作地點要講 Feel~

一向唔太 mind 交通費會幾貴，Feel 先係我 care！

番工地點，好緊要！

在我嚟講，以前九龍東面，即係喺觀塘同九龍灣等地點嘅工一定唔會諗唔會做。港島東面，唔好話太古同鰂魚涌，即使係銅鑼灣同灣仔亦好麻麻好勉強，要睇待遇。

最鍾意中環、金鐘、西環、葵芳。

而家，冇所謂咯~

人浮於事。

。。。。

嘻嘻！不過，如果可以番北角，仲正！在我嚟講，正過晒中環同金鐘！

無敵國片

大決戰的三集都很好看，但當中劇情大多已忘了。

也沒問題，它的劇情 (應) 大多都照著事 (史) 實，當然，裡面將共產黨再加美化，把國民黨更加醜化就自不然在所難免，理所當然。

在平津戰役的其中一幕，就更可體會得到。

話說國民黨一眾敗走，逃路上，糧草已盡。忽見一小群路過平民領著幾十頭馬匹，國軍於是便二話不說，發動手上機鎗將百姓的財產~ 馬匹全部射殺，以為糧食充飢。

這一幕還算了。之後飾演國軍的還猙獰著用刀將已死的馬兒既劏且切，又割又砍，血淋淋。。。。好詳細。也描繪了好久。

鏡頭立即一轉，一個歡樂洋溢，生氣蓬勃的農村，男的耕作畜牧，女的織衣燒菜，百姓們都安享家園。與他們打成一遍的，並相互相助如魚得水融合一體的，是共產黨。

好 Hard Sell！但夠直接！夠抵死！雖然過癮惹笑！

要一提的是國民黨殺馬一段。

國軍圍射馬匹，再斬割馬屍取馬肉，大家必要知道，那些都是真馬，也是真殺馬，亦當然是真刀將馬肉斬割。

換了年代換了地方，防止虐畜團體及其他有關團體一定大反對大抗議！不過，是中國呀！還要是國片呀！就算是現在，我肯定一樣會那麼真！

國片，此乃連荷李活都比不上的地方！也是最真的地方！

記

記一

「建国大业」來勢洶洶，不知是龍是蟲。有時間會去看 (最近已錯過了孤疑)。很久之前，兒時看過的「大決戰」 (共三集) 就非常好看！裡面的人物個人認為最像歷史內的真身。

最近在珠海重看到「大決戰」的其中一集~ 平津戰役，有一幕現在看才懂得笑，才會笑。明天會說說。

記二

最近一連看了多場本地及外地的演唱會 DVD，外地的不說，本地的，我覺得鄭秀文 (尤其是她的07年演唱會)、草蜢和杜麗莎林子祥的最好看。

最悶的，竟是左麟右李！要特別一提的是我年輕時的偶像譚詠麟，唱得我頂不住！

記三

香港的交通費，噓，他媽~~~~~~ 的貴！一張百多二百元的八達通，不用六天，已所餘無幾。。。。

香港是福地。是的。但也不算是福地。看從哪角度看。

記四

自從「他」上任之後，我想講很久的喇！以後，那些電台電視台的人可以名正言順，理直氣壯講粗口喇！

鳩山由紀夫！鳩山由紀夫！鳩山由紀夫！呀哈哈哈哈哈哈哈哈哈哈哈哈！！！！好！

上線下線

地鐵的彩虹站至觀塘站 (尤其是彩虹及九龍灣) 這幾個站，相信不少人，包括我在內，不時都會想，如果從中環開始，到底是走上線快還是從下線去快呢？

經過我這幾天的留意，如果上線的旺角和太子人多的話，下線會較快一點點的。

之不過，下線有樣事情真的非常莫名其妙！那就是在早上，在油塘轉車時，對面的車又是剛到，又少人，但卻不會等同步到達，要轉車的乘客！

奇怪！氣頂！

港鐵，不要只服務巨富啦 (如最近在康城站上所作出的安排)！你收那麼貴，也同時為一下廣大市民服務好不好唧？！

留得青山在新譯

唉，不久前，一位唸大學時的師兄自殺走了。聽講，是由於生意失敗。。。。無論如何，點解咁唔珍惜生命呢？！

自殺原因有好多，但好多都唔駛去到自殺！為工作而自殺就更傻，更可惜。像屈原，多傻！
講吓我自己嘅心得。

老闆，上司，唔駛旨意亦唔好冀望改變佢哋，嘥氣體。所以，唯有亦只能夠做嘅，就係改變自己嘅心態。

如下：

有賭未為輸，希望在明天：一日未死，仲要加咁後生，大把世界啦！而且，啲偉人好似姜子牙、勾踐、希特拉同毛澤東咁，都係衰咗好多次先理想達到 (仲要係每次都衰到好貼地嗰種)，我哋雖然係凡夫俗子，但都冇理由衰一次或幾次就自己攪掂自己咁蠢！再講，您又點知自己唔係偉人呢，如果您咁快自己 Game Over 自己嘅話！

唔要蝕本：老豆老母揼咗咁多金錢心血落自己度，就咁死咗佢？！喂，唔抵喎！

誓死頑抗，戰士撩揪：拎番自己喺屋企您駁老豆老母嘴和喺學校同阿 Sir，"Missy" 攪對抗嘅鬥心出嚟，同啲令您感到絕望嘅仆街老細，上司抗爭到底。老友，係佢哋攪您，對您唔住咖嘛，咁有乜理由死嘅係自己？！即使唔咁侵略性唔咁撩揪格，唔攪對抗，被炒算數或自己唔撈，咁，起碼要自己活得更好！對住自己憎嘅人，第一首先要自己活得好，跟住先可以活得比佢好，再跟住先能夠山水有相逢、睇佢點死、仇未報只係時辰未到。

貴族氣質：貴族，死後要有陪葬嘅。佢哋未死，您死嚟做乜？！

心要黑：想死嗰陣 (或平時) 只要諗，大把人折墮過我啦 (事實又係真嘅)，人哋都唔去死，仲積極咁去面對去 fight，咁自己點解唔得？！我以前有個朋友，佢條命，搵一次錢呢，就會仆三次 (約數) 咖嘞，但佢仍然笑住話：「咁都好過有 oD人冇得搵都照仆吖！」See？！在乎觀點與態度！

阿 P 精神：P 喺 Q 之前。東家唔打打西家，天生您才必有用。啲老細，上司唔識欣賞您，係佢哋嘅損失。大家記住啦：「係~ 老闆/上司，你有權選擇我；但老闆/上司，我都有權選擇你~」

貪得無厭：只要諗吓，您嘆夠喇咩？！死咗之後，咩都嘆唔到咖喇。冇酒飲冇煙食冇機打冇拖拍冇 K 唱冇 Blog 寫，好冇意思啫？！仲有，自己仲有好多嘢未玩過未試過，死咗佢，咁，您對唔對得住貪心？！

唔係一了百了，有手尾跟：梗係唔係您啦，您都自殺死咗咯假設。講 o緊嘅係您啲屋企人。知唔知處理呢啲嘢係好煩嘅一回事？！要到現場認屍去落口供再攪一大輪如喪禮出殯等等等等，故此，只要掉番轉頭想，就自然會明白。而且，您父母仲大受打擊而病倒，重則仲可能會神經失常。您自殺死，一世。但您父母呢，仲有大半世！！！！

最後，試吓咁諗啦，人，千祈唔好只得單向思考。根據心理學統計，大部份自殺的人都係屬於這一類人。例如，如果財閥四眼超人係呢種人，佢會點走上自殺之路呢？佢會諗，我而家七十幾歲先得嗰幾百億身家，又禿頭又唔靚仔；蓋茨而家先得嗰四十幾歲，就有千幾億美金家產，仲要冇禿頭兼靚仔過我。。。。我都係死咗佢咯。

總之，一切在乎觀點與態度。要做屈原抑或范睢，大家識諗啦！

記住，山水有相逢君子報仇十年未晚仇未報只係時辰未到留得青山在那怕沒柴燒臥薪嘗膽活得比佢好皇子復仇記莫欺少年窮柳暗花明又一村苦盡甘來行到水窮處坐看雲起時大器晚成，都要珍惜自己，珍惜生命先享受到！！！！！

性用品商店有感

國內同香港，各方面的距離越拉越近。而香港同國內呢，好多方面卻越拉越遠！

有樣東西，國內肯定還進步過香港！是甚麼？

就是思想比香港大膽前衛！何以見得？在國內，成人性用品商店，隨處可見，且門面大方。香港，除了少之又少，更鬼鬼祟祟。

這令我想起，連星加坡也有賭場，香港，不要說賭場了，記得當初卻連賭波也要歷盡艱辛才過得了關！唉，香港愈來愈缺乏競爭力、魅力，香港那群道德塔理班假衛道之士，實在要負上一大責任！

好味老公餅

原來，有老婆餅，仲有老公餅咖喎！

老公餅，酥而鬆，硬過老婆餅 (果然係老公餅呀吓)，甜中帶鹹但味道唔怪。幾好味！個人鍾意佢多過老婆餅。

老婆餅體積比老公餅大。。。。可見女人其實一直都強過男人。有物為証~

喺香港唔知有冇得賣？圖中呢盒係喺澳門買嘅。

浸淫

老一輩的人說得對！相信甚麼事都需要浸淫，所謂熟能生巧，與異性相處如是，寫作如是，做人如是。「做官更如是！」

當然，其中天份固然更重要，但若缺乏浸淫一關，終究未能成大器。就拿寫作來說，任您天賦再高，但如果從沒浸淫在文字裡，那寫出來的東西一樣會慘不忍睹。又如做人，即使天生世界仔，但若沒經過浸淫，那一樣會流於庸俗，甚至人見人厭。(那，做官呢？下面再講。)
暴殄天物的，是空得一副美不可擋軀殼的美女俊男。

我認識的俊男美女算好多，尤其是美女，沒錯，他們大都很會穿衣服，襯得很好看，但卻只懂得穿名牌，亳沒個性可言。要命的是，當中不少，女的只會講八掛新聞是是非非，男的只會講股票投資的事，彷彿人生除了這些便甚麼也不存在。

而最暴殄天物的，是做官的更是一眾香港官員。當中，當然包括特首。好奇怪，這群受過高等教育，有著優秀社會地位，平時談吐儀表優雅，衣著官仔骨骨的香港官員，高學歷有內涵了吧，但他們的嘴臉德行 (至少給我們看到的)，卻比無知潑婦、撒賴痞子及賤肉橫生豬肉佬更難耐百倍！回想看看之前入了閣的李國章、還是政府官員時的馬時亨和王永平！又看看現在的在位者，特別是梁振英及唐英年！

可見，原來，浸淫，更重要的著眼處是浸淫在那裡。如前所講，浸淫內涵固然重要。而另方面，先天不足，後天污染，不浸淫，培養出貴氣風骨，誠心正義，即使學位再多，嗜好品味再多再高尚，儀表衣著再優雅，官職再高，但淪為人肉混沌撈油水渣滓，出賣自己，出賣良心，毫無自我，嘴臉脫胎換骨異形變，那，一樣可憎可惡。而且，更糟的是，前所述的繡花枕頭只暴殄天物，但後者不單污染人世，更會禍害人間！

真正的美，真正的吸引，真正的令人「致命」，是須要浸淫的，包括裝扮。但更重要的是要學會談吐，學會看多點書，學會不時懂得反思，學會培養屬於自己的真我個性風格，散發獨一無二的風采氣質，才能夠使自己不但百看不厭，更能夠使人感到自己越相處越有味道。男人，女人，都亦一樣。

至於，做官的呢，唉，不要再浸淫在「如何做一個狗官鄙人」了！做像回一個人，一個官應有的樣子吧！我們不需要文天祥、史可法、譚嗣同這般風骨忠烈，但見現在全部都是陰陽怪氣的太監的他們，若有如韋小寶一類，也可造福不淺！我們也阿尼詰諦！

地鐵驚魂 (七)

上個星期四下晝喺旺角地鐵站搭 o緊自動電梯嗰時，奇景呀！就係難得個個都企喺右手邊！咁掂呀香港同胞突然間！

對於我呢個急而快嘅人嚟講，簡直讚嘆！之不過，喺我跟喺後面嘅女人一路拾級而上到一半，零零舍舍有個阿婆凸 Q 咗出嚟，妖！妖嘅係個女人唔開聲叫個阿婆讓開喎！同 o埋，我想出聲但前面嘅女人又左左右右咁「貢」嚟「貢」去！最妖係有對 o靚仔 o靚妹情侶開口同個阿婆講：「婆婆，麻煩妳企入嚟啦！阻到人喇！」嘿，點知個阿婆冇照做唔單止仲口噏噏咒 Q 個 o靚仔喎！

於是，喺冇幾耐我上到頂之後，同個 o靚仔講咗句唔該。本來，我諗住 X 鳩個阿婆，但諗諗吓，啲阿婆 X 咗冇用咖噃！所以，慳番都係。

唔怪得而家啲細路咁唔掂！梗係~ 有咁多呢類阿嬸阿伯長輩做樣帶壞晒！唉~

金曲迥響

真係好正！



南風又輕輕吹起 吹動著青草地
草浪緩緩 推來推去 景色真美麗
夕陽也照著大地 綠草披上金衣
草浪夕陽 連成一片 真叫人著迷

每當我經過這裡 忘掉一切憂慮
還有一條青青小溪 伴著青草地
順著小溪看下去 木屋站在那裡
那是我溫暖的家 我住在那裡

中環木人巷

中環，有一條木人巷嘅！大家知嗎？

喺中環皇后像廣場和太子大廈嘅地鐵站出口，個人認為係最靚嘅地鐵站同地鐵出口。

但係有好多時，嗰度附近都有一美中不足嘅地方。

相信喺嗰度出沒嘅人，都會知道嗰度 (地鐵站) 同太子大廈中間有條好優雅嘅小路，前後分別通往匯豐總壇同海旁。通往海旁嗰段，成日都有好多攤位，好似信用咭、入會、關懷老人家、關懷愛滋、助養兒童等等，佢哋會向路過嘅人好似少林寺嘅木人巷咁左右先後試攻、輪攻、夾攻。。。。係避唔到咖！

就當我冇愛心啦！久而久之，我發明咗兩招可以令佢哋一嘢即退！

一，佢哋一走 o埋嚟，就用好重喉音 + 鼻音嘅發音講一句：「What？」(講句 What 啫，練吓啦！您哋得嘅！) 實驗証明，原來好多香港人係嫌講英文煩嘅~

二，直頭聲都唔駛出，聽住 mp3 or mp4，指指個喉嚨，皺一皺個眉頭，攪掂~

呢兩招，特別係第二招，好 work 嘅！大家不妨試試。

巴士一談

大家有冇覺得，九巴好靚好豪華，座位最舒服冷氣最夠！城巴都幾好。新巴就至衰！X 那星污糟邋遢，週不時仲有「浸」臭味 tim！冷氣又成日唔乸夠凍。

平時啲垃圾冇清理唔講嘞。有一次，誇張到喺上層嘅電視位度見到有個大蜘蛛網，仲有隻幾大隻嘅長腳蜘蛛 tim 呀 X！又有一次，真係離譜到見到有老鼠！！！！

點解仲好意思收咁貴？！喂，若然好似九巴同城巴咁，我都「啹」啲吖！你老味又臭又污糟又唔夠冷氣但又收豪華價噃，點係波先！

而且，新巴嘅設備亦慳水慳力！其他兩間嘅巴士都有顯示屏，九巴嗰 oD仲有發聲提示 tim！新巴嘅呢，欠奉！

講完巴士 X 完新巴，最後順便講講巴士站。

好鍾意而家嘅有蓋有廣告燈箱嘅巴士站！從實用角度嚟講，既可遮雨又可以擋太陽。從浪漫美感主意角度出發呢，一個個有蓋有廣告燈箱嘅巴士站，點綴咗都市，尤其是喺晚上，更令都市添上一抹動畫式浪漫美感。下雨靜寂深夜，一個人站在巴士站，看著廣告燈箱的廣告，或看著燈箱照係已被雨水濕透嘅地上嘅色光，連孤伶伶都係享受。

美，浪漫，其實隨處喺我哋四周可以搵到。只需有心。

感情雲吞麵

雲吞麵，相信冇人會憎，冇人會食厭。它，代表了香港，代表了香港情。

今次要講嘅係羅富記嘅雲吞麵。

羅富記嘅雲吞麵，講真，名大於實。不過，始終有料到嘅！至少，湯底還算飲得，雲吞夠咬頭，麵算夠嚼勁。當然，相比起麥奀記或沾仔記還差一截。(過兩天會寫寫麥奀記 vs 沾仔記)

那天，羅富記特別好味！因為，我與舊日老朋友好兄弟~ 枯木道人不見六年的再重聚，一口麵一口湯，點點條條啖啖在心頭感情上喉。

對！任何地方，同甚麼人去，才是最重要！當然啦，不要太難吃！羅富記，雲吞麵，廿零蚊。。。。okay 的~

傀儡淚。無恥笑

有些人，特別是政客神棍，比傀儡更可悲。

先講明，我不是泛民的人。

從最近泛民對爭取民主普選的反應和態度，怪不得其他泛民，尤其是民主黨，愈來愈沒用，愈來愈被人看小，愈來愈被人欺，愈來愈被選民遺棄。

香港人都會知道民主的可貴，當然亦希望享受到民主。然而，另方面卻又感到渺茫而表現消極，這，正正是我們香港民主運動的致命傷。而透過一些「激」的行動，可令「民主血液」不會因血管閉塞而停頓。但偏偏，一眾泛民，特別是民主黨的嚴重腐化老化，不單尤如壞膽固醇般阻塞著，有時候，在某程度上，更破壞了爭取民主普選之途 (如其這些年來在立法會的廢貢獻及其最近對社民連所提出的五區總辭的回應)。

我不是任何有背景人仕。

還有一系列外表是人的人之流如某些其他泛民份子、民建聯一眾、梁振英和李鵬飛等等等等，這些混沌的一言一行，都是那麼自然，那麼「真」。那麼抵死。

以前及現在都有一種跑江湖的賣藝人以高超的腹語技術謀生。那些於他們手上的公仔，在他們以幾種不同的聲線演繹，栩栩如生，彷似真有生命一樣。同時，配合純熟無瘕的手法及賣藝人自己的表情，使兩者水乳交融，表演精彩絕倫。

幕前，那些公仔都是那麼開心，那麼得意，那麼「真誠」，而且，更是那麼自然。落幕後，「他」們全歸於沉默，寧靜，變回原有的本質。人生的坎坷，淒酸，「他」們應是半點也感受不到，只因，事實上，「他」們根本是沒靈魂，沒生命，沒思想的傀儡公仔而已。

相比起甘願做為傀儡的人，傀儡公仔真幸福！

甘為傀儡的人，「它」們原有著自己的靈魂，有著自己的生命，有著自己的思想。但是，為了名、利、權、勢，或其他追求的目的，甘心淪為傀儡，完全徹底地做別人的扯線公仔。對不起自己對不起，辜負支持他們的人。。。。每一次落幕，幕後，萬籟俱寂，午夜夢迥之時，自己就在真與假，自己跟尊嚴與靈魂的大反撲的搏鬥掙扎邊緣，此時此刻，必然痛苦萬分，境地也許比無間煉獄的無主遊魂野鬼情況更慘情。

不過，對於某些人，觀其德行，他們不會有以上折磨，因為，他們已傀儡也不是，而是一個個著得光鮮卻金玉其外，一堆隔著保鮮紙或閃閃錫紙的腐肉。

喃嘸阿彌陀佛。

King Ludwig Beerhall~ 濃情自助餐

上星期天記下了赤柱半日遊，現在再寫下那天在它的廣場的 King Ludwig Beerhall 德國餐廳食記。

赤柱本身已是一處優悠閒情勝地，赤柱廣場選址及外觀內貌亦美麗典雅，而這間德國餐廳無論在裝修、氣氛和食物水準均也出色，加上與至親至愛的人一起去，人和地相配合，使一切如魚得水，錦上添花。

King Ludwig Beerhall 逢星期日的早上十一時至下午三時有自助餐吃，成人價錢連加一每位大約HK$180。以那裡的食物款式及質素，合理。

食物都以德國美食為主，如即叫即烤的德國豬手和各類德國香腸。還有自選材料新鮮即煮的意大利粉。熱盤有幾種德國肉類。當然不少得各類自助餐的冷盤像燻三文魚、小龍蝦、蜆、風乾牛肉和風乾火腿等。

驚喜是它各式甜品，好的骰又好味！印象最深是擺在食物長桌上的一個大朱古力噴泉，旁邊放著不同顏色的綿花糖，讓您把它們放進流著朱古力的瀑布，然後甜到入心。

建議大家坐在餐廳室外，風味更佳！不必擔心天氣炎熱，即使是大汗怕熱如我，在它多盞大吊風扇的氣流之下，一點也不覺辛苦。

這間 King Ludwig Beerhall，值得去！其實赤柱廣場的其他食肆，也都有水準。我想以後，會多去那裡走走、吃吃，捉住那天好風光，留住將來好時光，增添人生美好點滴。

餐廳裝修實而華麗。

即叫即烤的德國豬手外脆內韌，肉實而滑，一流！

三文魚新鮮。屬不肥膩一類品種，口感爽又清新！

捉住他她，情人的手，玩人鬼情未了陶瓷現今版~ 愛在赤柱濃情時朱古力 Version，將綿花糖慢慢滿朱古力漿液，與他她互餵，甜在心冧到暈！Everything 都一定 I Do！I Do！

地址：赤柱廣場2樓202號舖
電話：2899 0122
網址：www.kingparrot.com

週日閒情好廣告

我最鍾意嘅啤酒廣告。



成個氣氛，特別係啲啤酒氣泡，配合 Air On The G String，冧！

3As

哈哈哈哈哈哈哈哈哈哈哈哈哈哈！！！！！！！

3條煙重聚喇！！！！

老實和尚，我打了「長途」電話給他~ 木道人~

恆安，葉叡，見字留言喇！

試聽

好書介紹

原來，電車叫「叮叮」不是因為它的行駛中的聲音而得來；三十年代，人力車由中環到西環收三毫子；香港在在1930 - 1932年年間，已有避孕套賣，但那時不叫安全套，而是另有有趣別名；香港曾出現食人太太；還有更多。。。。以上這些有趣倒後鏡資料，可於從電視劇~「香港八幾」系列及電台懷舊節目主持時我已留意的李我，最近所出的「李我講古之點滴留痕」裡得知。

全書用字簡潔又能傳神達意，最吸引我是散發著一股古風講古佬味，恰似透過昔日收音機，今只是以另一種形式講出來的韻味。

講古系列至今已出至第四集，前三集在看完手上的一本後定必買回閱讀。

有種書係當您看著的時候，越看越不想那麼快看完，並且帶您到另一空間，渾然忘我，此書，正是此類。

P.S. 不知小克的偽科學鑑證4甚麼時候出呢？

我的林中路我的版本~ Dasein

不久之前記下，在舊山頂道與地利根德里中間旁的一條偏僻，狗屎滿佈的行山小徑拍下的一張即興照片。其實，那裡的風景是好的，山路亦原始，最誘人是它有著引人的別有洞天的魔力，不得不走，至少要走一轉幾圈。

而又其實，我那天真有踩到狗屎。

。。。。

原來，林中路不一定會有如晚年的海德格在德國南部黑森林的哲學啟發。但我在香港中半山的 Holzwege 已肯定踩到了狗屎。和，拍了您們在看的照片，及現在的文字。

此乃我的林中路我的版本~ Dasein。

嘆息~

各有各路

每種人，每個人，都有一些路，一條路去走的。而每條路，這些路，不一定有高低富貴貧賤之分。例如，就拿我自己來說，我小時候，大約六、七歲，我便申請做小狼隊，但好古怪離奇，一直到到小四都參加不到。後來在父親的一位朋友介紹下，以為終可加入。誰知等了又等，仍沒消息，於是就打去問他。他竟答道：「係！點呀？小狼隊好不好玩？」

XQYZ#$%!!YXQZX#X！

結果，一直到到小六，始終都沒有加入童軍。後來升上中學，那時童 (軍) 心已不再，可能加上不屑吧，也就沒再嚐試參加了。

又例如，我自小便有一副好歌喉，且亦有唱歌天份，但就一直無緣入到合唱團。記得兒時，有一次明明已通過了測試，但卻收不到取錄通知。

但另方面呢，卻由於在音樂事務統籌處學小提琴之故，所以得以順順利利簡簡單單進入樂團。(直是不入也不成。是強逼入的！)

所以，命裡有時終會有，不想有也得受；命裡無時莫強求，強求不到人更憂。

知命。盡力。樂天。

共勉。