醉幻迷離人生是戲: June 2008

Saturday, June 28, 2008

Friday, June 27, 2008

仍然記得嗰一次

仍然記得嗰一次~

寫 Blog 發佈文章時那氹氹轉閃吓閃吓的感嘆號。

文章成功出現在網路網誌上。

有人留言回應時。

在各搜尋器看到自己 Blog 的連結。

妳在搜尋器看到了我的這裡，我們又遇上了。

在您的 Blog 看見您連結了我。

在您網誌的某一篇提到我的某一篇。

在您的 Blog 提到我。

由 Blog 友成為朋友。

我看了您啲 Blog 而認識這精彩的天地，在那一天，再在您那裡看到您連結了我。

您也因為平常看我的 Blog，而您也有屬於自己的一個了。

在 Blog 上認識了您。

雖說舊夢不須記，對！但舊夢只記好一面，不但無妨，更應一記再憶，畢竟人生無常！正所謂~ 有日我若再回頭，笑著說人寰轉變。

試聽

Wednesday, June 25, 2008

衰

衰，呢個字，好廣泛亦好好用。

但最具體最貼切莫過於形容今次呢個~ 衰風！

風都打得衰過人！！！衰到唔恨！！！！！

XQYZ!XX#%%!YZ!XYXX!XXX!Z#X！

不是書局的森記

早前和一同事經過銅鑼灣希慎道附近一間叫森記的類似茶餐廳食肆，我們被它清簡的裝修及貼在窗外的美食照片吸引，走了進去。

說類似茶餐廳，是因為它的裝璜不太像現在的茶餐廳，但是，卻有從前六、七十年代冰室的那種味道。很清淡。

食物方面，同事點了一份早餐，煎腸粉加牛肉片粥。我本來是要餐蛋麵的，但它當天竟然沒有！神奇！於是要了蛋牛麵。

煎腸粉好正，熱呼呼，煎得軟又有點脆。牛肉粥，聽他講味道只屬一般，唯一可取是牛肉片夠稔夠滑。至於我那碗蛋牛麵，牛肉片的確又稔又滑，蛋亦弄得不錯。但整碗麵的湯底稀耶耶，味道仿如溫吞水，麵湯未能合一，至使碗內各樣材料貌合神離，尤其是麵，給弄至人不似人，鬼不像鬼般，慘！差！

湯底清不代表稀耶耶，像大利清湯腩的清淡湯底，清淡中有神元，想試過的人必會心口水流。

埋單不超過四十五元，尚可接受。

Tuesday, June 24, 2008

今年第一波！三號風球喇！

我有冇攪錯到？風神係唔係今年第一個風球？

聽日千祈唔好掛八號呀！！！如果唔係就好 Q 麻煩！！！！

喃嘸觀音世音菩薩~~~~~~ 保祐保祐！

唉~

上星期五傍晚，我煲咗赤小豆生魚湯，仲加重料放咗 double 生魚落去煲！好好飲！又清又補！(左上圖)

前日，星期日嘅早上，將啲湯煲番滾，聞一聞，咦，點解有啲啲啲啲酸酸地？！。。。。唔理咯，之前煲嗰 oD咩豬骨豬「月展」湯呀、清補涼湯呀同綠豆乳鴿湯呀等等，擺三日都冇問題。咁我嗰時諗：「呢煲嘢擺咗一日多少少啫，冇理由就壞 o格！」於是我就照飲咯喎！

飲，疴~ 又飲，疴~ 再飲，疴~ 仲唔知死，飲多鑊，係咁疴~

終於，成個星期日疴到腳軟，要到到今日先好番啲。提醒大家，海鮮呢 oD嘢，擺唔得耐嘅！除非放入雪櫃，如果唔係，一日就要丟！

好唔掂！

結果，嗰晚要煲粥食 (右下圖。由於冇米，唯有將屋企有嘅豆同材料而又可以

撈 o埋一齊煮嘅，好似綠豆眉豆薏米紫菜呢啲咁煲 o埋一煲。)。而家，唉，仲食 o緊。。。。可憐~

喎好慘！So，愛我吧~~~~~~~~~~

Sorly，病係會發癲咖喇！

抽吓水先~ 幾時有人照顧我？Heeeeee~

Monday, June 23, 2008

睇波看人生

今屆歐洲國家盃踢到而家，八強已近尾聲，四強之中有三席已名花有主，假如一陣間嗰場以次名出線，我最憎嘅意大利贏咗首名出線嘅西班牙，咁即係小組分組賽以第一名出線嘅全部 eat 晒 banana！

以荷蘭為例，喺第一階段嘅分組賽幾「乸」犀利呀！水銀瀉地狂風掃落葉全勝咁攪正意大利、法國同羅馬尼亞！係人都一致看好認為佢入硬決賽，哈，點知尋日以1:3輸咗畀俄羅斯，要喺八強就出局喎！

又睇睇克羅地亞，喺分組賽又係全勝姿態殺入次圈 (仲要贏 o埋我隊德國)，咁又有好多好似好識波嘅茂丙話：「黑馬呀！堅呀！入硬決賽呀呢隊！」(有啲人睇隊波一場勁就即讚好波，有料到係黑馬又咁又成，扮 Q 晒識波！最好笑係報紙波經啲所謂識波佬！又咁又咁！錯晒啦！呢期佢哋 oD眼鏡跌到一地都係！) 哈哈，點知又係八強止步，畀上晒身嘅土耳其幫佢埋單！

仲有一開始畀人捧到上天嘅葡萄牙，第一圈踢到曉飛，但咪又係次圈出局！

唔駛鋒芒畢露嘅~

一開始就鋒芒畢露，或者叻唔切，除咗畀人睇晒個底，仲會增加自己壓力。有乜為？！制唔過~ 所以，我不嬲都主張奉行平時 above average 或者 average，甚至低過 average 啲啲就可以咖喇。等到時候到，係時候嘞，須要沖刺嗰陣嘞，先全力出擊，演出完美盡力一撲，咁先唔會因為之前 run out of steam 耗盡元氣，先係 BALL！

畢竟呀，人生，係一條好長好長嘅路嘛~

Sunday, June 22, 2008

溶！

中國曆法真係犀利！聽講尋日係夏至，呢兩日就真係熱到喔！！！！今日都還叫好啲，冇咁焗同濕，而且有風吹吓。尋日至甘呀真係！又熱又濕又焗，好似成張浸咗暖水嘅厚氈鋪 o埋嚟咁甘！

大家保重，小心中暑！

好彩話星期二會冇咁熱，都好啲。

Friday, June 20, 2008

便宜極品口福享受

好好味呀！

有好嘢呀！原來，一啖嘅一「咋」魷魚絲送一啖啤酒或者鮮奶，好好味咖！尤其是當啲喺嘴入面 o趙爛咗嘅魷魚絲混和啤酒或者鮮奶嗰種化學作用，噢~~~~ 啊~~~~ 啊啊啊~~~~ Yeah~~~~ 噢噢~~~~ 唔~~~~ 啊~~~~

好味到呻吟真係！

曾寫到風乾牛肉同風乾火腿送鮮奶係絕配，而上面種食法，同樣精彩！都係嗰句，唔駛係貴嘢都可以好正嘅！人生最難得、有福係識得平凡中搵到正嘢，自得其樂，活得悠然~

Thursday, June 19, 2008

兒時追憶~ 失落的書本刊物

很懷念以前的一些書本刊物。如無意外，它們一早已消失於人間，即使能捱下去的，博益，也在不久前哀逝。

1. 紅蘋果~ 很記得有一期它以媽媽煮「班戟」給孩子吃去教如何煮「班戟」。媽媽和我看了之後，我嚷著也要吃，於是，第二天她煮了。

親子互動，絕佳例子。

2. 兒童樂園~ 兒時去看醫生，除了有一大堆八卦雜誌如姊妹 (下一個係姊妹)、金電視和明週等，就係兒童樂園。

兒童樂園裡面的多篇故事甚為吸引，另有一些趣怪新知，又有益智遊戲玩如迷宮同找錯處等。那時看完一本又一本，等看症也不算是苦等呢！

順帶一提，兒時曾看過一位眼醫叫王剛 (當年患了沙眼，但他醫不好，所以轉了看另一眼醫羅啟雄。)，他那裡沒有兒童樂園，卻有橫度的龍虎門連環圖！我現在之所以有此嗜好，相信。。。。

3. 姊妹~ 。。。。內裡的一系列文章，特別係信箱部份。。。。嘻嘻嘻~ 好好看！(順便講句，翁美玲係我至愛，喜歡她比喜歡林志玲同 Monica Bellucci 還多！)

4. 精密模型~ 雖然砌模型並不是我的嗜好，但看到入面一個個把卡通片的機械人或過去的歷史戰爭場面實體化，感覺甚 High！

5. 博益的書~ 不久前也沒了。

記得之前在舊居看著書櫃內的其中一格，排著一本本由它出版的書，從正面看，白藍綠，多好看！也回憶有味！

6. 環球的書~ 迷離境界、奇俠司馬洛傳奇及二十年來香港驚人罪案等，一小本一小本的 (背面有鄧碧雲的余仁生金牌白鳳丸廣告)，故事好看敘事夠真實感，一絕！

由於那時所用的紙張關係，所以會漸漸變黃。每次拿起，都有一種時光倒

流七十年的淡黃感覺。

韻味盎然。歲月無聲。

7. 讀者文摘~ 這是唯一例外的一本，仍存在至今。

不過，最近再看過幾本，它已失去了以前的那一種味道。是甚麼味道了？我也說不出來。有些東西，係言語所未能表達的。只能去意會。

我是否已過了年青，步到初期中年了？

Wednesday, June 18, 2008

大家記得呢個地方冇？！

大家又聽過呢首兒歌冇？！

互聯網，Blog，又一次發揮威力！

一位叫 Flaneurhk 嘅朋友喺我個 Chatbox 度留言並留下一條 Link，話我應該會鐘意。我好鐘意！正！

記得喺小學嘅時候，聽到呢首兒歌，係喺學校嘅 Listening (齋音樂) 同已經唔記得嘅兒童節目入面聽到。一聽到，wow！即驚為天人！

及後，搵咗好耐，都搵唔到，因為唔知個歌名嘛。咁，嗰時唯有喺呢度寫：「全個世界，最可愛是現在~~~。。。。」嚟問啦！

哈哈哈哈哈！尋日，佢 Flaneurhk 整條 link 嚟。嗰度有呢首歌！仲有我哋已遺忘咗嘅地方！

正！Merci Beaucoup！

成首係咁。有冇人知道呢首咁可愛嘅兒歌叫咩名？

「全個世界，最可愛是現在。每一分鍾，心中充滿友愛。陽光之中，幾多歡樂事，歡笑快樂童話般可愛~ 現在與未來，永遠多可愛，有快樂同樣有悲哀~ 世界多可愛，友愛多快樂，手牽手前途任我開~」

Tuesday, June 17, 2008

下雨的歌。。。。

而家出面嘅天氣，正！

痴情以外試聽

政事 X 一 X。我唔死係奇事~

(一)

台灣，好嘢嘞！馬英九，夠薑嘞！姑勿論佢係唔係有壓力勢成騎虎先咁做，但起碼呢次係中國人近呢幾十年嚟所揸 Fit 嘅政府，用艦艇保護去保釣嘅人士！

尋日下晝最新消息，一直只表示遺憾，唔肯 say sorry 嘅「架仔」，終於鞠躬向畀佢哋撞沉嘅漁民就今次事件道歉喇！

對住日本呢個民族，係要打係要夠惡夠硬先得咖！中國人嗰種咩忍呀，多一事不如少一事呀，退一步海闊天空呀，對住佢哋，唔 work 咖！

尋日 YEAH 呀！日本軍艦見保釣嘅船又駛近釣魚台，於是又駛近佢哋向佢哋講叫佢哋離開，呢度係日本嘅領土。哈，正呀，結果，台灣政府派去保護去保釣人士嘅艦艇，對撚住番佢哋話：「呢度係我哋嘅領土！」

爽！呢啲先係 BALL！

聽講，今個星期三台灣會派軍艦擺到明去釣魚台宣試主權。隨住而家日本仔已道咗歉，可能唔會咯。不過，喂，都夠堅啦！

咁耐以嚟，中共政府，你死 Q 咗去邊？！對內就咁惡咁醒咁識做 Show，對外就死撚晒狗！正一。。。。妖！

(二)

講開呢單嘢，台灣班民進黨土人都好好笑咖！佢哋班友最近咪窮追猛打國民黨有美國綠卡同 o埋雙重國藉嘅有關人士嘅，哈，但佢哋又唔 X 自己有唔少自己友有日本藉嗰喎！好似啱啱畀政府召番回台嗰個駐日代表許世偕咁，呢條友除咗係台獨狂熱份子，仲係「日本人」(日本藉)，咁呢，班土人又唔講，剩係 X 當權政府想藉呢次事件乘機剷除前朝遺官云。

咁都得咖台灣！總之，喺台灣，冇是非對錯嘅！只有所謂嘅立場！

如果中國大陸係一個蠻荒森林，咁台灣就係一個歪曲咗嘅奇詭異域。

(三)

喺密室煲粥咁大鑊咖？！！！！？？！？！？！？

！！！！！

我大命呀真係！！！！！！

我成日都喺咁嘅狀況之下煲湯煲水咖！好彩我成日唔會關晒幢浴室門，總係留番一線啲啲啫！

阿彌陀佛~~~~~~

Monday, June 16, 2008

Carrie，恭喜！

Carrie 妹妹，

哈哈，剛剛得知妳快將與拍拖已久的他結婚，恭喜！回想妳跟我說妳和他走過的路，一些事，都是那一句~ 兩個人的緣份，真係前世一早已經註定！

祝新婚愉快！

Saturday, June 14, 2008

再入我懷中

勾起很多回憶吧~

那年代的衣著、髮型、化妝與及 MTV 風格。

於我，更勾起我那年在某地方常唱這首歌的所有一切。

十六年了。

Thursday, June 12, 2008

春秧街之頌

在香港，要找一處維持到「他」原來面貌及風味維持得叫做完整的老地方，實在實在不多。有些維持到的，慶幸得到保護的，亦大都本已係回頭已是百年身之軀，列為古地；又或是風采不再之「頹垣敗瓦」。

可幸，由於前英國殖民政府的「德政」(統治藝術)，嚴中有弛，疏道泄洪，所以，留待一個可容「異己」聚居作有限發展的地方。而這個地方，就是港島的北角。

在這歷史的偶然，統治的必然之下，我們得以仍有一處差不多可保有如此原貌的老地方。

而北角這個妙地的精華，我會說一定係非春秧街莫屬。

春秧街，一條位處北角中心點，夾在電車路那條大道與外圍快速公路中間的大街。

「他」兩旁是西式的舊樓，樓的高處設計有著以前的溫馨，那就是

有能讓陽光可以照射到地面的梯級外形設計。不像現在的所謂甚麼前衛設計，其實都是統統一律相差不多的校服式的一字形玻璃幕牆外表，遮蔽了陽光，反射了炙熱，阻礙了空氣流通，令人窒息。

最精彩之處，是在那兩行西式樓樓下兩邊的街市、肉食公司、菜販、藥房、食肆和室內室外的小商舖。

先說說街市吧。我兒時僅有的記憶，傳統街市對我而言縱已糢糊但仍有輪郭，它們大都被室內的取代了。我在舊居的時候，一直也只在新型的窒內街市買餸。所以，嘩！春秧街的傳統室外街市令到我在發現的那一天，興奮到叫了起來！感覺簡直有如重遇初戀最愛意中人！

肉檔、魚檔、雞鴨檔，啊！全部新鮮血淋淋活生生地在戶外展現，加上檔主檔員的叫賣，多有生氣！肉檔的紅白均稱白

皚皚紅嫣嫣的牛肉豬肉各部份；還在「活動中」的內臟。。。。魚檔的活魚、已斬好的魚及一系列其他海鮮，活魚在生猛的游來游去；已斬好的魚的魚標還在一收一張還有其他海鮮如蛤、蚌等吐出一波波的氣泡。。。。各種蔬菜果類的那股草酸果香。。。。所有一一配合身處室外的開揚環境，牠它們全部都仿似向您在說：「要我！買我！吃掉我！」如斯美境，問您吶，怎麼可以不下手？！

肉食公司、小商舖和藥房所賣的自身各項種類，比大型連鎖式的更齊全！舉個例子，牛鞭、牛睪丸和鴨腳這些好東西；又例如一些細心的家庭用品，像指甲鉗、各款響鬧小鐘、無數各大尺碼與及各種刁鑽但實用的日常工具，這些等等，超級市場肯定沒有。

那些那室外用棚架帳幔做成的商戶，沒生意時也不在乎，有生意時即生龍活虎，但又不亢不卑，潛藏在他們體內的那股愛國不眉外骨氣，望之即感覺到，好。

至於食肆，在春秧街的選擇跟以上的不遑多讓。粥粉麵飯店一街多間不在話下，多省地道的食肆也在其中。最貼心是有若干間都營業至深宵凌晨，有的還通宵呢！凌晨快三點多喝醉了，在快到酒店途中見到仍有一間雲吞麵舖在營業，於是，走進去來一碗「細蓉」之後再來一碗熱粥，那種感覺，您應該懂。

春秧街口號~ 價廉物美種類凡多總之平靚正~ (我作的)

雖說春秧街如此美妙精彩，但逐漸，唉，也被大地產商的「宏偉『驚世』巨獻」侵蝕。就像我住的那所酒店。而且還不只一間，有兩間！

而整個北角，無選擇地，在香港地少人多，天然資源缺乏而又要求存趕上競爭，政府的不知所謂，官商勾結的情況下，也一步一步地走上灣仔之途。。。。

我住在三樓期間，房間雖有隔音系統，但每朝每晚，仍可隱約聽到朦朧的叮叮電車聲和嗚嗚的輪船鳴笛聲。中間，最熱鬧的中午下晝，會聽到人氣活躍的喧嘩。有一晚，我喝了點酒，走到荒落的北角碼頭，望著從那裡角度遠眺對岸仍算寬敞的維多利亞港，看著一輪印在這條將要變成溝渠的海港的映月，稀雲浮佈，那一兩艘孤獨的大笨貨船忽爾的嗚笛，恰如咽哽飲泣。。。。一切，無奈也無言。若嫦娥端的存於皎月，放眼望港，也許她也驚嘆本來天擁驕傲世間維港的東方之珠，現人間何世，今夕乃何年？！

Wednesday, June 11, 2008

三點

(一)

上兩個星期，程霜有私務，喺美國番咗嚟，於是風巔信霜聚會又可以相聚一刻。

話咁快我哋三個由喺 Blog 相識到而家都三年咯！三年！時間真係過得快呀！呢三年，大家嘅外表都經得起歲月嘅風霜，ummm，係風信子個樣大個咗啲囉。

嗰晚喺銅鑼灣嘅 POC 食晚飯，嗰度啲菜式同招呼都唔錯，價錢亦合理，環

境又安靜。一星期嘅某幾日仲有現場音樂 tim！

食完嘢，本來仲有 Bee 小妹同 Tracy 仔 join 我同程霜去飲酒嘅，不過，吖 X~ 佢兩位孖寶都甩底，最後，我哋三個喺 POC 嘅酒吧坐咗一陣，風信子走先，我同程霜就去咗我屋企附近嘅 bar 再飲。

間嘢過得去，仲有歌唱，啱晒我咁好歌喉嘅金曲台！但，係冇 _ 喎。。。。err。。。。不過冇所謂啦，志在聚舊啫！Heeee~

(二)

副局長單嘢，成班友仔有關人士做咗齣自香港開埠以嚟最精彩嘅一幕！佢

哋群策群力，show 咗畀我哋睇 oD副局長幾做得嘢！呢個位「kai」嚟畀人 X 畀人插咖嘛，所以，其實佢哋一開始未上任就做 o緊嘢喇已經！

大家睇，單嘢由一開始就畀全世界 X 到而家，班副局長畀人 X 之餘又冇 o埋本優質護照，唉，佢哋做咁多嘢，都係想話畀我哋知，佢哋係勝任到呢個位呀~「睇吓我哋幾被 X 得幾襟 X！」呵呵呵！仲有喎，好嘢呀班友，因為亦順便話 o埋畀我哋知，嗰十鳩幾萬月薪真係，真係用某個地方流血換取番嚟，唔易搵咖！

真能幹！夠偉大！

(三)

唔知點解，今屆歐洲國家盃好似冇咗之前嘅熱潮同吸引力！係因為今次由 NOW 播嘅

原因？！點都好，我都係捧我隊德國。另外最想意大利爬街！Heeee，今日凌晨嗰場荷蘭 vs 意大利~ 3:0！抵死！

另外，我雖然唔係藍球迷，但都要講講今屆 NBA。

我等咗廿年，終於等到由一九八零年鐘意到而家嘅波士頓塞爾特人再次打入 NBA 決賽！仲要係對住經典死敵洛杉磯湖人喎！希望今屆 Boston Celtics 可以重溫好夢，打低湖人捧盃啦！

嗰時上世紀八十年代初期至中後期撐起成個 NBA 嘅東鳥西魔大決戰，一句~ 前無古人！後無來者！

Larry Bird 亦係我最鐘意嘅藍球員。

Tuesday, June 10, 2008

一個人住的「娛樂」~

根據科學家嘅一啲研究，話一個人長期單獨處於一個空間嘅話，會出現一啲古怪行為。。。。

最近，我喺屋企有以下一啲行為。。。。怪玩意。

1. 洗衫~ 由揼 oD污糟嘅衫褲衣物入洗衣機開始，加洗衣粉加消毒柔順劑，跟住睇住佢哋轉呀轉，啲泡泡由白色變成唔係咁白色，成個過程好 enjoy。

有時上癮上到一洗就停唔到手，洗完一機又一機。最高紀錄試個連續洗咗四機衫！

2. 轉台~ 拎住個搖控器係咁轉台，「襟」呀「襟」，「襟」，「襟」，「襟」，係咁「襟」！好似轉台仲正過 oD節目咁。

3.「撻」火煲湯~ 我一向鐘意煲湯煮嘢食，由於而家住嘅地方細，又係開放式，所以唔會煎炸，主要都係煲湯。

湯煲完就飲，但咁大煲湯一次過甚至幾日都飲唔晒。我呢，就好鐘意「撻」火將佢煲番滾，但又未必飲咖噃！之後，凍番又煲番滾，凍番又煲番滾，凍番又煲番滾，凍番又煲番滾~~~~ 喃嘸喃嘸~~~~

4.「溫書」~ 將 oD書、雜誌、散文同漫畫睇完又睇，連啲廣告都「卵」完又「卵」，勤力過讀書嗰時。

暫時係咁多，病情唔算太嚴重吧。。。。起碼仲未會自己同自己係咁講嘢。

Monday, June 09, 2008

DRAKKAR~ 最愛此香

她是我~

第一次接觸的香水。

一聞就愛的香水。

是我愛上香水的做鑰匙。

配 YSL，女性太陽之作剛陽月亮之味，天作之合。

初戀情人的音韻。

多多少少故事的回憶。

悲哀時的避難所。

永遠的伴侶。

Sunday, June 08, 2008

好節目配好天氣

黑色暴雨，果然嚇死人！

尋日一朝早見到出面個天黑到好似世界末日咁，啲雨大到呢！心情甚為亢奮！於是我諗住快 oD出去買嘢番嚟 (煙、酒、煲湯材料同食物。)，爭取時間好好享受一下呢啲咁正嘅天氣。

一到大堂門口，嘩！黐 X 線呀！有條水流好急嘅河喎！估計深度至少到到膝頭哥，點知，哎唷，深至大腿呀！嘩哈哈！

勇敢嘅我繼續向前行，真係好誇張，有兩笪地方水浸嘅深度竟然深到接近我嘅敏感部位！

沿途見到唔少車死火同要拖車，好似災區咁。我買完嘢番轉頭嗰程，拎住一袋二袋又擔住把遮，安全地番到屋企，証明小弟我嘅下盤功夫紮實，食過吓夜粥嘅我真係唔係浪得虛名！(諗番轉頭，如果喺水浸最深嗰度爬街嘅話就真係。。。。)

講番主題，呢兩日 oD咁嘅天氣，最好就係匿喺屋企，開行冷氣，食個麵，睇吓碟同 o埋聽呢啲節目，盞到暈！

悶中尋樂，偶也不錯~

P.S. 呢度仲有好多！

Friday, June 06, 2008

那些日子

之前成個幾月住喺酒店嘅時候，shit~ 得嗰百零二百呎，又由於嗰度係 Cyber Look，加上我又開行冷氣，所以攪到好似停屍間咁。連啲打掃房間嘅阿姐一入到去都話：「嘩！乜成個殮房咁喔！」

嗰段日子，唉，瞓又瞓唔著，一瞓就發惡夢 (我從未試過一星期發超過四晚惡夢)。除咗狂睇台灣嘅東風電視台節目，就係睇雜誌睇書。

酒店喺北角春秧街 (下星期會寫春秧街嘅精彩)，附近有一間商務印書局，我喺嗰段時間，買咗好多書嚟睇。

嗰陣悶到呢~ 所以咩書都買嚟睇。喔！話時話，又畀我發掘到 oD好嘢喎！其實，係我嗰陣嘅女友介紹嘅。本嘢叫「偽科學鑑証」(遲 oD我會介紹下)。呢本嘢，必睇！信我啦！

呢篇嘅重點係，。。。。睇圖片，書袋袋垃圾，諷刺~

Thursday, June 05, 2008

兄弟，你又結！？？！！？！

！！！！！

即係呢。。。。同時間好事一不離二，好事嚟嘅！

話說啱啱我打開電郵，咦，見到阿 o靚仔用 email 覆我今日喺 Blog 嗰篇「結婚？！」，佢好少咁做嘅。

佢喺電郵入面講：「醒你呀。。。。朋友。。。。」

醒我咩呢我諗 (起初仲以為佢潤我冇婚結抵死)，於是我拉落去下面睇啦，yo！Yo！Yo！Yo！竟然係佢同佢太太張婚紗照呀！

連 o靚仔都結婚！

。。。。

恭喜恭喜！

仲記得兩年多前佢嘅感性一晚 (詳情請 click 上面有顏色嘅 o靚仔二字)，hummm，今日，佢終於搵到自己鐘意，陪自己經歷往後人生的伴侶，正！o靚仔，真羨慕你！

兄弟們，乜你哋啲 timming 咁。。。。咁正嘅？！喺我啱啱。。。。err。。。。呢個時候你哋一個二個都通知我你哋要結婚？！咁打擊喎呀？！妖~

好彩，我係情場浪子孤獨仔唧~ Heeeeee~

再一次，o靚仔，恭喜晒！十月擺酒我同詹詹一定到！等喎儲定錢先~

結婚？！

今日收到一個電話，噢！「晴天霹靂」！一向反結婚，歌頌單身，宣揚森林論之好處的細哥，說他於兩個月後的八月八號結婚！

！！！！！

我跟他從小玩到大，比我年長兩年的超級浪人~ 細哥，連他都結婚？！？？！！？！

恭喜恭喜！真的猜不到也沒想過他會成家！

。。。。都是那個問題，婚，夠竟怎結？！又到底，是不是一定要結婚？！

我的朋友和有看開我的 Blog 的您們都知道我乃追求結婚狂熱者 (雖然我係無腳的雀、不羈的風與及沒根的種籽。)，但是，在經過那麼多年的落空之後，加上自從自己搬出來後，猛然醒來發覺，我，原來係完全不適合結婚的！

原來，我是好害怕無窮無盡長時間的與人或同一個人相對。最好就是在我想時、需要時，她才出現。若不，最好讓我只得孤單一個。

而且，再加上我的古怪脾氣同邪牌感覺，您說，我怎適合結婚。

女呀女~~~ MaryAnnieBettySuesiLauraBabaraNica~~~~~ 怎麼辦？！

Wednesday, June 04, 2008

YSL，Au Revoir~

不知何以，由少時開始注意衣著打扮，便對 YSL 情有獨鐘，但我對時裝沒有研究，這可能是被他那優雅的 YSL 圖騰吸引吧。很多年後的一個深宵，在電視看到介紹他本人的一個節目，才對他的設計風格、理念及其本人有多一點認識。

他的有領 Polo 恤、恤衫、香水都是我所愛。甚至，有一段頗長時間抽他那時紅色的長煙。

最愛的是十多年前買他的一件棗紅色長袖 Polo 衫，穿著他配 Drakkar 香水，這配搭，懷緬愛到這刻。那件衫，直到現在我還有穿呢！

「喜歡」，這樣東西，好奧妙、神奇。您不知道它怎樣開始，何時開始；也不知道怎樣完結，何時完結。如果有一樣人事物，從您一喜歡那刻，過了很久很久的今天或未來仍舊不變，那是多麼可愛的事。

是的，世事幻變，只願情感依然。