物以罕為貴

以前，大約係接近三十年前，當時嘅7-11 Seven Eleven 好 High，好新鮮，對佢充滿好奇同好感。對佢有嘢買即「叮」嚟食，又通宵營業感到好特別。

當年嘅7-11好少地方有，好記得某一年有一間開咗喺屋企附近，維持咗一段長時期晚晚好多人去買點心「叮」嚟食。我有幾晚都係當中一份子，唔肚餓都走去買蝦蛟燒賣嚟「叮」。

嗰時嘅7-11連個發光膠名牌都好講究，係呈立體凹凸屋簷形狀，好有嗰種真係喺您左近，幾夜都會陪住您嘅嘅 Feel！

而家，多到直頭真係總有一間喺左近。而且，個發光膠名牌唔再立體凹凸，扁平一塊就算。亦冇咗以前嗰隻 Feel。仲由7-11 Seven Eleven 唔經唔覺唔知幾時變咗叫七仔！哈，真係~

「七」以罕為貴。

世界盃的洐生一點點~

照片中本「球王爭霸世界盃經典圖片集」，幾正嘅！幾正係封面同開頭彈啲硬咭公仔出嚟嗰兩版。至於入面圖片同內文，就唔係咁掂。過於行貨同簡單囉。

換呢本嘢有段古。話說呢本嘢要某免費報嘅印花，加七十幾蚊先有。我嗰日去到其中一間指定便利店準備換購嗰時先知唔記得帶。哈，點知個阿姐話：「見你咁靚仔，照印花價畀你啦！」

Heeeee！係唔係，真定假都好，爽爽爽爽爽爽爽爽爽！

講開呢類書，每逢世屆盃期間都有好多出現，今屆，我喺某間七仔見到一本包裝好精美，淡黃色封面嘅，好似又係叫歷屆世界盃圖片集之類啦，HK$88，有衝動想買。。。。有冇邊位知邊本甚至買咗咖？正唔正？

記得細個嗰陣，中一，1986年墨西哥世界盃，香港市面上出咗甚麼世界盃貼紙集圖冊，要不斷買幾蚊一包五張球員同球隊隊徽貼紙貼滿佢 (另有出動物同恐龍貼紙集圖冊)，而家諗番覺得好鬼貴！又不過，又好珍貴！可惜冇保留到。

您又記得嘛？

尋戰棋

曾講過，好鍾意玩戰棋，細個玩過嘅戰棋好似坦克大戰、中越戰爭、滑鐵盧戰役、中途島戰役、莫斯科攻防戰同登陸諾曼第等等，真係至今仍念念不忘。

可惜，偷神歲月，令到而家我只剩番一幅莫斯科攻防戰。唉~

想問問各位，包括 search 戰棋嚟到我呢度同路過嘅朋友，邊到仲可以買到以上嘅戰棋？我試過打去位於旺角彌敦道嘅戰棋會有限公司，但佢哋只賣英文版戰棋同新款嘅。而以前嘅戰棋研究中心聽講又已經執咗笠。

另外，我諗比較易啲搵到嘅，邊度可以買到 Axis & Allies？

順帶一提，經典~ Risk 戰國風雲喺玩具反斗城同中環嘅三聯書局仍有得賣！正！

最後， 呢度有個免費網上簡易版 Risk 玩，唔錯嘅~ http://blog.kidbook.com.tw/game/article.asp?id=457

圖片來源：http://files.boardgamegeek.com/bggimages/pic108440_sized.jpg

鹹濕兒歌

細個讀小學嗰陣，都好興鹹濕歌鹹濕口令句子，例如最經典嘅「龍虎豹好睇！」。而家記以下兩首同大家回到過去！

1. 係打油式口令

「一不做 二不休
『山』o埋幢門玩奔周
Missy 問玩乜
我話玩碌鳩
嚇到 Missy 都玩 o埋！」

2. 唔理你係男定女，呢首你都一定識唱！

「大笨象會跳舞 馬騮仔會上樹
狐狸喺度玩奔周 (玩奔周) <--- 和聲齊唱

嗰邊有個姑娘 剝衫剝褲喺度沖涼
佢雙冬菇真漂亮 (真漂亮) <--- 係嘞！跟住和唱啦！

荷李活一間大酒店 三個肥婆六個 lin！
鍊呀鍊！鍊呀鍊！ 鍊到噢手都軟！」

大家記得嘛？！Heeeee！

唔知而家啲細路興唔興嘅呢？

可曾記得愛？

您，還得嗎？

P.S. 廿多年前的一套卡通片，開創卡通新一頁，包括卡通內的一系列動人歌曲。這，七字堆的您，又可曾記得？

懷念的顏色。。。。

這個顏色組合~ 順序藍綠紅，博益，您懷念嗎？有回憶嘛？

相信屬於六字頭，尤其是七字堆的，對博益一定會至少有一點情感。對吧！

除了一系列散文、小說、傳紀等，它還有洋蔥頭、牛仔、加菲。。。。伴著走到九十年代。

補充：於我，當然還有環球圖書雜出版社出版的一系列小說故仔啦！如迷離境界、奇俠司馬洛傳奇及二十年來香港驚人罪案等。有印象嘛，一小本一小本的呢 (背面有鄧碧雲的余仁生金牌白鳳丸廣告)。

都市留影~ 北角

北角，一處值得歌頌和常去的地方。

曾讚嘆北角其中一處：「『過年氣氛越來越淡，只有在像北角這些「仍是老地方」才可再感受到過節那份情。

在香港，要找一處維持到「他」原來面貌及風味維持得叫做完整的老地方，實在不多。有些維持到的，慶幸得到保護的，亦大都本已係回頭已是百年身之軀，列為古地；又或是風采不再之「頹垣敗瓦」。

可幸，由於前英國殖民政府的「德政」(統治藝術)，嚴中有弛，疏道泄洪，所以，留待一個可容「異己」聚居作有限發展的地方。而這個地方，就是港島的北角。

在這歷史的偶然，統治的必然之下，我們得以仍有一處差不多可保有如此原貌的老地方。

而北角這個妙地的精華，我會說一定係非春秧街莫屬。春秧街，一條位處北角中心點，夾在電車路那條大道與外圍快速公路中間的大街。』」

其實，北角的韻味，又何止春秧街？！

還有她的主街~ 英皇道中心、橫街小巷、碼頭、斜坡、小店舖和教堂等。全部都仍將其原貌保持得難得的好！

兒時住在炮台山，讀書在天后廟道，所以，很多時母親都會帶著我到北角或天后街市買菜、買日常用品和買玩具、寵物等。對北角和天后一帶，自然有一份特別感情。(下次都市留影到天后)

春秧街兩旁的新舊對峙。在香港的一些舊區仍可見到，但如此對比分明，屬少見。

春秧街代表，主要舊排樓。

住在那裡時的住宅式酒店。好正！

這間就是住在那裡時，常在對面買滷水鵝回酒店吃的臘味舖。很便宜！

位於春秧街的北角電車總站。總站有一神秘地方，下次介紹！

愛貓又愛書人仕必要一去的森記書局，怎可錯過！謝謝妳曾帶我去。。。。

香港兩大最繁忙熱鬧的大道之一 (另一是彌敦道)，英皇道 (圖為英皇道的中心地帶，新都商場一帶。)。

北角寧靜地區~ 斜坡區域。

斜坡區一住宅大廈。原來「樓」字可以寫成「廔」！真的嗎？！

北角唯一一間教堂~ 衛理堂。中學時曾為了追女仔而在這裡返過幾個月團契。

北角食肆臥虎藏龍，大部份實而不華，真才實料真功夫。圖為較新潮的十三座牛雜。

北角碼頭海鮮！記得兒時父親常在下班後，買幾袋用黑色厚膠袋載著的海鮮回家。

我廿多年後第一次再去，北角碼頭已面目全非，北角村已拆。那裡海鮮仍然生猛。

青山當然依舊在，幾度夕陽仍會紅。只是，人與感覺，感覺仍在依然有，畢竟本是多情人，然已滲雜質，欷歔之感。而人，舊一代已逝，仍在的一代人面人心更全非。

哀紅仍竭力殘照的夕陽，拍在碼頭的浪花，照盡人寰，淘盡是非。同一地方，那年那月，原來一早已告訴我，人，一早本已活在悲涼滄桑。

昨夜的渡輪上 試聽

原來。。。。

喺呢度曾幾次歌頌過一首兒歌，但一直搵唔到佢嘅曲同詞，只有憑依稀記憶將其中記得嘅幾句抄落嚟。

哈，今日再搵，又喺 YouTube 搵到喎！好嘢！



原來，呢首兒歌叫世界多可愛！

全個世界最可愛是現在
縱使紛爭 心中充滿友愛
純真之心 不知憂患禍害
歡笑快樂童話般可愛

現在與未來 永遠心中載
有快樂同樣有悲哀
世界多可愛 那怕多障礙
手牽手 前途讓我開

全個世界最可愛是現在
每一分鐘 心中歡笑滿載
陽光之中 幾多歡樂事
爭鬥過後無損心中愛

童年，永遠最美麗！

一邊聽一邊將歌詞抄落嚟，幾有誠意！

教育電視 ETV

雲兒下看吧
世界上滿兒童
兒童活潑聰明

雲兒下看吧
世界像個球兒
兒童在微微笑

兒童是快樂和互愛
兒童是友善和氣
兒童是美麗
個個臉似紅霞
兒童像鮮花的笑

六字堆尾七字堆嘅您，仲記得呢首唔記得咗係幾年級嘅中文科教育電視主題曲呢？

另外，對教育電視嘅記憶仲有嗰班例牌小演員好似孖仔同年紀較大嘅鞋抽，仲有有好多人扮細菌嗰集健教科。

上網 search，連一個那年代嘅 ETV 都搵唔到。可惜。

懷念「白飯魚」

以前讀嘅其中一間小學，唔畀著有牌子嘅波鞋，只畀著大陸造嘅布鞋，即係俗稱嘅白飯魚 (有綁帶同唔綁帶)。記得嗰時成日嫌白飯魚好 Cheap，講真，事實亦對對腳唔好，唔健康。校方咁做真係唔係咁啱！

唔知點解衣家反而好想著番，仲覺得幾型 tim！但可惜，唔知邊度有得賣。試過去北角嘅國貨公司搵，但都搵唔到。有冇人知邊度有得賣？

第 XYZ 類接觸

相信大部份人在小學或中學時代都有玩過甚麼碟仙銀仙，對吧。兩者之中，銀仙較流行，因為只要有一張白色圖畫紙，在畫紙中間寫上「HOME」，在「HOME」左右寫上「YES」和「NO」，再在周圍寫上其他玩的人所喜歡寫上的東西如意中人的人名、偶像、數字等等，再加一枚一元便行 (五亳子也行)。不像碟仙那樣又要碟，又要買一張由黃色印成，印得好詭異的碟仙紙，又要點三根香才可以玩。麻煩！

玩銀仙，眾人用中指輕按著那枚停在「HOME」的一元，然後說：「銀仙銀仙，如果你來了就去那裡吧 (那裡即紙上所寫的某一樣東西)。」通常在說幾次後，那枚一元就會「自己」動！然後就各自各懷鬼胎 (追女仔、追男仔、自己逗自己開心、妖言惑眾。)，問問題的啦！你問，我問，他問，大家問問問！High 得不亦樂乎！那枚一元動得好快好暢順的呢！最神奇係隨問者心之所趨而動！哈哈！當然，大家不時都會煞有介事的互問：「你是否在推？！」、「是否你在推？！」、「是你在推嗎？」或「媽的！不要推啦！」等，而答案亦自然一定是：「沒有呀！」、「我真的沒推呀！」、「真的不是我在推呀」或「X！是『他』自己動的呀！」等等。。。。

說真的，玩了那麼多次，沒有一次有料 (銀仙) 到。

真正有「東西」到，是小六時，一次和一常自稱玩茅山的同學仔，在學校地下男廁最尾一格玩的筆仙。

兩人各拿著三枝未刨過的鉛筆，成長方形以筆頭對著 (見圖。分別是各人拿著兩端的筆，停在半空對著。)，然後又說例牌對白：「筆仙筆仙，如果你來了就向左邊動吧。」如是者，說了幾遍，突然間，那用四隻手拿著互對貼著的筆，竟被一股不知明力量硬生生向內推，然後又拗向右上方，再接著又「發」去左上方！驚人的是，那互對貼著的筆的筆頭完全沒有分開過，一直緊緊對黏著！須知道，如果是我和那同學仔其中一方作假，根本不可能做到這樣！

我倆都害怕了！不禁互望一眼，急忙說道：「筆仙筆仙，我們不玩了！對不起！」說了好幾遍，「他」從左上方撥向正上方，再往下變回一開始未玩時的長方形。

那次，是那麼多年來唯一一次真真正正感受到來自另一空間的某種力量 (東西) 存在。

珍藏

碩果僅存。。。。

益力多

益力多，真的好好飲！從細到大都那麼鍾意！

但另方面，記得小時候，又總感到益力多很討厭！那麼好飲卻那麼少，每次都光速被喝掉，每次都有吊癮之苦感。於是，那時會採用不掀開它的錫紙蓋，用牙籤戳幾個小洞的喝法，因為如此可喝久一點嘛。那時常疑惑，為甚麼益力多不出產得大樽一點？！

最近，酒不喝了，除了吃大量蛋糕和朱古力等甜點，就是再度密會益力多。每次逛超市，都會一條五樽，幾條幾條的入貨。

一次，想起小時候的益力多吊癮情意結，為著滿足，一解這小時喜好，我將一條五樽的益力多一次過倒進大啤酒杯內 (並買一大樽味道差不多的乳酸菌飲料)，滿足地喝起來。以為這下可盡飲益力多之興！

誰不知不用喝到一半，已頂不住，為甚麼益力多竟然忽然不是那麼好飲？！還頗難喝下嚥！

還是一小口一小口，一小樽份量最好喝。原來，長大了才可懂得，欣賞見好就收、小 (少) 才是好、多不一定好、貴精不貴多、淺嘗輒止之道。

佢哋去咗邊？

喺我哋嘅一生，身邊周圍嘅人事物，有好多都會消失，有時諗落都幾有感慨，幾唏噓咖。

我識嗰啲你唔識，你識嗰啲我唔識，佢識嗰啲你同我亦都唔識。你同我都識嘅 (應該)，佢哋去咗邊呢？大家知唔知？

1. 露雲娜~ 千年女王同雨中 Sha La La 大家點會唔記得？！

2. 景黛音~ 有啲女人喺細個嘅時候唔會起痰，大個咗先覺得索嘅。佢係例子之一。 (當年有傳盧海鵬。。。。我幾嘆喟吖！)

3. 葛劍青~ 記得呢位長頭髮姐姐大部份都係做啲健康節目嘅。

4. 朱江~ 佢把聲好正！

5. 良鳴~ 好老香港，好獅子山下，有種代表住老香港一代嘅象徵性。

6. 龍方~ 大家唔知係邊個？喺八、九十年代嘅港產片入面，差唔多橫掃所有反派，專做奸人壞蛋衰仔嘅呢，仲未知？呢，喺血洗洪花亭入面強姦王祖賢；至尊無上入面做咖仔兼又姦陳玉蓮；賭神入面做賭神，周潤發個契弟更又姦張敏條屍；衝擊天子門生攪到劉華冚家伶；雷洛 I 「恰」未脫變嘅阿劉華嘅賭檔大佬嗰個上世紀御用大反派好正奸角呢，有印象哩，記得哩！

7. 跳飛機嗰一班小演員~ 唔知佢哋而家有幾唔天真呢？

8. Jason Donovan~ 好似早排攪到食白粉。。。。

9. Tommy Page~ 當年 (記得好似係89，90年。) 佢嗰首 I'll Be Your Everything 熱到呢！記得我仲成日扮佢嗰種「鍊」住喉嚨 chok 住條氣嘅唱腔。

10. Rick Astley~ 上世紀八十年代中好紅嘅佢，Together Forever，Never Gonna Give You Up，When I Fall In Love 你冇理由唔識！但唔知點解，又係突然消失得好離奇！

11. Belinda Carlisle~ 「Circle In The Sand」round and round~~~~~~ 你一定聽過啦！仲記得當年同條友抝佢個姓 Carlisle 點讀。應該係「卡 la 奧」，冇個 s 音嘅！

12. Taylor Dayne~ Love Will Lead You Back 一曲歌后，首歌真係正到呢！！！！！

13. Kelly McGillis~ Top Gun 固然經典，但湯佬前前妻喺戲中嘅嗰頭鬈 One Length，係我從此愛上 One Length 頭嘅開始。

14. Gabrielle Anwar~ Scent Of A Woman 入面同阿爾柏仙奴跳 Tango 經典一幕嘅 Donna，索到爆！

15. Family Ties~ 除咗知道主角之一嘅米高霍士患咗柏金遜症，其他演員嘅下落唔知點呢又？

16. 仲有其他唔知叫乜名嘅藝人~ 喺更難演嘅人生舞台，唔知佢哋又如何呢？

最難演得好嘅戲，係你我他每天現實中嘅戲。最難演得好嘅角色，係自己。

唯有忠於自己，或許還會演得好。但，要忠於自己，在這世界，社會，又談何容易~

經典場面

自少，屋企就係麗的同亞視擁躉，尤其是麗的年代。

所以，有好多電視劇嘅經典場面，由於慣性收視，甚少人睇，講出嚟都冇乜人會有記憶。

但有個場面，喺以前嘅年代，無論係麗的亞視、無線抑或甚至香港電台嘅電視節目，都一定有嘅 (港台嗰啲冇咁誇)！就係群體煲煙~

記得喺麗的其中一套經典電視劇集~ 變色龍入面，張瑛同平凡兩個一坐埋就煲煙。其他人物不時亦有。到到續集仲堅，差唔多個個都係煙民！當中尤以張瑛、劉克宣、張錚同吳回四個老戲骨更係煙不離手嘅煙鏟！喺戲入面，佢哋幾個成日係咁煲係咁噴！經典場面就係有佢哋幾個聚埋吹水嘅戲份，好勁，口沫橫飛，一人一句，一人一枝，仲要煙駁煙，成個畫面好似煙檔開 P 咁 (我睇佢哋真係喺度 enjoy 緊嘅！)！

經典！

我估無線啲劇集都會有呢啲場面，但我諗就應該冇以上四條「A」一齊發功咁震撼咯！Haaaaa！

順帶一講，食煙真係有害無益，不應推廣。但亦唔應該連戲入面都唔畀嘛！

另外，食煙其實可以好有功能咖！例如，無聊，緊張，雙手唔知放喺邊？眼神唔知點好？整番口~ 初相識，尷尬？嚟，整番口~ (扮諗嘢) 真係喺度諗嘢但怕畀人以為您喺度戇居居？嚟，整番口~ 幾個老友聚舊，講衰嘢？嚟，更要整番好多口~

食煙，係我自由，而家又已經冇二手煙嘅憂患，唔好再打壓攪我哋啦！吓~

P.S. 必須強調，我已經戒到喺外面唔駛食煙，同 o埋一日只係食幾枝咋！

兒時追憶~ 唱遊堂的歌

幼稚園的唱遊堂是天生充滿音樂細胞的我最愛的課堂。

唱歌的時候老師好 Free 的讓我們玩，例如唱蠶寶寶時大家蹲著，雙手放在前面同學仔的肩膊上走，扮蠶蟲；唱跳飛機時讓我們打開雙手周圍走享受自由自在的奔放；唱 Oh！Susanna 時我們做牛仔圍圈跳舞。真好玩！

記憶中最記得以下幾首。

1. 鳳陽花鼓 (國語歌但用廣東話唱)：

「左手鑼，右手鼓，手拿鑼鼓來唱歌。別的歌兒我不會唱，只會唱隻鳳陽歌。鳳陽歌呀哎哎呀！得兒郎咚飄一飄！得兒郎咚飄一飄！得兒飄！得兒飄！得兒飄得兒飄飄一得兒飄飄飄一飄！。。。。」

試聽

2. 蠶寶寶：

歌詞和旋律都忘記了。

3. 忘了歌名：

「青山綠水 白日嬌豔 大家一齊到海邊。。。快樂似神仙！」

4. One Two Three Four Five~ Once I Caught A Fish Alive

「One, two, three, four, five, Once I caught a fish alive.

Six, seven, eight, nine, ten, But I let it go again.

Why did you let it go?

Because it bit my finger so.

Which finger did it bite?

The little finger on my right.」

試聽

5. Oh！Susanna

「I come from Alabama with a banjo on my knee,
I'm going to Louisiana, my true love for to see
It rained all night the day I left, the weather it was dry
The sun so hot I froze to death; Susanna, don't you cry.

Oh, Susanna, don't you cry for me
I come from Alabama,
With my banjo on my knee......」

試聽

6. Yankee Doodle

「Yankee Doodle went to town

A-riding on a pony

Stuck a feather in his cap

And called it macaroni.

Yankee Doodle, keep it up

Yankee Doodle dandy

Mind the music and the step

And with the girls be handy.

Father and I went down to camp

Along with Captain Gooding

And there we saw the men and boys

As thick as hasty pudding.

Yankee Doodle, keep it up

Yankee Doodle dandy

Mind the music and the step

And with the girls be handy......」

試聽

兒時追憶~ 小小玩意兒

七字堆以前的我們，所玩的東西大多都簡單原始，但很群體且有創意。

大家還記得它們嗎？

砣磥~ 在國貨公司買一如手掌般大的木製砣磥連繩子，回家後與鄰居砣磥單挑！

還記得放砣磥落戰場那起手式和出手勢甚型！

「東南西北」~ 用紙張摺成一錐狀東西，錐內每一面寫上各人物或其他如動物和動作等，然後用左右手的食指及大拇指套入其內，配合口訣 (唸些甚麼忘記了) 將那東西開開合合，到到唸完之後，錐內的其中一面剛好停住，那就代表您是那樣已寫好的東西。

很無聊，但當年玩得哈哈笑！更與對方玩過不亦樂乎！

劍仔~ 一包包載滿小小的塑膠十八般兵器，玩的時候與對方他動一您動下，以不同位置角度發動出招，務求以埋身一下壓在對方身上獲勝。

小型動物塑膠公仔~ 一隻隻如中指般大小的動物公仔，自己自編自導自演或跟朋友去代入每一隻玩耍，好好玩！

還有嗎？有的話提提我。

每一代都有他們的小小玩意兒。記得媽媽在我兒時常說：「你們現在真幸福，真多好東西玩！我們以前只玩『抓子』(一種將一個個小豆袋拋上接著的玩意) 和大海 (名字不知有否記錯。兩個人將由一條繩子做成的形狀變來變去。) 呢。」

這番話，我想，會代代相傳。

兒時追憶~ 日本歌曲

架仔玩啲音樂一向出色，由年少時睇啲卡通好似超時空要塞、我係山T女福星同橙路入面嘅歌曲咁，首首動聽。

到到大啲聽流行曲，譚詠麟、張國榮、梅豔芳同其他歌手經常將日本歌改編，就更加見識到架仔嘅歌曲創作係幾咁堅！而家香港嘅嗰個所謂音樂教父雷頌德嘅快歌，都係「師承」小室哲哉嘅特快節奏啟蒙咖！

而家冇乜點聽流行曲咯，香港最新嗰首我剩係識囍帖街，日本嘅已經要數到番去工籐靜香喺上世紀90年代初嘅くちびるから媚藥。

再之前嘅五輪真弓、松田聖子、安全地帶、The Checkers 等等佢哋 oD歌，真係好好聽，真經典。以下揀咗松田聖子喺上世紀80年代最紅時候嘅 Rock'n Rouge (搖擺口紅。即係後嚟林憶蓮改編嘅搖擺口紅原曲。)，您哋一定聽過嘅！

兒時追憶~ 水馬騮

大家兒時有否玩 (養) 過水馬騮？

水馬騮是西方傳過來的玩意兒，中文將牠們的英文名字 Sea Monkey 直譯過來。這玩意兒歷史悠久，至少在上世紀六十世紀已有。在九十年代初仍可在萬寧及一些玩具店買到。

水馬騮是由兩包 (記得應該是兩包。還有一包是牠們的食物。) 生化粉末倒於水中攪勻後而成。將那兩包粉末在水中混合，待上幾天，便會有無數一隻隻微小的浮游生物出現。而每隔一段時間，牠們都會長大不少。到到長大到可清楚看見牠們的身體結構，一條條可長至尾指大小長度，身體呈紅色透明狀，兩粒黑漆漆的大眼睛，身體兩旁不斷游動的多條觸鬚的水馬騮，已恐怖得如外星怪物。不過，另方面牠們又游得挺優美！

記得水馬騮還有小小的專用飼養缸和顯微鏡 (玩具式) 一併出售。說是專用，沒任何作用，只不過是生產商的噱頭而已。不過，它的外型和包裝又的確能引起購慾。令人忍不住有養水馬騮的衝動。

現在各大小玩具店已再沒有賣水馬騮了，不過，要找到牠們很容易，比那時候更容易。只要去賣魚水族館，就有一包包用來餵魚的水馬騮了。因為豐年蝦就是以前所叫的水馬騮。

兒時追憶~ 兒童節目

生於七十年代初期至中期的七字堆朋友，一定有看過和記得辛尼哥哥及他的跳飛機。

依稀記得跳飛機有唱歌、有遊戲、有教育意味短劇，更有辛尼哥哥的道理。它還出過若干張歌曲專輯。這節目風靡當年一時。

還記得當年一部份小朋友的樣貌，名字倒忘了。只記得有一位叫青蛙，一位叫 Nancy，還隻一隻由人扮的大怪獸。哈，不知道他們現在怎樣了？我就曾在幾年前，在怡東酒店的 Tott's 見過辛尼哥哥幾次。。。。一切兒時美憶頓幻滅！

及後的亞視約在七十年代尾八十年代初有醒目仔時間，很成功！最記得那甜甜姐姐和那隻人扮的大熊貓！不久後，無線有了430穿梭機，所以，亞視同期的500飛虎隊自然沒多人留意。

醒目仔時間同430穿梭機的經典卡通，陪伴了您我多少個下課回家後的下午黃昏。星仔走天涯、神化嬌嬌女、我係山T女福星、超時空要塞、怪物小皇子、足球小將、宇宙大帝、六神合體和我係小忌簾等等，不可能忘記！

當然還有其他兒童節目如港台的香蕉船及肥皂泡！大家還記得嘛~

我常說，新不如舊，現在的兒童節目，差遠了！我真的有看過！真的遜色多了！

是我長大了的原故嗎？