超水準牛腩煲

我成日話自己係天才小廚師，的確，我煮嘢好味又有天份。啲菜式我通常睇一兩次就識煮。

但比起我阿媽，就真係仲差一大截！

好似照片中嘅炆牛腩咁，好味到呢，九記都要行埋一邊！我開頭以為係喺出面唔知邊間咁有水準嘅食肆買番嚟，原來係媽咪嘅傑作！

呢煲炆牛腩，色香味質都超水準，好勁！

啲牛腩濃汁我仲留番用嚟撈飯撈麵，認真一流！

成煲嘢都唔嘥得！！！

我嘅台灣牛肉麵。。。。我追到喇！！！！！

曾慨嘆香港叫美食天堂，但要食碗能夠媲美台灣地道嘅牛肉麵搵極都搵到。有一間喺星街嘅聽講水準絕頂，但要成百幾蚊一碗奢華版台灣牛肉麵。。。。我只係追求一碗好味嘅平民親和版牛肉麵啫，我只係要親切嘅回憶啫，所以呢種台灣牛肉麵唔係我想要嘅嘢。

不過，皇天不負有心人！！！！天無絕我喺香港追尋台灣牛肉之路！！！最近畀我撞到一間專賣台、日、韓食品嘅店舖，又畀我見到入面有賣用一小袋一小袋古色古香布袋裝住嘅牛肉麵 (見圖)，直覺話畀我知，呢隻牛肉麵，一定滿足到我一直以嚟嘅願望！

果然，好嘢呀！！！！好嘢嚟呀！！！！！

呢隻「古早牛肉麵」，無論麵質、牛肉同最重要嘅湯底，都係徹頭徹尾無與倫比嘅好味地道台灣牛肉麵！！！！

QQ 嘅麵質，彈性生命力十足嘅牛肉，濃馥而卻又爽甜嘅湯底，三位一體完全融合！我食嗰陣，除咗成個人彷彿躺洋喺牛肉麵嘅湯海入面之餘，我有一剎真係彷如番咗台灣咁！！！！！

更難得係，呢隻「古早牛肉麵」，食完唔會口渴。

另外，難以置信，煮呢碗如此級數嘅牛肉麵，所用嘅時間唔駛十五分鐘！

全力推薦！

註：

i. 佢有幾隻口味，個人最愛「原味」同「紅燒」。價錢方面，HK$55蚊一袋 (一碗份量)，幾貴。但對我而言，值！

ii. 第二張照片入面有幼麵喺度，係我自己另加嘅。因為，如果只係食佢嗰包麵，肯定唔夠飽。我下次會加烏冬或者其他白粗麵。

iii. 呢隻「古早牛肉麵」，好少地方有得賣。可惜！

士多啤梨，勁！

Sorly，照片係影得差啲。

照片中係士多啤梨嚟。

我一向唔太 likey 食生果，除咗榴槤、西瓜同香蕉 (間中)，基本上我係唔食其他生果。Okay！Okay！我知，我知咁樣唔健康。。。。由我啦，由我自甘墮落啦！

咁，大家會諗，咦，咁你又食士多啤梨~

Heeee heee，世上唔會有無端端嘅愛，唔會有無端端嘅唔愛 (其實有！)，梗係唔會無端端食啦！

大家知唔知道，原來士多啤梨含有好多「鋅」咖！嘩，「鋅」者，嘻嘻，壯陽之主營養也！喂，生蠔咁 Q 貴，但士多啤梨平咁多，X，我仲唔狂食？！

我係梁巔巔！

報告：真人試範報告，我依家一個星期食佢兩三盒，功效差過生蠔，但功效仍頗佳。

巔巔海南雞飯！

鬼故。。。。驚呀大佬！

講講其他嘢~

海南雞飯我好鍾意食。喺香港，以已消失嘅富麗華酒店，同而家有幸仍然喺度嘅「原宗正版」舊文華酒店嘅海南雞飯最正！

而家百物騰貴，冇錢嘅我，冇可能下下去酒店食。好嘞，出去其他嘅地方食，或者叫外賣，亦分分鐘仲貴過自己煮喎！X！香港係樂土？！

。。。。點都好，唔開心嘅嘢暫時忘記，講啲開心嘅！哈哈哈哈哈哈！就係用三幾十蚊，可以做出出色正宗嘅海南雞飯嘅飯！

今次介紹嘅係「莊記海南雞飯醬」。

呢隻「莊記海南雞飯醬」，只要喺煲飯嘅時候，加二至四湯匙 (兩人做飯兩湯匙。四人開飯四湯匙。)，攪兩攪，嘩，煮出嚟嘅飯，哈，同以上嗰兩間酒店比，well，有得揮！

西營盤「好客山東」美食記

個多月前同老朋友叡木又做食神，去了西營盤第二街的「好客山東」食午飯。

店子開在一住所大廈地舖，面積不大，但座位擺放尚算寬敞，算是坐得舒適。而且，地方也挺乾淨。

我們叫了一大碗吃山東菜必點主食之一~ 炸醬麵 (原來，炸醬麵乃源自山東，並非北京。)，一碟羊肉餃子和一碟蔥油餅。

炸醬麵的麵當然用上北方白色圓柱形粗麵，醬汁方面要讚，因為鹹甜度適中 (坊間很多炸醬麵只是一味得個鹹字而欠甜味。)，用料亦頗豐，沒失望。不過，喜歡鹹的我，就略嫌味淡了點。說起來好笑，當我說味道稍為淡了一點，幾近吃遍神州的叡木叉燒的道：「炸醬麵是這樣的啦！」妖！我夠知！。。。。XQYZ##$%&!!!XQYZXY&X!

羊肉餃子，肉汁香甜豐美。皮搓得煙韌，厚薄剛好。羊肉餡羶味中等，嫌羶的人應該也能接受得到。北方人吃餃子不同廣東人，是沒有湯的。北方人是把餃子和湯分開上。但您可以叫店子的人附上一碗餃子湯。不另收費啩。

蔥油餅大件頭，炸得外酥內軟，蔥份量頗多，「酥」味夠，夠「油」膩，夠豐厚，有層次感，好嘢！

結賬九十塊左右，不算便宜但亦不算貴，但在這經濟環境下，也算合理了。最重要是值。總結這間由地道山東人家族開的「好客山東」，我給八十分。值得一試。

地址：西營盤第二街143號海昇大廈A1舖
電話：2117 9680

P.S. 哈，那天由老友叡木他埋單，臨別時又送我幾包煙，好一個又食又拎的美妙一天！

茶葉蛋

我個人好多時都好激 (當然，亦有好多時候係鳩流流，hea 呀 hea。)，尤其是對鍾意嘅嘢。

好似照片中呢煲茶葉蛋，個幾星期前心血來潮，一整就整咗接近成廿隻！我好鍾意食蛋，各式各樣嘅蛋蛋都好鍾意食，茶葉蛋更係我最愛。

自己整嘅茶葉蛋，整好咗慢慢嘆，鍾意幾時食幾時食。而且，比出面買嗰啲仲入味好多！

茶葉蛋一啲都唔難整，等我教大家。

材料：

梗係要有雞蛋！
大量烏龍茶茶葉或紅茶茶葉。
大量花椒八角。
幾塊桂皮。
生抽兩湯匙。
老抽四湯匙。
鹽三茶匙。
糖三茶匙。

做法：

將水浸過全部雞蛋，然後將所有滷料連同雞蛋一齊住。要注意，一開始要用中火，否則，如果用猛火，會令啲雞蛋爆開流晒啲黃呀蛋白呀出嚟。

等啲雞蛋全熟之後，用杓將佢哋嘅殼整裂，然後你鍾意用咩火都得繼續煮。

到到咁上下，熄火，由得啲蛋同茶葉親熱係咁浸，最好浸過夜。

第二日，食得。

食茶葉蛋呢，係要食一啖飲一啖啲茶汁先最正嘅。又或者，成隻雞蛋放晒入口，o趙到咁上下，喺個口入面變到少少蛋醬嗰陣飲啖茶汁，仲正仲爽！

試試。冇點你！

順帶一提，茶葉蛋啲汁，用嚟解酒解宿醉亦功效奇佳！

台灣「豬油」拉麵

「豬油」拉麵，呢個名，係我作畀佢嘅。呢隻嚟自台灣嘅拉麵原名叫「五木」。

呢隻「五木」拉麵好好味，麵質勁煙韌彈牙，包汁又香又鮮甜，最精彩好嘢冇得頂嘅呢，係佢嗰包豬油 (圖中白色嗰兩包就係嘞)！真係，頂吖，只係一小包豬油 ja 嘛，就能夠將本身已經好好味嘅佢再提昇到更高境界！好 Q 讚嘆同感動呀真係！

「五木」拉麵有肉燥、香菇、海鮮同蔬菜幾種口味，個人認為肉燥同香菇味最正！

大家見到嘅話，買嚟食啦！我冇介紹錯嘅！台灣呢隻拉麵，架仔嘅都要行埋一邊！

嗯，懷念台灣其中之一，就係台灣嘅麵食同泡麵。

人間吃道雞牛戀

Sorry。大家闊別已久，我自製好味又嚟！您哋好驚呀？！。。。。

啲相「仍然係咁靚」 呀呵！哈哈哈哈哈~

Heeee heee heeeee，大家準備好未？

唔好驚啦~ 哥哥睇住您咖嘛！Heeee heee！

嚟！

光加熱就 = 火
火 + 歌就等於我
我與歌再 + 上您 溫度將提升更多~

牛 + 雞就又一餐
海南雞又有牛腩
腩又雞再 + 上我 食慾沒法擋~

用四湯匙「莊記」海南雞飯醬混和史雲生雞湯浸過 oD米 (水浸到2/3手背)，海南雞飯即成。

圖中，前日即時拍下來嘅傑作~ 如題。好味！

謝謝。

清爽好食！

「波仔」，好嘢嘞！

除咗佢啲麵飯好得之外，其他嘢都一樣好味！好似中湯西湯同甜品咁。

另一 Yeah Yeah 係「波仔」仲有出一包包素食，直頭係一包入面一棵棵菜，更 Yeah 係，吖頂，仲要係「椒腐通」，椒絲腐乳通菜呀！！！

有日滯滯地，冇乜胃口，整番包認真清新！

稍稍批評係腐乳味略嫌不足。同 o埋，若然做到炒嘅效果更佳。

靚魚豉油汁我自製

魚，用蒸，個人認為最正最好味！最能夠食出真魚味！

而蒸魚呢，蒸幾耐，固然好影響味道，碟豉油魚汁，亦係另一重點。講真，碟汁仲緊要過蒸魚時間，如果條魚蒸得唔好，但碟汁掂，一樣好味！反之，就唔得。

碟豉油魚汁，好重要！整得唔好，成條魚可以唔駛食。另外，唔係就咁淋啲豉油上去。

用一茶匙糖撈半小碗豉油，倒喺已經蒸好，鋪咗蔥絲嘅魚上面，再淋上滾油，靚正豉油魚汁即成。淋上滾油嘅時候，霹靂拍嘞爆出蔥香，魚肉更鮮嫩美滑，真係水乳交融如虎添翼！

靚蒸索魚加正汁，人間妙品！

唔駛用嗰啲咩蒸魚豉油嘅~

「大廚滋味」。「波仔」最 Yeah！

到現時為止，「波仔」嘅麵飯係市面上同類食品最好味。佢啲味道、用料都一流。叮完出嚟仲餸汁溢流，彈性十足。啲粉麵飯亦有彈韌度，勁好嘢！「波仔」分分鐘比某啲食肆煮出嚟嘅嘢更好味！

今次介紹嘅「大廚滋味」，冇「波仔」咁好，啲料少同味道冇咁鮮同真。但係，都叫幾好味。

好似照片入面我食嘅粟米肉粒飯，係肉粒好少好細，但肉粒竟然有啲咬頭！當然，味道亦頗得。十零蚊，比「波仔」平少少。可以一試。

加少少美極會更好味啲。

食住減！

坊間減肥方法同食譜多不勝數，最近，即係前日，做身體檢查嘅時候，heee heeee，發現，無心地，即係冇諗住，冇有心地做到嘢，我竟然輕咗成7磅喎！！！！呵呵呵！成7磅呀 X！個幾兩個月咋！！！

回想番呢個幾兩個月，我做過 oD乜去減肥呢？！。。。。冇噃！我只係唔經唔覺咁，不知不覺咁，好舒服咁有以下食法。

一日齋啡三杯。
Lunch 半飽或者多少少飽。
晚餐，21:00前，可以係咁食。
宵夜，有！火腿三文治。間中一兩晚更可以食公仔麵！
零食照食。但22:00後唔食。
多食蔬菜。
飲多啲水。

正哩！

Work！

當然，每個人唔同，因人而異。肥咗您唔好鬧我！

即食意大利粉

咖仔嘅日清又一巨獻！

講 o緊係呢隻意大利粉系列。

日清即食麵一向好口碑唔駛多講，而家佢呢玩 o埋意大利粉，一樣冇甩拖！咖仔真係~

我今次食嘅係三文魚口味。頂~~~~~ 竟然做到真係有真三文魚嘅味道！啲料仲竟然有脫水三文魚乾 tim！最抵死係濕水之後啲三文魚乾仲赫然仍有新鮮嘅魚味！同 o埋，啲醬汁做到同出面新鮮叫嘅差唔多！

好嘢呀！真係冇嘢好講！

試吓啦！

寫

(一)

前晚，星期日，食咗老闆喺坂長請嘅一餐。

叫咗好多好多，加上未病好，狀態麻麻，食唔晒。

坂長啲嘢係幾好味，亦見新鮮，服務態度又唔差。不過，我仍然畀佢唔及格！因為，衰小人計謀！係乜？將個場整到好熱好焗，等人快啲食完快啲走，做多幾轉！

如果話，整到啲座位坐得唔舒服，咁我都唔會反感。但整到空氣焗熱，真係影響食慾，胃口大減。

(二)

哈哈！德國4:0大勝澳洲，雖然已經唔係以前陰沉嘅德國，但嗰種年輕活力，進取創造，敢攻敢放，係以前嘅德國冇嘅。(不過另一方面又驚而家嘅德國華而不實，無咗以前嘅穩鎮感覺。。。。更怕唔好話唔再係逆境波皇，就連逆境波都唔識踢咯。)

不過，1990年德國由一開始到到尾嘅霸氣凌人，同今場有啲似！但現今嘅德國隊，比當年嘅班底仲年青得多 tim！

其他已出現嘅強隊，都踢得謹謹慎慎，拘拘束束，更顯德國嘅瀟灑，無畏無懼嘅侵略性。暫時有得比嘅，係癲，完全冇路捉嘅阿根廷。

(三)

一直知「波仔」出嘅飯盒食品系列好嘢！浪子m介紹嘅「漢堡薯蓉薯米」，而家先知有同好味成咁！敢講係「波仔」頭五名好食，仲係三甲之一！

(四)

唉。

這泡麵！

照片中嘅杯麵 (泡麵)，係叫維力炸醬麵，台灣出嘅，我喺台灣五年食足五年 (另一隻浪味炒麵都係！)，好好味，乾食濕食都同樣好嘢！

乾食一碗兩吃，另一碗係清湯，一啖炸醬麵一啖清湯，味道好夾！濕食味道濃馥，有啲似麻辣麵。

估唔到最近喺「賒粉」見到！不過，成HK$9.9一碗！！！冇計啦，即刻整番碗懷念一下台灣，回憶一番台灣當年情。

台灣啲泡麵，無論係牌子數量、質素同花樣，個人認為駕於香港嘅。驚喜係，祖國嘅呢，好似康師傅系列，竟然出奇地有水準，有部份仲拍得住咖仔嘅 tim！

下次有機會寫寫國內嘅即食麵。

孖寶！

篤！篤！篤！o錚！真係唔讚唔得！忍唔到呀！

近期先信中醫嘅我，平時喉嚨痛呀、感冒發燒呀，大病就一定睇西醫，但有啲嘢 (可以話係病。。。。或者叫唔妥啱啲！)，西醫係醫唔到又或者唔知點醫嘅，諸如好似熱氣、濕熱、牙齦腫、口氣、起 (生) 「沙」等等咁。遇到呢啲，真係要睇中醫或者食中藥先見效，先啱河車！

好似照片入面嘅念慈菴川貝枇杷膏，我而家每晚臨瞓都直吞一大湯羹，哈，咁樣，唔單只防止到牙齦腫脹，仲令我呢個煙民朝早起身嗰時冇咁多痰。

加 o埋旁邊嘅龜苓膏 (當然唔好買啲涼粉級咖啦！一般廿零三十蚊嗰啲已唔錯，有效咖嘞！)，一星期食佢兩三盅，呵呵呵，清熱去毒又醒神，好瞓兼且脾氣好啲，效果一流到暈咖真係！

中藥「kai」嚟預防、強化、養身，冇得頂！

P.S. 生蠔貴又想「發發聲」？！每日食三隻 Banana 同龜苓膠啦！WORK！！！！唔駛懷疑。係我親身報告！

美事妙日

兩個多月前一個閒日，同老友叡木中午去咗西營盤近上環一聚，順便嗒番杯，點知搵咗好耐都搵唔到間喺店外有位 (可以食煙嘛！) 嘅食肆喎！X！真係，香港越嚟越趕客！點夠大陸咁自由咁有 Fun！

搵呀搵，行呀行，好乸攰！卒之去 Q 到西營盤近上環口，搵到一間叫「群眾小炒王」嘅食肆，冇煙煲都照入咯！

問咗收唔收開瓶費，唔收，進入。

叫了煙燻蜜糖鴨胸同酥炸雞軟骨，兩者都好好味。煙燻蜜糖鴨胸煙韌脆口，肉實又厚。酥炸雞軟骨，炸得外熱內「慶」，軟骨過足牙癮，妙！

兩人個多鐘頭幹掉一大枝皖酒王，四圍眾人用膳唯我倆獨酌，微 High 酒意之中搭車番歸。

偷得浮生半日閒，美味小食、酒意、老友，人生人生，如此如此，亦覺倒也不賴。

所以話，偶爾一刻適當放縱，係人生轉瞬快樂仙丹妙藥。

預告「叁去壹」

呢間位於薄扶林道頭 (西營盤同薄扶林交接區) 嘅點心店，唔係酒樓，係街邊店舖式食肆，專食一盅兩件同一啲炒粉麵飯類。

呢間「叁去壹」，已經有幾十年日子！風味同蓮香等老式茶樓有過之而無不及。佢好有性格，每日剩係開凌晨三、四點到中午數個鐘咖咋！點零鐘就關門。我估間舖係佢自己嘅，唔係嘅話，真係擔心佢會「執」。

有啲嘢，會未試過就 feel 到係好嘢！呢間「叁去壹」，好強烈畀到我呢種預感！

試完我第一時間話個報告畀大家知。

食得愉快嘅愉記

前日下晝去跑馬地做啲嘢，嗯，星期日都要開工，唔多好 mood，但跑馬地乃悠閒地，啲樓，無論新同舊嘅，都起得有特色啲嘅，加上嗰日又風和日麗，爽番！

跑馬地呀跑馬地，係唔同啲嘅，連啲食肆都有性格過人。唔少食肆，點零鐘，一早收晒爐唔做生意咖咯噃！有啲仲連舖都未開！

搵咗一陣，有間樣似下午休市但仲有一兩檯客嘅食肆，叫愉記，由於太肚餓，望一望見對路似樣即刻入內。

女同事叫咗沙嗲牛肉炒河，我要福建冇福建炒飯嘅福建炒飯。

兩碟嘢都幾大碟，料都夠。沙嗲牛肉炒河，沙嗲味濃，牛肉頗厚身唔韌又有咬頭，河炒得 Q 兼有鑊氣。成碟嘢炒得濕乾剛好！正！同事話佢碟炒河夠兩個女仔食。但佢一個好快食晒。。。。呵呵呵！

我嘅福建炒飯，係我食過咁多地方嘅最好味！料多飯夠汁啱啱好多啲啲，正正！食到尾都冇出水！三個字~ 冇得頂！

碗章魚蓮藕例湯好大碗，亦好好飲。我未試過將咁大碗例湯飲到一滴不留嘅！

最要讚係碟菜。呢碟菜，唔係另外叫嘅。您可以話佢係平日鋪喺飯或者飯側邊嘅嗰幾棵菜，尤其係燒臘飯。但呢間呢，哈，零零舍舍用一隻碟分開另上喎！仲要份量幾多新鮮爽口好味道！有誠意有料到。

呢間愉記，夜晚食火鍋嘅。我相信佢哋嘅火鍋一樣咁精彩！佢哋啲侍應生，落力有禮得嚟不亢不卑。再加分！

A~ 講番餐飯幾 $ 先，兩個人，每人HK$36，一般價錢，唔一般嘅一餐，好！您都要去試吓！

地址：跑馬地毓秀街13號地下 B 舖。
電話：2574 7111

憑一壺清茶，平靜內心風沙~ 神秘食店！

這是個非一般廣告。

這間餐廳，無論係地點、佈置、氣氛，都一流水準，充滿特色。「她」的菜式，更是 fusion 得精彩！

「她」身處蘭桂坊中心之中心，就在廿多年前我蒲的，至今仍在的 Post 97 樓上。「她」地方雖小然佈置的骰，店主不會為賺多一點而犧牲客人的私人空間，寬敞舒服。而且，滿載東方氣質古色古香。

食物方面，我常說，美味好吃，多貴也抵。何況，那裡的價錢也著實公道 (整套菜多樣多元化，人均消費三百多或五百塊有找。)。更而且，其 fusion 菜對您的味覺，肯定寵弄得慾仙慾死！

那裡的傢俬檯椅擺設，木香處處，木櫃裡書香滿溢，隨著店主真傳弟子為您沖出來的茶香，我為「她」私下稱作「四香私房菜棧」。木香、書香、茶香、菜香是也。有幸有緣，您還能享用到店主的親自茶藝。

這間店，對我來說，還有友香。但請放心，如果您去嚐過，也一定會知道，我對此篇的讚賞，是出於真心表揚，第二才是由於和店主之友香。

地址：蘭桂坊，Post 97樓上，10樓。慶公宴。