Hand In Hand~

奧運快到，今屆，同前幾屆我不管在哪裡舉辦亦不理其他甚麼政治上的問題，我個人認為，哈哈，1988年的奧運主題曲~ Hand In Hand 最好聽！

其他的，有主題曲的嗎？！今屆的。。。。好像還未有。對嗎？不要告訴我那首「Forever Friends 永遠的朋友」或者係那首甚麼 Are you ready 還是 we are ready 是呀！

這首1988漢城奧運主題曲，它的旋律和歌詞，特別是配合那天開幕大典的編排情景，每一次聽，每一次看，我都會被它的澎湃而心坎震盪，熱淚盈眶！



Hand in hand we stand all across the land
We can make this world a better place in which to live
Hand in hand we can start to understand
Breaking down the walls between us for all time

Breaking down the walls between us~
Breaking down the walls。。。。

時辰到~ 還要問？！

無恥土仔騙子扁的女兒陳幸妤最近在街頭對著傳媒記者發狂發颷，怒罵他們，並瘋狂地重複向他們發問了以下問題。

節錄如下：

「我爸爸已不是總統，你們為甚麼還跟著我？！」

「你們妨礙了我的自由！知不知道？！」

「我到底做錯了甚麼？！」

。。。。

還要問嗎？！

因為~

妳的爸爸貪污咯、妳的媽媽貪污咯、妳的哥哥貪污咯、妳的丈夫貪污咯。妳，在當中沒有得到任何好處？！

妨礙妳的自由？！之前妳老子老母在台灣「呼風喚雨」的風光八年，不見妳這麼說？！

妳做錯甚麼？妳還要這樣子的問，証明妳是一個不懂反思，不要臉的人。還有，妳不知道，妳以前有多跋扈 (難得現在也是一樣)？！

最能証明她的德性，發問自她最後的一個問題是：「你們為甚麼不去跟馬唯中 (馬英九的長女)？！」

德性本性如此，一切公道在人心。

橫行霸道之後，不一定會時辰到。但若果時辰到的話，就像現在。

難到妳還未知道，還要問？！

點只餐廳咁簡單

早排搬嚟搬去，有成個月住喺馬鞍山附近。住嗰度有好多食肆，集中 o埋一齊好有特色，有一點以前大笪地嗰種 Feel。

酒樓呀茶餐廳呀餐廳呀粥粉麵舖呀同大排檔式食店呀等等，間間都好好味。其中有一間，唔知點分類，佢差唔多混合晒前面嘅種類！冇記錯，叫金富飲食中心。

呢間嘢，頂~~~~~ 咩都整得好好食！盅頭飯、中西式碟頭飯 (種類配搭多到呢！)、茶樓點心、茶餐廳式食物同 o埋各類小炒菜式，全部「依支 Bun」！圖中呢碟係多汁 (多汁係我逢叫嘢食時必加嘅兩個字) 嘅枝竹火腩飯 (料多飯夠鑊氣勁！)。

而且，價錢算合理，服務態度又好，所以成日坐滿人。

突然諗，如果呢啲食肆可以開喺好似以前嘅大笪地嗰 oD地方咁，您話幾正！忽然好想香港會有番呢啲地方，同可以見到番一車車賣魚蛋、賣配有各種料嘅麵、賣鹵味魷魚、賣蒸粟米等等嘅熟食小販。。。。

我知冇可能。

都係嗰句~ No Fun~

一 Click 人生幾十載~ 必看好碟 (片)

男主角就如很多我們現實裡面的男人，日常要為生計奔波，又要顧及妻兒家庭，夾在其中，無奈既苦不堪言。

一天，因緣際會，他在大型超市巧遇一古怪老頭，從而獲贈一個「萬能電視搖控器」。往後，那古怪老頭很貼心，在適當的時候便出現，例如教男主角怎樣操作那搖控器。

他發現，那「萬能電視搖控器」竟可助他活得過癮，因為，它能夠令他操控自己甚至別人的人生！他可以用它任意快速向前，讓自己跳過無聊及等待的痛苦時間；也可向後，時光倒流，將自己回到回味無窮的過去。

就在樂不可支，得意忘形之際，漸漸，它的副作用開始發作，反噬了！它失控了！他發現時，感到後悔時，一切，已太遲，回頭太難。。。。

全片以輕鬆的手法，卻不失笑中有淚，淚中有笑，言之有物，帶以一點黑色幽默去演繹人平常的希冀狂想到後悔已晚的可笑亦悲人生。我們平日不是常常幻想若可以時光倒流，以及若可以跳過某些人生階段地向前走，那便多好嗎？此片正道出其中喜與悲~ 悲多於喜；喜只是一時，悲方是落幕結局的故事。

結局，可作兩個去看。最後，男主角含悔死在親人圍抱著的雨夜街上。

醒來，他累極睡在大型超市的床上。原來，只是南柯一夢。往後，他積極樂觀面對煩燥無奈的人生，繼續生活。他知道，不管命運是如何，最重要是自己的盡情演繹，既然要去演，那為甚麼不選快樂的去演？！

現實裡，不會南柯一夢。有的，或者，是輪迥轉生後才可有的另一從頭開始。

寫在後面：

壹~ 此片原名叫「Click」。港譯「命運自選台」。

貳~ 看罷全片，第一個感覺係好好看好到，直擊您的要害！有幾幕，要令人眼淚流。。。。

叁~ 第二個感覺是立刻令我憶起兒時在電視看過的一齣彩色粵語長片~ 遊戲人間三百年 (由譚炳文主演。1975年)。

兩者，異曲同工。

半夜奇譚。。。。

亞視自劉志榮過世後，喺星期一至星期五半夜打正旗號叫「永遠懷念我們的劉志榮」，連播兩齣經典~ 變色龍同 o埋鱷魚淚。

上星期我知道之後，我記憶話我聽：「吓！乜鱷魚淚有劉志榮份做嘅咩？！」我睇咗兩晚之後，記憶番晒嚟。我好肯定，亞記攪錯！

有冇離譜 oD呀真係？！咁都可以攪錯嘅點解？！喂，咁樣唔單只唔得尊敬死者，直頭係侮辱！仲有，攪錯咗冇理由唔知咖，哈，你吹得佢脹，佢唔抽起都算嘞，仲仍然喺片頭同賣廣告嘅時候用嗰句「永遠懷念我們的劉志榮」畫面喎！真係服晒！

唔知嘅話，仲會以為去世嗰個係另一個當年都係台柱之一嘅潘志文 tim。皆因此君兩齣戲都有佢份，亦係主角。

我而家終於明白，點解亞記到今時今日都係咁！原來，真係有原因。。。。唉~

一個新國家！！！！！

呀哈哈哈哈哈哈哈哈哈~~~~~~~ 笑死我喇真係！哈哈哈哈哈哈哈~~~~~

最攞命係呢班人唔係講笑或者要搞笑，而係好認真！所以，好笑嘅程度更高呀！哈哈哈哈哈~~~~

佢哋真係好認真！有 o埋國旗、國歌、國土、官方語言、皇室首長內閣、各省各部門、貨幣、兌換率、階級。。。。仲會有封號 tim！哈哈，佢哋就封咗呢期好紅好夠薑嘅陳巧文做第一勇士~ 巴圖魯嘞 (熟歷史嘅朋友應該已經知道呢個係咩國家嘞！)！哈哈哈，頂癮呀！

想唔想知呢個係咩新國家呢，click 呢度啦！

我都有衝動想登記做國民！哈哈！

P.S. 再細看呢個網，唉，我即時 X X 聲！點解？睇呢 part 唔該！

Girl~ You'll Be A Woman Soon~~~~

我有好多怪癖，其中一個怪癖就係睇碟睇到某一段好正好好睇嘅，就會翻睇翻睇再翻睇咁睇好多次！而久唔久呢，又會再翻睇翻睇再翻睇。。。。

好似以下呢段出自鬼才昆倫塔天奴域早期成名之作~ Pulp Fiction (危險人物)，由佢嗰時條女奧瑪花曼嘅 solo，正到呢，一小段已經係全片代表！



睇完之後，我又一次明白，女人真係水造！而且，更想講，大家話點可以冇咗女人？！

另外，睇咗咁多次呢段 (同 o埋前半截)，我還疑佢真係 high 咗嘢先去拍！

Girl, you'll be a woman... soon

I love you so much, can't count all the ways
I'd die for you girl and
all they can say is
"He's not your kind"
They never get tired of putting me down
And I'll never know when I come around
What I'm gonna find
Don't let them break up your mind.
Don't you know...

Girl, you'll be a woman soon,
Please, come take my hand Girl,
you'll be a woman soon,
Soon, you'll need a man

I've been misunderstood for all of my life
But what they're saying girl
it cuts like a knife
"The boy's no good"
Well I've finally found
what I'm a looking for
But if they get their chance
they'll end it for sure
Surely would
Baby I've done all I could
Now it's up to you...

Girl, you'll be a woman soon,
Please, come take my hand
Girl, you'll be a woman soon,
Soon, you'll need a man

Girl, you'll be a woman soon,
Please, come take my hand
Girl, you'll be a woman soon,
Soon but soon, you'll need a man

試聽

星期五~ 開五點

(壹)

人一直活落去，一日未瓜柴，真係成日都會接觸到新嘅人、事、物。好似最近，小弟我好難得地喺網上接觸見識到地球人類新品種！

呢類喪犬之中嘅 XO，只要意見唔啱佢聽 (又唔係 X 佢嗰噃)，條喪狗就 X 媽拆蟹 (但佢 oD料又唔係得喎)，理得你同佢本嚟係相識甚至關係不錯嘅。呢「挺」鳩頭，橫蠻跋扈如此，除咗 X 鳩，亦都要即 cut。

條鳩頭亦試範咗，乜嘢叫話人者是~

(貳)

呢輪啲天氣陰陽怪氣，前兩日陰陰濕濕黏黏焗焗，尋晚仲唔開泠氣唔得！但今日呢，哈，風和日麗兼乾乾爽爽喎！

最易令人病就係呢 oD咁嘅天氣，唔怪得咁多人感冒。

(叁)

我而家用嘅手機6120，唔錯。對於我嚟講，功能夠有突。基本上，我要收得清，音亮清晰同影到相就可以。況且而家呢部有成2000000萬像素！

(肆)

我前日煲人蔘杞子北芪淮山雞湯，放咗一大隻肥雞落去煲，結果，煲嘢肥到濃到「漏」到呢，連一向鐘意飲呢 oD湯嘅我都頂唔順！見到聞到都想嘔！要成煲倒晒！阿彌陀佛~~~~ 罪過呀！(見右下角圖)

(伍)

如果各位有瞓喺床上面，挨喺床頭用雙手或者一隻手枕住個頭睇電視，做其他嘢嘅話，小心嘞！我最近個幾月都有頗多時間係咁，攪到呢個禮拜左手手肘疼痛，呢幾日仲好 Q 痛！

所以真係要注意日常嘅姿勢，尤其過咗三十歲！唉，好易有嘢嘅真係！

正到痹嘅餐廳~ A La Umai~

Bonjour，ce qu'un grand restaurant！阿呢咖鐸！

唔駛講咁多~ 好嘢自然要同大家介紹！

去試啦！一句~ 正！試過就明白何謂 一流同真正嘅 Fusion~

P.S. 有關詳細資料請 click 本篇題目啦。

台灣開始新一天！

台灣，自無恥小丑爬街扁上台後，衰足八年！其實，點只八年！自奸佬鞋抽馬面輝變身之後，台灣已經開始無運行！

今日，係馬英九宣誓就職嘅日子，亦代表住台灣嘅新一頁。且暫勿論由英九哥帶領嘅新政府將會為台灣帶嚟係一個有幾好嘅將來，起碼，呢個係一個清廉、有朝氣同有希望嘅政府。如果畀民進黨班小人得志賊仔騙子繼續執政，台灣就肯定冇運行冇希望兼死鳩梗！

至於民進黨，若然馬英九未來八年做得妥妥當當，咁，我估計未來十二年都係咁先！冇 o格，根基畀土仔扁刮空，同佢同代兼第三第四第五梯隊，仆街到個個都身有屎同唔掂，幾乎將會全部都畀人告，正所謂「冚家拎」！真係自作孽~

誠心希望台灣自今日開始，再創造奇蹟，同 o埋與大陸走得更近，更親！

地動山搖的一句

隨著五一二四川大災難的不幸降臨，有多少可歌可泣的事情每天都發生著。

好像拯救人員夜以繼日，毫不鬆懈的救出每位傷者、跳傘軍人將自己生命豁出去也要到有關地點救人等等。

今天看生果報，其中最令我震動的，是一位母親。

救援人員在頹垣敗瓦中，「發掘」到一位婦人。他們確認她雖已死亡，但見她仍然用雙手扶地支撐著已死的自己。。。。而救援人頭準備轉移到下一個建築物的時候，一位救援隊長突然有所發現，於是，他就把手伸進死者身下搜索，在汗水心力之下，他赫然發現有個孩子竟奇蹟地還有生命，仍活著！

一個三個月大的男嬰，包著一張紅色帶黃花的被子，被庇護在不要自己生命也要保他平安的媽媽懷裡，安詳睡著。

「隨行醫生解開被子替男嬰檢查，發現有一部手機塞在裡面，醫生下意識看了手機屏幕，見到母親留給孩子的短訊：『親愛的寶貝，如果你能活著，一定要記住我愛你。』」 http://appledaily.atnext.com/template/apple/art_main.cfm?iss_id=20080518&sec_id=4104&subsec_id=11866&art_id=11120944

「親愛的寶貝，如果你能活著，一定要記住我愛你。」

多麼偉大感人的母愛！多麼地動山搖的一句！

願乖乖早點去睡

閉上眼進太空裡

我會抹去你的眼淚

那怕變化歲月裡

北風祗管呼呼吹

我也會抱你吻你身心裡

願乖乖早點去睡

既已跳進世間裡

去看去聽你必會累

世界會要你面對

許多紛擾的火堆

告訴我不必孤單空心碎

愛你是我的生趣

怎麼結果都心醉

無須負重任

催逼一生答謝

祗須講 Ma Ma I Love You

願你一生不畏懼

世界醉了你不醉

有了智慧再加敏銳

你要往遠遠路去

不管艱辛祗管追

我也會暗暗祝福一千句。。。。

媽媽 I Love You 試聽

又走一過。。。。

睇麗的同後嚟嘅亞視大嘅我，今日聽到劉志榮病逝消息，hummm，有啲感慨。

當年佢幾乎係麗的同 o埋亞視每部劇嘅主角，亦係大型節目嘅御用司儀。佢演戲演得好好，好演技。尤其是演一啲古古惑惑，生鬼惹笑嘅角色更係入木三分。

後嚟佢逐漸淡出電視，做電影幕後，又躋身政界做區議員，演員、司儀、老闆、議員，多個角色，人生是戲戲也是人生。

於他，每個角色都演得成功，包括對家庭。

才五十六歲，真惋惜。。。。

靚片金曲~ La Boum II & Your Eyes

法語舊片~ La Boum 好多人都知道或者更看過。它那首主題曲~ Reality 更加係無人不曉的經典金曲。

但大家又知不知道，還有 La Boum II，沒記錯的話，那時在香港也有上映 (港譯多情學生妹。個人覺得此譯名乃失敗之作，因為極會令人誤以為是一齣咸片！)。它的那首主題曲~ Your Eyes 堪與第一集的 Reality 不遑多讓，好聽到暈！



而兩集的女主角，都是索爆的蘇菲瑪素。個人認為，La Boum II 裡面的她，是她美麗動人的巔峰時期。

P.S. 記住一定要睇 o埋呢段片喎 (Yours Eyes 配 La Boum II 嘅精華片段，好正咖！)！

Your eyes
Opened wide as I looked your way
Couldn't hide what they meant to say
Feeling lost in a crowded room
It's too soon for a new love
When you smile your eyes show your heart
Lost inside a soul torn apart
Feeling alone with people around
True love is so hard to find now

You think you're so misunderstood
I'd explain if only I could
Something tells me this time it's real
The way that I feel

Your eyes like the blue in the summer skies
Caught my gaze as I looked across
Feeling lost in a magic maze
It's too soon for a new love
You can't hide that look in your eyes
Open wide you seem so surprised
Searching around for somebody new
True love is hard to find now

When you smile your eyes show your heart
I feel mine is falling apart
Don't you see the way that I fee
lMy loving is real

When you're lost your eyes show you how
I should like to know I'm a part
When your eyes shine I'll know you're mine
For all of the time

閒談點點

＊ 近日心情一般，除咗有時會因為某啲剛過咗去嘅嘢發吓惡夢，就係一諗起四川件慘劇，都會有啲心有戚戚然。希望 oD災民能夠安然渡過，受創嘅身心可以盡快恢復過嚟。

＊ 睇咗多年嘅連環圖~ 古惑仔，我決定睇完呢輯故事單元~ 香港洪興火拼台灣毒蛇幫之後，唔再買嘞！

原因無他嘅，本嘢越嚟越「單薄」，呃錢囉！喂，大佬，十四大元一本唔駛三分鐘睇完！又將啲情節拖長嚟講 (無謂兼且沉悶地噃)，唉，唔即 cut 都算係咁。

＊ 講開連環圖呃錢呢樣嘢，其實連唔少散文集都係！當中包括我偶像之一嘅蔡瀾！一篇超短嘅文，oD字印到大大隻，行與行之間好體貼您嘅雙眼地隔到好~~~~~ 開咁，咁就版半甚至兩版！

不過，都好在仍有可取，起碼都仲有啲嘢知多啲。至於嗰 oD無料到又呃飯食嘅，好似李 _ 恩嗰類甚至其他喺名氣上等而下之者，真係~ COW！

＊ 尋日睇咗「藍」，噓！紅白藍三部曲「終於落幕」！

講開都幾有趣，就係三部曲我都係睇碟嘅，先紅後白最後藍，由白到藍已相隔八年！而且呢，呢三部曲我都分別喺三個唔同嘅地方睇~ 順序係台灣、澳洲、香港。

＊ 最後講啲嘢提吓大家！各位最近留意街上面，當您行行吓嘅時候，周不時會有唔少由木棉花樹飄落嚟嘅一小團團嘅棉花飄吓飄吓，盪嚟盪去，好似雪。。。。好靚！好詩意！

唔開心，納悶嘅時候，望吓欣賞吓，個人都即刻開朗啲。即使唔係，有 oD咁天然，就算要畀錢都未必有咁靚嘅嘢睇，唔望多兩眼欣賞吓，咁您話幾對個地球唔住哩~

記得留意吓咯喎。

天災之外

距離舉國 (世) 矚目，天下焦點匯京師的零八奧運只十三週，在各地都有反京奧的聲音之時，我們的四川發生了7.8級大地震，相等於二百多個核彈的破壞力，已奪去了超過一萬條人命。

連遠在香港甚至台灣都感受到震盪。

一下子，各地都摒除對中國辦京奧的有關不滿，之前所有的不利都因這次的不幸蓋過了，可說因禍得福嗎？誰稀罕這種「福」？或許中共領導層會的。。。。

人禍，不會比天災害人民來得輕，分別只是沒有那麼明顯，震撼。然而，卻更陰隱，更害人。因為，人禍之患不易讓別人像遇天災般有被伸出援助之手之助的機會。

天災可怕，人禍更毒。

相信這由這刻開始，該不會再有反京奧的聲音。

中國，中國人，我們的詛咒，惡運，到底甚麼時候才完結？！



梅花梅花滿天下 愈冷它愈開花

梅花堅忍象徵我們

巍巍的大中華

。。。。

哲意禪味

竹林裡，木屋茅舍，禪味盎然。

屋舍內一幅掛畫大字，哲意頓生。

在大陸，我想這樣子的地方還是有的。但一處如斯的聖景，要論整體。整體不僅僅是那一地點，還要包括它四周環境。就如一間酒吧餐廳，儘管裡面的裝璜是何等漂亮，但若外面是烏煙瘴氣~ 內裡中環，出面砵蘭，那也屬嘥料浪費。

內地，若整體來說，嗯，已知的，該沒有了。

那裡，在不遠處不是已於附近滿佈了商販的店舖，就是駐紮了政府販賣部的賣票機。即使不是，但在四圍的環境，可以說，縱不至於俗不可耐，也多是互不匹配。

看看日本。

人家在包裝和內涵，均一致而貫徹始終始終如一。少至貨品；大、深入至建築文化。簡單具體一點，除了日本人的好學、認真、尊重以及自愛，配合以上的，他們還真有天賦！懂得「那一種藝術」、「那一種味道」。。。。ummmm，如。。。。少或淡的味道。如，輕雪、薄熱、淡化妝、弱富、少貧。。。。

多麼悠然~

似有若無，是無還有，輕重疑疑，實虛哪在。

碧綠軟實的草餅，鋪上一層薄如霜麵粉 (連麵粉在這樣子亦那麼美)，包上一紙紗包，封以精美紙盒，最後還書上楷書或草書的封面字體，內外兼顧，這才是大國之涵，這才叫 BALL~

淡才更入，入才知淡的深。

看著醜陋的中國人，聽著義勇軍進行曲；看著菊花與劍，聽著君之代，那一剎，梅花櫻花的片片斜落花瓣掩面而至。。。。

這時這刻，哲意禪味，您會為哪片而醉？

好玩玩意兒

人大了，不像兒時般甚麼都可玩一餐。而且，長大後所玩的東西，它們大多數的快感與兒時的都截然不同。

倒有少數是例外如釣魚、打機和結識異性。

有一樣玩意兒，很好玩好過癮的！在香港，我們兒時都應該沒有玩過，事實上，住在都市的我們亦很難有機會玩到。儘管您以前或現今住在農村，也肯定未曾試過！而且，小孩和大人也一樣喜歡的！

哈！是甚麼？！

我曾寫過，在台北的日子，有一段長時間曾住在荒山野嶺，閒時無聊試養雞，結果，養至整個後山的小山丘一整山都是雞！

當然，我這次所講的極好玩極過癮玩意兒不是養雞啦，養小雞相信很多人兒時都養過嘛。

那時，除了自制風乾蘿蔔 (失敗之作) 和養雞，另一玩意，也就是我這次要說的極度好玩過癮之事~ 孵蛋。

當然不是我自己走去孵雞蛋，而是買一部孵雞蛋器 (在香港那有得賣吖！所以，我肯定大家未試過。即使您曾身在外地長住，也肯定想不出這玩意！)，然後到超市、雜貨店及養雞場分別買一些雞蛋回來，劃上記號，再放入孵蛋器中，調較到攝氏三十七度，鋪上一條毛巾蓋住，靜靜的等待三個星期。。。。

這三個星期是令人「痛苦的」，心急死的！但二十一天之後，登！登！登！登！掀開毛巾，打開器蓋，那些從各處買回來的雞蛋，其中可能會有一、兩隻甚至更多是受了精的 (也很多時一隻都沒有。這亦是最好玩最令人驚喜的地方！)，已孵成可愛的小雞啦！

那一刻的喜悅與快感，我好肯定，不管是小孩及大人都同樣飛天！

P.S. 在網上只要打「孵蛋器」，便可找到介紹和網上購買方法。大家不妨買來玩下啦！

怪異的火光。。。。

話說現在住的新居，除了位置地點好，最重要是感覺舒服，住得自在，一點不舒適都沒有。這對空間 (特別係住宅) 非常敏感的我尤其重要。

以前其中做過的一些行業需要到訪很多住宅，如果因為有某些「污糟」的東西，那即使是豪宅抑或有金碧輝煌的豪裝單位，我都會立刻感到有不妥，渾身不自在。

當然，有些住宅令人不舒服不一定是因為有那些「東西」，而是由於另一原因，就是風水問題。曾試過去過一個位處中半山羅便臣道的豪宅單位，那裡很大，足有二千多接近三千呎，歐洲宮廷式設計，很美的。但它中間卻有一條大大的結構柱，我在那裡沒多久已頭痛。離開後，與我同去的那位客人也跟我說那單位不好，因為的是那條「頂心杉」。。。。

上兩個星期的某一個傍晚，我坐在「塔塔米」的床上看電視，突然間，在床與電視那一段距離的空地的一角，沒有任何電制電線，有一團頗大淡淡藍白色的火光「o蓬」一聲乍現速無，聲音情景仿如平常燒電制時差不多。

吹脹的是，跟五師兄談起這件事，他解釋道可能是屁的關係！他真是他媽的放屁！我那刻都沒有放屁，而且，屁，不會凝住還會產生如此大的火光和聲音吧！

幸好，這裡仍住得舒適自在非常。

恬不知恥

第一則，之前睇完樂遊兄寫已經忍唔住，尋日睇 o埋本雜誌報導，點都要 X 一 X！

第一則，一則兩單。兩單都出自出晒名假嘅無記所出品嘅「一百萬人的故事」，兩單都笑 Q 死，兩單嘅主角都冇「餡」、質地奇劣兼低能到唔恨！尤其係第一位！

吳 _ 如~ 佢全程嘅輕挑唔講嘞！個 o靚仔屋企窮到燶，平時一日三餐都只食白麵包同腸粉，個白痴主持吳君竟然問佢：「點解唔買飯盒食呀？」

我 X！

呢條女同晉朝有個出晒名低能白痴嘅惠帝簡撚直分庭抗禮！人民冇飯食要食樹皮樹根，嗰個惠帝仲問隨從：「點解佢哋唔食肉粥？」

唉~

第二單嘅主角係劉嘉 _~ 去探窮人仲戴隻好多卡嘅火鑽！喂，攞景定贈慶？！聽聞佢全個節目仲要好似審犯咁嘅口問，有冇攪錯？！

平時做戲就咁叻？！妳班友假都算嘞，連戲都嬾得做！表現完全冇腦同唔尊重他人！八婆即係八婆~

仲有嗰個妖人 _ 志雲！佢嗰頭喺嗰咩飯局就食 oD貴夾唔飽嘅嘢，呢頭就嬾乜咁做 o埋呢啲咁嘅爛節目！當然，一個電視台，佢係佢嘅位置，係要做啲多元化嘅嘢。。。。X，總之就唔乸鐘意佢！

第二則，新鮮熱辣，就係陳巧文被龜拉嘞。

又一証明，香港 oD龜真係好叻好有效率 (不過只係對住啲好人同冇乜反抗力嘅人咋喎！)！

而且，仲好龜力過剩 tim！

以上兩則嘅主角們，都風光威武，身處上風，事實上，他們均恬不知恥。

聖火奇譚

啱啱「納」咗幾「納」頭先開始咗嘅聖火傳遞，感到好奇怪，乜今日係假期嚟嘅咩？！點解咁多人圍觀嘅？！班友唔駛做？！唔駛番學？！奇！

香港而家嘅失業率又唔係高，至於成日話殺校，但點都有唔少學生嘅，而且今日又唔係唔駛番學，咁如果佢哋唔係打工仔同 o埋學生哥嚟，咁，嘩，即係大部份都係「屍拉」，「閃閃」同阿叔阿伯啦！嘩，香港嘅人口老化。。。。杰！

另外，早前份傳聖火名單咪畀人 X 話政商分贓嘅，哈，有關當局醒呀！喺有好多人圍觀嘅鬧市中心嘅第一段全部都係由運動員同藝人拎碌嘢玩火，去到冇人嘅青馬大橋嘅第二段 (因為企唔到人)，oD大鱷呀妖人呀牛鬼蛇神三山五嶽，有關當局就畀佢哋逐一蒲頭玩火嘞！

係呀！我係咁睇當局專登咁樣安排咖喇！

原來每個傳聖火嘅人都可以拎碌嘢番屋企做紀念。碌嘢除咗有紀念性，其實仲好實用！例如可以用嚟照明 (停電嗰陣)、煮食 (點燃煮食爐嗰陣)、自衛 (被打刼嗰陣) 同自慰。。。。

又鳩嗡完，拜拜！

瑣事雜記

(一)

上次講開喺我住嘅附近遇到蔡瀾同倪匡，仲即刻番上樓攞咗本散文集畀蔡瀾佢簽名。

「你叫咩名呀？」佢親切地問。
「梁巔巔。」
「好名噃！」佢讚嘆！

點知，佢寫~ 梁甸。。。。我即刻話：「唔係呀蔡生！係『巔』峰個『巔』呀！」
「啊！『巔』峰個『巔』！好！」

嘿。。。。佢續寫落去。

第二個「巔」佢竟然寫咗呢個「顛」！！！！

即係變咗「梁甸顛」！！！！！

吹脹！

我開始懷疑 oD散文係唔係佢寫或者，我相信佢長期飲醉。

。。。。

(二)

呢排瘋狂睇咗好多碟，發覺，舊片真係好睇過新片。

好喺邊呢，就係好喺有嗰種戲味，一睇再睇三睇睇完又睇都咁正一樣咁好睇，襟睇！

(三)

尋日食晏，喺間韓國餐廳叫咗碗石頭鍋飯。鍋飯其實幾好味，不過呢，料太多，飯太少，攪到唔知點咁。我一向鐘意飯多料啱啱好就最好味。

(四)

飯可以唔食 (食三文治或者之前我寫過嗰 oD都得)，但湯唔可以唔飲！

我每個禮拜都會煲兩三次湯補補潤潤嘅！有湯水，人都正啲，醒神啲，強啲！我今日，又煲咗豬脷雞腳湯喇！

女人唔補好易老~ 男人唔補好易冇~

聽日係公眾假期，祝大家有個愉快嘅傳聖火前夕。