雲兒下看吧
世界上滿兒童
兒童活潑聰明
雲兒下看吧
世界像個球兒
兒童在微微笑
兒童是快樂和互愛
兒童是友善和氣
兒童是美麗
個個臉似紅霞
兒童像鮮花的笑
六字堆尾七字堆嘅您，仲記得呢首唔記得咗係幾年級嘅中文科教育電視主題曲呢？
另外，對教育電視嘅記憶仲有嗰班例牌小演員好似孖仔同年紀較大嘅鞋抽，仲有有好多人扮細菌嗰集健教科。
上網 search，連一個那年代嘅 ETV 都搵唔到。可惜。
世界上滿兒童
兒童活潑聰明
雲兒下看吧
世界像個球兒
兒童在微微笑
兒童是快樂和互愛
兒童是友善和氣
兒童是美麗
個個臉似紅霞
兒童像鮮花的笑
六字堆尾七字堆嘅您，仲記得呢首唔記得咗係幾年級嘅中文科教育電視主題曲呢？
另外，對教育電視嘅記憶仲有嗰班例牌小演員好似孖仔同年紀較大嘅鞋抽，仲有有好多人扮細菌嗰集健教科。
上網 search，連一個那年代嘅 ETV 都搵唔到。可惜。
4 comments:
唉，比你爆左我年紀，想唔認老都唔得喇。
我地細佬果個年代有幾多人有錢買錄影機吖？就算有都好少會浪費d錄影帶黎錄教育電視。除非係學校自己錄啦。所以都幾難揾到教育電視。
係呀我都記得鞋抽呀，唔知佢依家點呢？
你講起首歌我就記起了,
不過你真係好好記性喎,
至於啲小演員就一個都記唔起了! =(
「你睇下d細菌幾咁囂張，但我地人類甚麼甚麼」
果兩隻細菌傳播真係勁經典，人人講起都會記得呢兩隻。
我當然更記得「青春期」啦
我覺得最經典係佢地d口吻
「表哥(d表哥永遠都係唔講粗口而且有學識的)，點解條女係咁咁咁既？」
「明仔，其實呢個現象就係甚麼甚麼」(然後會拿出一推甚麼三球儀之類的教具，表哥的家真的好神奇)
「呀，我真係唔明勒，梁老師，點解d人話六四無人喪生呀？」(說的時侯要一隻手抓頭，一副無知相)
「小權，你問得真係好呀，其實係因為佢地係西人law」(一副很有耐性，循循善誘狀，個miss個樣仲要唔錯，我一世都未見過咁樣的miss)
「哦~~，原來係咁，我明白晒啦」(我讀咁耐書，都未講過呢句野，班友被個老師講兩句就明晒，真自卑)
「電視機旁的同學，你地又明唔明呢？(我通常都心想：真係唔明wow)再見！」(一班作狀細路同梁老師一起揮手，我就繼續對住一個唔作狀，唔索，惡形惡相的老師)
程兄: Heee heeee!
"我地細佬果個年代有幾多人有錢買錄影機吖？就算有都好少會浪費d錄影帶黎錄教育電視。除非係學校自己錄啦。所以都幾難揾到教育電視。"
係喎! 唉.....
"係呀我都記得鞋抽呀，唔知佢依家點呢？"
我半年前喺太子花園街某茶餐廳見到佢! 哈, 個樣冇乜點變, 仲有個幾索嘅女伴 tim!
新鮮兄: Yeah!
我記性又真係好好! 連幼稚園同學仔都認到呀!
樂遊兄: 好勁!!!!!!!!!!!
你知嘛, 我總共睇咗你呢個留言 n 次, n 次都笑住睇! 好撚正! ^^
Post a Comment