最後一夜~ 女人味

女人味係點？

Ummmm。。。。好難具體去形容。。。。

睇過以下呢段片，尤其是3:16到4:00嗰段，噢！Yo！Yo！Yo！女人味，滿瀉！正！

「You know what I plan to do tonight baby？。。。。
I love you all。。。。
I only want one thing from you guys，just get your ass up and dance。
Get your ass up！Get your ass up！Get your ass up！」



1987年「最後一夜」，永遠經典！

豬油撈飯

照片入面嘅係某大集團酒樓嘅豬油撈飯。(幅相真係好唔掂。。。。Sorly。。。。)

呢間大集團式酒樓，曾幾何時，佢哋嘅嘢食，一流水準。但唔知點解，由應該大約七、八年前開始，水準每況愈下，近年直情更加有點唔似樣！反而，稻香呀、明星呀、彩龍呀同彩臨門呢啲冇咁大規模嘅呢，就非常有水準！

講番呢篇主角~ 豬油撈飯，hummm。。。。幾唔掂！點唔掂？飯唔夠熱豬油唔夠香囉！正嘅豬油撈飯，係喺熱呼呼嘅上面降落香濃嘅豬油渣，又或者一湯匙豬油，再淋上好幾滴頭抽咖嘛！但呢碗，完全欠奉。

不過，我個晚仍然食得頗滋味，因為已經係兩年前嘅當晚，難得我、妖道同酒肉和尚齊人，一同成長嘅地方食晚飯。

有時，好友撈飯足以彌補一切。

誰歧視誰了？！

自從政府大力對付煙民，不單只室內地方不可以吸煙，就連很多室外的地方如巴士站和公園，都不可以吞雲吐霧。

特衰政府最鍾意學西方世界！經常說美國怎樣加拿大怎樣英國又如何。。。。但西方政府做事有效率，願意為人民服務，肯承擔，又有民主等等好事又不見特衰政府一干人等學習仿傚！

打擊吸煙，這是地球大勢所趨，你要打殘煙民 (但他們又不會禁有煙賣！嘿！真偽善！)，沒話說。我今篇亦不是罵這一樣東西。

說回自從政府大力對付煙民，數目仍有不少的煙民，唯有站在街邊為香港建立 (打造)！「國際動感霧都新景點」，站在街邊「煲煙」。

由於這樣，有些非煙民一經過這些景點，就會用手，有些甚至乎誇張地用手掩住鼻同口，更有一些呢，仲會加上用雙眼去怒「啤」！嗯，你為了自己健康，這樣子做，也是對的，實無可厚非。今次，我亦不是要罵這一樣事情。

今次我要罵的，是我親眼見過不少香港華人 (女性所佔的數目為多。而且多很多！)，當他們經過「國際動感霧都新景點」，或者經過身邊擦過的煙民，又或者同煙民平排而行的時候，如果正在食煙的是老外 (鬼佬鬼婆鬼仔鬼妹) 呢，哈哈，他們好多都不會用手，更加不會誇張地用手掩住鼻同口！用雙眼去怒「啤」？當然更加不會啦！

這，未算最肉酸~

我就曾見過公司對面的斜坡行人路 (雲咸街。相隔一條單行線馬路)，前後大約三至四個馬位，有兩伙人好努力在嘆煙。。。。幾個 OL 經過。。。。當她們經過老外在煲煙的一伙時，她們若無其事的走過。而再過幾步，當她們經過中國香港人在煲煙的一幫時，那幾個 OL，竟然變成很害怕很討厭「煙」，立刻用手掩住鼻同口！並表現出極度厭惡的表情。

真係嘔心！

清末至今，已過了百多年喇！唉，我們活於現在廿一世紀今天的人，竟仍會遇到數十年的上世紀甚至百多年前的上上世紀才會發生的事情！

原來，在心理上，十九世紀的「白禍」仍一直影響著中國人。一方面，我們無厘頭的攝於他們的「淫威」，不自覺的崇媚他們，更踩低自己同胞；另一方面呢，我們卻又對他們明罵暗諷，並整日將中國人站起來及洋人行的我們國人也行褂在嘴邊，唉，原來，我們一直沒進步過。

永遠三號．冇料八號

大家睇吓！出面嘅環境幾咁惡劣！

X 佢老味為商家做嘢嘅天文台死都唔掛8號！最好笑係話會喺黃昏五點至八點改掛8號風球！！！！！

擾民 + 愚民！！！！

香港天文台，叫香港商業天文台啦 X 鳩！

爬街天文台！

食上癮

有好多人話食乜嘢飲乜嘢會上癮，例如話飲可樂會上癮 (唔覺)、飲咖啡會上癮 (唔覺)、飲奶茶會上癮 (唔覺)、食煙會上癮 (非常正確)。。。。除咗煙仔 (妖！當然仲有軟 & 硬性毒品啦！所以，咪試！講開食煙，諗起由細玩到大嘅細哥當年同無知而又純真嘅我講話：「唓！食煙，心癮嚟咖 ja 嘛！」X 那星！呃人嘅仆街！！！！！)，我一向都認為冇嘢係會飲食上癮嘅。

但係，喔，自從幾年前喺大坑一個人住嗰時，煮過蠔皇燴意粉 (通心粉) 之後 (見當年圖)，就一直愛上。及至最近，條癮更 X 那味一發不可收拾~ 兩個幾星期食咗十餐！！！！

唔知點解，蠔油加太白粉嗰個茨汁再撈埋意粉「朕」味非常吸引我！吸引我個程度係到到而家，一諗起就流口水不特只，呢個只係形而下，唔驚驚；最杰係我個腦同心都成日飄起嗰隻味道！唔食唔舒服！好似煙癮咁！驚驚！

呢，我而家又去煮蠔皇燴意粉喇。

香港之髓

唔講咁多！去片！

小生怕怕

喺日常生活入面，有好多嘢都會令到我哋好驚好厭惡。例如最簡單最常見嘅~ 冇錢！Or，唔夠錢駛！又例如生病，細個嘅時候還好，大個咗，有番三十幾四十，小病都好 Q 驚會變成大病！又或者，係大病嘅先兆！

今篇，唔係講以上呢啲大嘢，而係講一啲日常喺我哋週圍經常會出現嘅討厭事情。

＊ 找錢嘅時候，特別係超級市場同便利店，佢哋會將啲碎銀散紙一大堆壓喺張單上面畀您！X！麻撚煩呀！討厭！

＊ 排隊嘅時候，有好多人都會喺您後面「哄」到好埋！您直頭會 feel 到佢呼吸嘅氣息！有啲仲會附加「貢」嚟「貢」去嘅動作！X！乜咁樣會排快啲嘅咩？！討厭！

＊ 搭車嘅時候，啲人 (以女人佔大多數) 嘟八達通嘅時候，會唔拎個銀包出嚟，就咁成個袋，仲要係大袋「隊」埋去，點知嘟嚟嘟去都嘟唔到，但仲要試噃，攪到好似喺到扶緊乩標緊童咁！阻住地球運行！X！討厭！

＊ 打電話去各大小公營私營機構嘅時候，呢樣唔駛多講啦！大家都知咩事！X！勁乸乞人憎！

仲有冇？！

轉口味

粥、粉、麵、飯，人體黑洞嘅我，全部啱！

平時，我哋好少餐餐粥咖，而餐餐粉、麵、飯就多的是。撇開食飯唔計，食麵當三餐我都無任歡迎。湯麵撈麵都鍾意。

不過，最近唔知點解，對麵有種膩同滯嘅感覺。因為天氣熱？但我連食撈麵都有呢種好 Heavy 嘅厭惡感噃！

反而，河粉呢，同一向忽視咗嘅米粉同粉絲，就坐正喎。尤其是乾或濕炒河粉、麻油魚露撈米、涼伴粉絲，更係近期寵幸至愛。

湯類嘅，南記嘅酸辣湯底米線簡直一絕！要大腸做伴，直情棒上棒！(Well well well。。。。好似都好 Heavy 吓。。。。)

圖片來源~ http://travel.yoho.hk/2012/0615/article_5152.html

屙之法

係人都知排便暢通嘅話，不單只人逢快事精神爽，而且仲對健康好好 tim！

又係人都知，有屎屙，屙得出屎，更要屙得順滑舒暢，甚至汹湧澎湃，石破天驚，往往力不從心，未如人意。令人好「忟」嘅真係！

當然，每個人生活習慣都唔同，好似我咁，每日至少兩次，有時仲三至四次 tim。有啲人每日一次；有 oD每兩日一次；又有啲三日一次；我認識一位女性朋友，四日一次。。。。其實，幾多日先一次，唔係問題 (太耐就梗係有問題啦！)，最慘最杰嘅係幾多日都冇得屙或者得嗰少少少少少少少。。。。

好嘞，今次同大家分享一下可以令您「去」得過癮嘅食譜。

菜~ 係人都知食菜可以令屙屎順暢，不過，食邊種菜最 work 呢？依我天才小廚師兼食聖嘅經驗，通菜、生菜同潺菜 (藤菜) 功效最好！

瓜~ 絲瓜同茄瓜。尤其是後者，勁！

糙米同香蕉呀橙呀蘋果呀都有用，但唔似以上嗰啲，唔駛食咁多都功效顯著。

講到功效顯著，勁嘢最後先出場！

登！登！

季軍~ 粟米。佢幫您洗乾洗淨個胃擦乾淨個腸，屙番出嚟仲有一粒粒，生氣勃勃，您就知佢有幾勁！
亞軍~ 酒。便泌？隊幾杯啦！要啤酒喎！隊到 High，包保您之後嗰兩日有料到！
冠軍~ 西瓜！

西瓜，只要食幾件，再飲番一兩杯水 (冰水更佳！)，包您~ 去得盡暢！！！

直頭~~~~ 自由舒暢~~~~~~~ 實在愉快~~~~~~~

「名富人飯堂」

依近日跡象，睇嚟，「政府大飯堂」係時候需要改一改啲「住所」環境同菜單嘞！因為，哈哈哈哈，越嚟越多人要走入去喎！

X！梗係唔好千祈唔好會改~

等呢班仆街知道咩叫做爬街，咩叫做辛苦，甚麼叫做折墮。

「貪 Cheap 曾」，DNLM，多麼的希望下一個輪到你！

哈哈！狼振英上台，heeeeee，真好玩！老實講，特首呢個位，已經變撚成咗一個濕鳩位。唔 Q 理邊個坐上去都「聽」吔蕉嘅！狼振英上台，比豬英年好！仲要好好多！點解呀，因為呀，而家畀到狼振英做，哈哈，即刻翻天覆地！如果畀豬英年做，噢。。。。慢慢「藕」咯~

即係，一個即刻死一個慢性陰 oD陰啲死，一樣仆街吔蕉ism！您揀邊樣？

我會揀，反正香港都冇 ga 咯，咁，X，狼振英啦，大家一齊冚家伶死得轟烈~

吓？咩話？您好滿意依家嘅香港？！您認為 X 鳩政府，甚或上街「抗爭」係有欠教養兼破壞社會和諧？！

您，請您，入世一下啦！DNLM，教吓您嘞~ 因果呀！您咪撚淨鳩係睇個果哩仆街！

俊男手記

上個星期的某一天早上，不知好嬲還是可笑。嘿，應該先是好嬲多一點，然後，就是可笑佔的多。

倪匡曾說過，這世上其實沒有醜女，只有自以為好靚，自我膨脹，但又不美的女人存在才使這世上有醜女。

對得很。那些醜女的確醜。

但我得再加以補充的是，自以為好靚，自我膨脹，但又不美，再加上動不動就以為在追求她，而即場扮成叉燒兼起「鋼」的女人，就更醜上加醜！討厭加討厭~~~~~~~

話說那天早上我從家趕去中環半山辦事，時間緊逼，我上錯了一輛加多了 S 字的新專線小巴。起初我還未發現，到到再不久當有準備上車的人問司機經不經堅道那邊，司機答：「不。」的時候，我才驚覺搭錯車！

於是，我非常有禮貌地問旁邊那位比沈殿霞瘦了兩個碼，樣貌還未至於掹鷄豆皮，只是寬臉扁鼻，頭髮散發著頗濃烈頭油味的女性動物，這條線若不經堅道，那麼是經那裡去到中環。

她，以帶著防範、抗拒而又不屑的眼神加態度搭硬邦邦的語氣答：「不經堅道！」

「那，請問經哪裡去呢？」我繼續有禮貌的問。

她明顯的不願再答卻又有答的答道：「。。。。經天橋直插去中環 IFC！」

。。。。

我還是禮貌的對她說了聲「Thank you。」

差不多經過了上環信德中心的時候，我依然禮貌地問她：「 請問在交易廣場有站嗎？」

她竟然答道：「我不知道喎！我不嬲都係在 IFC 落的喎！」

我沒有回應。

為甚麼我會說「她『竟然』答道」，因為，那輛加了 S 字的專線小巴一直駛，一直駛，並沒有在 IFC 停下，而她，那個她亦並沒有嗌「IFC 有落。」

最後，「S小巴」在交易廣場總站停下。

下車，我搖著頭，冷冷的看了她一眼。然後，我趕著上路去。我記得一點，她以怒目向我回報。

怪不得中華學聖孔子曾曰：「唯小人與女子難養也！(唯女子與小人難養也，近之則不孫，遠之則怨~《論語‧陽貨》。一笑！) 註」

我不該一竹篙打一船人。女子，好的，有教養的，大方得體的，也多的是！嗯。。。。只不過，在香港，這個國際都會，不知何故，如以上這位「扒類加烏冬」比其他地方多。

香港，離國際都會，還欠一點。都是因為~ 「妳」。

註：其實，不少都誤解了這句說話。孔子並不是歧視女人。這是他從教育的角度說的。其原為意孔子只是覺得調教女孩子比一般男生另有難度，僅此而已。

圖片來源~  http://www.openrice.hk/restaurant/sr2.htm?shopid=13351&mapType=0

愛之深。。。。

睇吓佢哋冰冷木無表情個樣！

呢啲先係以前稱霸歐洲，傲視世界，打不死，擅長後來居上，冰冷鐵血鋼一般意志嘅德國隊！

依家嘅，X，成班玻璃成群乸型咁，連殺手鐧~ 射十二碼都唔再令人害怕。。。。唉。。。。估唔到德國隊變成咁。。。。

德國隊如果想重拾昔日光輝，再稱霸，唔該放棄好睇華麗嘅足球，返番去以前實而不華，老謀深算，陰陰沉沉，低低調調扮豬食老虎嘅一套！

有乜為？！

冇人「拜」；畀人插；畀人 X；落區做 show 畀人 X 到要搵窿捐咁走；連建制派一伙共狗都唔想幫你拖；上面阿公畀嘅壓力又奇大。。。。

之前嗰兩任，尤其是「貪 Cheap 曾狗」嗰任，就最做得過！貪盡舔盡豪盡花盡歎盡，臨走立下規例以後嘅特首唔可以好似佢咁，即係冇得好似佢咁「so」咁自「豪 (自己豪自己)」，佢自己就過癮呀，爽完拍吓屁股就 bye。但以後嗰啲呢，哈哈，冇得歎，多過HK$500要上報，又冇得住總統套房，畀人管住晒昅實晒，真係~ 吹脹呀！

冇得歎、冇得威、又唔係完全話到事。。。。

唉，做個咁嘅特首，狼振英做嚟有乜為？！為乜？！有自唔在攞苦嚟辛！

「貪 Cheap 曾狗」以後，特首呢個位，做唔過！仲有，想統戰台灣？發夢~

搵吃艱難~

而家嘅香港，搵食艱難！講嘅搵食，打工又好做生意又好，固然艱難。但今次我所講嘅搵食艱難係，搵笪唔好話要好好味嘞，入到口而價錢又叫合理嘅食肆，X，真係難呀！

最近喺中環行乞鑽營，唉。。。。嘆奈何！嘆悲哀！

好似大 _ 活咁，好似用料同做法都簡 Q 單到唔恨嘅粟米肉粒飯，要28蚊喎我 X！仲要係汁少飯少！DKLM！！！！(冇幾耐之前，依家唔知仲係唔係，堂食嘅話，個碟中間正中央駭然會有「舊」嘢突 Q 咗出嚟嘅！！！！嘿！其作用，係可以裝少啲飯！正爬街折墮！)！如果叫啲複雜啲嘅，好似咩台式酥雞排飯，嘩，HK$40幾！！！！

即使係其他食肆，平均都要三十幾！

搵食艱難。搵，搵，搵，真係要搵，係咁搵，先搵到間HK$31又飽又幾好味嘅食肆。當然，咁嘅價錢嘅嘢食，都係最大路至基本嗰啲。複雜少少嘅？36蚊起啦！

搵吃艱難~

強！香港人，我們做了應該要做的事！

2003年七月一號，超過五十萬人上街怒吼爭取。九年後嘅2012年七月一號，再有不少於當年數目嘅有血性同胞走出來說不！

一個地方，如果冇問題，會咁？！

唔駛，冇嘢好講啦！

香港、香港這一代、香港的下一代，靠今天的我們喇！而至少，七月一號的昨天，我們做了應該要做的事！

Victory

補充：香港公安警犬真係可笑！牠們公佈七一遊行人數為五萬幾人 (狗龜，講大話都唔好咁 Q 離譜咁乸冇級數！！！！畀人笑撚死咖咋戇鳩鳩)！！！

另外，又喺尋日傍晚阿支阿 jor 摩洛哥發表呼籲，吠話由於中環金鐘之遊行人數眾多，所以，希望市民盡量唔好去附近觀賞煙花！ 

真係，黐撚線低鳩能！喂，第一，有眼睇嘅都知道今年七一唔只五萬幾人啦！第二，每次睇煙花嘅市民都起碼成十幾廿萬人咖啦！公安警犬你一方面又話遊行人數五萬幾，另一方面又話由於人數太多叫人唔好去睇煙花，痴膠到十彩！公安警犬，你哋唔係當香港市民無知戇鳩呀？！

以上如此行為，無知兼戇鳩嘅，係你哋呀！公安警犬天閹龜混合物。

七一不上街的幾個理由~

除非~

1. 你要搵吃~ 返工。
2. 你病了。
3. 你有惡疾，不能 (不方便) 外出。
4. 你要住院。
5. 你要照顧家人。
6. 你倦極須要休息。
7. 你有神經病。
8. 你竟然很滿意現在的香港。
9. 你奴性極其嚴重。
10. 你是建制狗奴才。
11. 你身份不便。
12. 你死了。

否則，你點可以七一不出來表達你的不滿！向群奸說：「我不好欺！」

做一個有靈魂的香港人！今天，出來吧！