最近可能天氣太熱，所以更偏愛鍾意食撈麵。講真，雲吞呀，水餃呀，牛肉呀呢類較為簡單嘅撈麵，自己整仲好！因為份量、醬料同麵質可以任憑自己喜好去話事。
就以雲吞撈麵為例，如果喺以前舊居，廚房夠大，直頭自己包。而家唯有退而求其次，買一包東東雲吞 (淘大嘅勉強可以)，或者去麵店度買啲雲吞番嚟，買一包壽桃牌蝦子麵或全蛋麵麵餅 (個人較愛粗麵) 番屋企整，煮出嚟嘅唔會同出面嘅麵舖差好遠！
好似圖中呢碗雲吞撈粗，好味到呢~
張一包雲吞同麵餅 (我通常食兩個) 放晒入個煲度，倒水浸過佢哋，然後開猛火或者中火煮，到滾嗰陣以慢火煮多一分鐘，掂。之後倒晒 oD水，倒入麻油 (豬油更佳！)、豉油同辣油 (特別推介李錦記嘅花椒辣油！正正正正正正正！！！！)，撈勻，食得。
十蚊左右一大碗好味又多料嘅雲吞撈粗，Yum Yum！
27 comments:
我就最鐘意吃蝦子雲吞撈走蠔油，不過不是間間都咁好食。
第一趟煮麵的水起晒泡，再過一過水先至落調味才食，會好一D。
蝦子蠔油撈麵正！
見我舊文：
蝦子撈麵
集體羣blog 我煮我麵
煮麵記住要過冷河~~
Uncle: 冇蠔油, 咁咪淡茂茂咯?!
Chris 兄 & Florence: 係呀. 不過我一向都冇呢個習慣. 好奇怪, 過一過水過冷河我反而食唔慣.
Space 兄: 哈, 有睇~
LDD- 可以一啖麵，一啖上湯嘛。
啊!
我好羨慕你可以食得咁清! 唉, 我真係唔係咁戒到口..... :(
朝波都幾鍾意整野食架喎。
我都唔鍾意蠔油，由細到大都唔鍾意。
包裝雲吞我鍾意食灣仔碼頭，蝦籽湯粉好正架。
嘿~ 唔係妳估! 仲要好好味!
http://conjunct.blogspot.com/2006/01/blog-post_113673646868481642.html
http://conjunct.blogspot.com/2006/01/cooking.html
http://victorvictor.blogspot.com/2007/12/blog-post_21.html
ep, must read!!!!!!!! 唔佳! ^~
幾叻仔喎！
（只要係識煮野食既人，我都覺得佢叻架啦。）
今晚打風，自己整定買返黎食呀？
今晚係羊肉牛肉娃娃菜煲.
正哩~
"幾叻仔喎！"
Of course!
叻仔 & 靚仔! Heeeee~
你屋企有無姨媽巾？
若然妳有出奇好建議嘅話, 我唔介意去買~
溫馨提示：宜家8號o者，7仔同超市仲未收，落去買返包，日用應該夠架啦，今晚臨訓前放一兩塊係床頭，需要時用。
溫馨提示：宜家8號o者，7仔同超市仲未收，落去買返包，日用應該夠架啦，今晚臨訓前放一兩塊係床頭，需要時用。
實在太溫馨啦，send左兩次喎。
頂~~~~ 挑~ 妳都黐 _ 線呀!!!!!!! (Kidding) 無端端衛生巾呀!!!!
但..... 我喺中學時候試過, 好焗! 女人真犀利~
呀哈哈哈哈哈哈~
乜你咁架，人家關心你，怕你咁補夜晚會流鼻血嘛........
你用過？點用法先？
^~ heeee heeee~
Ummm...... 真係唔係易頂! 好鬼焗真係! Wow~ 作為男人, 好難想像 feel 到如果話濕濕淋淋嗰時, 又噏住, 仲要正襟危坐咁辦公, 係要有幾咁高嘅忍耐..... 女人, 掂!
知就好啦，錫阿媽多Ｄ，對女人好Ｄ啦。
我對我所愛嘅女人, 好嘅女人, 值得對佢好嘅女人, 我會.
作為一個男人, 叫做一個男人, 其中最重要的是在女人最無助時候, 勇於暫時拋開所謂男人尊嚴, 去在她左右, 甚至去愛~
:)
...... 我都唔知自己講乜?!
:P
我知，即係你好需要女人囉。
係呀)))))))))))))))))))))) 我是變態))))))))
唔係俾我講中左呀？突然咁坦白既？:P
好眼訓啊，早抖。
（朝波，記得放包姨媽巾係床頭呀！）
......
Post a Comment