巔記麵舖

最近可能天氣太熱，所以更偏愛鍾意食撈麵。

講真，雲吞呀，水餃呀，牛肉呀呢類較為簡單嘅撈麵，自己整仲好！因為份量、醬料同麵質可以任憑自己喜好去話事。

就以雲吞撈麵為例，如果喺以前舊居，廚房夠大，直頭自己包。而家唯有退而求其次，買一包東東雲吞 (淘大嘅勉強可以)，或者去麵店度買啲雲吞番嚟，買一包壽桃牌蝦子麵或全蛋麵麵餅 (個人較愛粗麵) 番屋企整，煮出嚟嘅唔會同出面嘅麵舖差好遠！

好似圖中呢碗雲吞撈粗，好味到呢~

張一包雲吞同麵餅 (我通常食兩個) 放晒入個煲度，倒水浸過佢哋，然後開猛火或者中火煮，到滾嗰陣以慢火煮多一分鐘，掂。之後倒晒 oD水，倒入麻油 (豬油更佳！)、豉油同辣油 (特別推介李錦記嘅花椒辣油！正正正正正正正！！！！)，撈勻，食得。

十蚊左右一大碗好味又多料嘅雲吞撈粗，Yum Yum！