.jpg)
一向唔鐘意飲清湯嘅我，呢個星期都終於忍唔住要煲冬瓜湯水嚟飲。到到今日，已經係第三煲。中國湯水真係有佢獨到地方嘅！咩時節要飲咩一年四季都有清君身潤君心 o錫到您冧嘅好湯！好似而家呢啲天氣，飲有以下材料嘅冬瓜水湯，真係成個人清啲醒神啲，一日嘅熱氣「漉」氣都 bye bye~
材料有：冬瓜四分一個、荷葉、蓮蓬、赤小豆 (我鐘意大量)、扁豆、生熟薏仁 (同樣要多啲)。市面更有一包包賣嘅，裡面仲有多幾樣材料例如川太片、燈芯花同澤瀉。
如果想有味 oD同清潤中不忘補一補，可以加半隻或者一隻雞殼。味道更佳！
將全部材料放晒入個煲度，加水至浸過所有材料，用文火煲兩個半鐘至三個鐘，飲得。最近嘅天氣，唔飲唔掂！
各位，飲多啲湯水啦 (但唔係出面用味精煲嗰 oD喎)！要 o錫自己嘛~
9 comments:
It sounds like a good idea to hydrate in such hot weather. I agree: No MSG which could cause food allergy for some people.
嘩，咁多湯渣嘅！
巔巔兄：
你家中廚房是開放式，
煲湯時除了開抽氣扇，
若留在家中都幾喺嘢，
唔睇著個火又好危險，
要開衡個冷氣來煲湯？
嚴格來說,我估這是廣東特色.....南方暑濕,所以較多去濕湯。
據說,北方是不怎樣煲湯的,大多是滾湯
然而,我最怕甚麼赤小豆的去濕湯....><
這幾天不單是熱...而是覺得呼吸困難
同治堂有現成湯水賣，不用自己煲了。
微豆兄: 係呀! 好似我對味精冇敏感, 但有一次喺台北夜市度, 都食到差 oD死掉! 因為佢哋全部都將 oD味精大杓大杓咁落!
小豬哥: 唏, 料多咪正咯!
Space 兄: 冇錯! 一定要開行部冷氣, 如果唔係唔掂!
樂遊兄: 係喎! 講變化多端又真係南方嘅湯喎!
唔係哩, 試吓我今次呢煲啦, 包你話正!
Uncle: 自己煲料多湯又多呀!
冇錯! 一定要開衡部冷氣, 如果唔係唔掂!
嘩！除咗啲湯料錢，電費都貴啲，一煲湯貴過同治堂好多， 巔巔兄業主要包電費。
電費真係幾甘!
不過九月份開始好 oD! 每月有HK$300幫輕一下~
Post a Comment