靚魚豉油汁我自製

魚，用蒸，個人認為最正最好味！最能夠食出真魚味！

而蒸魚呢，蒸幾耐，固然好影響味道，碟豉油魚汁，亦係另一重點。講真，碟汁仲緊要過蒸魚時間，如果條魚蒸得唔好，但碟汁掂，一樣好味！反之，就唔得。

碟豉油魚汁，好重要！整得唔好，成條魚可以唔駛食。另外，唔係就咁淋啲豉油上去。

用一茶匙糖撈半小碗豉油，倒喺已經蒸好，鋪咗蔥絲嘅魚上面，再淋上滾油，靚正豉油魚汁即成。淋上滾油嘅時候，霹靂拍嘞爆出蔥香，魚肉更鮮嫩美滑，真係水乳交融如虎添翼！

靚蒸索魚加正汁，人間妙品！

唔駛用嗰啲咩蒸魚豉油嘅~