鬼故。。。。驚呀大佬!
講講其他嘢~
海南雞飯我好鍾意食。喺香港,以已消失嘅富麗華酒店,同而家有幸仍然喺度嘅「原宗正版」舊文華酒店嘅海南雞飯最正!
而家百物騰貴,冇錢嘅我,冇可能下下去酒店食。好嘞,出去其他嘅地方食,或者叫外賣,亦分分鐘仲貴過自己煮喎!X!香港係樂土?!
。。。。點都好,唔開心嘅嘢暫時忘記,講啲開心嘅!哈哈哈哈哈哈!就係用三幾十蚊,可以做出出色正宗嘅海南雞飯嘅飯!
今次介紹嘅係「莊記海南雞飯醬」。
呢隻「莊記海南雞飯醬」,只要喺煲飯嘅時候,加二至四湯匙 (兩人做飯兩湯匙。四人開飯四湯匙。),攪兩攪,嘩,煮出嚟嘅飯,哈,同以上嗰兩間酒店比,well,有得揮!
8 comments:
淨是點cook有味飯,冇咗雞嘅?走咗雞!
早前係超市買咗包 黃藍色嘅海南雞飯汁煮,
普通,
但在另一間超市(唔記得邊間, 哩幾個星期不斷去返我行過嘅超市都揾唔到, 好慘) 買咗兩包海南雞汁醃雞,
我用的只是冰鮮雞,
但蒸出來的味道都很正,
肉滑入味,
好想再煮啊!
(那是一小包的透明膠袋裝, 五蚊一包喳)
你有無見過呀?
新鮮人
我可以想像你果句“你有無見過呀?”
系幾咁淒厲
系囉
得飯無雞
點開餐呢?
Space 兄 & 一舊雲: 齋飯有咗呢隻醬, 一樣掂!
下次我會講點蒸雞.
新鮮兄: 叮!!!! 最慘就係搵唔番!!!!!
「莊記海南雞飯醬」可不可以用來醃雞呢?
sPace
應該都可以. 不過會好貴!
聽你們講講吓,
可能係我係德福百徍買嗰喎,
得閒去睇下先!
如果就算唔係, 都買嚟試吓啦!
Post a Comment