食蕉蕉

一向唔鍾意食生果，我係指通常一般成日都會食嗰啲，好似橙、蘋果同梨呢的咁。榴槤，西瓜，山竹就好鍾意，但唔會日日都食咖嘛。

不過，最近有所改變。不久前，我忽然習慣咗每日食蕉。食真香蕉。

而且，食嘅方式唔係就咁常規食法，係點呢，有以下幾種：

1. 用口咬開一嚿嚿「o累」喺碗度用筷子夾嚟食。

2. 第一種係清吃。呢種係用口咬開一嚿嚿，「o累」喺碗度之後，加糖漿加朱古力醬，用筷子夾嚟食。(驚大家話核突，您哋又成日話我啲食物相驚嚇，hummm，呢種食法幅相唔 post 咯都係。)

3. 搣開蕉皮之後，用匙羹刮蕉肉，即係食蕉蓉。

第二同第三種好正嘅，唔信，試試。有閒情心機嘅，仲可以將條香蕉切開兩邊，放喺個碟度，加糖漿加朱古力醬，最重要加 o埋雪糕，自製香蕉船，人生樂趣滿瀉！