好友喺台灣帶咗三樣食嘅手信番嚟畀我，其中一樣係台式鴨舌。鹵得入味辣辣地，正！極品！
台式鴨舌同港式鴨舌最大嘅分別係，前者較大同有多兩條骨肋 (見圖)。食台式鴨舌，尤其是食到嗰兩條幼細骨肋，真正會領會到食之無味棄之可惜嘅道理精髓。
話時話，台式鴨舌個賣相好似一隻隻異形咁。。。。
.jpg)
超級公司三文治
大家仲記得我好鍾意自己整嘅四寶之一嘅超級三文治嘛？前排又整過嚟食。不過今次係菜較多 (生菜)，烘到燶燶地硬身嘅超級公司三文治。
大量生菜加兩片法國車打芝士再加三數塊火腿，正正！
.jpg)
牛扒
之前又喺超級市場買咗一塊澳洲牛扒，同一盒薯餅，當自己屋企係扒房。差啲想點 o埋蠟燭發姣 tim ！
以一般厚度計，用中火將塊牛扒前面後面分別煎佢三到四分鐘左右就 very good 咖嘞！梁巔巔 <--- 好一情聖！強！
勁量巔式北京填鴨
有冇覺得喺外面食嘅北京填鴨成日都唔係幾夠喉，又食得唔夠痛快？！
學我啦！嗱，去茶樓或者燒味舖買隻燒鴨 (燒鵝又得~ 北京填鵝！掂！)，配合喺超市買番嚟嘅薄餅同海鮮甜醬，街市買嘅大蔥同紅蘿蔔，自己包嚟食！
最過癮嘅地方係，heeee heeee，用自己個口將啲燒鴨 (or 燒鵝) 咬落嚟嗰 part！好真切夠直接！甚至可以為你妳愛侶用口咬落嚟再加 o埋大蔥、紅蘿蔔條同海鮮甜醬包畀佢食，極度至愛貼心表達！冧！
.jpg)
.jpg)
邊個夠我堅！服未？！^~
.jpg){kind=link}
.jpg){kind=link}
8 comments:
我還是愛吃港式滷鴨舌多一點。
"用自己個口將啲燒鴨"咬落嚟
+
"為你愛侶用口咬落嚟"
=
服哂! orz
你下次去台灣記得帶台式鴨舌比我呀....^^辣辣地果隻, 勁好味呀......正！極品
梁巔巔
除左三文治個部份(我要走火腿吖), 其他都米攪...唔係我杯茶.
真係好多人鍾意食鴨舌, 我上次買番黎, 多多都唔夠派...
"用自己個口將啲燒鴨 (or 燒鵝) 咬落嚟嗰 part！" ><
咁你會唔會'選'白雲雞腳吖...哎! 救命.
台式鴨舌, 超愛吃~! 但香港沒有﹐ 只能吃優之良品那些﹐ 也很OK啊~!
煎牛扒﹐ 很難會不懂煎wor~﹐我覺得一套好的餐具比蠟燭更重要~!
Uncle: 港式滷鴨舌贏在滑 oD呀!
新鮮兄: 多謝! ^~
另, 舊時嗰篇, 覆咗喇! ^~
Queenie: Okay! 識貨 ar ha! ;)
Macy: 哼!!!!!!!!!!!!!!!!!!
BlingBling: 但要煎得好煎得靚就難呀!
"我覺得一套好的餐具比蠟燭更重要~!"
果然厲害!
我以為你講"片皮鴨"個動作添!
哈! ^~
Post a Comment