宵夜佳品

好多時都有食宵夜嘅習慣，唔食呢，就輾轉難眠好似怨婦咁好難瞓得著。

而食 o親都係 heavy 到好似食午餐或者晚餐咁，例如晚餐食剩嘅餸菜呀，餐蛋麵呀，餐腸麵呀，起碼都整碗麵嘅。十分之唔健康！

再係咁唔乸掂呀！但唔食又瞓唔到！只係飲杯奶唔夠喉，而且又怕屙；整三文治又麻煩。哈，最近畀我諗到食海蜇！加啲麻油同豉油撈勻佢就食得，夠簡單夠清唔油膩夠健康又好味，用海蜇嚟宵夜，一流！

鍾意宵夜嘅朋友不妨試試。

另外一提，美極嘅歐陸滋味杯細細杯但飽肚，方便快捷又好味，唔油膩，亦係宵夜佳品！