.jpg)
天才小廚師又嚟~冇新鮮雞食大家唔慣咩？！係，新鮮雞係零舍唔同，但冇法啦，鬼叫啲禽流菌咁惡！
其實，只要唔係整白切，冰鮮雞都一樣好味。當然，過時過節將隻冰鮮雞當新鮮雞咁成隻瞓喺度擺上檯就唔係咁似樣啦！大家可以諗諗用鴨代替。查實呀，鴨，仲好食過雞啦！肉地實又細嫩，冇雞咁「鞋」，又補喎！正！
講番今次要介紹嘅蠔皇雞脾。
買 oD冰鮮雞髀番嚟，用生抽、老抽同糖醃大概個零鐘。醃好，放入鑊略煎一下，然後倒咗啲油，加水，將雞脾煮熟。煮大約十至十五分鐘，再加入最重要嘅蠔茨 (一湯匙蠔油、半湯匙太白粉及一茶匙糖)，攪勻即成。
蠔皇雞髀，大人細路都鍾意！大人食起上嚟，仲有一種童年回憶 tim！
今次幅相係唔係冇之前嗰若干張咁核突，正好多呢？！哈！
註：緊記一定要用手揸嚟食，千祈唔好用刀叉筷子！咁先更有味道！
16 comments:
用水"煮"十幾分鐘,
啲肉唔會"鞋"咩?
雞肶原隻用手拿住食真係最有風味的!
PS:
係未你個MON.比較濃色呢?
我見到隻雞肶都係灰灰暗暗咁喎!
照片都係no good 呀!好似灰水雞腿.點吾用完成品+少少色或photo shop執下佢至影呢.
din din係想殺死我呢!
今日跟住嚟整咗啦
新鮮兄: 其實五分鐘都 okay (水滾開始計), 但而家 oD菌咁惡, 煮耐啲好啲!
因為我較了褐色底呀.
Ms 5耳: ..... 唔識 Photo Shop.... :(
Anonymous: Who are you? :)
好唔好味吖?
mud 原來你自己都覺得之前 d 相好核突咩？！ 唉! 點解你知仲放上o黎o架? :p
我係一個你唔識嘅人，不過睇完你個Blog會跟住一齊整嚟食...
因我係一個好鐘意煮嘢食的女仔，可能係我都係一個人住的關係嘛...，今日我仲煲咗湯，係紅蘿蔔粟米南北杏煲西施骨。
你可多D放食譜上來吖... = )
妳好! Welcome! ^^
喂, 咁整成點吖?
"紅蘿蔔粟米南北杏煲西施骨"
冬天噃, 煲 oD補啲嘛!
"你可多D放食譜上來吖... = )"
呢度 ---> http://victorvictor.blogspot.com/search/label/%E9%A3%B2%E9%A3%B2%E9%A3%9F%E9%A3%9F
仲有呢度 ---> http://conjunct.blogspot.com/2006/01/blog-post_113673646868481642.html
^~
我覺得煮得十五分鐘唔夠入味囉，可能下次當炆，用慢火煮耐D好Ｄ...
下次再試吓
:)
P.S. 一個人住, 記住好好 o錫住自己! ^^
補充: 如果想入味, 要從醃嗰部份著手.
巔巔呀.今晚有椰子花膠煲鷓鴣啊!夠補嗎?
原來係妳!
乜係我呀?匿名留言吾係我喎.我係半獨居人士.
:O
Sorly!
仲係好核突呀~
-___________-""""""
Post a Comment