牛肉湯萬歲！

平時工作忙，住嘅地方嘅廚房又細，自己又怕煩但又想一嚐肉香兼湯水滋味，好簡單，去街市或超市買一包免治牛肉，然後再買一小盒雞湯 (雞粉都得)，番屋企住牛肉湯啦！A~ 最好就唔好加啦！原汁原味嘛~

做法非常簡單！將免治牛肉全部倒晒落去個小鍋度，加一小盒雞湯再加半盒水或一盒水去滾，講究 oD嘅，加幾片薑、少少蔥花、幾條菜心同一小杯米酒，咁，一碗又補又好飲又醒神又解酒又解宿醉嘅牛肉湯即成。

而且，飲夠飲剩，可以打個蠔皇茨汁，仲可以用嚟撈白飯撈通粉撈麵 tim！百變方便好食之至！

仲有另一好飲又簡單嘅湯，下次再介紹。不過不宜飲太多，我上一次就飲 (補) 到爛口！