好鐘意食燒鵝，更鐘意食滷水鵝。好味滷水鵝有好多間，呢間乃係其中一間有正滷水鵝賣！
喺香港，呢 oD地方，彌足珍貴。我數嚟數去，港島，除咗西區，就只剩下北角一帶。
講 o緊嘅係有名嘅「正斗」~ 對面嗰間。
呢間嘢叫「生記」，喺皇后大道西近西營盤，佢賣嘅招牌獅頭滷水鵝比一般滷水鵝大隻。滷得入味，肉有質感，正！個師父刀法一流，將啲鵝肉「片」得厚薄適中，骨肉均勻，唔會骨碎碎咁「吉」口，可以食得夠放。
除咗招牌獅頭滷水鵝，「生記」仲有普通滷水鵝、滷水鴨、特種雞同一系列滷味賣。最有驚喜係有勁多平時唔易食到嘅滷味，必試必食！
店內好細，亦唔舒適，外賣較適合。
皇后大道西一帶、西營盤同西環，好嘢真係好多，有排發掘有排食！
而且，最正嘅係呢幾笪地方，好懷舊，未被低 B 政府大搞破壞，得以仍倖存自己味道，所以，喺呢幾度嘅食肆食嘢，風味氣氛特佳！
而且，最正嘅係呢幾笪地方，好懷舊，未被低 B 政府大搞破壞，得以仍倖存自己味道，所以，喺呢幾度嘅食肆食嘢，風味氣氛特佳！喺香港，呢 oD地方，彌足珍貴。我數嚟數去，港島，除咗西區，就只剩下北角一帶。
11 comments:
滷水鵝，我之所愛也，搵日去買來試試．唔知有無外買？有無限量銷售呢（一日限售xx隻嗰種）？
梗有外賣 la! ---> "店內好細，亦唔舒適，外賣較適合。"
"有無限量銷售呢（一日限售xx隻嗰種）？"
放心, 我嗰日好晏去買, 佢都仲有好多隻呢.
:)
wei...you never bring me to have nice food la....
oh! forgot to leave me name tim, gusee who i am ma.
灣仔春園街有一間的滷水很好吃，不過我未試過你提及那間。
孱仔:
多謝介紹! 等我搵日去試試! :)
Anonymous:
吓?!
喂, 大佬/大姐, 點估呀?! 開估啦頂~
梁巔巔
那種舊區,好像上環,灣仔,北角一帶,仲有呢種風味．但，買少見少咯．
常常覺得舊餐廳的味道更好，好像我以前講過係公司附近的祥利冰室咁．
係喎，近日公司對面（電氣道）有間潮州小店的滷水食物非常正，我在那裡吃過最好味的滷水旦及滷水豆腐．一流．差不多晚晚都在那開餐．它的滷鵝，清湯羊腩，涼瓜煎蛋都很美味．
Macy:
"那種舊區,好像上環,灣仔,北角一帶,仲有呢種風味．但，買少見少咯．"
係啦! 多得個低 b 政府~
"常常覺得舊餐廳的味道更好，好像我以前講過係公司附近的祥利冰室咁．"
最正係唔單只嘢好食, 仲有嗰種風味氣息 ma.
"係喎，近日公司對面（電氣道）有間潮州小店的滷水食物非常正，我在那裡吃過最好味的滷水旦及滷水豆腐．一流．差不多晚晚都在那開餐．它的滷鵝，清湯羊腩，涼瓜煎蛋都很美味．"
"滷鵝，清湯羊腩，涼瓜煎蛋"
正正正正正正正正正正正正正正正正正呀!!!!!!!!!!!!!!!!!!!!!!!!!! 等我去試!!!!!!!!!!!!!!
....食鵝的樹熊
冰室應該就快絕種啦......係熊貓死晒前的一千年就絕種。
Haaaa~
Post a Comment