講 o緊嘅，要 X 嘅係一個人，一班人，一個集團。
一個人，姓李叫超人，又名四眼佬。一班人，係佢旗下一班高層。一個集團，百乜或者乜佳超級市場。
呢間嘢喺尋日宣佈，開始唔再主動畀膠袋，原因係為咗環保。好！
我尋日去買嘢，個收銀話冇膠袋畀，如果要呢，要每個畀兩毫。
我 X！
嗱，點解要 X，點解要慶，點解要鄙撚視呢？！
如果好似之前冇膠袋日咁，嗰兩毫子係捐畀環保團體，okay！冇問題！我仲好支持 tim！但佢老味今次唔鳩係吖嘛！聽講呢兩毫子係畀佢喎！有冇搞撚錯？嗱，咪撚同我講話梁巔巔，你點知嗰兩毫子人哋用喺邊唧？！嘿，如果係，佢駛撚猶抱琵琶半遮面，又唔係這又唔係那唔乜唔物唔撚申明呀~ X 鳩！
喂，四眼佬你咪咁爬街啦 X~ 咪借環保嚟過橋諗縮數攞著數咁撚 X！好乸厚顏無恥真係！肉鳩酸核撚突！若然你直頭話：「新嘅環保袋好 Q 貴咖噃，所以要收錢囉！」嗱，呢，咁我反而唔會 X 喎！因為，咁固之然都仆街咖嘞，但都總算夠 guts 兼明刀 (劏) 明槍 (搶) 嘛！
奇怪嘅係，之前嘅膠袋都係環保膠袋，可分解嘅，點解無撚端端要整隻新嘅出嚟？！
惠康同華潤兩間超級市場都話冇打算咁做。你爬街超級市場認真 X 兼做壞個市！
四眼佬，你旗下 oD樓質素有幾「正」，執漏、管理同服務有幾好，自己知啦！真係口碑「一流」！之前你呢間超市賣「油魚」，而家又整啲咁嘅鬼鼠屎忽鬼嘢，唔怪得你咁發！
不義而富且貴，於你如浮雲？X 你啦！
17 comments:
我朝早聽話兩毛錢就是甚麼可分解的袋,唔係就俾舊袋......另外唔會主動俾袋。
詳情就不清楚了。
那些環保團體就應該立即做野
羅pk d膠袋去check,睇睇多兩毛那種是否特別環保
我反而想知如果買濕貨又怎辦呢....例如買條魚......所以我支持復辟咸水草！
唉....呢單野已經小兒科.....夠佢係五六月仆街。果陣話人好炒股唔做野，又話甚麼「左為一個鍾角人呢，見到個市緊樣，我真係好丹身」一面就密密增持這增持那,當然增持和黃(我對公司有信新).....跟住股價,有眼見啦。現在四叔出來叫大家醒定,佢就無聲狗,唔講甚麼作為中國人好單身啦，密密減持，d股價亦都有目共睹！
新o既膠袋要俾錢ga?仲要唔係捐俾慈善ga?真係唔知woh...一向都係自備環保袋.
樂遊兄: 有報應 ga! 抵佢兩個仔憎佢兼關係勁惡劣.
四 Lu: 係呀! 幾 cheap 呀妳話!
我反而鍾意好似citysuper咁,myob就可扣1毛/2毛. 香港人用咁多膠袋,都係一個大水喉,你話一日咁多人去百佳買野,每人俾2毛佢,都米話唔發上加發.
我贊成環保,但係而家攪環保的人無咩noise,反而發環保財的人仲'成功'.
係咩？！佢地三仔爺唔arm ga???我以為大仔懶係父慈子孝，細仔先至同佢唔係好arm tim 。
唔arm都無用啦，你慌佢會好似新馬仔咁樣，被d細路激死咩！
佢緊係視錢財若浮雲啦…..好似浮雲一樣多ma！
系啦，我都好反感。
仲有呀，佢間超市賣d野都唔平...我都要鬧多句!!
Wahaha!好耐冇睇dd爆粗郁人喇!
4眼佬真係好低郁!咁有錢都咁賤!
老細，睇清楚先x人啦，咁燥身體冇益呀。
1. 唔主動派膠袋，你要一樣會俾你。
2. 2毫子係自願俾，你堅持唔俾2毫子都得，屋企有個厚顏人試過，冇問題。
3. 以前每$25減一毫，而家會每$25加多相等於1毫嘅日日賞積分。
4. 呢招減咗好多impulse buying，環保第一步。例如以前會發顛唔啱用因為特價屋企有位買咗先算，而家冇帶袋響身，你個考慮會變咗我入嚟係咪有嘢買先，買完冇袋我兩隻手拎得幾多走？橫掂都梗有一間響左緊，真係仲有嘢想買拎d舊袋／通街都唔知點解會派嘅環保袋行多次係咪唔得先？
明知會俾好多叔父鬧都出，真心架。
同埋d咁細眉細眼，我好難相信要去到咁高層囉，佢地最多拍板，如無意外係內部攪csr / marketing d呀頭諗出嚟嘅。
sorry，係易賞錢，日日賞$係惠康嘅
>同埋d咁細眉細眼，我好難相信要去到
>咁高層囉，佢地最多拍板，如無意外
>係內部攪csr / marketing d呀頭諗
>出嚟嘅。
玩0下手潮州佬一家人都唔知有無去過
自己的超市買0野。
又﹐大太子應該無唔妥老皇﹐相反老皇
仲好攬住阿太子添。
Macy: 發環保財 oD爬街真係好無恥!
樂遊兄 & 收收: 佢兩個仔真係唔妥佢 ga! 但做老豆嘅, 就算個仔點唔妥自己, 都會照愛.
Joyce: 唔賤做唔到咁發呀! ^~
三三:
"sorry，係易賞錢，日日賞$係惠康嘅"
呀哈哈哈哈哈哈~~~~~ 笑到吖! 果然係 C 奶皇! 正!
"1. 唔主動派膠袋，你要一樣會俾你。"
A~ 唔係喎! 嗰日個收銀唔係咁講噃!
"2. 2毫子係自願俾，你堅持唔俾2毫子都得，屋企有個厚顏人試過，冇問題。"
嗱, 第二日畀人嘈完就係嘞!
"明知會俾好多叔父鬧都出，真心架。"
四眼佬真心搵我哋著數呀~
"同埋d咁細眉細眼，我好難相信要去到咁高層囉，佢地最多拍板，如無意外係內部攪csr / marketing d呀頭諗出嚟嘅。"
有冇睇新聞? 爬街最高層有份!
仲有, 就算係, 佢四眼佬唔曉嗌唔好 ga!?
真係冇睇喎，因為我已經約10年冇用超市袋，所以唔關我事囉。
哦~ Okay la~
我一向不光顧百X, 所以冇問題.
梁巔巔
今早幫襯完,真係無人攞膠袋喎!!連係街上面都唔見有人用佢d綠油油自動分解膠袋.
香港人真係咁'靈活',咁有'彈性'.
PS 我自備超大購物袋去買野架 ^_^
Macy,
"今早幫襯完,真係無人攞膠袋喎!!"
!!!!!!
"連係街上面都唔見有人用佢d綠油油自動分解膠袋."
妳係咪唔喺香港?!??!?!!!?!? XDDDD
"香港人真係咁'靈活',咁有'彈性'."
香港人 <--- 勁!
"PS 我自備超大購物袋去買野架 ^_^"
..... 哼!
我係唔鐘意帶購物袋吖!
..... 最多喎用少 oD囉以後....
Post a Comment