頭先經過一間鸚鵡專門店，我又在掙扎中。
但貓鐘意爪嘢，好杰喎又！
自細幾乎乜都養過，剩係未養過貓同狗。本來一直我都鐘意狗嘅，但幾年前，無端端唔知點解愛上咗貓 (尤其是英國短毛貓)。。。。鐘意佢哋神秘又有性格，又乾淨，似女囉。
但貓鐘意爪嘢，好杰喎又！
灰鸚鵡係我近年好想養嘅寵物。啲灰鸚鵡智商除咗高過貓同狗 (等於人類五至七歲智商)，靈性更勁！聽講，仲會同主人傾偈 tim！
唉，不過，有幾樣嘢我掙扎 o緊！
首先，我 oD潔癖究竟容唔容許到我自己照顧佢哋？
跟住，貓同灰鸚鵡，揀邊樣？
最後，關乎責任、承諾。貓平均有十幾廿年壽命，灰鸚鵡仲長壽，大家
估吓佢哋會有幾長命？嘩，係四十至五十年呀！有啲更會去到一甲子 tim！當四十年，分分鐘我死佢都未瓜！
估吓佢哋會有幾長命？嘩，係四十至五十年呀！有啲更會去到一甲子 tim！當四十年，分分鐘我死佢都未瓜！十月屋企大裝修，十二月六日前會裝修好，即係，十二月六號會作出決定。十二月六號好重要！好重要！
15 comments:
隨時不止四五十年，早一兩年....丘吉爾養的鸚鵡還在人世。
!!! 吓! 咁誇?!
ha, 會唔會你生日未裝修好架?
緊係養鸚鵡啦, 貓咁討厭! 我響美國時都養過一對雀, parakeets, 都算係鸚鵡同科架呵? 果陣未算有潔癖, 不過我成日放佢地出黎飛... 呀, 我放過佢地張相響blog架, 搵搵先...
牠們倆
講日廿,曥果日有個blogger都話: "好多貓僕人，早期都不喜歡貓咪，不知道什麼原因突然給貓仙人看到，下了咀咒，永不超生" --> her blog
講日廿,曥 = 講開又講 (頂, 打得咁衰!)
你又大修？我過幾日開工喇，夜晚冇得上網...
阿大:
"會唔會你生日未裝修好架?"
吓~ 記得喎! Heee! ^~
唔會咯, 兩個月都未整好?!
"我放過佢地張相響blog架, 搵搵先...
牠們倆"
番到屋企慢慢睇!
"講日廿,曥 = 講開又講 (頂, 打得咁衰!)"
Haaa, 頗樣衰~ ;P
三三: 諗起都煩!
阿大, 茂與李有妳呢位主人, 算係咁.
呀! 佢哋個籠好靚!
佢哋個籠好貴架, 仲有幾件玩具佢哋玩!
乜o的雀仔咁長命o架!
唔講真係唔知﹐其他品種呢?
巔巔兄大壽日子好易記﹐
邊會晤知十二月六日是重要日子!
阿大:
有愛心!
Space 兄:
Heeeheee! 多謝!
貓啦, 抱住佢睇電視, 俾佢盤響頭頂or sip 響格肋底訓覺...呢d親密係鸚鵡先俾到你. 當然, 如你唔想太close, 鸚鵡算囉.
總之有寵物, 點都好過無.
怒火眼睛, 但鸚鵡智商高又識講嘢感情又豐富.....
好難揀呀真係!!!!!!
喂, 怒火眼睛, 妳都好鐘意寵物. 有愛心!
"貓鐘意爪嘢..."係冇得改，但可以訓練到佢只爪某一樣野! :)
MC~
Post a Comment