「新鮮」

尋日禮拜日狂清屋企雪櫃入面嘅嘢 (用個口同個胃)，燒鵝、咖喱羊腩、豉油雞翼、糯米雞，仲有一個雪到硬「骨骨」，唔知擺咗幾耐嘅麥記至尊漢堡。

由早上到夜晚，再到沖完第二次涼後嘅宵夜，噓~ 將堆滿貨嘅雪櫃內臟清減了不少。

雪櫃入面，相對之前嚟講係清減了，但似乎仍有好多存貨。(見下圖)

突然感到，以前嘅人冇雪櫃，所以食嘅嘢都係新鮮，甚至最新鮮。現在，我哋有咗雪櫃，食嘅嘢往往反而就雪過嘅甚至過了期。。。。諷刺否？！