砂碢雲吞雞~

前幾日本來諗住包正宗北方水餃，但買唔到韮菜，您哋知嘛，正宗北方水餃，冇韮菜，就等於冇咗靈魂。雖然，有水餃係用白菜，但總係覺得唔係嗰回事，口味問題啩。白菜水餃味清，爽口，唔啱我。韮菜水餃，味濃馥，口感充實溫馨，啱我！

包唔到水餃，於是轉包雲吞。我好忠於自己，唔會欺場，梗係~ 自己食番噃！所以，落重料，包咗木耳豬肉大雲吞。

豬肉啄碎再攪爛，木耳切粒或切絲，加鹽加糖加生抽再整兩隻蛋撈呀撈，撈呀撈，係咁攪，掂~ 之後包。

包好後，放湯 (水滾後放 oD木耳大雲吞落去煮8至12分鍾就掂。)、乾食 (煮熟後唔要湯，用麻油加豉油加辣油點啲雲吞嚟食。) 或乾脆叮叮佢哋，都得。

不過我呢，呵呵呵，上述食法滿足唔到我，所以有今鋪呢個砂碢雲吞雞！勁哩~

雞皮滑滑 (第一個「滑」讀陽上聲，咁先得鏗鏘。)，雞肉嫩嫩又白白 (白白，醒目咯喎。)，雲吞啲皮又吸收咗雞湯嘅美味，啲雲吞味呢，又相向咁融入咗去整煲嘢度，美食一體化！！！！

媽咪好嘢！但各位，oD木耳大雲吞禾包嘅。注意。