仲非常，非常記得嗰晚食呢碟餸嘅時候，我嘅迷惘、驚訝同享受程度係如何。
嗰晚開飯，我一見到佢，心裡面就：「セ咁普通呀？！」但牛肉一向係小 Di Di 我嘅至愛之一，而且喎，又眼見一片片厚度出奇適中嘅牛肉，在剛炒好後，因猛烈鑊氣滾油而駛到上碟之後仍彷彿有生命咁在肉吞吞地郁動，加上片片內裡都透住微微嫣紅，我即時有反應。
到郁佢哋嘞，味道好鮮甜，牛肉味非常濃烈，比一般牛肉更牛肉。咀嚼佢嘅時候，每一下都像咬到肉嘅脈絡，連 oD肉，整體係，每一片都鬆化中但又隱含抵死嘅煙韌。
喺我躺洋喺佢美味嘅同時，仲有些少理性僅僅存在。呢僅僅理性話畀我聽總係有啲怪怪哋。。。。但又講唔出係セ。
成餐晚飯，如果唔係食到中段聽到爸媽嘅對話，我真係唔知，亦想像唔到 (答案呼之欲出啦！) 呢碟原來係齋！！！！！
味道口感全部都屬於牛肉，甚至比牛肉更加牛肉，但事實卻係素。葷與素已分不清，同時具有，食齋食到如此境界，真嘆到今是人間何世？！
寫在後面：
程霜果然厲害！堂堂男子卻不失細密心思，甚至心思稠密更勝女兒！你中了！
啲女仔，估錯晒！Heee heeee~
15 comments:
:(
"味道口感全部都屬於牛肉，甚至比牛肉更加牛肉，但事實卻係素。葷與素已分不清，同時具有，食齋食到如此境界，真嘆到今是人間何世？！"天啊！:(:(:(
好嘢，一篇文拆開兩日登！
不得不佩服程霜，果然夠深度，連巔巔食完食剩先記得拍下的照片都能分析得頭頭是道，勁！
I Hate this kind of 齋!!
牛肉就牛肉;素就素啦......
I Hate this kind of 齋!!
牛肉就牛肉;素就素啦......
同意！
那是素食的變態！
而且還加蒜片...
"小 Di Di "?
"啲女仔，估錯晒！Heee heeee~"
->你唔想大呀？
嘩...哈哈，又中啦！食多你哋幾年飯，真喺有些少分別........
各位女仕們有所不知，梁公子並非佛門中人，無需要守清規戒律，亦不用戒絕七情六慾，況且梁公子依然寄望能傳宗接代，所以葱蒜姜芹亦可入饌，齋心唔齋口實不足為過。之不過寧得罪君子，莫得罪女友。執生啦！
舞神,
首先, 唔駛咁激~
睇吓呢句~ 「食齋食到如此境界，真嘆到今是人間何世？！」
Get it? 咁都睇唔到, 點~~~~ 攪 ar?! 呵呵呵!
另加多個 Florence,
「I Hate this kind of 齋!!
牛肉就牛肉;素就素啦......」
「同意！
那是素食的變態！
而且還加蒜片... (舞神)」
嗱, 兩位, 若然係初一十五, 或其他齋戒日子, 又或是出家人, 吃這種素當然有唔妥, 不對了~
但, 如果只從吃, 或只從嘗試吃新東西的方面去看, 又有何不可呢?!
"那是素食的變態！"
唉, 舞神, 妳做セ咁燥? 阿尼陀彿~
如果這些素食能令食葷者轉而食素, 又或作為由吃葷至吃素的一個適應點, 那麼, "素食的變態" 也變得有其好處呢!
AhHaHaHaHa~
至於加蒜片, 個人喜好而已. 況且, 加一點蒜, 更惹味~ Yummy!
Un 唔 un?
一般人吃的叫「素」，出家人吃的叫「齋」，二者並無多大區別，只是叫法不同而已，唯一區別在於有無「五辛」，齋菜是不可以有五辛味的，(http://www.hkbuddhist.org/magazine/514/514_16.html)
咁蒜片是否五辛?
"一般人吃的叫「素」，出家人吃的叫「齋」，二者並無多大區別，只是叫法不同而已"
哦, I see.
蒜, 睇舞神咁嘅反應, 應該算.
sheta, 有咁嘅需要嘛, 如果一次過登出嚟, 就唔駛估啦.
霜, 咪咁 "hill"~
姐姐愛美, check 了~ 五辛: 大蒜、茖蔥、慈蔥、蘭蔥、興渠
又, 學佛人要戒食五辛，因五辛中 含有極充份的刺激性，熟吃能使人淫火焚身，生啖又易使人增高瞋恚，學佛人一有了慾念和 瞋恚，便會蒙蔽智慧，增長愚痴，妄動無明，造諸惡業。
五辛 ~ 咁深嘅
瞋恚 ~ 仲深 ( 點解點讀呀?)
原來瞋恚就是怨恨氣怒的意思~
瞋恚~ 讀親畏
ii, 興渠是一種印度香料，又名阿魏，中國不常見。此名多見於佛經，屬於佛教徒禁食的五辛。
見到咁多好似識又實在唔識o既字，即時火都嚟！ :P
我睇霍金本時間簡史中文版, 全部中文都試識, 但有 oD部份唔知嗡セ.
Post a Comment