再遇盆景

一個多月前喺灣仔遇上賣盆景的老人，估唔到，昨日竟然喺同一地點，但唔同地方再遇上。有緣千里原來真係能相會！

今次小弟我決定買多啲，鐘意嘛，冇法啦~ 一次過買咗四盆。才一百四十塊錢！真係，媽咪啊！平靚正真癲！

我仲將好 cool 嘅嗰位賣盆景的老人嘅冰山劈開，佢其實都頗為健談，不亢不卑嘅態度啲「Sell 屎」要學吓。佢仲教我應該點剪裁修葺同養肥 oD盆景。

上次唔記得影下呢架滿載盆景之車，今次補番。

P.S. 穿著紅色領就係嗰位賣盆景的老人。

盆景

記得初中時期左右，舅舅送了兩盆盆景來我家。我對此玩物 (藝術)，一見投緣。

兩棵樹分別種在兩個盆裡 (盆景主要是茶樹、羅漢松~ 俗語有云：『家有羅漢松，一世唔會窮~~~~』)，一盆周圍有山，有石，有亭，亭中有位老翁在憩息。另一盆則有兩位才子在樹下喝酒。

喜歡它的的式精巧細緻，喜歡它的古雅清幽古風，更喜歡它把實物的縮少。最妙的是將有生命的大樹「迷你」，配合其他人造的襯托，樹的靈氣，四周佈置的精巧，完全創造了一個可供人置身其中而忘卻俗世煩囂的另一真實世界。

星期六中午，有點事要去灣仔辦，經過駱克道的十字路口，看到對面街有一輛貨車停著，車內擺滿了形態各不同的盆景。我起初以為是送貨，但對我來講實在太吸引了，於是我便走過去觀賞。我問那位老者：「它們賣的嗎？」他說是。之後，我便選擇。

選擇了一會，我問到：「你認為哪幾盆靚？」他答得正：「這盆。那盆。那盆。這盆。。。。」然後，他拿了兩盆出來：「這兩盆不錯！」

其實，每一盆都好靚！

最後，我買了自己選的另一盆，才二十塊！比花墟的便宜 n 倍！我問：「你平日甚麼時候會在這裡擺賣？」

「三個月一次吧。」

我好自然的數著三個月後是幾月之際，他平和地說：「不用數了，也不用再來，我沒有規定是哪一天的。隨緣吧。」

！

我最後問：「那你的舖在哪裡？有咭片嘛？」

他搖頭：「是我自己種的。」

我拿著那盆盆景離開後，在不遠處回頭看，觀賞的人漸多，他，站在一旁，無慾無求的看著，彷如一個旁觀者。

假日閒情

長假期，去外地旅行充吓電，玩吓，固然正正！但亦未必一定要咁先夠盞。留番喺原地去渡過，只要過得其所，一樣爽！

好似小弟我咁呢，一早已準備好「過節」心情，雖然，呢幾日身體有啲唔好，更衰到 oD菌落咗肚度 (唔知點解我感冒 o親都係會咁)，攪到都有頗多時間要喺浴室度渡過，但係，並冇乜點妨礙到我去充實呢個長假期。

嗱，四 lu lu 就去旅行；五 C 就喺美國準備番嚟 Yeah Yeah Wet Wet；三 G 就盡享家庭樂兼做家務；大 Mad 啲節目就好似仲忙過番工嗰陣，而且好似喺戲院番工咁。我呢，雖則，係孤獨佬，但唔寂寞噃！除咗肚疴、瞓覺同例牌節目煲碟之外 (遲 oD我會寫番篇講碟，究竟我係點煲~)，就係如下：

沖涼~ 由於小弟潔癖，所以，每大一次必洗 pat pat 一次，加上呢幾日肚疴，就乾脆疴一鑊成身沖一鑊，結果，每沖完一次都精神爽利煥然一新一次，累積下來，到到今日嘅我，已經係全新嘅我，好 BB 嘅感覺。

沖咖啡~ 朝早起身後，無論飲唔飲，都煲一壺咖啡，然後又走去再瞓，等到啲咖啡滾嘞，咖啡香氣溢滿成間屋嘅時候，再喺床度起來，嘩~~~~ 個 feel 好正 ga！

又係沖涼~ 有別於上面嘅沖涼。

今次呢種係每日最深入去沖嘅一次。開大、洗 pat pat、用肥皂洗身、用洗頭水洗頭、再用肥皂洗身、最後再用勁熱水幾分鐘。

正！

再沖涼~ 應該係沐浴先啱！

浸喺充滿肥皂嘅熱水浴入面，瞓吓，冥想吓 (發白日夢)，自我撫摸全身吓，嘆番杯冰水，舒服到暈！

抹嘢~ 沖完之後，就攞條大毛巾將自己全身由頭到腳係咁抹，爽！抹完自己，就拎幾隻小弟僅有嘅叫做靚錶、全部袖口鈕同兩枝小提琴嚟細心咁慢慢捽捽抹抹。

唔知點解會一路抹個嘴會唔自覺咁笑。

剪嘢~ 之前小弟咪買咗盆古意盎然嘅盆景嘅，佢喺我嘅悉心照顧之下，仲加茂盛過之前。所以，亦係時候修葺一下。於是乎，將佢擺喺張檯度，我坐喺佢前面，慢慢左剪右剪，靚晒！

咁樣樣，又可以剪咗成粒幾鐘。

聽收音機~ 呢幾日天陰陰，灰暗暗，又陰陰寒，最好就係匿埋喺間房度，喺被竇入面，幻想出面係嚴冬或打風，聽住收音機 (一定要港台或商台)，到咁上下整多杯杯麵，呵呵，妙！

以上動作，看似無聊，但只要我鐘意我 enjoy，自得其樂，對我嚟講，亦係妙不可言嘅節目。

呢幾日，就係做以上嘅嘢加煲碟。聽日開始，或者會轉轉嘅~

仲有三天，祝大家繼續享受！

Hmmmmm~

。。。。落雨仲正！

下雨晚上 情緒醞釀 記掛你在何方
夜裡四蕩 無語遠望 帶醉暗罵狂莽
人潮來又往想你在旁 癡心的眼光為誰亂放
誰人明白我癡愛未忘 每天 獨來獨往

下雨晚上 無語眺望 兩眼有淚盈眶
自你去後 無數晚上 我已躺在迷惘
是你溫柔我的癡 卻會變異留不住
清風可否會傳情意 轉告未變真摯

下雨晚上 隨意四望 滿腦印象搖晃
夜雨似在 和我說著 快快告別迷惘

濃情和蜜意不會淡忘 孤單的每天像流浪漢
從來無後悔癡愛若狂 那管 獨來獨往

從來無後悔癡愛若狂 我心 依戀過往

試聽

這兩天，既灰蒙蒙，又藍鬱鬱，下著小雨點，涼意甚重，這樣的天氣，我除了睡覺之外，就係躲在家裡，又邊翻看舊碟，喝啤酒，滾著一大煲火鍋，邊想盡量捉住假日的短暫舒懷憩息閒情。

昨日下午的其中一小時多，我透過玻璃，一直看著花槽外的那四棵盆景，風吹著雨滴著，「他」們的葉按著風觸，郁動的頻率如有韻率；雨水在樹幹和葉滴嗒滴嗒，生命原來如此似詩似歌。

今天本來準備於早上，乘著這般天氣，到羅便臣道一處非常有味道的地方走一走，但起床時已是十一時多，加上嬾病作怪，也就作罷，反正本來想約一起去，想與她分享的那位朋友今天又不在狀態，還是留待他日再去吧。

所以，剛才洗過熱水浴後，坐座窗旁寫完這篇，然後又會再在家裡靜靜渡過這個週日。

補充一點衝動：這陣子，尤其是這兩天，好想養一隻貓女。