我係怪叔叔~

「兄 da 哦 ji 生~~~ 兄 da 哦 ji 生~~~」(怪叔叔)

台灣嘅電視業，肯定進步過香港嘅好多好多！無論係創意仰或購入外國嘅劇集均好過香港好多！唔講大家唔知，而電視嘅橫向式播映劇集節目，都係由台灣人發明嘅。

而且，台灣嘅有線，一季收費都只係為到港紙$500零蚊左右 (但好多人都唔駛畀錢就有得睇！因為，好多時有一家 join 咗，將個接駁器擺出嚟畀啲左鄰右里駁！大家亦識做，把互助互愛精神充份發揮，我駁你駁一齊駁！Heee heee，好正咖！)，仲有成過百個台！唔似香港嗰啲又貴又少台又搵笨 (睇咸片要另外畀錢！人哋嗰個彩虹頻道，yo！任您睇吖！仲要好睇喎！呵呵呵！)！

而在眾多節目當中，其中印象最深之一係購自日本富士電視台嘅經典喜劇電視節目~ 志村大爆笑 (志村 けんのだいじょうぶだぁ)。

呢個志村大爆笑由著名喜劇演員~ 志村健帶領演出。呢條友個人覺得仲好笑過盧海鵬同阿燦廖偉雄。事實上，台灣和香港的搞笑綜藝節目唔多唔少都有受佢影響。

成個節目每一集都由幾個固定單元組成。其中最好笑，最吸引我嘅單元係怪叔叔。怪叔叔呢部份係先嚟一段無關重要的情節，然後，無端端咁，由志村健飾演一名成日會喺各種不可思議、意想不到嘅地點如浴缸、包裹、地氈底等出沒，騷擾整蠱女人嘅古怪人。整蠱完嚇完，再喺女生嘅求救後，就會有一大群人出現然後問佢：「你係邊個？」，怪叔叔就會回答：「我係邊個？我係邊個！冇錯，我就係怪叔叔！」然後開始唱起歌兼跳怪叔叔自我介紹舞「我就係怪叔叔~~~ 我就係怪叔叔~~~~」。最後以大家好似癲咗咁跳舞，怪叔叔再大叫：「大爆笑！」結束。

好笑在志村健扮得過癮，演得抵死！怪叔叔仲會以唔同款式出現。好似有幾集佢就著住件 o騎呢泳衣，敏感部位穿住個條頸好長嘅天鵝水泡。。。。加佢個樣，呀哈哈哈哈~~~~~

呢套嘢我前後睇咗好多次，百看不厭。可惜香港冇佢嘅碟賣。好彩，喺 YouTube 有若干片段可以重溫，正！

以下呢條片就係怪叔叔嘞！但我估係後期喺第二個節目志村健再扮，玩一下，並唔係志村大爆笑時期。因為片段中其他配搭演員唔係原有嘅一班，而且片段中嘅志村健明顯已老咗好多。而志村大爆笑係上世紀87 ~ 93年嘅電視節目。

畀少少耐性，最後怪叔叔出現嗰刻真係好抵死好笑~



志村大爆笑更詳細資料

怪叔叔又嚟！

「兄 da 哦 ji 生~~~ 兄 da 哦 ji 生~~~」(怪叔叔)

無處不在嘅怪叔叔每次出現真係好抵死！

邊個係怪叔叔？睇呢度嘅介紹啦！

哈！

呢鑊，真係笑中有淚，笑住玩，笑住被 hurt 笑住 warm warm！

。。。。

今晚番到屋企，有個 Aunt 帶咗個孫女嚟，大概四、五歲，好得意！佢係咁同我玩鬥識國家嘅首都名字，我咪讓佢囉~ 嘿！點知~

輸咗之後，我吐口水 (扮)，佢竟然話：「我知你唔會吐。」然後，佢走 o埋嚟：「我知你唔會真係吐出嚟。」

「叔叔！渣嘢！」佢竟然咁講！吖頂~

。。。。

嘿！o靚妹！o靚妹，我唔同妳計較！但我好老？！

佢走嘅時候，竟然拖住佢嘅嫲嫲講：「叔叔怪雞！」

XQYZ$#XXY!#!XY!!$$XYXXXX。。。。

怪哥哥

星期2嗰晚舊同事肥妹約我今日出嚟話有心事傾，於是諗住約落中環 Dan Bar 講。我同佢講今日先再約實啦，但星期4、5就一定冇問題。佢問咩今日唔得咩？唉，今日唔係唔得，只係我最近唔知點解，如果係單人匹馬自己去 "walk" 就冇問題，但若然係有人去約嘅嗰 oD約會呢，約喺翌日嗰 oD我就好唔想去；起碼要隔一日嗰 oD先有動力應約。但我又唔係扭扭擰擰嗰種喎！唔通更。。。。唔係 fa？睇 oD婦女節目話男人50幾歲先到個噃！"Yil"！好X怪嘅自己都覺得。

結果，今日終於都取消咗，改咗 "聽" 日同佢傾。都好既，星期4或5，接近 weekend oD，個人都醒 oD！你今日飲咗未？

"國技" vs 廸士尼

今日睇新聞見到 oD自遊行旅客喺迪士尼裏面煲煙、煙頭就咁 "隊" 熄喺垃圾筒上面、隨處施展絕技一睏就 "mou"、oD仔四圍瞓。。。。etc.

最好笑其中一個鏡頭係一位喺裏面嘅清潔人員笑笑口咁叫一個表叔不要吸煙，邀請佢到第二邊嘅吸煙區繼續煲。攪掂後，嗰位清潔叔叔即刻搖搖頭、喊咁口 + 無奈咁急急腳行開。又係嘅，仲有大把額外工作要做吖嘛。

高與低

小泉純一郎堅持己見、以膽搏膽、孤注一擲，絕地翻身成功，以壓倒性姿態嬴出選戰。集所有 power 在一身，做到真正強勢政治。有嘢睇啦遲 oD。比起囂神~ 擦鞋曾的只懂舔上獻媚、巧言令色，終日只會搞小動作的醜陋行為，真係好似滿漢全席 vs 狗屎垃圾！高與低；天同地！

妙手仁心III

明顯不及 I & II 好睇，畢竟已拍到弟三輯。但當中也有驚喜，係原來已經41歲的曹永廉。佢嗰種自然生動鬼馬，但又不失真實感的小男人演繹，好搶。

等於壹號皇庭有駱應鈞；妙手仁心I 有張家輝；而家有已經41但點 scan 都只係31嘅向眾人。

See？！No one is indispensable！！

真實人肉版騙案

對由香港警察所製作的節目~ 警訊內的被騙案案件重演，尤其是老婦被騙的那些，我都嗤之以鼻，覺得不可思議。可不是嗎？在案件重演內的「情節」，如街邊假藥騙案、電話欺詐案和神棍騙財騙色案等等，簡直不可能令人會相信真的是事實之全部！

這，相信您和我都一定會有同感。

但事實上，卻，原來，真的會發生！真會有其 (奇) 事啊！而且，還分分鐘就突然發生在您我附近！(我不說發生在您我身上，touch wood 嘛！)

話說於不久前，在區區所做的公司，有一天早上，正是較為客人不多，難得清閒之時，一衣著 Smart Casual，儀表不凡，氣度十足的中年男子走進店內，於是，我的一位平日醒目又精叻的男同事便上前招呼。經過一連串的交流，我的同事回座位拿些東西時不自禁地，有點亢奮地又似自言自語又像在跟我說的道：「嘩！大客！」

他，已迷迷糊糊。很明顯。

然後，經過那廝的一系列手法，成功的完全嬴得我同事的信任，最後，他和我的同事走出店舖，「點」了我的同事走到兩條街外的地方接他的秘書。。。。詭異的地方是，同時，他正借了我同事的手提電話「在打」！

我同事走回來，跟我說這說那，最後拋出一句：「那條友 (唉，又不怪得他那刻的遣詞用字粗皮了一點！)不會那麼狼的吧？！不會騙走我的名貴手機吧？！他叫我走到兩條街外的地方接他的秘書的那刻，我都有猶一猶豫。。。。但想不可能如此『瘋狂』吧！」

。。。。結果。。。。

報了警。

警察叔叔說最近這名騙徒也很猖狂。。。。

不知這件 case 會否成為下一輯警訊的一環。。。。

從古到今，騙，騙之所以成功，都是建基於，成功於人性的貪婪、色性及同情心。在發生在我這位同事的不幸事件上，從其：「『嘩！大客！』」，除了可知他犯了貪婪之外，令我感到嘆喟是同時也被利用了他的真心好意。而另更重要的致命點，是夠瘋狂夠不可思議！

歷史上的騙案多的是！爾虞我詐！最可悲的是人民百姓的被騙！

我國有毛澤東化大革命的「真心好意騙」！利用人的赤子之心反所有，從而達到他的「我死後，我仍係神聖！不可推翻！」結果，他的大頭神力赤遍神州！傷害了多少人！

最厲害的還要數希特拉！他曾說到：「越大的謊言越好！謊話說得越大，越使人相信。因為，那是一個美麗的桃園！而且，越大的謊言，不會有人質疑它的可信性！反而更可信！」結果，德國人盡受催眠，他的鐵蹄橫掃歐洲！第二次世界大戰由此而起。

人，性本善性本惡，貪、嗔、痴，唉，即使自己修行再高，也得看看。。。。看，造化。