金魚趣

養開魚嘅人，有唔少都唔鍾意養金魚。佢哋覺得金魚冇乜美感，又大食又冇性格。

我就覺得養金魚，極爽呀！大食勁屙 (有時仲會多到屙到 lun 住一條好長好粗嘅屎！其他金魚游埋去食！食完又噴番出嚟~)，又開朗，好福氣又無拘無束天跌落嚟當被冚咁，好 happy 嘅真係！

仲有，我懷疑金魚有智商！起碼，叻過其他熱帶魚類！

好似我有一條「鴻運當頭」咁，佢除咗識返肚扮死，仲好鍾意游背泳！又有一條我估係錦鯉同金魚嘅混血魚，仲勁，佢識得「飽」字點寫！(但偏偏食得最多，長得最大係佢！)

最衰冇時間又怕煩，如果唔係，養番缸好似電視機咁大嘅生態魚缸，自己做上帝~