.jpg)
近呢一排，去咗幾笪以前經常要去會去嘅哋方，變得好勁！其中以尖沙嘴加連威老道、觀塘工業區近地鐵一帶變得最厲害！以前，講緊90年代前期到中期，我成日會去加連威老道的一排地舖買衫。嗰時嗰度，啲衫平靚正！有唔少而家我仲有著緊！
觀塘工業區，尤其是近開源道同成業街一帶，差唔多十年前左右，因工作關係要成日去，嗰陣，只覺等觀塘污煙瘴氣，冇乜好感。
呢兩處地方，淪陷晒！唔單只商廈，加連威老道啲地舖，已全部被各名牌商店攻佔。觀塘，亦矗立住唔少新商廈。
冇晒味道。
Hummmmmm，而家先感到，嗰時嘅觀塘，原來唔係咁衰嘅！都幾好呀！
4 comments:
其實觀塘工廠區唔近地鐵站的話，
改變唔算太大了，
只有部份改成高級商廈，
可能你少黎喳，
講變，
尖咀改得仲快，
我哩個大鄉里無去一排，
差點認唔到路呀。
係呀! 嗰次去加連威老道, 我真係迷咗路!!!!
尖沙咀廣東道不用說，
水警總部也被改建了，
成為1881 Heritage，
有美輪美奐商場和酒店，
但保育和保留了甚麽呢？
水警總部也被改建嗰排衰到用啲嘢包圍住啲有紀念價值嘅樹, 極樣衰!
保育保成咁, X, 獻世!
Post a Comment