喺日常生活入面，有好多嘢都會令到我哋好驚好厭惡。例如最簡單最常見嘅~ 冇錢！Or，唔夠錢駛！又例如生病，細個嘅時候還好，大個咗，有番三十幾四十，小病都好 Q 驚會變成大病！又或者，係大病嘅先兆！
今篇，唔係講以上呢啲大嘢，而係講一啲日常喺我哋週圍經常會出現嘅討厭事情。
＊ 找錢嘅時候，特別係超級市場同便利店，佢哋會將啲碎銀散紙一大堆壓喺張單上面畀您！X！麻撚煩呀！討厭！
＊ 排隊嘅時候，有好多人都會喺您後面「哄」到好埋！您直頭會 feel 到佢呼吸嘅氣息！有啲仲會附加「貢」嚟「貢」去嘅動作！X！乜咁樣會排快啲嘅咩？！討厭！
＊ 搭車嘅時候，啲人 (以女人佔大多數) 嘟八達通嘅時候，會唔拎個銀包出嚟，就咁成個袋，仲要係大袋「隊」埋去，點知嘟嚟嘟去都嘟唔到，但仲要試噃，攪到好似喺到扶緊乩標緊童咁！阻住地球運行！X！討厭！
＊ 打電話去各大小公營私營機構嘅時候，呢樣唔駛多講啦！大家都知咩事！X！勁乸乞人憎！
仲有冇？！
7 comments:
唔好諗哩啲煩嘢啦,
個人會好唔開心架,
不如諗啲開心過癮嘢仲好啦,
例如有乜好嘢食新發現,
最近係街有無見過好索嘅美女呀....
講哩啲嘢開心啲喎~~
嘻嘻~~~
我都怕, 怕喪失了某些本能....
新鮮兄: 時時唔同菜式口味, 咁先唔會悶嘛.
JY: Yil!
JY, 妳以後唔好再嚟喇.
講吓開心嘢啦,
講嘅聽嘅都開心啲嘛,
你係開心厨房美男呀,
諗返起你講過嘅生活趣聞,
依家都仲好好笑呀!
D細路當公眾場所係佢屋,喪叫喪跑,極討厭
新鮮兄: 盡量 la! 多謝欣賞! :)
樂遊兄: 有啲細路當人哋屋企係自己屋企, 仲難頂!
Post a Comment