台灣「豬油」拉麵

「豬油」拉麵，呢個名，係我作畀佢嘅。呢隻嚟自台灣嘅拉麵原名叫「五木」。

呢隻「五木」拉麵好好味，麵質勁煙韌彈牙，包汁又香又鮮甜，最精彩好嘢冇得頂嘅呢，係佢嗰包豬油 (圖中白色嗰兩包就係嘞)！真係，頂吖，只係一小包豬油 ja 嘛，就能夠將本身已經好好味嘅佢再提昇到更高境界！好 Q 讚嘆同感動呀真係！

「五木」拉麵有肉燥、香菇、海鮮同蔬菜幾種口味，個人認為肉燥同香菇味最正！

大家見到嘅話，買嚟食啦！我冇介紹錯嘅！台灣呢隻拉麵，架仔嘅都要行埋一邊！

嗯，懷念台灣其中之一，就係台灣嘅麵食同泡麵。