生活小貼士

(一)

大家一定會有試過失眠同瞓得唔好，原因有好多，例如，緊張、身體問題及飲食習慣等等。

但如果唔係以上原因，有一個日常習慣可以令人容易進入夢鄉，瞓得舒服。

呢個日常習慣 (方法)，好簡單，就係定期密啲 (大約兩星期左右，頂盡三個星期。) 更換枕頭袋同床單。最好連被袋都換 o埋。

呢個方法唔少人試過都話 work 喎！我都覺得效果確係幾好！

(二)

夏天越嚟越熱，唔好話怕熱嘅人好似我咁，就連好唔怕熱嘅人都頂唔順！

我發明嘅九陰玄寒衣係就係唔錯，不過涼快效果維持唔到幾耐。哈，最近諗到市面嘅冰涼貼，其實可以貼喺頸後面、心口、背脊同胳肋底去熱又冰涼咖噃！持久力又夠！

我試過。好掂！

唔駛唔該。