日記

＊ 今日搭 lift 嘅時候，撞見一位好耐冇見嘅 auntyyy，佢一見到我，即刻搣我甚為有肉兼可愛嘅面珠墩，好肉緊咁話：「癲仔！依家咁大個喇！有鬚 tim 噃！」

「。。。。」好彩成架 lift 得我同佢唧！

＊ 中午隊咗枝中國白酒，嘩，X，個「後座力」好勁！High 到而家！

＊ 聽日仲要去照肝，聽天由命。即係咁，有事嘅話，阿彌陀佛，生死有命，屌祢老母！。。。。冇事嘅話，好嘢！！！多謝！！！祢真好！！！我仲有劇本演讀！！！！！

＊ 其實，有事冇事，做人，個人認為，最緊要係要硬之時硬如金，要軟之時軟如舌。傷心快樂都盡情享受去到盡，那閉目一刻，都堪稱：「冇白活。我活過。」