Friday, September 16, 2011

生活小貼士

(一)

大家一定會有試過失眠同瞓得唔好,原因有好多,例如,緊張、身體問題及飲食習慣等等。

但如果唔係以上原因,有一個日常習慣可以令人容易進入夢鄉,瞓得舒服。

呢個日常習慣 (方法),好簡單,就係定期密啲 (大約兩星期左右,頂盡三個星期。) 更換枕頭袋同床單。最好連被袋都換 o埋。

呢個方法唔少人試過都話 work 喎!我都覺得效果確係幾好!

(二)

夏天越嚟越熱,唔好話怕熱嘅人好似我咁,就連好唔怕熱嘅人都頂唔順!

我發明嘅九陰玄寒衣係就係唔錯,不過涼快效果維持唔到幾耐。哈,最近諗到市面嘅冰涼貼,其實可以貼喺頸後面、心口、背脊同胳肋底去熱又冰涼咖噃!持久力又夠!

我試過。好掂!

唔駛唔該。

5 comments:

新鮮人 said...

我好少失眠,
咁大個人次數十隻手指夠數有多,
不過換被袋係好方法,
因為人體皮毛碎會滋生大量塵滿和跳蚤,
成床都係你唔覺架,
用特顯微鏡就嚇襯人了,
佢地晚晚係咁咬你,
所以一定睡得唔好囉,
我至少一個月洗被枕一次,
仲要落埋滴露,
再加猛太陽曬一日,
咁就正正啦。

早前同你提過吉之島有售的冰涼噴霧效果一般,
你都係用返你的土法玄寒衣吧!

梁巔巔 said...

係! 啲枕頭袋, 床單同被袋一耐咗冇換, 瞓覺嗰陣真係會痕!

舞了 said...

我正受失眠之苦, 還感到時熱時冷的.

一舊雲 said...

大字形躺在床上
深吸一口氣
想像手和腳伸長
一直伸長....
深呼氣

如此
反复

對失眠是有效的

另外
那個土法玄寒衣
穿了之後不會滴水嗎
(冰箱拿出來的東西遇熱都嘛會滴水耶)

梁巔巔 said...

JY: 咁妳要去睇吓中醫呀! 小心身體!

一舊雲: 仲有一法, 用其中一隻手輕揉另一隻手嘅手腕.

唏, 衫唔會 ga! 妳都試吓 la!