這泡麵！

照片中嘅杯麵 (泡麵)，係叫維力炸醬麵，台灣出嘅，我喺台灣五年食足五年 (另一隻浪味炒麵都係！)，好好味，乾食濕食都同樣好嘢！

乾食一碗兩吃，另一碗係清湯，一啖炸醬麵一啖清湯，味道好夾！濕食味道濃馥，有啲似麻辣麵。

估唔到最近喺「賒粉」見到！不過，成HK$9.9一碗！！！冇計啦，即刻整番碗懷念一下台灣，回憶一番台灣當年情。

台灣啲泡麵，無論係牌子數量、質素同花樣，個人認為駕於香港嘅。驚喜係，祖國嘅呢，好似康師傅系列，竟然出奇地有水準，有部份仲拍得住咖仔嘅 tim！

下次有機會寫寫國內嘅即食麵。